ومن قال لك انهم تسترو عليها ... اذاكلن هذا الهرج كامل باه يتسترو على الغش ؟؟ هذا التحقيق كامل باه الوزارة تتخذ فيهم اجراءات القضائية .... اتقي الله وخاف ربي
و الله أول مرة أرى هذا العمل الحضاري الرائع إن كان الأمر بجدية فنحن نشد على أيديكم و نشجعكم و أنا أقترح تسخير أرقام خضراء للتبليغ عن أي غش في أي مادة إستهلاكية .... و ما أكثر الغشاشين في بلادنا
راهي باينة نحي كوندور و ايريس و كيووا واش يبقى ڨاع مخالف! لكن تبقى مصداقية هذه التحاليل مشكوك فيها خصوصا عدم نشرها و معرفة الجهة التي أجرتها. كذلك يبدوا أن أذرع العصابة تتمتع بمصداقية أكبر و هنا أعني ايريس و كوندور
اتحدي اي صحافي يجرئ علي كتب تقرير شفاف و صريح عن الشركة المصنعة او العلامة و اسم صاحب الشركة لانهم عودونا دائما ان تكون الكرة في ملعب المواطن والمستهلك
واش تقاطع حبيبي تاوعنا يجيبو غير من الصين بنص دورو و يربح معك الملايير و يبيعهلك و يربح اكثر من الصيني يجي هذا يقول هذا العلامات ملاح غير الخرطي المافيا و الله تطرده من الجزائر
هذا مهمته توعيتك وليس من حقه فضح العلامات لانها تقدر ترفع عليه دعوى بتهمة التشهير ، هذي مهمة وزارة الصناعة او التجارةهي لي تقدر تحبسهم ،على الاقل اشكروه لانه انسان نزيه وقايم بواجبه ،مافيكم حتى فايدة غير الهدرة.
نسيتو بلي حنا دياولنا يديرو بطاقة الضمان.....اللتي ترافق المنتوج زعما زعنا باش تضمنلك جودة المنتوج.....بصح تبقى حبر على ورق.......لاتملا لا منطرف الباءع ولا من طرف الزبون.....لماش مخدومة امالا .....كي نفهم نفهمكم.
أنا مصلح مكيفات والله عجب صح تجد مكيف أنبوب التبريد ليس نحاس أول ما يشري عليه شراء أنبوب جديد ومن يركب الغير نحاس يخسر غاز وانبوب مدة شهر وتحد دارة الكهرباء ديمنو لا يصلح لدارة صغيرة وزيد السعر غالي وكل هذا لا يبرد جيدا إذا كان الكهرباء قليلة أين ذهبون بهذه العقلية وتقولي لازم ما تذكرش الاسماء من المفروض الحجز والحبس والاعدام لأنهم ارهاب الشعب
اشك ان في الأمر مكيدة وابتزاز لبعض العلامات ذات المصداقية العالمية . انتم أصلا مصداقيتكم مطعون فيها ولاأثق في كلامكم بتاتا ، فأنتم متورطون للنخاع في الفساد .... جايب لي واحد باللحية كي تقنعني ؟ هاذوك لادين لاملة وشبعنا تدجيلهم وفضائحهم ....... ادي حكايتك بعيد . لأن حتى استهلاك الطاقة تدخل فيه عوامل أخرى مثل نوع وسمك وطول التوصيلات الكهربائية ...
أعلم أخي أن اللحية هي سنة الأنبياء ،فلا تقدح فيها ، إن كان الرجل فاسدا فلخلل في الرجل لا في اللحية . وعلم أن كل نفس بما كسبت رهينة . والله أعلم بالنيات . في الحديث " إن العبد لَيَتَكَلَّمُ بالكلمة من سَخَطِ الله تعالى لا يُلْقِي لها بَالًا يَهْوِي بها في جهنم».
الا عندك شك، و بدون برهان روح لطبيب! الملتحي لي راك تحكي عليه علابالك وش يكون؟ ولا راك تقذف فالناس مجاناً؟ يا لطيف ! نتا باين وجهك أملس كالفتاة، و ما لقيت ما الدير، جاي تعلق بش تعلق و خلاص..روح كي تربي شوية شعر فوجهك تقدر تحل فمك !
