إهداء إلى سمو سيدي ولي العهد الأمير #محمد_بن_سلمان بن عبدالعزيز آل سعود
من الدكتور نايف محمد الحسان
.
لمتابعة الفنان ماجد الرسلاني عبرالصفحات الإجتماعية والموسيقية :
alfan.link/Maj...
.
معك ياقائد النهضة - ماجد الرسلاني (حصرياً) | 2024
كلمات : إبراهيم بن خليل الحسان
اداء : ماجد الرسلاني
ألحان واشراف فني : احمد عبدالقادر
التوزيع الموسيقي : محمد كامل
مكس وماسترينج :م.محمد الحميري
كلمات الأغنية :
من إستحضار للماضي خذيت الراحلين شهود..
وانا دايم مواثيقي على اللي فات.. مبنيّة.
عن الماضي من الحاضر تجاوبني نصيحة عود..
وصيّة شايبٍ تكفي عن الأعمال و النيّة: .
سوى الثنتين ما نقبل لو إنّا نندفن بالعود
ولانا للملوك، و إنتمانا للسعودية.
ولو تعرض لنا الدنيا عوض عنها بدون حدود..
تعاف نْفوسنا كل الدول ، لأجل السعودية .
خلقنا في ثرى هذا البلد يا محمد آل سعود..
و نْرخص دونهاْ الدم، وتعيش الدار محميّة.
نبايعكم على قمة طويق الشاهق المشهود..
ولاهي بيعة أرباب الفساد ولا الحرامية.
لكم بأعناقنا بيعة وفاء ياسيّدي وعهود..
قبل تخلق مشاريه الرِجال، ونارها حيّة.
إلى من شاقت النفس العزيزة ريحة البارود.
ترى شغمومنا عنده على النيران ماريّة.
تعزوينا بأخو نورة وأخو نورة سليل الجود.
إلى وصلت محكّ العظم صرنا حسنة وسيّة.
يا أعدل من حكم وأنصف وجاب الطايلة والزود.
وتساوت عنده حقوق السعودي دون حزبيّة.
يا ورثة من عدل عوج الكبار ونوّخ المقصود.
و وحّد في ذراه أطهر وطن بأحكام شرعيّة.
عليك المدح لا هبّت شمال وذعذعنّ النود.
يجي من دون وقفات الكبير وقبل طاريّه.
إذا صدر الشمال أوسع عن اللي دون والمنقود..
ترى هذا الشعب كله صدوره لك شماليّة.
تقدّم يا عظُم شانك، وحنا في ذراك سنود.
نسيّرها على دربٍ هل العوجا مناهيّه.
معاكم من بدأ التاريخ يوم إن اللياليْ السود..
تْرد الرَجل عن شوره ويرجع عن مساعيّه.
مَعَكْ يا قايد النهضة مَعَكْ يا سيفنا المجرود..
على عْنان السماء نمشي ووجهْتنا سماويّة..
شبيه معزّي محمد نهار المعضلة والكود..
له قلوب البشر ترقب كالأقمار الصناعيّة..
تجيه أعظم مقاليد الأمور مقيّدة بقيود..
وتروح مْحرَّرة مثل الطليق ليا لقى فيّة .
له العالَم وقف دهشة، وحنا شعبه المحسود..
على ما الله عطى هذيْ البلاد من الخصوصيّة..
ولله الثناء كله، وسبحان الله المعبود..
رزقنا بأبلجٍ فوق البسيطة ما يجي زيّه..
وسم عنوانها: سمعًا وطاعة يا عيال العود.
وباقي ما تشيل من الرسايل.. غير مخفيّة.
سعوديين ما نرضى سوى سلمان وآل سعود..
ولا نقبل سوى محمد فخر شعب السعودية.
#ماجد_الرسلاني
#معك_يا_قائد_النهضة
#اليوم_الوطني
#نحلم_ونحقق
19 сен 2024
