معلومة يجهلها كثير من الناس بخصوص الدعم السكني 

شكرا جزيلا فعلا مهم الواحد يدرس الموضوع حتى لو اخذ منه وقت وجهد وكلام معقد بس ولا يتورط بورطة كبرى لا مخرج منها

ياخي الفاضل انا رحت البنك التجاري وقدمت ع وحده جاهز م السوق قيمة الوحده ٥٢٠ الف وطلعت ارباح البنك ٥٠٠الف طبعن الارباح بتتسدد ع طريق صنوق العقاري طيب الصندوق العقاري ايش مستفيده من ذا كله انا اشوف انه مو مستفيده شي طيب ليش متعطي المواطن سكن بدون مقابل لان الصندوق العقاري بيدفع ال ٥٠٠الف للبنك التجاري ونت تدفع قيمة العقار ليييييييييش ميعطو كل مواطن سكن وخلاص بدون مقابل المستفيد الوحيد البنك التجاري فقط قسم بالله حرام الا يسير ف المواطن مهو لاقي بيت يعزو طيب ف ناس رواتبهم مره ضعيفه ولبنك التجاري ميعطه ولا حتا قرض عادي كيف بي يعطيه قرض عقاري انا اشوف ان وزارة الاسكان تعيد النظر ف موضوع البنك التجاري

لو فيه مصداقيه كان البنك يبرم العقد بينه و بين الصندوق العقاري و يتم تسليمه للمواطن حسب اقصاد محدده و يكون المواطن سلم من الفوائد اللي يجبر عليها الان.

نصيحة فلنترك بيت الدنيا ولو تعيش بشقه أجار ومستور الحال ومبسوط وبرضه افضل من ان تقضي اكثر من ثلث عمرك في سداد القروض فلنجهز لدار الاخره نسال الله حسن الخاتمة والقبر مترين في عرض متر والموقع بلاش ليس تثبيط ولكن الأغلبية ماعندهم القدرة على هذي القروض وإنما جبر للخواطر وعيش حياتك على مبدأ اسعد نفسك بنفسك وأكبر نعمة نعمة الإسلام ومن كان معافاً في بدنه آمناً في سربه او بيته يملك قوت يومه اي يملك طعام هذا اليوم فقد حيزت له الدنيا بحذافيرها اي فقد جمعت له الدنيا بكل ما فيها . نسال الله الجنة

الله يزينها من عنده ☝️ يفرج هم كل مهموم ومهمومه

اخ سليمان الله يحفظك المعلومة اللي فعلاً يجهلها الجميع عدى موظفين صندوق التنمية العقاري وسكني هي : وضع حامل خطاب الإفادة ( مستفيد ثاني ) هذي المعلومة اللي نحتاج من يوضحها لنا وسلامتك.

يارجال محنا طالبين البشر اللى خلقنا وقدر اقدارنا اعظم وارحم

انا كنت باخذ القرض وكلمت ثنين محامين وقرأو العقود وانصحوني ماخذه يحق لصندوق التنميه رفع الدعم وتنزيله يعني لو الصندوق يدعمك ب ٢٥٠٠ شهريا ممكن بعد كم سنه ينزل الدعم ويدعمك ب ٢٠٠ ريال ولو صار فيه عجز بأي ميزانيه مستقبليه ممكن يتوقف الدعم عنك وتاكل هواء ممكن تنفصل ممكن تنسجن ممكن وممكن ويطير بيتك ويطالبونك ولذلك انتبهوا انتبهوا

انا معاك في كل اللي قلته مية في المية لكن في نقطة ؟ كيف البنك يطرد العميل من العقار او يسحب العقار لهذه الدرجة وبكل سهولة وين الأمان للمواطن من الناحية هذه والان البنوك تعفي المتوفين ويتحول صك العقار باسم الورثه

والله ظلم في ظلم. انا ياشباب اختصرت الموضوع من اساسه اعمل في القطاع الخاص.باقي لي على التقاعد 8 سنوات.متزوج ولدي اولاد.اشتريت شقه اربع غرف وصاله ومنافعهن بالاسكندريه ب 80 الف ريال.وفرشتها والحمد لله.كل سنه اروح اصيف فيها.لا وفاتح لي هناك مطعم شغال 100% ولا تقاعدت اروح هناك أوسع صدري انا والمعزبه.وتقاعدي يعيشني هناك باشا...هذا احسن حل لقيته بعيد عن الربا.والديون اللي تقصف العمر..

