علي الكلثمي بدون مبالغة هو من مؤسسين السينما عندنا بالسعودية … عرفنا الفيلم القصير بالسعودية من علي، عرفنا نجوم كثير اليوم بالساحة السينمائية او التلفزيون بفضل الله ثم علي، عرفنا اليوتيوب وسكتشات اليوتيوب بسبب علي بعد خمبلة وبداية تلفاز، الرجل هذا له فضل كبير في صناعة السينما السعودية اليوم، يعرف كيف يوظف اي ممثل عنده ويركب عليه شخصيه تناسبه والجمهور يتعلق فيها، يعرف كيف يوظف افكاره وينتج لنا اشياء بدون تجاوزات او اساءات لاحد … سعيد بأول فيلم طويل له بالسينما السعودية واتمنى له نجاح باهر وكبير ❤
تحية احترام واجلال للمحاور نايف العصيمي على تركه للضيف يسولف وهدوءه اللي يدرس والمامه بعالم السينما، وشكرا للمعدين الفنانين في اختيار الاسئلة المناسبة، وشكرا لعلي الكلثمي الشخص المتواضع و الواعي .. حلقة كبيرة من اشخاص كبار
بصراحة جاي اعلق على المقدم الرائع كيف يعطي مساحة للمخرج يتكلم و عفوي في سرد الاسئلة لعلي الكلثمي ساعة وشوي مرة خفيفه ومن اجمل لقاءات علي عن فيلم مندوب الليل عكس اللقاءات الثانية شكراً للقائمين على هذا اللقاء الجميل👏🏽
علي الكلثمي انت شخص مبدع وفنان حقيقي شكرا للنشرة السينمائية وشكرا على كل القائمين على هذي الحلقه وعلي لا توقف افلام ولا توقف قصص كمل وحنا متحمسين للأفلام الجاية
شفت اللقاء كامل مر علي وكأنه 10 دقايق وكنت مستمتع وكنت اتمنى مايكمل اللقاء بهذي السرعة من زمان وانا احب شخصية علي الكلثمي معجب فيه وفي تفكيرة ورقيه واخلاقه احس انه قريب من شخصيتي كلامه يلامس مشاعري ذكرني بأجمل ايامي الي عشتها بالسعودية ايام طفولتي ايام شبابي في مدينتي الرياض ما ادري كيف اعبر لكنه وهو يتكلم كانه شغل شريط فيديو يمشي في مخيلتي ماودي احد يعيش الحياة الي انا عشتها كشخص ولد وتربى ودرس وتعمق في الثقافة السعودية وترك وطنه واهله وناسه والان مجبور اني اعيش بعيد عن المكان الي احبه جسدي في امريكا لكن قلبي وعقلي وتفكيري وذكرياتي ونادي الهلال وحي البديعة والرحمانية في معشوقتي مدينة الرياض عاصمة السعودين وعاصمة الوطن العربي والشرق الاوسط بأكمله ، بأذن الله الواحد الاحد ان لي زيارة قريبة بشوف فيلم مندوب الليل وبشوف فيها اطيب وابيض قلوب البشر الي عرفت نفسي الشعب السعودي العزيز على قلبي يالي واحشيني قد مساحة السعودية واهلها الطيبين قسم بالله يوم اقابل شباب سعوديين يدرسون هنا في شيكاغو وكأني اقابل الاشخاص الي ناقصين في حياتي ويطري علي بيت الشعر لشاعر القدير خالد المريخي يوم قال من كثير مافيك ملح وفيك قبله قبل تتكلم عرفت انك سعودي استودعت الله السعودية 🇸🇦 واهلها وسكانها
هالجملة بحد ذاتها خيالية مستحيل لو تصرف الملايين على المرافق العلمية والجامعات والبرامج التوعوية وغيرها مارح يغير من الناس الانسان حتى يغير من نفسه وواقعه البائس لازم يعرف ان هالشيء مو صح وخاطئ وهالشيء الي نشوفه بالافلام السعودية حاليا هو انعكاس كثير منا يكون فخور بتصرفات غير اخلاقية هو يسويها دائما ويعتبرها حاجة عادية طبيعية مثل التهجم والصراخ على العمال والجنسيات الاخرى الافلام تكون مرآه له اذا ماوعى او ما احد وعاه
