لما نوينا نروح مفيض توشكى الثالث وصلتنا أخبار من صلاح حفني ان المفيض اتقفل بتاريخ 31-12-2020
رغم ده اصرينا اننا نسافر كـ نوع من المغامرات والتخييم والسفاري خصوصاً اننا قضينا يوم كامل في الاقصر واتفسحنا فيها
وبالنسبة للصيد احنا ونصيبنا، يا تصيب يا تخيب، ولما رحنا هناك للأسف لقينا الوضع بقى سيء ،، المية وقفت والمراكب نزلت والغزل انتشر في كل مكان.
الأماكن الي ممكن نصطاد فيها المراكب سيطرت عليها وفرضت شباكها فيها وكانت بتخلي الغزل يبات يوم كامل
نقلنا كتير وغيرنا أماكن كتير، لقينا برك قراميط عبارة عن مستنقعات معفنة ومكناش بنصطاد فيها، لأن اغلب اسماكها ماتت والسمكة الوحيدة الي بقيت هي القراميط لأن القرموط مش بيحتاج اكسجين لأنه بطبيعته بيطلع ياخذ الهواء من السطح.
انا مش هسافر 1450 كيلو رايح ومثلهم راجع عشان اروح بايس بوكس مليان قراميط!!!
والي هيقول لكم ان المفيض شغال يبقى بيكذب عليكم لأن المفيض اتقفل بقرار حكومي والفيديوهات الي انا نشرتها بتثبت ان المية خست، تخيلوا ده الوضع قبل 3 اسابيع، فما بالكم بدلوقتي!!!!
انا صياد بحب الصيد الرياضي، سافرت عشان اصطاد قشر البياض وكلب الملوحة تايجر فيش واي سمكة بتهاجم الطعم الصناعي او الطعم الحي
بإذن الله في الأشهر القادمة هيكون ليا مع فريقي رحلة لـ بحيرة ناصر
وهيتم تصوير الفيديوهات الي هتتم هناك
ولو مفيض توشكى فتح تاني بإذن الله هنروحه بس هنروح في الوقت الصح والمناسب
#مفيض_توشكى #توشكى #المفيض
شاهد الفيديو الأول من تقرير رحلة توشكى • مفيض توشكى بعد القفل و...
تحيات محمد المريسي
20 окт 2024