الصراحه شرحك ماهو واضح وزاد الموضوع غموض لو اخذت بيت بمليون ريال ، نصها تتحمل الدوله فوائدها ونصها ياخذ عليها البنك فوائد منك. البنك ياخذ من راتبك كل القسط كل شهر وبعد يوم او يومين الدوله ترجع لحسابك نسبة الفوائد الي اخذها البنك على الخمس مئة الف الي الدوله تتحمل فوائدها هذا الي فهمت صححوني اذا انا غلطان

أزمة رهن عقاري سوف تصيب المواطنين ، كما حصل في أمريكا قبل أكثر من 10 سنوات . تكرار نفس الأمر بالضبط .

المشكلة الوحيدة اللي اقترفتها الدولة انها تركت تجار التراب يلعبون بالعقار لمدة 40 سنة لكن للأسف ايضا جهل كثيرمن اباءنا واجدادنا بأهمية العقار هو اللي نكبنا انا شخصيا ساكن في اجار وبالرغم ان راتبي ولله الحمد يعتبر جيد كمقياس الا اني مااقدر اشتري بيت قبل عمر الـ50 بسبب البنوك ودعم الدولة الضعيف وهذا يجبرني اعتمد بعد الله وادخر مبلغ شهري الدولة بعد ماكتشفت ان النسبة الأعظم من الشعب لا يمتلك بيت وان الاراضي ارتفعت اسعارها بعد دخول المطورين الجشعين صارت الحلول صعبة جدا في المدن الكبيرة ابوي وابوك وفلان وعلان اللي كانت امورهم سهاالات ايام التسعينيات الميلادية كانت الاراضي في متناول اليد بل انها تمر على مسامهم ولا يلقون لها بال ! والله اراضي تباع ب 10 الاف في وسط الاحياء وانا اذكر جاكس اللي بالدرعية كانت على 10 و15 الف هذا الكلام في بداية الالفيه يوم الناس منشغلة في الأسهم وفي احياء كثيرة اراضي من 300 و 400 متر بهالاسعار الآن ماتلقاها بأقل من 400 الف قس عليها بقية الأراضي والاحياء حتى 400 الف يالله تجيب لك ارض 250 متر وفي حي ماودك تمر عليه بسيارتك حطين الآن اللي متره فوق الخمسة والستة الاف والله انه في بداية الألفية كان بألف وميتين !! وفيه اغلب القصور اللي الآن موجودة يعني لحد يقول كانت اراضي فاضية والى وقت قريب 2005 قبل طيحة الأسهم كانت الاسعار في متناول اليد انا شخصيا واقف على مخطط الرحاب اول مااعلنوا عنه واتصلت على الوالد وقلت له يبه ترا المتر ب 500 سكني و 1500 تجاري والمخطط مكانه زين الكلام ذا في 2006 تقريبا قال لا بشتري مزرعة في العيينه ! الان متره مايقل عن ال3 الاف لحد يلوم الدولة في الوقت الحالي الارزاق بيد الله وطارت مع الناس الفاهمة ولا الومهم هذا رزقهم مشكلتنا معهم جشعهم وتلاعبهم بالاسعار عموما الحل الوحيد للدولة هو توزيع السكان بعيدا عن المدن الكبيرة وبناء اراضي جديدة وتوزيعها للمستفيدين المستحقين ويشرطون عليه البناء لان مشكلتنا الحقيقية مع الأرض وليست البناء, البناء امره هين اللي عنده فرصة يهج من الرياض لايتركها نصيحة لوجه الله حتى الاجارات بترتفع بسبب توجه الدولة الغريب في زيادة سكان الرياض 40% عن الرقم الحالي !!