بعد لفة سريعة على الكومنتات اكتشفت ان شعبنا مدمن نقد تاركين الحلقه وقاعدين يتكلمون عن رجول الموضوع وهذا والله اعلم من كثر مااندعسوا وتم انتقادهم وهم صغار صاروا ينتقدون بلا وعي وينتقدون كل شيء
و الله استمتعت بكل كلمه قالها علي الكلثمي و لو كان اللقاء عشر ساعات ماراح احس فيه .. تعليقي على اخر جزء لما قال مو وظيفه الافلام انها تربي و ان انسنه الفلم بالواقعيه شي محبب فعلا فلا نسوقها على بعض اننا مجتمع مثالي احنا مجتمع زي البقيه فيه الكويس و السيء .. فلما نجي ننقل حدث صار بالواقع حلو انه يكون فعلا شيء نقدر نتخيل انه يحصل في هالواقع. يعطيكم العافيه و شكرا لعلي و ننتظر مابعد مندوب الليل من الان . اختكم هديل.
توني ببداية اللقاء لكن شدني صدق علي الكلثمي مع نفسه ، صدقك مع نفسك يعكس نجاح تأثيرك ووتوصيل فكرتك للمجتمع براضو علي وفخورين بهذا النجاح ونتطلع للمزيد 👏🏻👏🏻👏🏻🤍
لقد كان إلقاء من أكثر الحوارات إثراء في إيضاح أدق وأعمق الجوانب السينمائية في السعودية، استطاع المذيع من خلال أسئلته الذكية أن يستفز التفكير ويكشف أبعاد الشخصية الإبداعية للفنان الكلثمي. وأظهر الكلثمي بصدق وإخلاص رؤيته للسينما، ما جعله يتحدث بحرارة عن تجربته الفنية وآماله، حوار جميل بين الفن والثقافة… شكرا للمحاور نايف وللضيف علي. في انتظار الحلقات القادمة بشغف…
علي الكلثمي انسان جميل وذكي وذرب اذا تكلم تستشفي الخلفيه الثقافيه على طول اذا عمل تستوعب مدى الحرص على العمل على طول من كم الابداع .. شهادتي فيه محروحه خالصين منها .. واول مره اتوقع اشوفله لقاء طويل . انتقاء مفردات ابهرني .. وذرابه عجبتني .. يكفي انه أعطم من جلد الشعب بطريقه ودك تقوله : اجلدني كمان .. في جزئيه ربوا عيالكم هذي مسؤوليتكم ماهي مسؤولية الافلام هههههه رهيب .. استمتعت
بالصدفة شاهدت قبل قليل لقاء مع المخرج حاتم علي في خليك بالبيت ، والان اتابع لقاء مع مخرجنا السعودي علي الكلثمي ، واقول انشاء الله اللي هذا بدايته ممكن يصل لمستوى حاتم
علي الكلثمي أدري إنك بتقرأ تعليقي واصل، استمر أنت مستقبلنا كجمهور سعودي متعطش لأفلام سعودية نبي كل سنة فلم شكرا على فلم مندوب الليل اللي جزء منه يلمس شخصيتي❤
ماشاءالله عليه المخرج علي الكلثمي ماقصر في الفلم وزمان انا مااحب اتابع اي عمل سعودي بسبب الكوميديا المفرطة او الدراما الجدية بزيادة وفرحت الصدق بفلم مندوب الليل وكيف حاول يسلط الضوء على شريحة غير مخدومة فالمجال الله يسعده ويسعدكم على هذا البودكاست الجميل 🫶
أحب علي الكلثمي من أيام خمبلة ❤ مافيه شك ان الفيلم كان افضل فيلم سعودي حتى الان بدون مبالغه ! اتمنى علي يتخلى عن مرحلة الشك ويبدأ يصدر افلام سنوياً حنا بحاجة لافلام سعودية تتمتع بهوية مثل مايشوفها علي الكلثمي
﴿ وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ ﴾ - سُبحان الله . - الحَمدُ لله . - لا إله إلا الله . - الله أكبر . - أستغفِرُ الله . - لا حَول و لا قوة إلا بالله - اللهم صلِّ و سلِّم على نبينا محمد .
