لا اتفق… ليس لعدم حبي له في الله.. فوالله على ما اقول شهيد.. استمعت جدًا بالاستماع له خوفي انه بعد التمام لا يأتي إلا النقصان.. ونحن نتلكم عن ساعة وتزيد من الونسة والخبرة.. وبتنقطع المواضيع او حتفتح مواضيع لا يتفق معها الكثر .. والتكرار في طبعنا يولد الملل.. فأحبز اشوفه من حلقة لي حلقة..
انا الليلة الصباح بيني وبين نفسي قررته اني أقرب لله واني لازم ابدا بخطوات جاده في الاتجاه دا وسبحان الله بالصدفه لقيت اللقاء دا جاني في جرح وان شاء الله ربنا يقدرني اتقرب لله اكتر واكتر يارب
السعادة ما عندها مكان. تلقاها يوم توقف تبحث عنها، حتى الخال دا سعادتو لحظية( معرضة للظروف) السعادة ليست وصفة أو طريقة يتم اتباعها وهذا شيء تكتشفه في مسيرة حياتك وتراه في غيرك.
خلي الفلسفة الفارغة السعادة في اتباع الدين فقط و رضى الله تعالى اما باقي كلامك دا كله فلسفة فارغة لا تغني ولا تثمن من جوع كلام كله وهم ساكت @@ADAM-q8p6d
أنا حقيقي دي أول مرة اعلق في اليوتيوب 😂 والحاجة الخلتني اعلق أنو مع عمري الصغير أنا يا خالي اتعلمت منك كتير في الحلقة دي والحلقات القبليها اتعلمت اني عادي اغلط واصلح غلطي وعادي البشرية تشوفني بغلط ومفروض ما اخجل من الحاجة دي اتعلمت منك اني ابدا اتعامل مع الناس بدون ما افكر هم نظرتهم عني شنو او هم ح يفكرو ويقولو عني شنو لمن ما اكون معاهم اتعلمت انو اهم حاجة ف الدنيا علاقتي مع ربنا ودي الحاجة البتحدد الدنيا الح اعيشها قدام وطريقة تعاملي مع المشاكل ف يا خالي ويا شباب ربنا يوفقكم ياخي ويزيد من عمر الخال ويخليهو وسطنا سليم معافى من الامراض وانتو يا شباب ربنا يوفقكم في حياتكم العملية ونشوفكم في كل المناصب البترضيكم ، وكمان ربنا يزوجكم الزوجات الصالحات لأنو شوية كدا والخال دا ما ح يريحكم 😂 دا كل الكنت عايز اقولو وان شاء الله تاني على طول بعلق في فيديوهاتكم كلها عشان ما تقولو عشان الخال وكدا 😂 نفسي الخال يتكلم عن الشخصية الضعيفة عموما وكيف الواحد ممكن يمرق منها وكيف يقدر يربي اولادو بما انو الدنيا ما معروف ماشة على شنو ف كيف اربيهم بي شخصية قوية وفي نفس الوقت يكونو قراب من ربهم ودينهم وبذات تربية البنت
نفسي تقرو تعليقي انا شاييفه محتواكم اغلبوه يكون اعمامنا الكبار ذوي الخبره زي الخال يتكلمو وينصحو بكل شفافيه زي الخال الله يديهو العافيه الحاجه دي حتجذبنا شديد اكتر من الفنانين واكتر من اي ضيف تاني وصدقوني حيكون محتوى ناجح وهادف اتمنى يحصل كد نحن كد سودانين ماعندنا محتوى زي دا 💖.
يا خال أنا سمعتا منك انك بتقرأ التعليقات ف لو مريت بي تعليقي دا أنا حاب أقول ليك أنا بحبك في الله ❤❤ وبارك الله فيك و ماتحرمنا من حلقاتك أو بي الأحرا محاضراتك ❤
ما شاء الله تبارك الرحمن الخال بقا ابونا خلاص 😭🌷بتمنى الحلقة الجاية يتكلم عن أهمية العلم بالله وسنة رسوله صلى الله عليه وسلم والإعتزاز بالهوية الإسلامية 💗
والله طبعا أنا جديد في الغناء بس اقسم بالله مستمتع جدا مع الخال ربنا يحفظو ان شاء الله وح أعمل مشاركه ل كل اصدقائي عشان يستمتعو والسعادة أقسم بالله في الدين دي اكتر حاجة متعتني لانو الإنسان إذا بالله عرف دينو نال السعادة مش في الدنيا حتي في بإذن المولي عزه وجل' وياريت لو كان كل الابهات ب فهمك بالجد مستمتع منك ربنا يحفظك ويجعلك من أصحاب اليمن ان شاءالله .
