انت تقريبا مراجعتش خالص اسعار صيانات التيبو ولا اسعار قطع الغيار التيبو فانوس امامي في التوكيل تمنه 3800 جنية و موجود استيراد و تقليد باسعار اقل و بالنسبة للامان mg5 مدخلتش اي اختبارات اوروبية او امريكية
يب اهم عوامل الامان هوا الجسم اللى المفروض انو يتضغط فى حتت و يفضل سليم ف حتت تانيه عشان تشتيت الصدمه و دا اهم عامل ف اختيارات اليورو ان كاب كمان الفرامل مش بكتره الانظمه اهم حاجه انها تقف ف مسافه قليله و دا محصلش مع اخواتها التلاته يبقى اكيد هتلاقى فرامل تعبانه
اعتقد ام جي خامات و اوبشنز و امان اهم حاجة حتي في الاضائة و عربية اكيد اثبت علي نفس قاعدة بناء الكروز و الشكل الالنترا عربية قديمة و متعادة تاني مفيش ريحة الخامات الكويسة فيها
فيات تيبو افضل بمراحل لا وجه للمقارنه بين سياره اوروبيه ماركه عالميه وصينيه العجيب ان اللي بيتكلم في الفيديو مصر انه يفترض ان ام جي احسن رغم انه بلسانه بيقول لسه جديده و مش معروف حاجه عنها لا اسعار ولا قطع ولا اعاده بيع ولا اي حاجه
روح بيتكم يا عمور MGطلعت شوربه والعفشه وحشه خالص خالص بصراحه مفيش بعد الياباني والكورى بصراحه السيراتو والكورولا والصنى والالنتر زاد التوسان و الاسبورتاج عملوا اسامى كبيرة ورسخت فى مخ المصريين
مش محتاجه مقارنه // عربيه صيني وعربيه إيطالي والصيني ارتفاعها ١١.٦ سم من الأرض بدون ركاب يعني لما تحمل خمس أفراد هتتفشخ في المطبات الجميله بتاعتنا وعوامل الأمان مش مجرد عدد لان ممكن يكون العدد في اللمون المهم تكون بتشتغل وايرباج بيفتح واي بي اس شغال / أما الايطالي فسعره زياده شويه في الاتوماتيك يعني ٦٠ ألف زياده عن المانيوال يبقي نصب علني وقطع غيار غاليه جدا فيغور الايطالي كمان وخلي الاتنين يصدوا أحسن
معلش بس انا مستغرب جدا م اللي انت بتقوله ... انت طول المقارنه قولت التيبو تكسب كتير و قولت ال mg تكسب يجا مرتين بس ... و ف اخر المقارنه قولت ال mg تكسب .. طب ازاي ... و علفكرة اعادة البيع ف الصيني دائما بتخسر .. و معلش بس انت جربت تركب ف الاتنين و تجرب المساحات بنفسك لإن برضه المساحه ف التيبو أوسع ... و مش عارف ليه حضرتك مش عايز تقول إن ال mg ماتورها مجرد رقم علي ورق لكن ماتور التيبو بيدي أداء حقيقي جدا علي ال ١١٠ حصان !؟
بص هقولك على حاجه كل شويه بقول ان العربيه دى تكسب فى نقطه معينه انا عايز اوضحلك فى الفيديو ان مثلا ام جى تكسب فى المساحات الداخليه لكن متكسبش فى اعاده البيع وانت كمستهلك شوف احتياجاتك وشوف انت عايز انهى عربيه الافضل ليك. انا مهمتى انى اقولك ايه عيوب ومميزات كل واحده منهم
هو فيه نقطة بس مهمة ،، نسبة كبيرة من تمن ال mg5 مدفوعة جمارك ، يعنى مثلا لو سعرها ٢٠٠ الف فيه يمكن ٨٠ الف ضرايب وجمارك ،، لكن الفيات مافيش جمارك خلاص يعنى لو سعر التيبو ٢٠٠ الف خارج منهم ٢٠ ولا ٣٠ الف جمارك ،، ده معناه ان الخام المتصنع بيه التيبو اكيد هايكون افضل لان فلوسك كلها فى العربية نفسها مش ضرايب بتترمي ... فاهمين النقطة دى ياجماعة ؟
يعني اروح اشتري سندوتش ب ١٠ جنيه ضريبته ٥ جنيه احسن ،، ولا اشتري سندوتش ب ١٠ جنيه ضريبته ٢ جنيه ؟؟؟ فى النهاية المفروض اشتري فى الحاجة اللى فلوسها فيها كلها مش فى الضرايب والمصاريف الجانبية اللى بتضيع فيها فلوسي ع الأرض ...
