اول مرة أشاهد حمود الهذيلي فرايت فيه الخلق الرفيع والاحترام لزملائه إضافة إلى سلاسة وعذوبة ابياته مما يؤ دي إلى تقبله ونافلة القول انه جمع بين الجودة والدماثة فهو قدوة ونبراس لمن أراد النجاح
يازين قصيدته الاخيره شاعر بمعنى الكلمه يا بعد الفرق بينه وبين متعب المسفري والله حرام شاعر مثل هذا مظلوم ومتعب كل ليله حفله موب حسد ولكن تقييم للشعر حمود افضل من نص الشعراء المتواجدين في الساحه ✋🏼
قناة فن القلطة أصبحت المرجع الأول لجمهور المحاورة ، ارشيف من الطواريق واللقاءات اللي نشكرك يابوفهد عليها ولك فضل عالموروث والجمهور مانوفيك حقك مهما شكرناك
اختيار موفق يابو خالد ، والنعم بالشاعر حمود شاعر مميز بحق بشعره واخلاقه ومنطقه وصراحته وبارائه المنصفه في بقية زملائه الشعراء اتفق معه تماما الا ان لي وجهة نظر حول الجماهير فيما يتعلق بالصياح والصراخ المبالغ فيه اللذي قد يؤدي إلي نوع من الفوضى وبالتالي يفقد اللقاء متعة الاستماع مع اني اتفق تماما مع شاعرنا الكريم بحاجة المحاوره الي الحماس والجمهور المتفاعل .تحياتي للجميع
حمود الهذيلي : هلا يا مرحبا ترحيبة تسمع قبل تنشاف وتدخل قلوب اضيوفنا قدام اذانيها ليا منا وقفنا فالمواقف نحمي الميقاف وهذا سلمنا في حاضر الدنيا وماضيها حبيب : يدوم الك البقى وانته ترحب والقلوب انظاف علومك ما تخش اقلوبنا لكن نوحيها انا خابرك تبدي فاللزوم ولا عليك اخلاف ولكن الرعيه ما حفظها غير راعيها حمود الهذيلي : يقولون الرجال العرف ما يعرض على العراف عسى ربي يبارك فالبيوت وفي معانيها تعرف الذيب ليا منه بدا يبدي على المشراف هذا طبع الذيابه ما تغير عن مباديها حبيب : يا طيب العفو يوم ايصير بين السيف والسياف يرد السيف عقب انه نوى الهامه يوطيها الا يا ذيب لا تقنب تصيبك حذفة الحذاف ترى بعض الليالي منت سالم من مساريها حمود الهذيلي : انا ماني بخايف وانته اعرفك منته ابخواف لكن كل ما نبغى نمشيها نمشيها ترى لن صرح الصحاف محد صدق الصحاف تحذفون الذيابه والله امن الحذف منجيها حبيب : تحسب انا سوات الترك يوم ادفها الاشراف وحنا عزوة تحسب لها الدنيا ومن فيها لو ان الراجحي فالمحكمه ما حط له صراف لقيت الراجحي فالمحكمه يصرف لقاضيها حمود الهذيلي : ترانا اللي هزمنا الترك في ريحان وقت طاف ليا منا شعمنا النار ما تقدر تطفيها ولا يا العازمي ليتك تمر اموظف الاوقاف على شانك تفكر فالصلاه اللي تصليها حبيب : وحنا اللي ملكنا نجد يوم ان السيوف ارهاف ونزحنا القبايل عن مشاربها ومراعيها عليك الهون لا تسرع ما دام ان الحمول اخفاف ليا ثقلت حمولك يمكن انك ما توديها حمود الهذيلي : تقوله يا حبيب بعد ما اسعفناك بالاسعاف عطيناك السيوف اللي بتبطي منت ناسيها ترى من قبلها كنتوا تعيشون ابسنين اعجاف وجتكم مدة من عند رب الكون معطيها حبيب : ابى منكم مية شاهد وابى منكم مية حلاف تعدون الاسامي كلنا برضه نسميها هزمنا قبلها دوله غزتنا والجيوش احلاف ولو انا نعد افعولنا والله ما نحصيها حمود الهذيلي : يكفيك ابن هادي شاهد في ماضي الاسلاف ولو تبغى تخفيها ترى منته مخفيها
@@bar948 ماهوب لصالح حد احبيب كذلك ابدع الفرق ان احمود كلامه في محله عليه دليل من الماضي القديم وحلاوة القاف كانت في المساجله بين الاثنين النقض والفتل فقط ببراعه