اخر الكلام خربتوكل شي انت ما عندك فهم في السياسة ولا بعد نظر ومين قال ليك حنيدتي كعب ومين فال حمدوك قال دولة علمانية انت سمعتو باذنك ما تبقي سطحي وخليك في التجاربةالشخصية احسن
ي خال او بالاصح ي خالي يشهد الله انا دي اول مرة اكتب فيها كومنت ف اليوتيوب ، اولا جزاك الله عنا كل خير ثانيا سألتك بالذي خلقك ان تستمر و تواصل السلسله .. حرفيا احنا جيل كامل تائه و من غير مرشد ، و يشهد الله انا م لاقاني محتوى مفيد و قريب للقلوب زي محتواك ، ي خالي انت حاليا بالنسبه لينا بالضبط زي ال ٦ اشرطه حقت المناظره .. بس الفرق انو كل شريط بمثابه ١٠ سنين من حياتك و انا مستعد اقعد الـ٦٠ سنه الجايه اسمع ف كلامك ❤️❤️ ربنا يقويك و يعينك شيلناك مسؤوليه كبيره بس نعمل شنو الخال والد 🤷♂️😂❤️❤️
كترو من الحلقات زي دي محتاجين حوارات زي دي و خبرات مثال الخال لانه حقيقي الاجيال كل م ليها بقت م عندها اي حماس او طموح يسمعو ونسه زي دي لانو استسهلو الدين و الحرام و الغلط
الخال دا نقطة ضوء و سط العتمة.. نسأل الله انو ربنا ينفع بيك.. ياريت الحلقات الجاية تكون عن كيف انو الشباب ممكن يتقربوا من ربنا كيف يتعرفوا عليه سبحانه قصاد المد الفظيع من الإلحاد او على أحسن فرض عدم اهتمام بالعلاقة مع الله.. و شكرا برضو لي خيري و احمد الجعلي
والله يا الخال بخت اولادك و بناتك بيك الله يطول في عمرك…انا زولة كبيرة عمري ٣٠ سنة و متزوجة و بي بنتي ، ووالدي الى الان عايش و الحمدلله ما مقصر فينا مادياً خااالص والحمدلله، بس في حاجات عمرها المال ما بيغطيها ، علاقتنا معاهو رسمية جدا و خوف شديد من انو يكورك فينا لأنو مستحيل مزاجو يكون كويس! فمفتقدة جدا للحتة بتاعت وجود الfather figure في حياتي…لما اشوف ناس بتتكلم كويس عن ابهاتم ما بحسدم بل على العكس بكون نفسي اقعد معاهم في قعدة من قعادتم بتاعت الونسة دي مع ابوهم و اسمع و اخد و ادي معاهم… شكرا لي Lq media انو عرفتونا بي الخال لأنو بقى لينا زي ابونا كلنا كدة نتعلم منو و نسمع رأيو في مواضيع كتيرة، و شكرا انكم عملتوها لينا حلقات مع الخال بس! دا اكيد حيكون انجح بي كتيير من ربع النهائي لأنو نحنا كشباب محتاحين نسمع تجارب الناس الاكبر مننا في حاجات كتيرة 🌸
@@SamahHaytham-wb8dj اكيد طبعا ،هو كونو انا حاسة بالنقص دا و فارق معاي و عارف تأثيرو علي كان قدر شنو ، اكيد ما حكون دايرة بتي او ولدي يجرب نفس الحاجة..
