@@mariabennai4852 المرأة المتزوجة لها الحق عندما يكون سنها لا يتجاوز 40 سنة وليس لديها أي مدخول وغير مستفاذة من أجهزة دعم الدولة بكل فروعها والزوج ليس لذيه أي ذخل
عندك الحق حنا ثاني طالبي عمل اللي ما قراش يخلص واللي متحصل على شهادات لا لا هذا يشجع ابناءنا باش ما يقروش علاه ازواجنا راهم قادرين علا الاسعار الجهنمية
قرار هدا دار فتنة بين الشعب الجزائري لاحول ولا قوة إلا بالله تضحكوا علينا لازم الشعب يتحرك منخلوش هدا الشروط خاصة تاع المتدئين تسما لي خدم شهرين فحياتو مع دولة ميديش المنحة اللهم لا تؤاخدنا بما فعل السفهاء منا
نطالب بالغاء شرط المبتدءين في منحة البطالة هذا شرط ظااالم وقاااهر يعني لي كان خدااام مقبل وتقدرت عليه وحبس منخدمته وضرك رااهو بطاال ويبحث عن عمل علااش تحرموه مالمنحة علااش اااه؟؟؟ هذا ضلم والضلم حرام ورانا فدولة اسلامية علاش هذا الضلم حرام حسبي الله ونعم الوكيل دمرو الانسان نفسيا قال نصون كرامة الشباب ولي كان خدام وحبس وراه بطال ضرك وااش يعني معندوش كرااامة ؟؟؟؟ ميديش منحة ؟؟؟ كيفاش ؟؟؟ ساعدونا نحولنا الشروط التعجيزية
شروط تعجيزية الخاسر الوحيد هم اصحاب شهادات لمساكن الله لا يتربحكم دكاترة ايخلصو هم منحة البطالة على بيها راحلنا 1200طبيب لفرانسا من القش قهرتونا الله يأخذ فيكم الحق
أصحاب 19 سنة وضعوا لهم شرط بطاقة الخدمة الوطنية و لا يدرس في الجامعة أو في التكوين و أصحاب العشرينات إلى الأربعين وضعوا لهم شرط بأن يكونو لم يعملوا في حياتهم و لو شهر طول هاته المدة و أصحاب الأربعون إلى الستون و المتزوجات أصحاب الشهادات و الماكثات في البيت غير معنيون بتاتا بهاته المنحة منعرف واش درنا في حياتنا حتى تبلينا بهاذ المافيا لي ماحبتش تخطانا عصابة تخلفها عصابة أبشع منها
#العقود المنتهية لا داس تستغيث 🥺😔 حسبنا الله ونعم الوكيل فيهم كليتونا صحتنا ست سنوات نخدمو ثمن سوايع بأجر تحشم تتهدر عليه وقت مافرج ربي علينا وفرحنا جبتونا برا ودخلتو الجدد الي عندهم عام واقل من عام 😓
منحة البطالة مخصصة لبعض الجزائريين اما الانتخاب وبطاقة الانتخاب لجميع الشباب وواجب ان ينتخبو الظلم الظلم الظلم الظلم الظلم الظلم الظلم الظلم . احسسنا اننا لسنا جزائريين اول مرة في حياتي اكره بلادي من قلبي
حسبنا الله و نعم الوكيل علاش هده الشروط التعجيزية كامل الجزائريين خدمو وخرجو علاش تحوسوا على الي فات راحنا في دروك راه بطال عنده الحق يستفاد الشرط الوحيد يكون معندوش دخل. حرام عليكم
لازم منسكتوش على هاذ الشرط القاهر لي كان خدام وتقدرت عليه وحبس منخدمته وراه بطال ضرك ويبحث عن عمل وملقاش واش ذنبو ؟ علاش يحرموه مالمنحة؟ نطالب بالغاء شرط المبتدءين في منحة البطالة
يعطيك الصحة انا استفدت سنتين anem الدائمة وحولتها للقطاع الخاص بريد الجزائر لسنتين ومنبعد ماحبش بريد الجزائر يزيدوني العقد وراني بطال من 2016. تسما يديرولي عراقيل اني استفدت. ياك. افففففففف
