لااعلم مافي بيوتكم٠ولكن أسأل الله إن كان فيها "مريضا "ان يشفيه وان كان فيها "مهموما "ان يفرج همه ،وإن كان فيها "مديونا" أن يقضي دينه ، وإن كان فيها مبتلا أن يعافيه وإن كان فيها" ميتا "أن يرحمه ويرحم موتانا وموتاكم ويجمعا بهم في الفردوس الأعلى
هذا اللي كان خطيبك نحسبه شهيد عند الله تعالى، الرسول صلى الله عليه وسلم قال في معنى الحديث من مات دون عِرضِه فهو شهيد) يعني اللي يموت دفاعا عن شرفو.. الله يرحمو ويصبرك ويعوضك ويجبرك ويكون معاك
يا سارة اختي أنا ننصحك انك تبدلي كامل الولاية وين تسكني روحي أنت واختك أو رجل اختك وين واحد ما يعرفك ارض ربي واسعة يا اختي كيما يقولو ناس زمان بدل لمراح تستراح أو ربي يخذ الحق في هذا ربيع أو صحابو أو كامل لي راهم يهدرو فيك وكلي عليهم ربي أو خليهم
و الله العظيم نفس التفكير بدلي الولاية و بعدي و أدي معاك أختك و راجلها و ولادها...الحل الوحيد. و بي معاك إن شاء الله. ما فهمتش علاش الخطابة كيسمعو بحكايتك يبطلو؟! زوج بغاوك و تقاتلو عليك.
والله والله ربي سيعوضك . ثقي في الله . كبرتي اختك و قريتيها و زدتي لمتي اختك بعد ما مرض راجلها . ديري في بالك انو هادوك لي خطبوك ممكن ربي بعدهم عليك . لازم يكون عندك اليقين بالله. و المشكلة ليست فيك في الناس لي مايخافوش ربي .
😢نصيحة يا بنات الا حبكم زوفري و كلوشار فالحومة وما قبلتيش غير ارحلو و ماتبقاوش في نفس الولاية ولا المنطقة هاد الحثالة ما يبرد لا هو لا ماليه حتى يدمرولك حياتك كان لازم عليك ملول ترحلو سورتو دار كرا روحي اكري قريبة لخاوتك علاه ساكنين بعيد عليهم نتي تان تتحملي جزء من واش صرا لخطيبك كان كل مرة يتبلاك ويمسك ونتي عاجبك الحال كنتي تروحي تشتكي بيه عند لابوليس
سؤال تبادر في ذهني :لماذا لم تغير صاحبة القصة مكان سكنها ؟ ناس بكري قالوا : بدل لمراح ترتاح ... كن غير خرجت من هذيك المنطقة لعل الله تعالى يكمم الافواه المفتوحة عليها .
والله نفس السؤال حتى أطفرت باش بدلت الدار وعلاش تروحي تخيطي في حومتو وقدام دارهم خلاصو الخياطات وزيد خاوتها وباباها ماشي رجال كيفاش يخلو زوج بنات يعيشو وحدهم
حسبي الله ونعم الوكيل في كل واحد ينهش في لحم. ولية ونقول لصاحبة القصة صلي وإستغفري وهذا قضاء وقدر خطيبك ربي يرحموا ريحي ضميرك باسكوا ربي متكبلوا يموت يدافع على شرف ولية وربي يجعله في الجنة 😢
ربي يفرج عليك ويرزقك الزوج الصالح لي نارفاني فالقصة هوما صحاب الحي كفاش تنحقر بنت جارهم وزيد يتيمة ومايوقفوش معاها والله الجزائريين الحرين ماشي هاك زعمة مكانش حتى واحد يوقفله خاب ضني بزاف بزاف الله يرحم خطيبك وحسبنا الله ونعم الوكيل في كل من يخوض في أعراض الناس
ومن يتقي الله يجعل له مخرجا و برزقه من حيث لا يحتسب. حبيبتي تاكدي ان خطيبك الله يرحمه استوفى عمره و جاء أجله . اما ما حدث لك هو ابتلاء و لازم تصبريله . واول ما يجيك خطيب احكيله انتي. يا حبيبتي سيعوضك الله تاكدي من ذلك فقط اصبري وتمسكي بالله
يا ختي القصة هادي اثرت فيا بزاف بصح انا تاني نعاتبك علاش ما شكيتيش بيه وعلاش ما كريتش دار بعيد علا هاد الهم حتا طفرت فخطيبك مسكين لهلا تربح لي كان السبة 😢😢😢