السلام عليكم.. اولاً احب اسجل إعجابي بالمقدم الدعجاني وانا من متابعين كل اللقاءات اللي تمت في فن القلطه خصوصاً في تقديم الدعجاني واللي اعتبره محاور جيد ويعرف كيف يطرح الاسئله على الضيف حسب اسمه ومكانته وتاريخه الشعري … التنويع جيد مع الضيوف سواءً فالرعيل الأول أو اللي يليه أو الحالي .. كلمة شكر لك يالدعجاني والله يبيض وجهك وودنا نكون من الداعمين إن سمحتوا لنا .. ونسأل الله لكم التوفيق
حمود الهذيلي : هلا يا مرحبا ترحيبة فيها ظلام ونور تنورها وجيه الطيب والفرقا تظلّمها اعزي حضرة الشعار والصفين والجمهور وقبل الناس اَعَزّ النفس في فقدان محزمها مستور : يدوم اِلْك البقى ياللّي ترحب والعَلَم منشور ترى محد رقى يمّ العلا مع غير سِلّمها تعَزّ الصف والجمهور وانت اللي عليك الدور لكن الله يمدّ اِلنا حباله وانتلَزّمها حمود الهذيلي : يا مستور العصيمي فالملاعب قِد مِضى لك دور لكنّ اليوم سَلّم عهدتك حمدان سَلّمها انا لو هو على كيفي فِداه اِحبيب ومستور ولو تزعل عتيبه كِلّها ماني بلايمها مستور : اقول الحمدلله يا الهذيلي بيتنا معمور بنيناها على عِزّ وشرف محدٍ بهادمها ليا راحت وجات اقول وافي ما عليك اقصور ويمدينا على بعض العلوم اللي تغانمها حمود الهذيلي : ترى لو تعتذر كل الرجال اتقول لك معذور لكن انت تباها كلها ودها تليّمها يا مستور العصيمي لو ضمنا لك بنات الحور يجوز انك تقول الملعبه لا بد الازمها مستور : قضت كل العلوم اللي ترددها سنه وشهور يقولون العرب ترى صغير القومِ خادمها ترى الله قسم الارزاق بين النسر والعصفور وترى لولا العقل يمد العرب طارت عمايمها حمود الهذيلي : ترانا ودنا نخدمك وانته ريح ومشكور انا ما اظن عندك جهد للعرب تقاومها توقع يا العصيمي والرجال اصقور ذخر اصقور لكن ان طعت شوري سايم العربان سايمها مستور : انا حامي قوافيها وانا المنهي وانا المامور ⭐ وانا ماني بظالم ذمتي والناس ما اظلمها ⭐ ليا منك قضبت الدرب لا تقعد تلف وادور ⭐ انا شايب واحشم لحية الرجال واكرمها ⭐ حمود الهذيلي : شهادة حق يا مستور ما نشهد شهادة زور نعرفك شاعر اعتيبه وريسها وعالمها
حمود البقمي شاعر مميز الله يوفقه ويرفع شانه،، تعليق بسيط العرضه عند البقوم لحنها نفس لحن المحاوره لايروح الفكر لتشابه اسمها انها تشبه العرضه الجنوبيه لا رغم أن العرضه الجنوبيه اصعب لكن عرضة البقوم محاوره نفس اللحن ونفس الصفين وتميزوا بها ، والي بيكتب لحنها تجي معه على نفس الحان المحاوره وببساطه يشيلونها الصفين
ايام عز قناة الساحة كان 60٪ من جمهورها نحن أهل الجنوب وكنا نتابعها في كل مكان وزمان. اذكر لهذا الشاعر طاروق مع صقر سليم ..... .... عماره .... ... وادي ستارة إلخ بعدها اختفى الشاعر أو انشغلنا في قنوات العرضة الجنوبيه ونسيت اسم وقبيلة الشاعر هذا وقعدت اسأل عنه بعض الشباب اللي يحبون شعر القلطه حول ٤ سنوات (مر عليكم شاعر شاب وصفه كذا وكذا هههههه) وبعدها حصلته على اليوتيوب بالصدفه شاعر موهوب ومتمكن ويجيد الفتل والنقض شاعر خطير اتمنى له التوفيق