لي رب في السماء له الاسماء الحسنى منها الوهاب..الرزاق...ذو القوة المتين...حنا ما نقدروش عليهم...ولكنك سبحانك تقول للشيئ كن فيكون....انا من أصحاب العقود السابقة وباغية هذا الشرط يزول ويمحى ...ويرفع السن من 25 الى60سنة... و صلى الله على سيدنا محمد وعلى آله وصحبه أجمعين
كيف لمتخرج من جامعة عمل في شانطي (مونوفري)واشترك في صندوق الضمان وهو حاليا يبحث عن عمل بشهادته ويحرم من منحة .....كم انتي عصية ياجزائر على ابناءك من جبروت ابناءك
السلام عليكم من فضلكم حنا خدمنا عامين بريفي لانام وعندنا عشر سنين وحنا بطالين من ذاك اليوم مزدناش ذربة،في الخدمة قاعدين نطلبو،وناكلو في الحجر...رانا نكبرو،ومعدناش مدخول وولادنا ضاعو معدنا كارت الشفاء معدنا باه نداوو،كلش غالي ...معدنا باه نخلصو السكنة والكرية تع السكنة،وكل خطرة يجيبونا انذارات،باش نخلصو السكن وحنا معدناش مدخول مليح من فضلكم رجعونا نخدمو ودمجونا وبنونا شركات ومؤسسات،وخدمونا أرض ربي واسعة ارجوكم في اقرب وقت حتى المنحة،ومصحتناش قلتونا كنتو خدامين من قبل واش خدمنا واش ستفدنا زوج دورو دراهم واش درنا بيهم راحو غي في الكرية،والضو ارجوكم ساعدونا وطمنونا في اقرب وقت ونحونا السن 35 وما فوق رجعونا نخدمو ودمجونا وحسبونا السنوات التقاعد فينا ديون من فضلكم قبل عام 2023
جل أسباب الرفض في منحة البطالة الشباب الذي عمل مسبقا و الان أصبحوا بدون عمل ...لا أدري كيف نعتبرهم أليسوا بطالين فلمادا تم رفض طلبهم.....الله لا تربح العصابة التي تحكم الجزائر أفسدوا علينا دنيانا و نحن نفسد عليكم اخرتهم.
منحة البطالة هيا إلي ريحة تفجر البركان والله غي رهم حابين يخلطوها هذي هيا الجزائر الجديدة والله غير مرقتها ياتبون عيينا نخلقولك في الأعذار بصح مرقتها هذ المرة بزاف بزاف وآلله
الامل الوحيد كان منحة البطالة و زادو حرمونا منها كي خدمنا شهر اي ليك الجزائر يا تبون ياكلنا الحوت ولا نتا مدها يفليكسيو بيها و ياكلوها ساروخ و حنى خليناهالكم
واحد معندو الحق مش غير نسا ، حتىرجالة مدايرينلهم شرط تعجيزي يلقحبااات ، لازمنا نعڤبو لعسكر ولا ماكاش ، اسكتو نكماتكممم بلاد نسا راكم اصلا معفيااات من خدمة وطنية
@@lillittle8824 والله ياخي عندك حق كنت نستنى فيها باحر من الجمر ومن بعد قالك الخدمة الوطنية وانا ماعنديش ربي خير وهو الرزاق حسبي الله ونعم الوكيل باه يعطيك زوج دورو دارلك شروط تعجيزية تفو دولة ميكي
ياختي كلشي مدروس طمعو الشباب البطال بالمنحة فالاول ومبعد دارو شروط تعجيزية بلعاني تسما سكتونا على حق العمل بالمنحة مبعد ماكان لا منحة لا عمل عصفورين بحجر اللهم اجرنا و اخلفنا خيرا يا رب
