أنا سبق استخدمت الديزل ...كلامك صحيح إلا في شغله ..التحمية في الشتاء مبالغة نص ساعة .. وإذا الجو بارد بالحيل يعني إذا وصلت درجة الحرارة صفر أو حولها تحتاج تحمية الكثير 15 دقيقة لأنه كل سيارات الديزل الآن فيها نظام التسخين وعلامتها في الطبلون سلك ملتوي برتقالي ....أما سالفة التبريد بعد خط طويل حتى سيارات البنزين المفترض تبرد شوي لأن اطفاء المكينة بسرعة يؤثر على البلوف ...فيه شغلة مهمة جداً جداً ماذكرها ابو سطام لا تتعامل مع سيارة الديزل مثل البنزين يعني إذا أنت من النوع اللي ما يعبي إلا إذا ولعت اللمبه فلا تقرب سيارة الديزل ابداً ، سيارة الديزل لا يقل التانكي عن الثلث إذا أنت تبي تحافظ على الطرمبه ....لا تحاول تشد على الموتر بالحيل في القيض الظهر لأن التوربو يحتر وهذا ماهو خاص بالديزل هذا حتى في سيارات البنزين اللي فيها توربو والآن كثير منها صارت توربو....وأخيراً ترى الديزل الجديد راح ينزل في 1/1/2022 لكنه راح يكون غالي
@@user-sssmmm ابو سطام للعلم ترى مشكلة السيارات اللي غير مهيئة للديزل عالي الكبريت ماهو خلل الفلتر ...المشكلة راح تتأثر البخاخات ..لأن الفلتر ماهو مخصص لإلتقاط الكبريت مخصص لإلتقاط الشوائب .. وفيه شغله مهمة نسيت اذكرها ..لازم الواحد اللي يستخدم الديزل يحافظ على فلاتر الهواء اكثر من البنزين لأن الديزل يلقط الغبار...وفيه شغله ثانية اللي يأخذ سيارة ديزل يلغي نظام EGR وهو نظام اعادة تدوير غاز العادم الى المكينة وهذا النظام يدمر ثلاجة المكينة وهو نظام محافظة على البيئة ...وفيه شغلة ..يفضل تركيب لاقط بخار الزيت ( كاتش كان ) لأن نسبة تبخير زيت مكينة الديزل اعلى من البنزين لعدة اسباب ومنها التوربو....هذي كل الملاحظات عن تجربة بسيارات الديزل.... والله يجزاك خير لتوعيك للناس
ياكثر ماسمعت (( الديزل عندنا مونظيف )) + (( بيرتفع الديزل )) للأمانه هذي مقولة اتحدى احد يثبتها عملي فقط يتداولونها وللمعلومية استخدمت كيا كرنفال سنة ونص وعبيت من محطات كثيييرة ومختلفة ولا واجهت اي مشكلة ولله الحمد ... وخلال هالمدة زاد السعر ١٠ هلللات فققققققققط ...وبالنسبة للسفر امسك خطوووط واول مااوصل اطفيه ولا انتظر ولا شي ...حتى تحميه شغل وتوكل على الله مافيه لا انتظار ولا هم يحزنوووون .... تحياتي لك وللجميييييع ...