الإنسان لا يستطيع أن يخفي شعوره عندما يتكلم ارتجالًا كما في شعر المحاورة، ومن الخطأ أن يطالب الشعراء بإخفاء مشاعرهم؛ فالسلام في بدئ المحاورة غالبا لا يراد به السلام، لأنه لا يناسب التحدي الذي تقوم عليه المحاورة، لكن البدئ به أسلوب حسن احتراماً للمضيف والضيوف، ولهذا يتضمن في مواقف كثيرة تمريرات ومطبات، وقد لا يسلِّم الشاعر أصلاً كما فعل الزلامي في محاورته مع ملفي: يا ملفي المورقي بيني وبينك كلام سوالف ليت أبو مشعاب يدري بها لا تختفي بالنهار وتشتغل بالظلام تصبح بديرة واديار تمسي بها قال ملفي: يا صاحبي واجب الطرقي يرد السلام حتى الجماعة تقدم له تراحيبها ترى السواري معي والماص ملئ الحزام إن كان سمعك سوات الناس تدري بها الزلامي: تراك صادق وأنا الليلة سلامي حرام كلمة بيمناك تأخذها وتسري بها أبو عبد العزيز العتيبي
يا راعي الكلمة اللي ما لها داعي ليتك قبل ما تطلعها تراجعها وان شفتها جنبت عن درب الأسناعي عض النواذج عليها لا تطلعها اللي يجيب العلوم أشكال وأنواعي من سوق (الإفلاس) والخيبة مجمعها اما لقى الضربة اللي بين الأضلاعي والا لقى الضربة اللي ما توقعها مبدع مبدع جدا ... ولكن الشعراء وخصوصا شعراء القلطة يمجدون القبيلة وليتهم يحرصون على ما هو أهم وهو تمجيد الدين والمبادئ والعادات والتقاليد العربية الموافقة للدين الإسلامي فيفوزون فوزا عظيما...
محمد مع احترامي لشخصك الكريم ومهنتك المتألقه وايضا احترامي لضيفك الكريم لكن من يكون هو حتى تسأله عن شعراء البقوم العمالقه ربما يكون هو اصغرهم شعرا وعمرا مع اني والله ماني ببقمي لكن هالسؤال يوجه لعمالقه شعر وليس مبتدئين
الهذلان البقوم حمود وسعود شعار بكل ماتعنيه الكلمه.انا شخصيا اطرب لهم نقض وفتل وصور بيانيه وفوق ذلك كل إبوه الدفن بشكل متمكن وهذا في شعر المعنى اراه اهم مايميز الشاعر. الله يعطيكم العافيه يا ادعجاني كم من شاعر بعيد عن الاضواء وهو شاعر يملك مقومات الشاعر الحقيقيه فلاح الحنان...عامر الحذيفه رحمه الله...علي البقيلي...عبدالرحمن ابا الجيش....الشمالي المري رحمه الله..عبيدالله الجهني وغيرهم الكثير
حمود الهذيلي : يا مرحبا في حِلّة اللّي يقولون ويطولون ركن البقوم اللّي على الطّيب ثابتٍّ ركونه عند المرازيق الكرم والوفا والجُود مضمون ايقدمون الطيب ل اضيوفهم يستاهلونه حمود السمي : دام البقى واهل الوفا يا عساهم ما يقلون اهل الوفا يعطونه الناس والا ياخذونه يا احمود انا ادورك من عام الاول وانت مديون مدري متى احمود الهذيلي يبى يقضي ديونه حمود الهذيلي : حنّا حضرنا وانته اتشوف والعالم يشوفون واللي تبونه يا ابن عايض ترى ربعك يبونه يا احمود بنشدك عن سالفه والناس يوحون واللي سواتك ننشده والنشامى ينشدونه حمود السمي : سويت لك حزب وعصابه يصولون ويجولون لكن انا ما اقول لك كيف حالك والمعونه ترى السوالف وافره والعرب صاحي ومجنون وان كان به مجنون من ربعنا نظهر جنونه حمود الهذيلي : حنا سمعنا ب اتفاقية السحره وفرعون فرعون ظالم لو عطى له عهد لازم يخونه با ما اخبل اللي ودهم ياخذون اموال قارون قارون دايم دون ماله منافيص عيونه حمود السمي : يا ويلكم ويلاه لو اني افك الدركسون يحوص موتركم عن الخط وانتم تسبرونه الناس فيهم دندنه يا الهذيلي وانت دندون والشاعر الدندون