الاراضي في السعودية بران متناثرة انا مدري لماذا هذا الغلا الفاحش و هذه الدورة الكبيرة و اشغال الناس في امر بالامكان حله و توجيه عقول الناس لاشياء تنفع الوطن من انتاج او فنون او ابتكارات او تعلم او تعليم

بصراحة انا اشوف انه يرجع يعطونا.،٥٠٠ الف افضل ونشتري مباشره لا نحتاج قرض من بنك ونرتاح من فوائد البنك بعد

والله أني أجهل امور كثيره مع العلم أني بصفتي متقاعد بتقرير طبي وراتبي قليل4000 الاف وعلي التزام بنكي فشي طبيعي بكون مرفوض من الاسكان ومن البنك الله يعوضنا في الاخره

الله كريم ع أصحاب الرواتب الضعيفة مثلي.. تقاعدت مبكر بسبب جلطة قديمة... وكل بنك يرفض اعطائي قرض لبناء الأرض... وحتى الآن ندعي الله.. ونشوف الأسباب وين هي... ما بقي لنا الا ديوان المظالم... والا تسحب الأرض خلال ٣ سنوات... والحمدلله على صبر طال والنهاية... شبه مستحيلة... أو كن فيكون من رب العالمين....

حسبي الله ونعم الوكيل طبيعى ينفصل أو يمرض وش ذنب أهله يضيعون

والله انك ضيعتنا أكثر واكثر مابقي أي احد الا تكلم في هذا الدعم حتى العجايز .. ماعاد يمديهم يسولفوا ..بسواليفهم الخاصه كل اهتمامهم أيضا الدعم والدعم ..يجيلك ..وما يجيلك وعمرك وما عمرك وراتبك اقل وراتبك اكثر وعليك شي وما عليك شي وقاعد ولا قائم .. وسيارت بكب ولا سيدان .. وتفطر فول ولا شكشوكه.. ...ولا حول ولا قوة إلا بالله العلي العضيم...

كلامك فيه الصح وفي الخطاء اولا الدوله ملزمه بدفع أرباح البنك بموجب عقد مع المستفيد الشى الثاني البيت يسجل باسم المستفيد بكتابه العدل ويكون مرهون لدى البنك حتى نهايه العقد وفي حاله الوفاه البنك يعفى المستفيد إجباري من وزاره الماليه عن أي مبالغ وينقل البيت باسم الورثه

اي والله خير الكلام ما قل و دل يجزاك خير يا رب

بالمختصر الصندوق العقاري طلع نفسه خارج الموضوع وانت والبنك البيت مرهون للبنك اذا مت او عجزت عن السداد الله يخلف عليك بخير انت وعيالك طار البيت وطارت الاقساط اللي دفعتها والله ثم والله البنك مايرحمك لا انت ولا اولادك نصيحه اذا ماقدرت تبني بيت بمجهود وفلوسك خلك في الاجار ابرك لك

جزاك الله خير ورحم الله والديك

بارك الله فيك كلامك صحيح الاسبوع الي فات رحت لانها الاجرآات وسألت الموظف هل اوقع على 500 الف قال لا توقع على كامل المبلغ 500 بفوائدها قلت انا مدعوم من الصندوق قال ما لنا علاقة في الصندوق توقع انت على كامل المبلغ علشان نظمن حقنا لو مادعمك الصندوق والصندوق حاط شرط توقع عليه ومضمونه انه يحق للصندوق تغيير سياسة المالية دون الرجوع للقضاء او المحاكم

الحمد لله الذي عافانا مما تورط فية كثيرا من الناس. واسأل الله ان يخارجهم من اهل الجشع

العقار ارتفعت أسعاره بسبب الدعم يعني الدعم ١٤٠ ألف كان المتر ب٥٠ ريال صار ب١٢٠ ريال والمواد ارتفعت والايدي العامله ارتفعت والأراضي ارتفعت

إخواني أنا مقدم على البنك عام ١٤١٩ وطلع إسمي قبل النظام الجديد يعني مستحق قبل النظام الجديد فطلبو مني تحديث وماحدثت وإجحاف إني أُعامل بالنظام الجديد بعد كل هالعمر ،فليس لدي معرفة مالذي يتوجب علي القيام به وإلى أين أتجه أفيدوني جزاكم الله خيراً.

الدوله ماعليها نقص تقدر تبني لكل مواطن بيت بدون مقابل

الواضح لي انه قرض ربوي محرم بغض النظر الصندوق يغطي الفوائد او لا الله يبعده عني وعنكم

باختصار بالإمارات الذي يتزوج يعطونه أرض وقرض عشان يبني مجاناً لا يردها ولا يسدد

بيض الله وجهك علا الشرح لا والله ما طولت علا ما قالو عطيتنا الزبده

السلام عليكم انا اشوف انه مناسب انك تاخذ بيت وعمرك صغير مايوصل عمرك ٣٥ الا انك تملك بيت لك ولعيالك ومستحيل تجمع حق ٦٤٠ الف لكن ٢٠ سنه وانت بيتك حر وبنهاية في ناس للوقت الحالي في الايجار يدفع شي في مستقبل به احسن من انه يدفع بس كذا والعمر يمشي وناس كثير أعمارهم ٥٠ وفوق ال ٥٠ ومايملك بيت

سبحان الله وبحمده سبحان الله العظيم ♥️🕊 ‏حٌباً لِرسول الله | صلُو عليه ♥️.