في مشكلة كبيرة في جيلنا الحالي وهو تبسيط الحرام بين الشباب وهو حتى في المصطلحات يعني انا بفتكر المصطلح الديني لوحده رادع وبِحسسك بالذنب عشان كدا الناس بقت بتستخدم مصطلحات تانية زي ( الزنة - الجخننة)(اللواط-المثلية) ( الوشم- تاتو) (عقوق الوالدين - حرية الاختيار) وغيرهم اتمنى ان تتطرق لموضوع دا وتعمل لينا عنو حلقة❤
@@minasmohamed7755هي كلمة مجازية ما اي زول بكون قاصد بيها المعنى دا عشان ما تظلمي اي زول برضو عندها معنى زي غنجة كدا المهم على حسب كلام الزول ممكن تفهمي هو قاصد شنو
انا والدي مات م تمه شهر حرفيااا بعد حضرت الحلقه دي راجعته نفسي فعلا حسيت بسعاده والحزن قله لمن ايقنته انو ح القاهو في مكان احسن من هناااا كميه الطمانينه الدخلت قلبي شكرررررا كتير انو الله خلاني احضر الحلقه احضر الخال علشان اراجع نفسي واعرف انو الحياه م هنا الحياة في الجنه والجنه في التقرب لله❤شكرا جدا يا خال❤
ياسلااااااااااااااااام قلبي انفطر 💔😭 لمن الخال قال التوحيد ❤️🥹 شكرا لطريقة سردك بالجد مؤثرة شديد , فعلا نحن فاقدين ناس من جيلك تتكلم معانا بكل اريحيه من غير تتفيه او تصغير او حديه. حتى خليتني اركز اني ما اتفه او اصغر من الأجيال الاصغر منى وبالجد انتبهى اكثر ❤ كل الحب والتوفيق لكم كلكم
حرفيا انا حياتي ما استقرت نفسيا وبقيت فاهمة حقيقة الامور من حولي الا لم عرفت ربنا منو وحضرت فديوهات عن التوحيد وفتشت اجوبة كل الاسئلة اللي بتجي في بالنا وبنخاف نسالها عن ربنا ، حرفيا كلامه دا ذكرني فترة بحثي واللي من يومها انا مرتاحة وراضية ومقتنعة ولله الحمد
كنت لافي في الانستغرام وبالصدفة لقيت مقطع من الحلقة وخشيت اليوتيوب طوالي وصراحة م حسيت بالزمن من كتر جمال الحلقة بالتوفيق يا الخال وكل فريق العمل ودا احلي استخدام للميديا اشوفو في السودان ❤❤
خالو ذكرني بقصة سلمان الفارسي كان بفتش على شي يكمل ويدي حياتو معنى سبحان الله من تشابه القصص ، في نفس الوقت السنه الفاتت كنت بسمع في بودكاست عن سلمان الفارسي و مافهمت الحكمة شنو بس في وقتها بس ما كان الوعي عندي زي اللليله ولمن طلع لي استوري بانه قصتو ملهمة شديد فعلا ألهمتني الى اجابات كنت بفتش فيها شكرا ليك بالجد ❤ بتمنى انو تعمل سيرة ذاتية عن حياتو على شكل فديوهات بالجد محتاجين ليو❤
سبحان الله تجربتك في الحياه ياخال هي نفس تجربتي مع اني قد اكون اصغر منك بي ١٠ سنين تقريبا ونفس المحطات كنت متمرد وانا صغير وبفتش علي السعاده وهاجرت لي امريكا وبعد ٢٠ سنه بحثا عن السعاده وجدتها في القرب من الله سبحانه وتعالي وحب الله تعالى أو اقلاها الخوف منه سبحانه وتعالى وما دون ذلك ضلال في الدارين اللهم أعنا علي ذكرك وشكرك وحسن عبادتك يامثبت القلوب ثبت قلوبنا على دينك شكرا يا خال وشكرا ليكم شباب علي البرنامج الشيق والمفيد وحتي لقب الخال كان اصحابي ينادوني به سبحان الله
من اجمل الحلقات.. سبحان الله حسيت بلطف ربنا بيك حتى لمن كنت بعيد عنه ومابتعرفه كان بقربك وبيريد ليك الخير.. انا من خلال قصتك حبيت ربنا شديد وايقنت انه ربنا قريب شديد ورحيم وبهدينا مهما بعدنا لو نيتنا كويسة.. نسال الله ان يهدينا ويسددنا ويثبتنا ويردنا إليه رداً جميلاً ويجعل حديثك سبب لهدايتنا ويجعله في ميزان حسناتك يارب ♥️
صراحة فيديو مهم شديد وغير وجهة نظري في حاجات كتيرة وبعدو بإذن الله حبدا اغير من حاجات كتيرة ما صاح في حياتي وابدا بالجد اتعرف على ربنا من جديد بالجد ربنا يجزيك عننا كل خير ي خالنا ❤
صراحة دي اول مرة اعلق في اليوتيوب وانا زول بحضر بودكاستات كتيرة شديد ودي اول مرة احضر بودكاست سوداني بحكم انو كل البودكاستات السودانية ما التمست منها فكرة بتجذبني وبالجد نفسي من زمان القا لي بودكاست سوداني بقدم محتوى هادف بالطريقة دي. ربنا يدي الخال الصحة والعافية وطول العمر وشكراً للشباب القائمين بالموضوع دا انهم ادو الناس فرصة الاستماع للخال دا والاستفادة من المعرفة والخبرة الثمينة البقدمها للشباب السوداني.