لا حول ولا قوة الا بالله واش هذا الوقت لوصلنالو يا لطيف ولينا عايشين مع هوايش و القتل اصبح عادي كان من الاحسن ترحلي أنت و اختك من هذاك المكان لما كنت تتعرضي لتلك المضايقات ربي يفرج عليك و يرحم خطيبك راح غلاط مسكين
ربي يفرح عليك اختي والناس تهدر تهدر اونتي غي الخير الي راكي دايراته في اختك يشهدلك بانك انسان في القمة تقربي من الله بالدعاء وقراءة البقرة يجعل لك مخرجا انشاء الله
غضني خطيبك رحمة الله عليه وكأنه شهيد مات دفاعا عن عرضه وشرفه خاطر نتي شرفو الله يسكنه فسيح جناته آمييييييين أو الي كان السبب الله ينتقم منو شر إنتقام بصح لكان شتكيتي بيه ماللول هذاك المجرم
لا حول ولا قوة الا بالله 😢 ربي يفرج كربك لكن انت غلطتلي كي ماخبرتيش الشرطة من الاول نهار ضرب خاوتك علاش ماشتكيتوش بهد الربيع حتى تمادا ووصل للقتل بدل ما كنت تخبري خطيبك كنت تروحي لشرطة مباشرة وترفعي عليه قضية تحرش وعلاه مارحلتيش وكريتي في مكان اخر من نهار الي ضرب خاوتك للاسف السكوت على الحق ايوصل للجريمة والان بدل ماكنت جيبي اختك كنت انت روحي المدينتها واكري التم وين ماعرفوكش ماعندكش حل واحد اخر غير تفري بنفسك وعرضك ودينك ومادام كارية تسهل عليك الرحلة وان شاء الله كيما فرجتي هم وكرب اختك ربي ايفرج همك ويبعث لك زوج صالح عاجلا اكثري من الاستغفار والحوقلة والصلاة على النبي ظعجزة في تفريج الهم وكثري من الصدقات ولو بسيطة على خطيبك رحمه الله
ياسارة ختي ربي يرحم أمك وخطيبك كان راجل على الأقل ضره قلبه كتر من باباك لي ولدك وسمح فيك يتحاسب عليها وهو سبب كلش, هدا ابتلاء ختي وغاضتني طفولتك كتر ملي كبرتي 🥺 ,ربي يعوضك ختي بما فيه الخير ,و ديري بلي ربي راه كاتبلك غي الخير ,صفية يعطيك الصحة رانا نجمجمو ❤
صباح الخير و الفل والياسمين ختيتو 😊 واش راكي سوسو واسرتك الكريمة ربي يحفظك فعلا هد الاب الي ماعندوش قلب على بناتو وماخافش على عرضو وشرفو وخلاهم عايشين وحدهم والله راح يتحاسب عليهم
الناس ماترحمش وهذاك ربيع الله لا يسامحو والاخت انت غلطتي كي عيطي لخطيبك وقلتيلو أرواح خاصة عرسك قريب وكان عليك أن تتفادي الخروج وحدك .ماعسانا نقول قدر الله و ماشاء فعل.
حسبنا الله و نعم الوكيل "و لاتحسبن الله غافلا عما يفعل الظالمون إنما يؤخرهم ليوم تشخص فيه الأبصار" ربي يتولى أمرك و يخرجك من هذه المحنة احتسبي اصبري راهي جبال من حسنات يوم القيامة و الناس اللي كلاو لحمك و طعنوا فيك ربي قال "يحسبونه هينا و هو عند الله عظيم"تجيهم أيام اللي يشوفو الأثر في حياتهم و حسبنا الله و نعم الوكيل
حسبنا الله ونعم الوكيل ربي يخلص فيهم وربي يجيبلك حقك هذا راه غير ربيع واهلو روحي للأمام وخبريهم يدعوك ويدعو عليهم ربي ينصرك سلام والله معاك ينصرك علي كل من تكلم في عرضك
خطيبها شهيد بإذن الله: من مات دون عرضه فهو شهيد. أما صاحبة القصة يا سعدها عند ربي تلقى جبال من الحسنات ما تعبت عليهم ما شقات باش تجيبهم، وتلقى سيئاتها كامل داوهم لي كانو ينهشو فيها ❤
قصة مؤلمة جدا الله يرحم خطيبك و الله يفرج عليك و حسبنا الله و نعم الوكيل فيهم كان عليك تخرجي من الحومة بمجرد انك انخطبتي لكن قدر الله و ماشاء فعل كثري من قيام الليل و الدعاء ان شاء الله يفرج عليك نتيا و ختك و يشفي راجل ختك و يرزقك الزوج الصالح و باباك راح يتحاسب عند ربي لانو سمح في عرضو يتبهدل هكذا و ام ربيع تدخل جهنم لانها اخرجت مجرم و تسببت في قذف المحصنات