الله ينور ، طب سؤال من الممكن أن ميكونش في عدل اوي ، لو بقارن بين mg5 الفئة الأولى و tipo الفئة التانية مانيوال، كإستخدام شخصي متوسط ، فهل ال mg تستاهل انى اتخلى عن الإيطالي عشانها ، خصوصاً ان أهم حاجة بنسبالي المتانة و ان الحاجة تعمر و متفتحش بوقها كتير !
معلش يا فندم بعيد عن موضوع الحلقه اذا طلبت من حضرتك ترشح سيارة متور قوي عزم ممتاز سابته على الطريق من المهم جدا موفره في البانزين مرتفعه عن الأرض من 17 الي 20 سم قطع غيار متوفره صيانه و سرفز ممتاز. بعد كده مش مهم الاوبشن عادي الأساسيات اهم.
بعد اذنك يااستاذ عمر انا عايز رد منك مقنع أدام الناس عل الستروين سي اليزيه الفئه التانيه وعندي الفيديو وكنت مبهور بيها ف الثبات والراحه واعتمادية السياره وأمان الفتيس الان تقول لمعلق اصرف نظر عن ستروين اليزيه او شليها من حساباتك انا متابع لك. فارجو الرد مالسبب
لو سمحت لو معايا ٣٠٠٠٠٠ ومقيم فى قريه طرق مكسرة و أسرة ٤ افراد إيه الاختيار الافضل أم جى زد أس ولا نيسان سنترا ولا تيبو ولا إستنى وازود مبلغ واجيب جراند سيراتو. من فضلك رتبهم حسب الافضل و الأكثر اعتماديه و الصيانه
يعني م الاخر كده اللي هيشتري الفيات تيبو هيبقا عشان الاسم لا اكتر ولا اقل و انا شايف ان الm5لسه بادءه باسمها و لسه مخدتش حصتها م السوق بس اعتقد ان العربيه دي هيكون ليها اسم و اسم كبير ف الشارع المصري
ممكن تقولي منين اقدر اشتري السيارةmg 6 الفئة الثالثة لان انا من المنصوره واول مرة اشتري سيارة ياريت تفدني واقدر استلمها في قد اي وفضلا ممكن تعرفني لو معايا ٢٥٠الف اقدر اقسط المبلغ اللي ناقص علي قد اي بعد اذنك ترد عليا ضروري
بس دي مش مقارنه عادله برده التيبو ف اعلي فئه فيها اغلي من mg 5 ب 40000 الف جنيه و الفئات الرخيصه من التيبو بتبتدي مانيوال و مافيهاش الكماليات بتاعت mg5 حتي في الفئات الاولانيه علي ماافتكر
محتاج ترشيحك لعربيه فى فئه من ٢٣٠ ل ٣٠٠ انا شغل مندوب وبمشى فى الشهر ما يقارب ٥٠٠٠ كيلو والعربيه هتيجى وتتباع بعد ٤ سنين لانى بيجى غيرها عايز حاجه مريحه لانى بقضى معظم يومى فيها ومصاريف تشيغلها تكون كويسه لان انا بتحاسب بتعريفه ثابت للصيانه والبنزين
كلامك كله مش محايد اطلاقا...منحاز جدااا لعربية صيني عيوبها كتير .. لو رجعت لشكاوي الملاك في الصين هتلاقي الشاشة ال ١٠ بوصة بتهنج كتيبير ... في تسريب في((( زيت الفتيس ))) .. واكيد العربية دي durability بتاعتها اقل من عربية زي فيات تيبو اللي بتنزل في اوروبا تحت شعار دودج (( دودج نيون )) انت بتقارن ايه بايه يا راجل
تسلم علي الفيديوا الجميل دا بس عندي ملحوظه مفيش عربيه صيني ناجحه في اعادة البيع من غير نزول جامد جدا في سعرها استغربت جدا من رائك !!!! في مقارنة اعادة البيع