ما طاحت الهقوات دونه حمود الهذيلي : يا ويلكم ويلاه لو افصل اسلاك التيلفون واللي يظن بظن حنا ترى بنخلف ظنونه ضاعت حقوقك وانت تدري وكل الناس يدرون واللي مضيعها ليا واجهك تضحك سنونه حمود السمي : اسلاككم مربوطة كلبوها بالشطرطون واللي يكلمكم من الناس كيف اتكلمونه ما ضاعت احقوق الرياجيل والشيطان ملعون والجدي نجم ثابت فالسما ما تاصلونه حمود الهذيلي : الكلمه اللي ما لها يا طويل العمر مضمون حنا ترانا ما نبى لك يا بن عايض مهونه موسى توكل فالمهمه وجاب احقوق هارون لكن منته مثل موسى ولا صاحبك لونه حمود السمي : الظاهر انك يا سميي معك قرحه وقيلون ليت الاطبا يصرفون الدوا ويعالجونه
استغرب من صاحب القناه الرجل المهتم في المحاوره ان يستضيف شاعر مبتدي ويسمح له بل يساله عن مستوى كبار الشعراء وتقييمه لهم .. من جميع الاتجاهات اللقاء سقطه اعلاميه في تاريخ قناتكم المتميزه والمهتمه في المحاوره
يبدو انك اصلاً ماتابعت اللقاء اصلاً!!! ولكن ودك تسقط ع المذيع والقناه بطريقه او ب أخرى.. ولكن المذيع متالق وعرف يتمكن من محاورة الضيف بشكل جميل وحوار يدور حول تاريخ الشاعر فقط.
انا ابديت رائي عن اللقاء فقط وهو من باب النقد الهادف واذا صاحب القناه غير متقبل او متابعينه انا اعتذر وراح يكون هذا اخر رد لي على القناه وسوف ابقى متابع صامت للقناه. المتميزه في طرحها ومحتواها … سامحونا
مدري وش اقول لكن بأختصار : اللقاء ممتع وذا شي ٍ طبيعي .. .. بالقناة اللي لها بصمة تميُّز ... ... ... ... ... مع احترامي لابن طمحي إلا إنني ضد من يسميه الشاعر الكبير وجهة نظر فقط صح غلط مدري يعني لااحد يزعل ويطير بالعجه
والله العظيم مانيب اعتيبي.والله يابو بدر انه شاعر ماعليه غبار وغير الشعر رجال واجب وفزعه وحشمه ومقدار ولاهوب امن الشعار اللي امغسول وجهه ب امرقه يستحي وايقدر وايحفظ الخوه واللزمه والمواقف تشهد على ذلك.
@@user-ee3lt4og5w يا أخي وفقك الله كلامي كان عن مسمى الشاعر الكبير فقط وماقلت ماهو شاعر ابوبدر احترمه وشاعر لكن ماهو بمستوى مثلاً مطلق او مستور او حبيب هذولا الشعراء الكبار وكان تبي غيرهم عندك ملفي ووصل هذا قصدي الامور الثانيه غير الشعر ماتطرقت لها نهائياً ولانطقت بحرف واحد ؟؟؟؟؟
@@alibaqiya5734 لا صدقني هو على حدهم مشكلته انه كان عسكري لفتره طويله من عمره وماكان متفرغ للمحاوره يعني ماهوب محترف مثل البقيه..انما شاعر كبير وقارع كبار الشعار من الجبرتي .صياف.فيصل.ابن تويم.اغلب شعار اسليم ان لم يكن كلهم وكذلك شعار هذيل وكان الند بالاضافه الى انه يحترم ملاعب القبايل ودائما يتحكم في نفسه عند الرد والا والله ماينقصه شي سوى (مكتب القصير) واظنك فاهمني زين.
مع احترامي لشديد الرياحي ألا اني اختلف مع من يعده من كبار الشعراء الرياحي كبير في السن وسمعت له العديد من المحاورات بدائتها من مدةً تقارب الاربعين ألا انه دائم ماينزل بمستوى محاوراته ولم يستفد من خبرة السنين الطويله والشعر جزاله ومعنى واذا فقدها فقد قيمته
@@abdallahsaad5981 انا ادري ان الشاعر بقمي والمذيع عتيبي ولاكن بعض السفهى يقولون المذيع العتيبي يلمع شعار العتبان والعتبان ماتبيله تلميع من فضل الله ماشاء الله