حقيقي انو كلام الخال لمس حته جواي وانا واقفه في نص حياتي وما عارفه الحاجه الممكن تسعدني ولا ابدا من وين عشان اللقا نفسي بتمني البرنامج يستمر وجزاء الله الف خير وأطال الله في عمره
حقيقه الخال عباره عن موسوعه لا توصف تخليك تفتح قلبك وروحك للدنيا بطريقه مختلفه نهاي عن الحياه النحنا عايشنها ف الخال حقيقه اي زول محتاج لي شخيصه زي دي ف حياتو تشد ازرو وتغير مفهومو للحياه جزاكم الله عنا كل خير مهند واحمد وكل التيم العامل على هذا العمل الجميل بالتوفيق ليكم 🫡🫡
ايوا عايزين سلسلة حلقات مع الخال❤ كلامو اسلوبو روحو الحية ماشاءالله تبارك الرحمن الزرع فيه القبول شكرا يا خال على كل كلمة نورتنا بيها والله ربنا يكرمك بكل صحة و بركة
سبحانه وتعالى يهدي من يشاء و يضل من يشاء، عجيب والله تصريف الاقدار وعن تجارب شخصية أعجب، والله يعلم مافي قلوب وهذا الشخص جميل النية حتى قبل أن يهديه الله
أنا من الناس العندي قلق زايد صعب اقدر اقعد ساعه إلا حاجه تكون عجبتني شديد لكن الخال داء الله جاعل ليه قبول في قلبي ولي كل الناس استمرّ وشكرا انك اديتنا من زمنك 💙💙💙
الصراحة حصل كم مرة فكرته في موضوع السعاده بيني وبين نفسي وهسي احساس غرييب شديد في انو كنت فاكرة انو ماف زول بفكر كدا ابدا وممكن تكون دي بدايه لحل الموضوع❤جزااك الله الف خير ونفع بك الامة وربنا يحفظك ياريت لو تبدا برضو في موضوع السيرة النبويه والتوحيد والدين عموما لانو الصراحه طريقتك للكلام مشوقة وفي نفس الوقت بسيطة وساهلة وحاسه انو ممكن بي سببك كتير من الناس ربنا يهديها وتستقيم وتكون بداية جميلة وربنا يجزيك خيرها❤
ي سلاااااااااام ❤❤❤❤ جزاك الله خيرا وبارك الله فيك نتمنى لك دوام الصحة والعافية. ياريت تتكلم عن الصلاة وكمية الطاقه الايجابيه البتديها ليك وانها بتقوي علاقتك مع ربك لانه غالبية الشباب بعيد عنها تماما
ما شاء الله لا قوه إلا بالله .. عجبا كيف ولهذه التجارب التي تكال بمكيال الذهب ألا تكون مرجعا ونهرا لنا كشباب نستقي منه كلما ظمأنا .. وكما حسبت ي عمي أن بعضنا قد يكون في مرحله من مراحلك التي لم تبخل علينا بها ها انا ذا شاب لا اقول كمثلك تواضعا ولكن شاب كما كنت .. أضل الطريق و يسخرك الله لنا لتعطينا البوصله ! .. فبارك الله فيك واطال في عمرك في طاعته جلا وعلا.. 🤍
يا خال انت بقيت بالنسبة لينا خال السودان كلو الله يجزيك الخير والسرور ويدخل عليك الاطمئنان كما تفعل معنا والله العظيم انت نادر وقل ما نجد شخص اكبر مننا يحاول يفتح معانا مواضيع زي دي ❤
والله ي احمد انا من زمن بقول اتكلم عن القرب من الله وثمراته 😭😭😭وما بعرف ابدا من وين بس هسي انا احس انو الخال كفى واوفى وياريت الموسم دا يكون خاص بالخال❤