والله الواحد صار يدرس فكرة بيت بالخارج اسعار معقوله واجواء بارده عندنا سلق بالأسعار والأجواء

العقد شريعة المتعاقدين انابيني وبين البنك عقد يلزمني ويلزم البنك ليش البنك ماله دخل الان بعد تغير موعد صرف رواتب المتقاعدين اصبح الدعم ماينزل بعد الراتب بيوم اويومين بل بعد ٢٤ يوم ياليت ينظر فهذا الموضوع

ربي يجزيك خير ع المعومه شكرا جزيلا

الله يبيض وجهك كلامك 👍👍👍

سبحان الله وبحمده عدد خلقه ورضا نفسه وزنة عرشه ومداد كلماته 3 مرات

طيب هذا معروف أخي الكريم .. ولكن السؤال هنا .. هل هناك خوف من هذا القرض مستقبلاً أم لا ؟ علماً بأن القرض مأمن عليه ويعفى المقترض تماماً في حالة الوفاة والعجز الكامل .. ومادام أنت ملتزم بالسداد ويوجد هناك استقطاع من الراتب شهرياً دون تأخير فما هي المشكلة ؟ نرغب التوضيح في هذا الأمر بارك الله فيك . وتحياتي لك ..

الله يخلي البوسنه والهرسك 200الف تبنيلك فله على الطبيعه. واغلب السعوديين مايبنون الا قد ضاع شبابهم ابركلك البوسنه على الاقل تتقعد وانت في بيت ملك وعالطبيعه ودجاج عندك وماعز هايدي قدامك يراكض

على سبيل المثال فيه اشخاص أخذوا قرض عقاري مع قرض شخصي من أجل شراء قطعة أرض لكي يتم البناء عليها ولكن الكارثة ان القرض العاري والشخصي لم يكفي للبناء لذلك توقف المكتوب وخيرا عرض العقار للبيع والسبب عجزه عن تكملة البناء وذكر ان العقار مرهون للبنك

لأحتمال إلغاء الدعم ... فالبنك التجاري يعطيك كامل المبلغ ويأخذ منك القسط وربما دفع لك بنك التسليف بعض المبلغ ...

هل الدعم السكني مضمون حتى نهاية السداد والا ناكل خابور؟ انا غير مقتنع بالدعم السكني ربما يتوقف بأي وقت ..

مختصر الكلام بعد خمس او ستة راح يتوقف الدعم وراح تاكلها بقصد عالي جدا ممكن تصير متقاعد وتاكلها بزايده

بيض الله وجهك شرح كافي و وافي

تعطيني ٥٠٠.٠٠٠ وتاخذ ٨٠٠.٠٠٠ هذا ربا مهو قرض اجمع راتب لمدة 5 سنوات واشوف لي شغله لين يكتمل المبلغ وابني بيت وشوله قرض عشرين سنه وبهذله راتبي مثلا 7000 اخذ 4000 واجمعهم 4000*12=48000 الف 48000*5=240000الف الارض بلقاها ب140الف بحي بعيد عن الغلاء الفاحش مساحتها 750 متر مربع يعني 375 بالقاها ب80 الى 100الف وابدا ابني بالاربعه الف لين ابني دور حبه حبه ونصيحة الي ناوي يطبقها يستخير الله في كل شي ويتوكل على الله في كل شي بكل صغيره وكبيره الي عنده فكره جديده غير هذي يفيدني اهم شي بعيد عن الربا

البنك ياكل وصاحب العقار ياكل والدعم بالقطاره والمواطن يتنتف تنتيف مع العصفور هههه

بما ان الصندوق العقاري ماله دخل بينك وبين البنك التجاري ليش يتوقف دعم الصندوق العقاري في حال توقفت عن سداد البنك التجاري؟انا والبنك نتصافى ليش يوقف الدعم للمواطن؟

