بالنهاية الناس الذواق سوى مهندس او اي شخص اخر ,انا مهندس معماري 7 سنوات في مجال التصميم وكل الاعمال الي اشتغلتها كانت اذواق ناس ولا واحد مقتنع فيه , الا بيتي الان في طور التنفيذ وبصوره ونزلكم الرابط تعليقي على منزل المهندس , فقد وجاهت المنزل فقط مشكلة المهندسين السعوديين يحاولون الهروب للافكار الاجنبيه في التصميم يتجرد من الخصوصية نوعا ما يتجرد من مجلس رجال مستقل بالطراز العربي الشعبي المعروف وهو اجمل وافضل واريح جلسة عربية مع اطلالة بيكون المنظر جبار , ما اراه جلسات كانك في صالة انتظار مطار او تنتظر دورك في بنك , ادعو المهندسين السعوديين بالذات الرجوع خطوة للخلف مع الابداع في الاندسكيب والاطلالات ودمج الخارج مع الداخل بيكون التصميم اجمل .
كل مافي الموضوع يابشمهندس ان التصميم التقليدي كان "احتياج" يعني اولوية قبل عشرين سنه وما قبلها كان متنفس الناس في كل ويكند هو العزايم والسواليف ومن ٢٠٠٥ قامت تخف الجمعات الى ٢٠١٠ .. لكن من بعد ال٢٠١٠ بدت تتغير معيشة الناس قامت تكثر المطاعم والاماكن اللي فيها قعدات وطلعات و دخلت السوشيال ميديا وكل واحد يصور بمكان وبهذيك الفترة (٢٠٠٨-٢٠١٨)اللي بنوا بيوت على التصميم التقليدي استوعبوا الحين ان المجالس والمقالط فاضية و حارمة اهل البيت من الحوش الامامي اللي هو اساس المنظر .. من بعد ٢٠١٨ البيوت المفتوحه المستغله قامت تظهر وتكتسح بالذات بعد الحجر ٢٠٢٠ اللي عطى الناس درس ان البيت اللي دافع فيه دم قلبك اشبه بسجن محبوس فيه والشارع فيه نفاه وراحه اكثر ولأن معيشة الناس تغيرت و اللي كان "احتياج" ماعاد له اولوية والعزيمة صار لازم لها مناسبه مثل عيد او تخرج او ملكة او قام بالسلامة والخ.. مو فقط جمعة كل اسبوع ... من اول الوناسه الوحيدة هي العزايم والسواليف الحين نقدر نسوي الشي ذا كل ويكند بمكان جديد مقاهي ولا مطاعم ولا استراحات او كشتات صارت شكثرها وكل ومكان حسب حجم العزومه و قرابة المعزومين اذا اصحاب يكشتون اذا عائلة يطلعون شاليه اذا جمعة عائلة يستأجرون استراحه اذا عمل عشاء عمل .. صرنا نسوي المجلس لو تبي جمعة خاصه ولا جاك احد يزورك لو مريض ولا احد بيخطب يعني مجلس حق العزايم "الخاصه" اللي ماتتجاوز ١٠ اشخاص وانت من ضمنهم
ماشاء الله تبارك الله القيمة والقامة المعمارية بشار السالم & مساعد القفاري هكذا يكون العمل الصح بكل المجالات عايز فن وذوق وقبل اي شئ الفهم العميق مع دراسة علمية واسعة ،، تحياتي من مصري بالسعودية
ماشاءالله تبارك الرحمن ربي يبارك له بس البيت كبير جداً والألوان كثيره والتحف كثيييره بزياده مع احترامي والله🤗 بس انا احب البيت الصغير وتوحيد الألوان والإضاءة الهادئه والتحف في الزوايا فقط 🌹وربي يسعدكم 🌹