والله محتوى يفتح النفس وبالجد الشباب محتاج انه يسمع من الناس القبله في نصائح مقدمه بنية المساعدة والنصح لو في طريقة هل ممكن تكون في الموسم دا حلقة تكون بتتكلم عن علاقة الشباب بآبائهم خصوصا ونه نحن بنعاني من ازمة تواصل حقيقية وانه اي مرة الواحد يبين رايه بيتختى في نقطة الولد العاق ، والخال كان من زمان ذكر انه الشباب ما بربوهم عشان يكونوا رجال لكن اولاد ، فدايرين من تجربة الخال مثال لنموذج يساعد الناس في تكوين علاقات كويسة مع ابناءهم لمن يبقوا اباء المعاي يدعم باللايك يا شباب
جزاك الله خير كل خير ياخال وربنا اجعلو في ميزان حسناتك وكل التيم من أولادك ربنا احفظكم وبجد محتوى راقي وجدا مفيد بصراحة انا كنت عندي نية الهجرة لامريكا لكن خلاص كنسلتها وربنا اكتب لينا الخير كلنا محل ما كنا.
ما شاء الله ❤ ما قصرتو والله هونتو علينا الحزن الحاصل ممكن تعملو لينا موسم كامل مع الخال 🙂🤍 و تكون مواضيع منوعة (ما شاء الله عليكم ما بتحتاجو وصية ) بالتوفيق كل الحب ❤❤
It's great thing that you tell us your life story, the experiences and challenges you have lived through in the past in a way like this. You are the best example and meaning of fatherhood. May you be well, healthy and safe. Thank you a lot uncle Ahmed Greetings from India
ماشاء الله تبارك الله... ربنا يمتعك بالصحة والعافية ويمد في عمرك على طاعته .. وربنا يحفظ ليك اولادك ...دايرين حلقة عن تربية أولادنا في الغرب والتحديات الكبيرة حسب تجربتك وخبرتك
السلام عليكم.. والله أتمنى لو نقدر أن نوصل هذه الحلقات لأكبر عدد من المشاهدين في كل الدول حتى يتثنى لكل الناس ان تستفيد من التجارب و العبر و النصائح التي دخلت في قلوب المشاهدين و المستمعين و خاصة" فئة الشباب و اتمنى أكثر ان تصل لجميع المجتمعات العربية من الخليج الى بلاد الشام و دول الاغتراب .. بارك الله بالرجل الصالح و الشباب الطيبين القائمين على هذه القناة ... تحية طيبة مباركة من لبنان لأهلنا في السودان و الى كل من يتابع من كافة الدول
الخال ده أنا بشوفه محاسن أخلاقية فكاهية ترفيهية وتعليمية اتجسدت على هيئة إنسان، مستحيل ألقى زول كده في حياتي كلها، كلام كتير والله نحنا كلنا في التعليقات ما قادرين نوصله، كل الشكر والحب والتقدير والاحترام للشخصية الملائكية البتجيبوها لينا دي وحلقة جميلة ممتعة ما بتتمل أبدا، ممكن الحلقات الجاية تناقشوا فيها قضايا الشباب زي المعاصي البقت ساهلة ونظرتهم للإنسان الماسك دينه والانحدار الديني "التطور" القاعد يحصل في البلاد الإسلامية زي السعوديه والإمارات وأي حاجة من الخال حلوة كتروا لينا منه طماعين ما بنشبع وطول الحلقة برضو شنو الجوع ده زيدو حبه وحب شديييد واحترام وربنا يصلح حال بلدنا ويفضح كل من عاداه ويجازيه شر في الدنيا والآخرة
