السلام أخت آية هدريلي على مشروع الدروس الخصوصية من البيت و مشروع كتابة مذكرات التخرج بغيتك تقوليلي كفاش نبدا و كيفية التسويق و الأسعار و كلش بالتفصيل مع العلم عندي ليسانس في الأدب العربي و عندي إمكانية تعليم المواد الأساسية الأخرى . قلتيلي بعد العيد ندير لك الفيديو.رجاءا أختي والله راني محتاجة مشروع و راني تاكلة عليك بعد الله سبحانه
اختي انت تعرفي الحي لتسكني فيه وتعرفي تلاميذ تطلبي منهم لحبو يديرو دروس في اية مادة المهم يعرفوك في حيك انا بنتي تقرا سنة ثانية ادب ودير لكور عربية لاصحاب المتوسط المهم الارادة والعدد يجي بلعقل موفقة ان شاء الله
اختي علاه حصلتي نفسك بهاذ النوع من الحصالات راكي طبقي في الاوراق النقدية بطريقة تتسبب في تلفهم فيما بعد انت في كل الاحوال تقدري تحكمي روحك و ماتجبديش ديري بلارات و حطي الاوراق بحيث يقعدو صحاح ....
سلام عليكم ❤ختي اية خدي يدخولي خمس الاف دينار كل شهر هذي خاصة بي أنا قترحي لي افكار واش نعمل بيهم ويدي مثقوبة لي يجو في يدي نصرفهم كامل وما راني لامة ولو الف
سلام ختي ممكن تقوليلي كيفاه ندير حصالة باسكو ماعنديش مدخول غير شهرية الزوج وهو مالحقش باسكو فيه دين كبير راه يخلص فيه وعندي بيبي صغير بسلامتو يشرب الحليب نشريه 100الف للقوطي غير مصروفو وحدو مليون وميتين ومرات تفوت كي يكون مرض بعيد الشر وانا ماعندي حتى حرفة نخدمها تمنيت ندير حصالة بصح ماقدرتش نحط فيها ممكن كاش فكرة ولا تدبيرة وأجرك على الله