الدوله ولله الحمد تضمن الارباح على ٥٠٠٠٠٠ على شكل دعم وما زاد على ٥٠٠٠٠٠ يعني عقار ٦٠٠٠٠ تدفع وتقسط الميه بالفوايد على ٢٠/٢٥/حسب عمرك لكن ما ضيق على الناس الا فوايد ٥٠٠ وارباحها زادت الاقساط حتى لو انك مدعوم هنا مشكلة الناس لكن في نقطه اجابيه وهو تملك بيتك وتسلم الايجار وممكن تجمع او تشتغل شغله وتدفع مبكر حق ٥سنوات او ثمان قيمة ٥٠٠٠٠ المتبقيه وتسقط الارباح مع الدعم حسب كلام الصندوق لنفرض ان الي باقي في ٦ سنوات ٢٤٠٠٠٠ الصندوق مثلا ١٦٠٠٠٠ باقي تسقط الارباح ٨٠٠٠٠ تسدد ١٦٠٠٠٠وتفك البيت هذا حسب الصندوق لا ادري عن البنك مفعل الكلام هذا ام لا من له علم اكيد ينور الناس والله يحفظ الجميع

صحيح انا كنت في بنك البلاد اليوم وقالوا لي نفس كلامك بالضبط، وهنا المشكلة اذا تغيرت الانظمة بعد سنوات او توقف دعم الصندوق العقاري بقرار من جهه عليا... وكلام بنك البلاد اليوم اذا تخلفت عن السداد شهر يتوقف الدعم الا اذا حضرت وسددت يستمر. طلبت منهم ٥٠٠ الف وقسطها ٣الاف واجمالي ٩٣١ الف بمعنى ٤٣١ الف أرباح لهم لمدة ٢٥ سنه،،

فيه عقد ثلاثي بيني وبين البنك التجاري وبين البنك التجاري والبنك العقاري بالالتزام بالدعم

الي بيدخل في معاملات ربوية ما راح يتوفق قال تعالى : ﴿يا أَيُّهَا الَّذينَ آمَنُوا اتَّقُوا اللَّهَ وَذَروا ما بَقِيَ مِنَ الرِّبا إِن كُنتُم مُؤمِنينَ﴾﴿فَإِن لَم تَفعَلوا فَأذَنوا بِحَربٍ مِنَ اللَّهِ وَرَسولِهِ وَإِن تُبتُم فَلَكُم رُءوسُ أَموالِكُم لا تَظلِمونَ وَلا تُظلَمونَ﴾ [البقرة: ٢٧٩]

الله يجزاك أخوي سليمان، عندي استفسار مالقيت جواب واضح من وزارة الاسكان. 1- هل اذا سجلت في الاسكان وظهر لي مستحق مباشرة يحق لي اخذ قرض مدعوم، ولا فيه انتظار؟ 2- مسألة الفوائد تخوف جداً، وأنا أبغى ابني مع اخوي والحمد الله ماعلينا التزامات، فهل يمكن جعل مدة التمويل 10 سنوات؟ الحقيقة بعد ماشفت شرحك عن القرض والشروط شي يخوف...والظاهر إني باخذ قرض شخصي واخوي ياخذ ايضاً والفوائد 40 الف على القرضين، ولا ينشال عني الدعم وادفع مبالغ طائله.

السؤال المهم والاهم ياناس هل شراء بيت جاهز عن طريق البنك الاهلي حلال او حرام ذا الشي اللي مخليني اتردد ودي والله اخذ بس الخوف انه يكون ربا ولاكن الله ييسرها اذا احد عنده علم او قد استفتاء فيه يفيدنا وشكرًا

لكن لاتدفع عنك الارباح كاملة (آلية عمل الصندوق ثابتة بفعض العملا تدفع لهم الارباح الكاملة لو 900الف والبعض الاخر الاخر يقف دعمهم على 500الف فقط ) عندي اثبات بعقود مختلفة