الفيديو ده ظهر لي في اكتر وقت محتاجه ليهو و كأنو اشاره من ربنا الراجل ده عظيم اول مره أحضر لي بودكاست من غير كلل ولا ملل👏👏👏 (عايزين حلقه عن العلاقات)❤❤
انا ح اعمل لايك من باب "الشقى بشوفو في نفسو والسعيد بشوفو في غيرو" 😅.. انا سعيد بسماع تجربتك والاستفادة منها دي حاجة كريمة منك.. جزاك الله خير وفتح عليك الفتح المبين الخال أحمد
ي خالو عايزين فيديوهات عن الدين زي دي اكتر وكيف نمشي في الطريق الصاح ونكون أقرب من ربنا لانو طريقتك سلسلة جدا اللهم بارك وبتوصل المعلومة الصحيحة في الوقت الصحيح ي ريت يعني طلب خاص من بناتك الواثقين جدا في كلامك ❤
جزاك الله خير يا خال .. جدتي كبيرة في السن و مؤثر عليها قضية الحرب ، لمن تسمعك بتنسى الهموم و تضحك الله يوفقك .. و اتمنى دايما تتكلم باللهجة العامية المبسطة 😁
انا من حلاوه الحلقه بكيت بكيت و عرفت نفسي واقفه وين من الرحله الجميله دي😭♥️ ربنا يديك الصحه و العافية حسيت بي راحه نفسيه حمد الله 😭 ربنا يريحك و يديك سعاده الدارين ♥️
جزاااك الله خير جزاك الله خيراااات بالجد لفتنا لي نقط كتيرة مهمة جداً نسأل الله ان يوفقنا في الدين والدنيا ونسأل الله الجنة من غير عذاب ولا سابقه حساب شكراً بالجد ياخي بكيت عديل ❤❤❤❤
انا كتبت مع اني شخص ما بكتب لانه سمعتك ياخال قولت ان الكومنتات بتبسطك، ولأجل إدخال السرور إلى قلبك اسأل الله ان يتولانا بواسع رحمته وأن يؤتينا الحكمة (ومن يؤت الحكمة فقد إوتي خيرا كثيرا وما يذكر إلا اولو الألباب)وشكرا لكلماتك البتلمس قلوبنا والتحية لعمر الجعلي تحية من صديق قديم والسلام عليكم.
كلام مؤثر وجميل أتمنى مايتوقف الخال لأنه خاض تجربة حقيقية ومؤثرة على ارض الواقع وبيختصر عليهم سنين ممكن يضيعو فيها ربنا يوفقكم ويحفظ اولادنا وبناتنا من فتن الدنيا❤
انا وحده من الناس حضرتا حلقات الخال كلهم وبكون مبسوطه جدا انو نزلت ليه حلقه جديدة،اتمني انو السلسلة تطول ونشوفه اكتر ربنا يجزيك كل الخير ي خالو م بتقصر نورتنا على حاجات كتيرة❤❤
انا يوم الجمعه لمن شفت ستوري احمد حيدر انوا ماف حلقة ربع النهائي اتضايق ضيق غريب، لكن الحمدلله برنامج مع الخال اصاب كل التوقعات وربنا يحفظك لينا ويحفظ السودان وأهله ويعم الأمن والأمان فيه وجزيل الشكر لي ود حيدر علي تحمل الانتقادات مني ومن المتابعين لأنها طلعت لينا شغل محترم جزيل الشكر كمان لي عمر الجعلي اللي الواحد واثق انوا حا يكون شي كبير في سودانا الجديد وجزيل الشكر كمان لي خيري سمير وبقية الشباب خلف الكواليس فردا فردا
انا حضرت الحلقة بالصدفة وحقيقي اتاثرت شديد شديد بالكلام كلام واقعي وحقيقي شفاف وبعكس حال الشباب والتخبط والبعد والقرب من ربنا اتكلمت كان بتتكلم بأفكارنا. خليتني اشوف الحرب من منظور وتاني والحمدلله على قضاء ربنا انا راضية رضيت اكتر ياريت لو اتكلم لينا عن الصلاة وقدر شنو هي حتفرق معانا في حياتنا
