معلومات و نصائح عن تخصص الحقوق ___كل ما تستحق ان تعرفه على تخصص الحقوق في الجامعة 

كتجربة شخصية مع الحقوق حبيت أنقول انو الحقوق مليحة و شيقة و السنة الأولى ساهلة بإعتبارها عموميات و باقي السنوات أيضا برك لازم شوية تركيز و الأهم الدخول للمحاضرات و ذلك لتفادي دوامة جمع المحاضرات وأنا في البداية ظنيت أن الحقوق حفظ لكن بعدها إكتشفت أنه تلخيص لأهم النقاط و من الأفضل الإعتماد على وضع رسومات لضمان سهولة و سرعة الإستعاب و بالنسبة للراطراباج أنا كنت نمشي بمقولة نعي مرة وحدى برك مادام التحضير يكون فمن الأفضل التركيز من أول مرة و الحمد لله 5 سنين جامي أدخلت للإستدراك و أخيرا الحقوق يخلي الإنسان يكتسب ثقة كبيرة بالنفس و هيبة

حتى انا قريت حقوق وكنت ديما ننجح بمعدل مليح حمد الله بصح مكملتش ماستر تخليت على قرايتي وتزوجت وندمت ياريت كملت قرايتي ننصحكم لبنات متسمحوش في احلامكم وطموحاتكم على جال اي شخص

انا من عشاق الحقوق وكانت امنيتي نولي محامية بصح للاسف مجبتش الباك تزوجت وضرك نشوف فهاذ الفيديو ونتحصر مكتوب

حبيت نصححلك حاجة، ماشي لازم لي يقرا في لافاك يدخل راتراباج، انا جامي دخلت راتراباج و كاين بزااااااااف لي جامي دخلو راتراباج، بالتوفيق و ربي معاك

ربي يجعل الفيديو اللي درتيه في ميزان حسناتك والله ساعدتينا بزاف وربي يحفظك

انا تاني ماكنتش حابة ندير حقوق جوزت باك علوم ووحبيت تخصص في الطب لكن المكتوب رحت حقوق و الان نخدم محامية. نصيحة الحقوق ماتعولوش على لي تقراوه في الفاك لا ان لا علاقة مع لي قريت و مع الواقع في الخدمة باه تنجح لازم المطالعة جميع كتب الحقوق و الوجيزات لازم يكون عندك كم هائل من المعلومات و ثقافة و خاصة الذكاء

هذا فيديو مهم جدا نورمالمون الانسان يكون يعرف كلش على اي قانون

انا ديت الباك العام هادا حلمي من وانا صغيرة نولي قاضية و لي نقلو حقوق يتخلع كامل قالولي لا زم تحفض و غيير حفييضة ❤❤شكرا لييك عثيتيني دافع اكثر بش نقراها و نوصل سكارا فيهم

اختي هادوك الكتوب شريتيهم ؟ و أي سنة نسحقوهم ؟ و راني حابة نكون مع لي ماجور اسك نقدر ؟

انا حابة هذا التخصص وإن شاء الله نتوفق في دراستي في هذا التخصص ❤

انا مزالني بيام فقط وحلمي اقرأ حقوق وحبيت نطلع على معلومات عنها أكثر

ههه اول مرة دخلت قريت حضرت محاضرة تاع القانون دستوري عند الاستاذ خشايمة الله يحفضو أستاذ رااائع من ولاية قالمة والان اني حايرة اسكو نكمل ماستار على خاطر الحقوق فالماستار كلش اوبليجي الكور والتيدي وخايفة نندم

حتى انا قريت لغات و كنت حابة نقرى لغة انجليزية بزاف على خاطر متمكنة منها و الحمدلله ،، بصح مكتبليش رب و بعتوني حقوق و قريت و تخرجت و الحمدلله و العاقبة للجميع ان شاء الله ..