بصراحة نظام الصندوق العقاري والاسكان غير قانوني نهائيا كيف أخذ قرض من البنك وكيف يدعمني الصندوق العقاري بمبلغ وكيف يحول الصندوق العقاري مليارات للبنوك وكيف تأخذ البنوك فوائد من المقترض غير قانونية نهائيا بحيث يفترض تكون الفوائد محدده أو قيمه مضافه ضريبه 2% والفقراء والمرضى والمحتاجين إذا لم يكن لديهم دخل أو راتب شهري فمن يدعهم وكان يفترض تكون القروض عن طريق الصندوق العقاري واستقطاع شهري من راتب المقترض ولم يسدد تحال معاملته للمحكمه حتى يسدد وبذلك لايمكن نجد احد في الانتظار والفقراء والمرضى يسدد عنهم الضمان باستقطاع من مساعداتهم شهريآ وبذلك كل شيء على أكمل وجه وقانونيآ ولكن حسبنا الله ونعم الوكيل على كل الفاسدين الظالمين

طيب مثلا اذا صار شي او تغيير مستقبلا الغ العقد اذا مايناسبك واعتبر الفترة اللي سكنت بها (استهلكتها) هي فترة ايجار بهالحاله منتب خسران ولا اتوقع انه شي يردك ماتاخذ القرض بالنهايه هو قرض يعني اللي تاخذه ترجعه اما الدعم للفائده فقط واهمشي الاستخارة والله ولي التوفيق

الله يبارك فيك حسبناها وحاولنا نشترك تطبيق معلق. ومواقع سكني محذوفه في المناطق النائية وليتهم يردون عليك هاتف اوقبول طلبات لكن يخلف الله.

يا أخي زدتها ضبابية . الشئ الواضح اللي ما أحد ينكره : إن القرض العقاري 500 انت يا مواطن تردها 950 وقد تصل المليون . انتهى

الدوله تتملص من مسؤليتها تجاه المواطن وترمينا على البنوك واصبحنا مخيرين يانعيش بربع الراتب ونوفر السكن يانعيش مستأجرين

أحسنت على التوضيح .. توضيح مهم .. بارك الله فيك ..

السلام عليكم انا شريت شقه٥٥٥ الف ريال وانا دفعة مبلغ مقدم للبنك العربي ٥٥الف ريال و الصندوق العقاري ادعم ٤٥٥الف فقط عام ٢٠١٨م انا متلخبط في كل هذا بين البنكين الصندوق العقاري والبنك العربي المده ٢١سنه بعد ما آخذة الصك من المحكمة مكتوب في الصك ٨٥٠الف ريال حتى البنك العربي ماحط نص ريال معناها في تلاعب على المواطن وما نقول الا حسبنا الله ونعم الوكيل فيهم والله في تلاعب قوي الأول صاحب /الشقه رافع السعر الثاني البنك العربي ٣٠٠الف لهم ليش الثالث /والله اعلم موظفين الصندوق العقاري من الممكن اتفاق مع البنك العربي وصاحب البيت

طيب وليش هاللفة كلها أعطوني الثلاثمئة يالدعم السكني وتكفيني اسوي منزل أحلامي بحط معها اللي حوشته طول السنين وبصلح بيت صغيرون يكفيني انا وعيالي ماراح اصلح قصر وبدال اللفة ذي كلها مانبي 500 الف من البنك ولا شي هات الدعم السكني 300 الف وكفاية الحمدلله بدون فوائد ولا خسائر تدخل فيها الدولة

انا اعتقد ان الفلوس كلها تروح للصندوق العقاري البنك مجرد موجود عشان اذا ماسددت يقدرون يخلونه في الواجهه وانه هو اللي ياخذ البيت منك . ب اختصار الشيبان اللي كان قسطهم ١٢٠٠ واقل قديما خربوا على الجيل الجديد والدليل كثير منهم كان متوقف عن السداد ل اكثر من ١٥ و٢٠ سنه حتى الاقساط كانت اقل من ١٠٠٠

طيب والي ماتوضف ولا راتبه2700 وش السواه معه وين يروح طول عمره اجار انا طلبت منحه ويقول منت موئهل عمري29 وش المشكله

تراودني افكار اشتريلي بيت في البوسنه مايكلفني تقريبا ٣٠٠ الف وجنبي اشجار تفاح ورمان وفواكه وتحتي انهار بلا سكني بلا بيت هنا الوضع صعب للغاية ومعقد ويجيب الهم

يعني صبها احقنها بالاخير الدوله هي تدفع الفوايد 😂😂

خذ تمويل شخصي ٥ سنين واشتري ارض... بعد خمس سنين خذ تمويل ثاني وابني بيت فيه..حتى لو غرفه وحده 😁 .... لكن ادفع للبنك مليون!!!!! خيير

شلون يدفعون لي الفايدة؟ طيب ليه اسم دعم؟ وش دخل الحكومة مسويه مشروع سكني وتقول بتسوي دعم للمواطن واللحين انت تقول لا هذه فايدة ماهي دعم وتندفع لك بعد؟؟ في تناقض!!

