#مع_الشرهان
#مع_الراوي
قصيدة للشاعر مرشد البذال الرشيدي ابو سعد رحمة الله
في وصف الشيب
لا والله الا بـيـنن الـمغاتير
يــا بينهن في مقدم الوجة بـيـناه
ماريتن ما تشتهـيهـا الـغـنادير
ليـا شافها راعي الهوى تـاهـت ارياه
يالله يا عسى المانع من الله ليا خـيـر
بالستر من يوم اول الـشـيـب شـفـنـاه
الشيب ما عذرب وجيهن مسافير
ولاش ما يمدح بمجهم ملحاة
الكبر دونة ما تفيد المعاذير
محدن تعذر عن مجية وخلاة
ان كان ما جيناه حنا مساير
سير علينا لو نبي حر فرقاة
وان كان ما جينا تجينا المداوير
ملزوم يلقانا ليا ما لـقـيناه
عصر الصبا كنه نبات المخاضير
ليا صار عشبن حدر قوع الشجر ماه
تلعب بة الانواد زين الـنواوير
سبحان من زين نباته وسواه
ما تحسبه يستوي فيه تغير
لنك تشوف القاع من حدر ترعاه
اصبر وتمضي بة هبوب المعاصير
ترا لذيذات المراجل مباكير
الطيب وان فات أوله فاتك اتلاه
ولا ينفعك في ميت القلب تذكير
من مات قلبه ماتفيده وصاياه
وترا الرجال افعال ماهم تصوير
ماهيب بالأجسام بالطيب والذاه
وانذرك عن ربعت خطاة المعيثير
خطوه العذوب الي كبارأ حكاياه
أليا بداله لازمّ جالك مغير
وأليا بدا لازمك لقاك علباه
وكم واحدً يوم الرخا ربعته غير
تقول هذا يطرد الناس عن ماه
وان كان حدنك عليه المقادير
يظهرك وتحده عليك المحاماه
وكم واحدن لا منه شرِ ولا خير
لا نافعن رَبعه ولا مذن عداه
مثل البهيمه بس ماياكل شعير
مامنه زود وخاسرن من ترجاه
قصيدة للشاعر سليمان العويس عن الشيب
كل هجع ما غط ناظر سليمان
ناموا وعوا وهوتكسر عباره
لليل وحشات يثيرن الأنسان
الليل كدر خاطري واستثاره
سويت ما سويت وانشيت قيفان
عندي على نظم القوافي جداره
أبي المعاني بضامري بني جدران
كلن على قده يصير افتكاره
عدلتهن لا نيتفن تقل ضلعان
أصغر بيوتي نابين تقل قاره
أبي إلا عرضت على رجال ذهان
كلن بها صدر نتيجه قراره
أحد يقول البيت وافي ومليان
واحد يقول البيت نقله خساره
يظهر من المجموع للشعر ميزان
بارع بخيص بالتقاط العباره
يقول كفوا هرجكم مالكم شان
متقصى المعنى يعصره عصاره
وأنا اتلمس عاطفة كل عشقان
وإلا الهوى لي وقت رامي شعاره
الحاصل أن الشيب في لحيتي بان
صك ببياضه عقب هاك السماره
عشر وعشر مع عشر ضبط بحسبان
وعشر وثمان كاملات جباره
من بعدهن جنبت صقرات الأعيان
وهن علي اليوم صارن نماره
لاناظرني قالن العود كحيان
خلوه يذلف جعله الله وداره
شيبه مخرف دايخ ماله أسنان
فرقاه عيد وعزنا باندحاره
جشعات بشعات ولافيهن أحسان
عود كبير وجاداعات وقاره
عند المخنفس يرزمن تقل حيران
عليه صارن دارة خلف داره
ليت الشباب يعود في وقتي الأن
آخذ وأخلي مثل راع التجاره
اناظر الغزلان واصيد مازان
اندر من خيار الجميله خياره
27 авг 2024