بالعكس لازم تكون السينما لتغيير واقعنا ، مهي مشكله انك تسوي فلم او مسلسل يحاكي حالة اجتماعية بكل واقعيه وانصاف ، لكن في نفس الوقت انت يامنتج او ياصاحب العمل او يامستثمر لازم تشتغل بالأجنده الأسلامية وتستعمل ثقافة المجتمع الإيجابية والمبادئ الي تبني المجتمع وتحل قضاياه وتفتح عيونه على حاجات ممكن كانت غايبه عنه وما يلاحظها في حياته ، فالأول والأخير انت تستعمل الأعلام والأعمال الفنية لهدف ربحي واحنا نقدر هذا الشي ، بالعكس قدم المحتوى الي يرضيك " لكن " لازم تكون لك لمسة تمثل كيانك وكيان مجتمعك ففي النهاية انت ابن البلد ، ولا ليش نتفلكس كل شوي يطلعونلنا بفكرة شاذه ويدحشونها في كل منتجاتهم واحنا نتشبع منها ولا حنا دارين " مسلسل او فلم قادر على ان يصنع في المجتمع افراد يتبنون افكاره ويحاربون عشانها ، ولذلك الإعلام يعتبر سلاح ذو حدين ولابد من أستغلاله بشكل صحيح او سيستغل بشكل خاطئ " .
والله العظيم ان علي الكلثمي من ارهب الشخصيات واكثرها تواضع.. رغم انه في موضع ممكن أي احد مكانه يحس بالغرور ويتفشخر شوي.. اما هو واقعي ونااضج وصرييح حتى بعدم يقينه باللي يسويه احياناً، ومتقبل للنقد زي المدح واكثر بروح حلوه.. الله يوققه🤍
أنا اثق في علي كثير بس يحتاج يعطي الجمهور ظهره. الجمهور له حق المشاهدة لا الحكم طبعاً هناك استثناء أكيد وهم محدودين زي ماهو معلوم. لكن بشكل عام لا أنصح بالاستماع للجمهور، الواحد لايعوّل الا على نفسه ومقدرته الابداعية. فلم مندوب الليل استثنائي لسبب أن علي الكلثمي مخرجه. علي واسمح لي اجازف واقول مشعل الجاسر معوّل عليهم كثير السنوات القادمة. مندوب الليل وناقة لازم اشوفهم بـ اقرب فرصة ممكنة. بالمناسبة الأفضل من علي باقي لم يتمخّض منه إلى الآن. ❤توافيق ان شاء الله
احلى شي لما الشارع اللي عايش فيه تلاقيه في الفلم بمنظور جمالي صارت معي شارع ام الحمام النزله ذيك اللي وراها في مدى الفريم البعيد الابراج حسيت بشعور جميل توي طالع من الفلم رهييييييييب جدا نوع الافلام اللي تترك لك درس في الحياه واللي يستحق فلوس التذكره
الناس في الرياض متقوقعة على نفسها ممن زمان وذكر هالشي الكلثمي انه كان كاشير ومااحد يسوالف معه وكذلك اختي الكبيرة عاشت عمر بالرياض ما اندمجت الا مع الي نقلوا زيها للرياض من تسعينيات مروا ببداية الفين اتغير شوي الوضع الان لانه صار فقط حياة اجتماعية خارجية لكن بجدة مختلف الوضع ممكن تسوالف مع اي احد وتتصاحب مع اي احد بسرعة احنا البنات في جدة كونا علاقات مع بعض من محل كوفير او مستوصف اسنان او في مول هذا قبل حتى انفتاح السعودية ككل جدة تروح محل كوفير تسوالفين مع الي جنبك عادي وتسوالف معاكي في انتظار مستوصف جليدة اسنان 😂 في كوفي في مول في مطاعم في مراسي اقصد تقدر تفتح سالفة مع اي احد وماينقد عليك مو شرط تصاحبة بس سهل الدردشة مع الغرباء من غير ماينقد عليك هذا في اغلب مدن الغربية مو بس جدة لكن جدة بحكم انها الاكثر سكانا في مدن الغربية
ان المجال السينمائي وصناعة الافلام سواء كان بالافكار او مايستنبط من واقعنا فالمملكة..في هذا الزمن كالبحر من السهل ان تصنع قاربًا وتبحر ولكن يجب عليك ان تتاكد بوجود سترة نجاه وصافره وضوء وان تجيد السباحه لان الامواج قد تصبح عاليه في عرض البحر.