الحين انا باخذ شقة تمليك من بنكي اللي راتبيه عليه وانا موضف بس مانب متزوج ولااستملكت هل يعطوني بيت ؟ ؟

ما فيه مساواة اذا الدخل قليل يرفضك البنك التجاري حسبي الله ونعم الوكيل

لا احد يورط نفسه انتبهوا الدعم يتأخر شهر شهرين وانت اللي تتورط من واقع تجربه

سؤال وفقك الله. اقدرر احدد شقة مثلا و يشتريها لي الاسكان؟ وكيف الطريقة؟

هذا فخ ووقعنا فيه ليش ما بينو لنا من أول وشرطهم لاكمال البناء انا ما اقدر اكمل بيتي خلال ٣ سنزات

لولا توقيع المواطن ما تمت الفائدة هذا من باب التعاون على الإثم.

جزاك الله خير على التوضيح والله المستعان

اقدر اخذ استراحه بقيمة الدعم ال ٥٠٠،٠٠٠ .. انا رجال ابسكن في استراحه .

ايش الحل طيب المبلغ لم يكفي قرض اضافي مافي الدعم بيوقف بعد ٣ سنوات الله يفرجها

الله يجزاك خير علمتني وفكيتني من القرض السكني مدامه صار تجاري البنك

اخوي سليمان زوجتي تملك عقار هل احرم من الدعم السكني ارجو الافاده وشكراً

السلام عليكم ورحمة الله اخوي الغالي انا وقعت العقد وحجزة على الخارطه ولم يتم اعطائي الدعم إلى الآن علماً أن البنك يأخذ اقساطه كامله ولكن لم ينزل الدعم لي والان لي ثلاثه شهور من تاريخ التوقيع وسداد الأقساط كيف الطريقه مع العلم انني ذهبت إلى الصندوق وأفاد بان العقد موقوف مؤقتاً من قبل البنك والبنك يفيد ان العقد ساري افيدوني كيف الحل

الله يعز دولتنا ويحرسها قدرنا نتملك منازل لأولادنا ومستحيل البنك ياأخي البنك بيجي يوم ويقول وقفنا الدعم لأن دولتنا أعزها الله حريصة على أن يتملك كل مواطن منزل يستره هو وأولاده والقسط إللي يخصمه منا البنك التجاري يرجع لك دعم

صحيح الله يجزاك خير..... تدفع عني 162 الف بس البنك طلع من ظهري 370 الف نص له ونص للصندوق العقاري ويرجع يدفعها عني.......... وضحت

َمثل مافيه بند انه خلال سته شهور يطردك البنك فيه بند يقول اذا تعثر العميل بسبب فصل او ظروف قهريه يسوي له البنك إعادة جدوله

انا اخذت القرض العقاري المدعوم سكن جاهز من وزار الاسكان وانا على رأس العمل واصبت ف الحد الجنوبي وصار عندي عجز وأحلت لتقاعد هل فيه جدولة على القرض العقاري مع العلم عندي قرض شخصي وفيه احتمال آخر اني اجلس سنة بدون راتب حتى تنجز اجرائات التقاعد واخاف يسحب مني العقار بعد ما بعت سيارتي وعطيتهم قيمتها هذا غير الاقساط اللي دفعتها مدة سنة ٣٣٠٠ شهري مع اني باقي ما استلمت البيت ؟ الآن لا بيت ولاسيارة نسئل الله الحي القيوم الفرج اللي يقرا التعليق يدعي لنا بالفرج لعل فيكم شخص له دعوة مستجابة.