في مايخص صاحبة القصة نقولك صبري ختي وهاذا كلش مكتوب ونت الله غالب وكان عرفتي ماتحطيش روحك في هاذ الموقف كيما يقولو ناس زمان إذا حمى راس يبرد راس والله غالب طفرت واللي فات مات نسي لحكاية والزواج ثاني مكتوب الله وهاذو غير أسباب إذا ربي مكتبلك الزواج يا لوكان أمة تتفاهم عليك وإذا مامكتبهلكش وكان قاع تجري موراه الدهر ربي يفرج عليك والمهم تكوني بينك بين ملاك صافية ودعيه هو لي يعرف واش راه يدير
صباح الخير صفية نموت عليك يالحبيبة وملات القصة ربي يكون معاك وربي ياخذ فيهم الحق حسبيا الله ونعم الوكيل ونتي درتي غلطة كبيرة كي ماشتكيتيش كان لازم تشتكي اختي وربي يكون معاك ❤❤
لاحول ولا قوة إلا بالله شدي في ربي ياختي والله ربي مايخليك لأنو أنتي مظلومة وهاذا إبتلاء من عند ربي الله يفرج عليك وهوما ماتخافيش ربي ياخذ فيهم الحق كوني متيقنة
نقول لصاحبوالقصةمكتوبك مازال برك ماتستعجليش عليه كي يجيك خطاب احكيلو واش صرااذاحب يكمل معاك اللهم بارك واذالا خيرمن تروحي عندووترجعي مكسورةواحكمي في ربي فقط خليك مالهدرةتع الناس كون جاويخافوربي مايحكوش فيك النبي عليه السلام وماسلمش من كلام الناس تهموه عليه السلام بكل شيء وهوخيرخلق الله فمابالك نحن بالنسبةلخطيبك وصلت ساعته ربي كتب له عمره وهوفي بطن امه وانت فقط سبب لااكثر
والله طاحتلي الدمعة عليها مي قولتي كلمة شابة انت عندك ربي سبحانه هو ياخذلك بالحق ويجازيك ويعوضك ان شاءالله اما خطيبك نحسبه شهيد عند الله لانو مات وهو يدافع على شرفو ربي يرحمو وينتقم من كل واحد اذاك امين
والله يا اخت صفية تعجبني بزاف بزاف الله يحفظك ويعطيك حتى يغنيك. اما عن هذه الإنسانة الله يفرج همها وكربتها ويرزقها الزوج الصالح اللى ما يعرفه حتى واحد وما يسمعش لكلام الحاقدين
ربي يفرج عليك أختي و ماتخميش مادام ربي كاين راه يخلص فيهم و نتي أجرك عند ربي سبحانو و نتي ماعندك حتى ذنب في موت خطيبك ربي يخلص فالظالمين حسبنا الله و نعم الوكيل
لا حول ولا قوة الا با الله ربي يرحم خطيبك ونشاء الله راه فالجنة اما ربيع نشاء الله يتعفن في السجن والجحيم حسبي الله ونعم الوكيل فيه بصح كنتي تتفداي الخرجة يامات عرسك ربي يعوضك نشاء الله 😢
أختي سارة تأكدي انك لست السبب في مقتل خطيبك أن شاء الله يرزقه الجنة ، تأكدي أيظا انك بنت نظيفه المؤسف أننا شعب يحب الفتنة كثيرا ولا يخاف الله في دلك ، أتعجب كيف للآخرين يمدحوننا اين الصفات الإيجابية فينا ،رزقك الله من حيث لا تحتسبين أن شاء الله
😢😢لا حول ولا قوة الا بالله العلي العظيم قصة صادمة ومحزنة بزاف للأسف يااختي صاحبة القصة هذا مكتوبك ماعندك ماتديري والله غاضتني حالتك يااختي ربي يعوضك بالخير ان شاء الله وعند الله تلتقي الخصوم حقك مايضيعش عند الله وربي يجازيك على هذا الإبتلاء انت مرأة مؤمنة وربي عالم بك والله يقويك اختي على كل حال وخطيبك المخلوق الله يرحمه ويسكنه فسيح جناته مات على كلمة حق وكان رجل فيه خير والمجرم لي قتله ربي ينتقم منه ان شاء الله