مبدع علي الكلثمي .. الكثير من المصطلحات تبين لك الخلفية الثقافية للرجل والوعي السينمائي .. المقدم شف لك حل ولاتعتبر انك بسيط والوضع عادي وانت حافي !! هذي حلقة ساعتين بالكثير موب قادر تتحمل ، إلا إن كانكم تعتبرونها تسويق للحلقة وشد المشاهد عز الله أن ماعندكم سالفة .
أبارك لك هذا الفكر والهاجس وابكاني التفاوت الكبير بالطبقات داخل مجتمع واحد زي الرياض شخصية فهد ابوه واخته الفلم استحق كل كلمة حلوه عنه واستحق وقتك والهاجس كان هاجس يستاهل نقله لنا كلنا كامشاهدين 👍
عبدالعزيز الشهري يبالغ شوية في تعابيرة ونمط نفسة انه يضحك والجمهور تعزز لة لانه عندة قبول ممكن يصير ممثل جيد لو اشتغل على نفسة ودرس مضبوط وتنوع بشكل كبير ويتعلم التمثيل الطبيعي من غير مبالغة في تعابيرة ولا يحكر نفسة على الكموديا وتهريج
ياليت ينقل واقعنا الجميل والصفات اللي نتحلى بها .. اختيار الواقع ( الشاذ ، النادر ) والقصص النادرة اللي حصلت مره وحده خلال ال٣٠ سنة .. وتجسيد ان هذا هو السعودي !! خطأ جسيم خصوصا في بدايات صناعة السينما في السعودية . ..
45:31 هذه هي مصيبة السينما العربية وهذه هي اشكالية شبابنا لا يستطيع التفكير بهويته ذائب في هوية الاخر بالله جمهور عربي ومسلم عوضا عن ان تخرج مفاهيم ومبادىء من هويته تشكل نظرية سينمائية تخلق اطار وموجة فنية جديدة جاي تفكر في الحداثة وما بعد الحداثة عوضا عن يكون دورك مطلع وناقد لها ! لطالما خذلتنا السينما حتى اليوم شكر الله حاتم العلي ووليد سيف حاولا فتح المجال في مسلسل عمر وقدموا تحفة لا تنسى من كتابة واخراج وتمثيل وانتاج ومع ذلك لم يستفد منها الشباب حتى اليوم لا يزالون يلهون في شوارع شيكاغوا وكبريهات لاس فيغاس وكيف لا وتنشئتهم الاجتماعية تشربت الثقافة الامريكية والان نرى انعكاس ذلك على واقعنا نسال الله الهداية للجميع لا يزال كل طرف سواء ديني او ليبرالي يمارس التشدد والتطرف في طرح رؤية ذاتية غير موضوعية مما يصعب ولادة سينما صحية تسرد قصصنا وتاريخنا وافكارنا وقيمنا ولكنة سنن الاستبدال والتدافع ماضية لا محال
يعني بكره اذا سويت فلم سينمائي عن المخدرات تقلب المملكة كانها مكسيك ولا كولومبيا وتقول هذا واقعنا ؟! بعدين السينما مو واقع الا اذا اخترت ان نوع الفلم يكون واقع فيه خيال علمي فيه رعب فيه وثائقي ... الخ السينما (رسائل) مو واقع فاحترموا عقولنا يارجل