السلام عليكم انا نتمنى يڨلعو شرط عمل اول مرة مبتدئين لانو انا خدمة من 2011حتى 2013 درة لانام پريفي هي عطاتها ليتورجي وانا باتت فيا المؤسس لي روحلها يقولك نخدم واحد جديد بين قوسين باه تخلصوا دولة المهم ترجع لنام تقولك راه حابس قعدة نقارع يبدل قانون صافي من 2013 حتي 2022 وزيدكم كي نفوت لكونكور يقولك لأولويا اصحاب لنام دولة نت بريفي معندكش نقاط...الخ درك حلت انام كي حلةو طلبنا منحة قالك مرفوضة املا عطونا حل ماطبنا ماحرقنا فهمونا
نحن المتزوجات الحاصلين على شها دات عندنا الحق في طلب عمل لا علاقة للزوج الاسبقية والاولوية للقا رين ماشي اللي ماقراش تشجيع الشباب على التخلي على التعليم دولة التخلف
شروط مرفوظة من الاغلبية منحة البطالة تكون بمعنى تسميتها يعني لكل واحد بدون عمل حتى وإن كان🍩 استفاد من قبل ،اعدلوا فان الله يحب العدل واعطوا كل ذي حق حقه دون شروط الا الجنيسة الجزائرية.🤔😧
وما مصير. خريجي. الجامعة الذين تجاوزوا. 40 بعد كانوا ككل 6 اشهر يجددون. شهادة بطاقة العمل واغلبهم. محتاجين للعمل. تجده رب. عائلة وكذلك بالنسبة للمرأة ليس لها اي دخل. وكذلك غير متزوجة وهناك يتامى ...
اخلصوا النية لشعب الجزائر المظلوم وصفيوا القرارات كما في الدول الاوروبية راه الشعب كره حياتو في هذه لبلاد،وصونو كرامة المواطن كيما قلتو،متحلوش مشكل باخر اكثر منو.😤
سما اي شخص خدم قبل في مؤسسة خاصة و اصبح بطال تحرم عنه هاته المنحة هكذة الي معنيين بهاته المنحة هم الي اقل من عشرين سنة لأنو اي شخص اكبر كان خدام خدمة مؤقته نظرا لوضعية الاقتصادية
ربي وكيلكم على هاذ الظلم والله مانسمح في حقي، دولة الباطل راجعو حساباتكم وين حق الجامعيات المتزوجات البطالات ،عاود حسباتك ياتبون راك قهرتنا حطمتنا حسبي الله ونعم الوكيل
نطالب الرئيس تبون بإلغاء بعض الشروط السن العمل لأول مرة لأننا نعانيو من البطالة نعانيو من سوء المعيشة نعانيو من كل شيء يعني علاه ضيعونا في حقوقنا رانا تشبعنا من الشروط التعجيزية والتهميش خاصة نحن أصحاب الشهادات لا حول ولا قوة الا بالله العلي العظيم الله
نداء للرءيس الجمهورية التدخل العاجل والغاء شرط السن لانه فوق الربعين حاملة لشهادة وطالبي عمل وهو اقر هذا المشروع بصفته المسؤول الا ول لابد من انصافنا ومراجعة هذا القانون لانه فيه ظلم كبير وتمييز بين ابناء الوطن الواحد وفي هذا السن نحن بامس الحاجة للعمل ونقول ايضا فرص العمل قليلة جدا وماهي اساسيات العيش الكريم في ظل الغلاء المعيشي ونحن نعيش دون دخل والى متى نريد تدخل رءيس الجمهورية عاجلا وبصفتي كمبتداة حتى تكون الجزاءر الجديدة جزاءر العدالة والا نصاف
يعني طول حياتي وانا نقرأ وفي الاخير حتى منحة حرموني منها بحجة زوجي يعمل حسبنا الله ونعم الوكيل ويقولك حفاظا على كرامة الشباب حتى باه تتحصل على استخلاف في التعليم لازم معريفة فهل ياترى نفقد الأمل في هذه البلاد؟
كرهتونا فالبلاد ومابقاتش قعدة هنا سما لي كان مسوري من قبل ماعندهش حق يدي المنحة ومؤدي ڪامل واجبات الخدمة الوطنية ديبلومي ومفوطي من قبل والله فوطيت على تبون وندمت