شكرا بزاااف انا درت حقوق حبي ليها بصح كنت خايفة بزااف من دخلة فيها مرسييييي بزااااف

انا تاني ختي زينب كنت لغات كنت حابا انجلزي مي مدولي حقوق وناس بدات اهبطلي فالمورال بلي حقوق مشي مليحة حبيتك اعطيني نصاءح باش نقتنع ونرضي بتخصص حقوق من خلال تجربتك اختي زينب

انا قريت اقتصاد كملت ماستر 2 بصراحة مكنتش نحضر لي كور وجامي دخلت راطراباج نقرا ليلة لكنترول مليح ونركز نفهم بلا منحفظ وكملت عوامي هك وتخرجت بمتياز ☺

الحمد لله درت الحقوق وماندمتش لاني كان لي شغف اكبر منذ الصغر 😂الحمد لله على التسديد صوب الهدف 😂واتمنى من الجميع ان يصلوا الى أهدافها وان لايستسلموا بل يركضوا نحطها حتى الوصول😂😂😂😂😂 بإذن الله تعالى😂

شيبتني السنة الثانية مي الحمدلله فوتناها مليحة و كون يعاود يولي بيا الزمان نخدم فيها كثر والله تسما حطو راسكم وكنت نحب الدرس تع المساهمة في الجريمة و القضايا تاوعو حالااا

ارواحي شوفي الحقوق فتبسة 😢😢 يسموها طب تبسة بصح مليحة لحقوق و ربي يوفقك ختي

❤وانا في ليسي كنت لغات ونحوس على تخصص انجليزية وعطاوني وحقوق وࢪضيت بيها وان شاء الله نتفوق فيها ياࢪب ❤🤲🏻🥺

معليش رابط دروس السنة الاولى حابة ندي نظرة برك

Mrciiiii khti rbi yhfdaQ ana lbar7 wjhouni droit wfrht biha psq mnli kont sghira nhbha pour ton mdayra les langhee

ان شاء الله يارب تكتبنا يارب 🙏🙏 هاد العام الباك ان شاء الله ندوه 🙏🙏

سلام اختي معليش توريلنا كتب السنة الأولى حقوق الجامعية ؟؟ ماشي الخارجية

في tdكيفاه نقراو كيفاه نديرو بحوث

تخصص الحقوق من التخصصات الي فيها جو مليء بالمتعة والتشويق يعني كل محاضرة تشوقك باش تحضري لموراها وفيه نوع من المتعة في دراسة وتحليل القضايا و المواد القانونية ومناقشتها وبالخصوص المدني والاداري انا تحصلت على ماستر 2حقوق تخصص قانون طبي والحمد لله ربي ينجح كل الطلبة

المصطلحات القانونية نقروهم غير باللغه الفرنسية والانجليزية لا؟

مرسي ختي ربي يعيشك ديري الفيديوهات كيما هاك انا حابة ندير حقوق و حابة نعرف واش يقراو

انا ديت الباك علوم تجريبية ديت 12.53 و حابة ندير حقوق هل هو تتفكير عقلاني ؟؟ و هل تخصص حقوق فيه فرص عمل كبيرة ؟؟

و الله يا ختي كيفي سبحان الله كنت حابة أونقلي معطاوهاليش و قريت عام أدب و هاد العام راح ندير حقوق إن شاء الله

يا عمري نتي مدانية حتى انا و حا ندير حقوق 😍❤

مرسي حببتي مي كيفاش نحي الحشمة كي ندير اكسبوزي أو كيفاش راح ندير اكسبوزي أو انا راسي يابس ف لحفيظة تعيشو رايو عليا😔😔😔😥😥

مساء الخير اختي اين تتوفر هذه الكتب اجيبيني بارك الله فيك❤❤

ختي خصني المواد تاع 1er année كاش ما ندي عليهم نظرة و نبحث شويا ربي يخليك

هاد العام راح نقراو انجليزية مع الحقوق ؟؟؟ ولا فرنسية انا منحبش الفرنسية نتمنى الانجليزية

ربي يحفظك وربي يقبل 😄😃❤💪💙

اختي على وجه ربي راني في حيرة قريب نمرض و راسي عاد يضرني من تخمام،ذركا انا قريت سنة اولى علوم اجتماعية و ذركا درت فلي شوا ارطفونيا و قالولي ازربي بدلي ديري علم الاجتماع هو لي فيه فرص عمل احسن.انصحيني اختي و زيدي سقسيلي كشما تعرفي ناس ربي يحفظك.