سبحان الله وبحمده عدد خلقه ورضا نفسه وزنه عرشه ومداد كلماته سبحان الله وبحمده عدد خلقه ورضا نفسه وزنه عرشه ومداد كلماته سبحان الله وبحمده عدد خلقه ورضا نفسه وزنه عرشه ومداد كلماته اللهم صل وسلم وبارك على سيدنا محمد
معي ونيت مستوبيشي ديزل ماشي حول ٢٥٠ الف اسافر عليه واتعامل معه زي السياره البنزين وياليل وياعين بسم الله ما شاء الله امشي على الزيت ٨ الف احيان ١٠ وكل الكلام الى قلته للديزل للمكاين والسيارات القديمه الجديده اهم شي غير فلتلر ديزل كل ٤٠ الف فقط وادعيلي
معي ديزل فوتشنر ٢.٨ مديل ٢٠٢٠ اغير زيت الماكينة من ٣٢٠٠ إلى ٣٥٠٠ بسبب ان الزيت لما افكه اغيره حسب تغير لون الزيت هو اللي يحدد لك وقت تغيير الزيت ف الممشى ٣٥٠٠ هو انسب ممشى لتغيير الزيت ويفرق معك إذا السيارة ضربت مشوار كبير أو إذا كانت تحت مظله. وفيه فلتر الزيت اللي تغيرة كل ٤٠ ألف هذا غيرته على ٤٠ ألف ولما فكيته حصلته نظيف جدا إشكالية الديزل هي شغلة وحده فقط اللي هو بالبر اذا حس الموتر انه مسك غراز مهما دعست مستحيل انه يشد معك إلا إذا شغلت الدبل. اتمنى اني افدتكم بهذي التجربة
صراحة لي ساعتين ابحث باليوتيوب عن معلومات مهمة عن الديزل والمشكلة مالقيت معلومة الى الآن كل المقاطع يتكلمون عن الديزل بشكل عام ياخي غلط عليكم يقول المثل العربي القديم بالمثال يتضح المقال يعني اضرب لي مثال مو تقول الديزل يبي له كذا وما ادري ايش الآن حنا في ٢٠٢٣ ممكن كل كلامكم هذا على السيارات القديمة انا اشوف ناس يستخدمون سيارة الديزل مثل البنزين يشغل على طول ويطفي على طول وماشي الوضع يعني انا ابي ام يو اكس ديزل الجديدة هل لازم اعاملها نفس المعاملة اللي تقولون عنها؟ طيب هي من ايسوزو وايسوزو امبراطورية الديزل ممكن مو لازم اعامل السيارة نفس ماتقولون عادي اشغل وامشي بس ياليت لو انكم ضاربين لنا امثلة
اسعد الله مساك بو سطام، عندي سؤال. فحص السيارة اليوم ينتهي واقرب موعد بعد 10 ايام اذا بروح بالسيارة الجامعه هل يخلفوني او يعطوني مهلة كم يوم؟ الله يسعدك احتاج إجابه 😢
وانا مثلك بس نوع ديزل جديد ولافقط تسعيره ؟ اذا نوع ديزل جديد حلو لانه مايضر السياره مثل الديزل اللي موجود الان وصحيح سعره بيكون مثل البنزين بس شوف كم كيلو يمشيك
انا مستخدم ديزل 5 سنوات عيوبها هايلكس 12 دبل ديزل - الموتر ثقيل في الخط - وفي المرتفعات الجبال لازم تحط الدبل الخفيف وتشد عليها بنمره ١ او دبل ثقيل - الديزل وسخ لازم الفلتر يتغير مع كل تغييرتين زيت 5000 الف - مشاكل الديزل كثيره وخراباته واجده - صوت مزعج من الاخير ماهو كفو -
نص ساعه وين عشر دقايق بالبرد ماتتعدى يالحبيب عموما بها جهاز تسخين تشغله وتجي وهي ساخنه وعموما الديزل صيانته كثير ودخان واجد اذا منت محافظ والطرمبه سعرها غالي وتخرب خصوصا الكهربائيه
@@user-sssmmm لا والله عند راعي معرض. ياخوك. وقال على الشرط يطلع شي اتحمل قيمت الفحص وانا والله ماعمري شريت موتر ديزل ولا اعرف له طريق حياتي كلها بنزين. الطائف 🇸🇦😍✋