ادائك كويس. لكن ليه خايفين تقولوا ان العربية اللي فيها لاج او طلعتها بطيئة انها معيوبة. وماكينة وفتيس فرز ثالث. مش حكاية اقتصادي. ده شغل تجار وتجميع قطع مختلفة المهم يجيبها ببلاش ويبيعها بسعر عالي. ليه ماسمعناش عن عربية فيها لاج نهائي في الخليج مثلا حتي لو صيني. الخامات والجودة هناك اعلي. يبقي ايه بقي؟
اسمح لي اقول حضرتك أن فيه فعلاً عربيات كويسة بس طلعتها بطيئة أنا عايش في الإمارات و معايا ميجان ٢٠١٩ زيرو من هنا من الإمارات يعني مواصفات خليجي.. هي فعلاً فيها فرق كبير عن بتاعت مصر لكن في حتة الفيس ال cvt فهو بيأثر ع طلعة العربية لحد ٤٠ لكن بعد كدا بتسحب عادي و العربية ممتازة جداً الا في الحتة دي و اللي مع الوقت بتتعود عليها أصلا
عاوز اعرف دلوقتي لو جبت الmg متنفعش اشتغل بيها في اوبر ليه دلوقتي المفروض يكون وضح القطع الغيار والسياره كوايسه واعتمديه ولا لا ارجو لو حد جبها وجربها يروض عليه
يا عم عمرو نفسى افهم هو انت بجد ليه بتحب تدخل فى مواضيع بارده قوى. قوى .قوى انا شايف حاليا احسن 3سيارات 1600فى مصر الان تويوتا كورولا .فيات . نيسان سنترا . وبالنسبة للكروس مفيش غير عربتين من حيث الجودة والاعتماد به سيات اورنا و هيونداي كريتا وبس أما تبقى كيا سيراتو اغلى توياتا كورولا اظن كده الكلام انتهى ولاعزاء للسيارات الفرنسية والصيني كله أما اللى حابب يشترى نص مرسيدس يشترى MG6 يمكن تنجح والله اعلم
اوبترا / نيسان صنى / النترا hd ام هناك خيار افضل منهم؟ من حيث ايهما افضل كسياره اعتمادية للشغل فى اوبر ومقبوله للسفر بها للرحلات والتأجير للمناسبات ؟؟؟
اعتقد بأن موضوع جداول المقارنات فاشل لاننى أرغب فى سماع المعلق بصوته وليس جداول مقارنات ومعلومات فنية مكتوبة .. ده كسل وعدم إهتمام بالشرح الوافى .. رجاء الإهتمام بالشرح بنفسك وليس بالاءستعانة بالجداول خصوصاً إن دقة وضوح الإنترنت لا تساعد رؤية المقارنات بالجداول .. .. ده رأيى ويكفى النظر إلى القنوات المنافسة لحضرتك .. مفيش كسل وإهمال .. شكراً على سعة صدرك
قولت في الأول مش معروف اسعار قطع غيار والصيانة لام جي وفي الاخر قولت غالية جدا؟؟ وبعدين ازاي تقارن صيني بايطالي؟؟ هناك فرق.. ممكن تقارن صيني باخري صيني.. وكل الشكر لك
التيبو تتفوق بمراحل عوامل امان موثوقة ثبات وخامات تصنيع جيدة . اما التانية صيني يعني خامات صيني وعوامل امان صيني باة. وليست الخامات اللي بتروح الخليج . صعب جدا سيارة صيني تكسب سيارة اوربي
@@doaasaied-voiceover9641 ابعدى عن جاك خليكى فى أم جى شركه معروفه ومع وكيل قوى و العربيه يوم عن يوم بتثبت نفسها ولو بتكلمى فى رنج 270 أو 280 شوفى حاجه غير أم جى إنما 240 أم جى 5 أفضل حاجه