اختي زينب اريد نصيحتك لي تم توجيهي استاذة تعليم متوسط لغة انجليزية المدرسة العليا للأساتذة ensb و معدلي 16 في بكالوريا عندما قدمت شكوى لكي انتقل لطور ثانوي قالولي ماعنديش الحق كنت حابة ليسي بسكو معدلي يسمح لي و يكفي و ضروك خفت يلا ماننجمش للغة الانجليزية رغم ان مستواي متوسط و راني خايفة يلا تكون صعبة الدراسة و الامتحانات و سقسيت قالولي ديري ترونسفار تاريخ و جغرافيا طور ثانوي مليحة بزاف و قراية ساهلة راني ضايعة ماعرفت ماندير راني خايفة نضيع مستقبلي بسبب تخصص و انا تعبت باه تحصلت على هذا المعدل 😩😩😩🤕🤕 شكرا على فيديوهاتك الرائعة انتظر الرد .

*حبيباتي نوروني الله ينوركم متندموش و متخسروا والو متحشمونيش 💞 بنات بلادي الله يعطيكم ما تتمناو*

والله كيما انا كنت حاب أونقلي و درتها مي رماوني حقوق و دكا راني سنة ثالثة حقوق الحمدلله مليحة

اختي معليش تقوليلي انا تخصص تاعي حقوق وحابة كي نخلص لقراية نخدم في شركة كيفاه نقدر نخدم فيها وش يطلب مني

شو الإيجابي في دراسة الحقوق .شو الأشياء الي تخليها ممتعة وجميلة وهل صعبة ومعقدة أو جيدة؟

مرسي يحفظك ماكنتش حاسبا الحقوق هكا انا تاني كنت حابة انجليزي مي الله غالب ربي ينجحك في حياتك عاونتيني بزاف❤

سبحان الله نتي كيفي كنت حابا anglais mais dommage ba3touni droit tl3tili lmrl drk merci

مدية اااه ياختي لو كان تجي لسعيد حمدين تفهمي مليح واش معنتها تزيار و حقرة و معريفة. و الأصفار.

السلام عليكم اختي تعيشي فديو لطريقة المخططات جامي خدمتهم وحابة نتعلمهم انا سنة اولى حقوق

والله مام انا حبيت نقرى إنجليزية مي رماوني حقوق 😩 كاش حل

Ana thani hadh al 3am dit al bac ta3. .كان حلمي ندير ألمانيةdawni allmend mais malheureusement b3ida bzf dok décidit ndir droit mrc pour le vidéo khalani nbadal rayi

مشكورة الاخت ، فهمينا من وين نجيبو الكتب هدوك وفهمينا فلكراريس شحال نحتاجو واي نوعية

زيدي احكي معلومات جدد عليه حاليا

merci lik okhti walah ghir a3titini lcourage rani zdomt way 3la rabi

ادعولي نجيب لباك ب 14 حابة ندير حقوق على وجه ربي😢😢😢

انا جامي دخلت راطراباج وراني خايفا ميقبلونيش في الماستر 😢😢😢

تعيشي منين نجيب هاذوك لكتوبة؟

شكراا

شكرا حبوبة ربي يحفظك ❤

شكرا أختي ربي يحفظك

انا حابة ندير حقوق سنة مي طلعت معدل 9وخايفة مايعطاوهاليش وزيد مديتش معدل مليح في مادة الادب العربي مع العلم انا شعبة علوم تجريبية تقدرو تنصحوني؟

انا عندي ليسونس ادب ولغة تركية وعمري اربعة وعشرين سنة وتمنيت نزيد نقرا حقوق تنصحيني نزيد نقرا حقوق ؟ مع العلم انو عمري اربعة وعشرين سنة

شكرا اختي على المعلومات القيمة انا اريد ان ادرس حقوق لكن خايفة ما نوفقش بين البت ومسؤولية تلاولاد لان الجامعة بعيدة وطريقة TD خايفة نخسر تلمحاضرات ونجيبش علامة جيدة واش تنصحيني الله يخليك

المشكل ليس في دراسة الحقوق بل العكس هي دراسة روعة ، ولكن المشكل في المهن في المستقبل ،لأن العمل غير مضمون ولي كونكور يطولو بزاف باش يحلو

استاذ قنفوذ استاذ الدستوري بزاااف هايل

Ana kont haba anglais wela français Après khouya li 9ali diri droit mliha prcq les langues 9adra tet3almihom diri hadja li tekhadmi biha ou tedamni khedma prcq anglais français a par ens ghir khtik

انا غايضتني كي مدرتهاش وزدت شفت فيديو تحطمت😭💔

Wlh srali kifek ana khtarit english w dit 15 fl bac w medouli Droit w rani n9raha w welit nhebha hmdlh rabi ywafa9na