قرار تحويل القروض عن طريق البنوك من أجل البنوك تاخذ المبلغ شبه مضاعف بالفائدة هذا القرار ضد أصحاب الدخل المحدود لأنهم جعلو فريسة سهلة المنال للبنوك وجشع تجار العقار بأنواعه

غير صحيح البنك التجاري حاجز قسطه ماتقدر تتلاعب عليهم والبنك العقاري في العقد ملزوم يسدد المبلغ المتفق عليه اللي هو الدعم يحسب كم بينزلك من الدعم وبحسبها على عدد أشهر الأقساط بالملي لاخر قسط موجود في العقد وطريقة السداد إذا جيت توقع العقد العقاري للمنزل والله. يبارك للجميع انت مااستفدت من الدعم العسكري ولا من دعم ١٥ في الميه أكلتها مفلفله ههههه بس الحمدالله ع كل حال اللهم اقضي ديني ودين كل من قل امين أو داس لايك ههههههه

يمكرون ويمكر الله والله خير الماكرين. لاتضحك على نفسك وتاخذ الربا وتقول الدوله تدفع. ف والله ماهلك القرون الأولى الا بذكائهم على ربهم ك بنو إسرائيل في السبت

هل يحق لي التراجع عن التنازل في حال الطلاق لحيث ان المطلقه تستفيد من الدعم ومن حقها

جزاك الله خير

الحمدلله اني فكرت في هذا الموضوع كثير وقررت اول ما توظفت اخذ قرض واشتري ارض . بعد ما خلصت اطلع قرض بنسبه الفوايد قليله و ابني بلا رهن عقاري بلا هم

كل قرض جر نفعا فهو ربا ... ياليتك تكلمت عن انه ربا .. الدوله لا تحتاج محامي لتقرير القروض الربويه

الاسكان بصيغته الحالية اكبر خازوق للشعب مو اكثر من خمس سنوات ويقطع الدعم والله يعين

اقسم بالله اللذي لا الاه الا هو ان كل القروض العقاريه والشخصيه انها ربااا خاصه العقاريه كيف اروح اختار بيت ويشتريه لي البنك ؟! لازم ان البيت يكون مملوك للبنك سابقاً عشان يصير حلال هل ترضى ان تسكن في بيت ربوي حرام ؟ كذالك الدعم السكني مجرد فخ ومصيده استغلو فيها حاجة الناس وفي شنبي اذا ما وقف الدعم عن المستفيدين الفوائد حقت القرض يتقاسمها الصندوق والبنك التجاري ويسترد الصندوق كاااامل مدفوعاته السابقه انتظرو بس فتره بسيطه وتشوفون كلامي

هل قرض صندوق العقاري فيه ربا او شبه ربا

لعبة قذرة من الوزارة والبنوك هناك أزمة عقار مثل ما حصل في أمريكا كانت أزمة مفتعله بامتياز وهذا هو الحاصل لن يحميك احد واول من يتخلى عنك هي الدولة

خلاصة السالفة بالمختصر المفيد : اذا رااتبك 5000 وفوق طلع قرض من البنك والبنك ياخذون شهريا 3000 ريال والصندوق العقاري يدفع لك 1500 حسب المتفق علية ويبقي لك من راتبك 3500 تمشي امورك من سداد كهربا ومصروف بيتك

انا سحبت عليهم كنت ماخذ ڤيلا فكرت اجمع وتوكل على الله في اعمالي الحره نصيحه لكل واحد حاول تجمع راتبك ويكون عندك دخل ثاني حر في

😂😂😂كيف تدفع لك انت وهي ماتتفق معك الا عن طريق البنك ولا تاخذها لين ترهن للبنك

🇸🇦💚🌴🇸🇦💚🌴🇸🇦ربنا يحفظ لنا خادم الحرمين الشريفين الملك سلمان بن عبدالعزيز آل سعود وولي العهد الأمين محمد ابن سلمان بن عبد العزيز آل سعود وندعوا الله العلي العظيم بالتوفيق لهم على هذا الخير والتطور فى دعم المواطن من البنوك الصندوق العقاري.. حافز... حساب المواطن.... صندوق الضمان الاجتماعى.... صنوق الزراعى..... صندوق التنمية للموارد البشرية.... جمعية سند .. محمد ابن سلمان لدعم الشباب.... جمعية مسك.... مشاءالله تبارك الله ربنا يبارك فى حكامنا الكرام ماقصروا علينا بالخير والدعم ونخص بالدعاء سيدنا خادم الحرمين الشريفين الملك سلمان وولي العهد الأمين محمد ابن سلمان ربنايبارك فيهم ويحفظهم جميعا لنا ويمتعهم بالصحة والعافية والعمر المديد يارب العالمين اللهم يحمى هذا الوطن العزيز الغالى المملكة العربية السعودية العظمى حيث يجد المواطن الدعم والامن والامان ورغد العيش والسعادة