تصحيحاً للمعلومه الديزل اذا انت جاي من خط ودخلت المدينه تتمشى ع الراحه. وتاهذ دوار وتلف مع تقاطع. يعني هديت السرعه. مايحتاج تطفي عشان التيربو. ماتهدي. يبدى يبرد 2 ماله علاقه بالمكينه. الهدف التيربو من عدم اطفاء المحرك دايركت. وهاذي تسويها اذا انت ع خط ودخلت محطه تخليه 3 دقايق. ثم تطفيهاا او اذا شفت المحطه من بعيد تهدي ادى سرعة 90 ع ماتاصل يكون برد التيربو. الزيت. مكتوب في الكتلوج ع حسب وكالة السياره شغلت زيت خاص للديزل هاذا شغل تسويق شركات الزيت كله واحد وبيركب في مكينه لها بستم سواء ديزل او بانزين. انت سيارتي ديزل واحط لهاا. زيت تخليقي بالكامل. 5W40 التحميه 3 دياقيق وامشي بالراحه شرط مايتعدى الطغظ 2. تغير الفلاتر مهم جداً. كل 40 كيلو. تنضيف فلتر الهواء مهم جداً علماً السياره اذا توصخ فدتر الهواء تصير ثقيله في ممشاها. هاذي العلامه الي تعرف ان يحتاج تنضيف عكس البانزين ماتحس به اذا وصخ بخصوص سعر الديزل بيرتفع هاذي اشاعه مستحيل يرتفع. اذا ارتفع راح ترتفع المعيشه الديزل مرتبط مع الشاحنات والبواخر والقطار. والمصانع. اغلبهم ديزل اذا ارتفع. راح يرتفع كلشي. غير البانزين. شخصي للمواطنين. وانصح كل واحد ياخذ ديزل ويترك. الكلام الفاضي. سيارات كهرب وشحن كهرب واقتصاد.
معلومات قديمة خصوصا في التحمية عند التشغيل و الانتظار قبل ماتطفي هذي حتى الشاحانات اصبح شيئ قديم الان الديزل تيربو ويسخن بسرعة و تطفيه عاااادي جدا اتمنى تحدث المعلومات هذي بخصوص نوع الديزل عندنا فأضف له ان النوع المتوفر عندنا محليا هو ديزل الدرجة الثانية الديزل النضيف السوبر و الدرجة اولى يتم تصديره لانه اعلى سعر والاستهلاك المحلى للانواع الاخرى
تقدر تاخذ سيارات موديل 2021 وتحت نفس النظام القديم اللي تقول عنه يطبقونه في الجديد مايقدر يطبقونه في موديلات نزلت في الشوارع وصارت الناس مالكتها لكن في الجديد ممكن اما القديم مستحيل تقدر تاخذ الموتر من صاحبه وتقول ابغير لك قطع داخليه وارجعه لك نفس الكلام للشاحنات ماتقدر تغير الموديلات القديمه
سيارات الديزل سعرها طاير بدون سبب فرقها عن البنزين 40 الف للتايوتا و الديماكس الصيني والنافارا مقطوعه من الوكالات بسبب تأجر ابن كلب والكلام اللي نسمعه أن الجمارك لها دور في تقنين استيراد سيارات الديزل الجديدة
@@user-sssmmm وهذا القناعة اللي وصلت لها ، بلا ديزل بلاهم ، ٤٠ سنه نسوق بنزين وحفضنا حتى طريقة عمل محركة وتطبيقه في الأخير نغير على ديزل يذبحنا بغثاه عشان فرق ألف او ألفين في السنه، وهو اصلا قيمته غالية جداً.
انا عايش في أوروبا و اغلب السيارات الصغيرة هنا ديزل و البنزين نادر و نتعامل مع سيارات الديزل كأنها بنزين طبعا في فرق بالديزل بين الدول العربية و اوروبا. طبعا هنا الديزل انظف بس مشكلة الديزل الصوت فيها جدا مزعج و العزل في المصقورة سيء رغم أنها سيارات أوروبية و جديدة تسوق سيارة bmw او مرسيدس جديد و تسمع صوتها كأنها دينا و في فرق كبير بالعزم و التسارع حتى لو كان عليها توربو بالمختصر انا اكره سيارات الديزل و اعتبروها تحييز😁