هل استطيع تبديل في الافواج عادي ام لا

Khti kifah na9dar nkml "juge" fahmini chuia wach fiha les choix

أختي ماكنش كيفاش تقري في انترانت

جميل جدا حلمي أني أصبح قاضي ادعو لي بنجاح

شكرا اختي عجبني الفيديو هادا و عجبتني طريقة شرحك لتخصص الحقوق انا حااب ندير هااد التخصص مدابيك الى تعااونيني وين الكلية المليحة الي تدرس هااد التخصص مليح واش هما التخصصات الي فيه

وعلاه مكملتش اللايف

لي تقرى علوم اقتصادية تمدلي لمحة صغيرة بليييز شيرات

يخي نقراو بالعربية منقراوش بالفرنسي ولا انجليزي

نقدر نقراها ونعاود الباك اسك عدنا الوقت ???

انا عندي عام هاذا باك نشاء الله نجيبوا يارب وندير حقوق بصح قالولي فيها مشاكل صحيح؟

ختي نقدر ندير procureur كي نكمل ليسونس ؟؟؟

بارك الله فيك نصائح قيمة

حقيقة انا مانيش حابة ندخل للجاميعة مع اني رابحة الباك بمعدل كبير واش ندير راني حايرة 🤔😔😔😔

Merci beaucoup hbb'ti hfdk ❤️❤️❤️❤️💋

Stp khti comment je peux te contacter ?

انا سنة ثانية وش نشري ديت معدل اول10.55بسك ديتها تمسخير سوماستر تاني ديت14.33وعجبتني قراية تاع ندي معدل وهادا عام حابة نقرا صح انصحيني وش نشري

انا ثان درت ا نجلي وممدوهاليش مدولي حقوق

عندي سؤال احكيلنا كيفاه نوليو محامين ولا قضاة واش من قانون عام او خاص وكي تكملي ماستار ودكتورا تولي استاذ حابا نعرف لحوايج هادو جوبيني؟

انا جبت باك و يعتوني حقوق مكتوب في خيارات جامعة جزائر 1 هذي سعيد حمدين و لا وين ❤😅

سلام اختي شكرا على المعلومات هدوك الكتب منين شريتهم؟

اختي عفوا انا نحبك ونحب نسمع فيديو تيعك مع كل لحتراماتي طولي في هدرتك ياسر فبديو تيعك كامل فوق ربع ساعة متقوليلش نمد ابمعلومات ونهدر كلش كاين وحايد 5 دقايق نفهمو كلش اختصري حبيبتي 💗💗

وشكون لي قالك بلي لازم تدخلي رتراباج في الحقوق كاين من لا فامي تاعي قراوها وتفوقو فيها والآن رآهم قضاة ومحاميين

معدل القبول في الجامعات الجزائرية شعبة آداب وفلسفة ؟؟؟؟؟!

ختي زينب ربي يحفظك قوليلي انا درست شعة تسيير واتصاد فليسي ودروك ني نيتنا النتيجة تاع الباك وحلمي ندير حقوق واش نجم نديرها وشحال لازمني لمعدل ربي يخليك حبيبة ردي عليا ني نستناكي 💖

تعيشو قولولي وش هوما مناصب العمل لي كاينة فيه؟؟

انا درت علم اجتماع لي قرأها و لا يعرفها يحكيلي شويا عليها؟

ختي راح ندير حقوق ان شاء الله بصح خوفوني قالولي صعيبة

باك 2024 انشالله يمدولي حقوق ❤❤

خاوتي تعيشو قوليلي وش لازم نشري ادوات سنة اولى حقوق؟

Le contenu de ta chaine a change apres ta rupture ... Tu etais fiancee ou en couple t'as parle beaucoup sur le mariage et tout et maintenant tu parles etudes et tout Jespere que tu reviens sur ces sujets

ختي كي ندير حقوق وانا صعبة عليا فرنسي نقدر نقروا بانجلزية

بصح سؤال كيفاش نجيبوا كراس تاع 4 هادوك المقسومين

وشنو هوما مواد ؟

زينب مغسي بزاف ربي يحفضك اعطني باجة نتاع الفيس بوك راني ملقتهاش 💕💕

انا ديت معدل 12 باه تنصحيني حقوق ولا ع اجتماعية