اختي الا ممكن نصيحة خديت منتوجات كثيرة وتلفت مثلا عندي glycolique acide وكذلك azilic acide و retinol the ordinary و v c و retacnil المهم عندي النمش و مؤخرا لاحظت سطر خفيف فجبهتي بسبب تعابير الوجه
واش حماقيتي نتي شارية جميع المقشرات باغا ديريهم مرة وحدة غتخرجي على وجهك مزال غليكوليك أسيد مع أزيليك أسيد عادي ولكن ريتاكنيل مجهدة مخصكش ديري معاها مقشرات أخرى والنتيجة ديالها كتبان على المدى البعيد أنا عامين وأنا كنديرها عاد المسام عندي بداو شوية كيتقلصو ولكن كنديرها غير بوحدها تقدري ديري معاها سيروم نياسينامايد غيعطيك نتيجة أسرع أما الريتينول راه غير للوقاية من التجاعيد مكيحيدش الخطوط ولو تكون رفيعة لأنه أخف بكثير من التريتينوين ( ريتاكنيل ) واخا نفس المادة والغليكوليك أسيد فعال بالنسبة للحبوب والرؤوس البيضاء أكثر هو والسالسيليك أسيد أما الأزيليك أسيد للناس لي البشرة ديالهم حساسة ومكتستحملش المقشرات الأخرى أو الناس لي عندهم الوردية و راه ممزيانش تبقاي تخلطي فالمقشرات غادي غير تحرقي وجهك ومغتستافدي والو وتقدري تولي فمشاكل أخرى ديري حاجة وحدة تبعيها ايلا شفتيها معطاتش نتيجة عاد دوزي لحاجة خرى