التقرير مشكوك فيها لان كوندور 12 ضعيف مستحيل يكون مطابق اما 18 نعم خاصة بعد الاستعمل لمدة عامين اما احسن مبرد هو الجي والميديا كيف لعلامة مثل الميديا تكون غير مطابقة وهي اقل استخلاك للكهربا وايضا يبرد لسنوات عكس 12 كوندور
كيما يديرو معاكم يحصلو شعب موسوس مريض نفسيا هاذاك دكتور و مختص في التبريد راه استاذ جامعي و العينات بالدليل اذا ماتحب يحشولك ما تشريش و سكتنا يا خي كارثة
هذا التحليل و التحقق من مدى جودة هذه المكيفات كان ينبغي اجراءها قبل غزوها في السوق المحلية فمعظم الناس و مع ارتفاع درجات الحرارة في السنوات الأخير نجد هم اقتنو مكيفات الهواء و بالتالي فإن مواطن مجبر على استعمالها حتى و إن تبث فيها اضرار و ذلك راجع انها أسعارها أصبحت تعرف ارتفاع مستمر و مع ضعف القدرة الشرائية لا يقدر المواطن البسيط من إعادة شراء مكيف وفقا للمواصفا المطلوبة
المهم في كل هذا, ما هو موقف الدولة من قمع الغش ؟! إذا لم تذكروا العلامات المغشوشة فهذا يعني ٱنكم شركاء في الغش وٱصحاب العلامات لهم حق الرد. الخلاصة ٱن المواطن هو دائما الضحية والإشهار لبعض العلامات مجاني.
صدقتم والله غلاء فاحش اليس من العيب ان يقتني الجزاءريون مكيف وجهاز تلفاز من ليبيا ويجده بقيمة أقل رقم تكاليف الصرف والنقل والوزارة غاءبة عن حماية المستهلك وضبط اسعار الجملة والتجزاة لكل المنتجات الصناعية
التستر عن الفاعل مادام ضربت النح ومحبيتش تفضحو وشجعت العلامات 3 الاخرى هذا معناه انك تشجع في طرف على طرف فحبذا لو قلت الفاعل الطالح والصالح هكذا احق واجدر ليعرف الضحية من اين ياتي الريح
مرحبا بكم في سلسلة استبغال الشعب و حلقة اليوم دعم المنتوج الوطني بالكذب و الزور ... كوندور و ايريس و كيوى من احقر المبردات في السوق و الشعب علاباله ... في ميزكم العلامات الاخرى لي بقات هي سامسونغ و الجي و غيرهم ... راك من نيتك حبيبنا
كانك درت اشهار الثلاث علامات المذكورة ولكن لا نعلم المغشوشة وما إدرانا ان العلامات المذكورة ذات جودة واذا كانت العلامات الأخرى مغشوشة كيف اعطي لها الاعتماد ومن أعطاه لها هنا الكارثة وكذا كيف سمح لها بالولوج للسوق ؟؟؟؟؟؟ رانا بعاد على المصداقية لذا انا لا أصدق اي كلمة قلتموها لعلكم تنوون الاشهار للعلامات المذكورة ونحن على أعتاب الصيف ربي يهدينا والا لماذا لم تكن هذا التحاليل من قبل رغم ولوج هاته الماركات للسوق قبل أكثر من عشر سنوات
هذا يدل على ان اذيال العصابة لا تزال تعمل و تسوء الى الاقتصاد الوطني و المواطن.. يجب على الدولة ان تنزع لهم حق الاستراد نهائيا.. لان هذا العمل هدفه سرقة العملة الصعبة و تهريبها الى الخارج....
هذا الشعب مراكمش باغينه ياكل مليح ولا يلبس مليح ولا يحوس مليح ولا يخلس مليح ولا يحوس مليح ولا يركب مليح ولا يسكن مليح.... جوع كلبك يتبعك والفاهم يفهم والحمار يبقى يطلع في وذنيه 🤔🤔بلاد خردة في جميع القطاعات والمجالات ما كانش إرادة في خدمت هذا الشعب وين راه اللحم نتاع 70الف وين راه مصنع المراعي وين راه مصنع قطر للحليب وين راهي السيارات اقل من ثلاث سنوات وين راه قطار تمنراست وين راه الدينار لي قلتوا راه طلع ولا ما علابالكمش بلي البنان راه 65الف والبيض 55الف والتفاح 50الف واللحم 200الف هذا
واش راك تخلط ياك المستورد هو شعبي كيما انت و لي يبعهم شعبي كيما انت واش دخل الدولة فالوسط ياخي و البانان شعبي كيفك يبيعلك بضعف السعر و اللحم البوشي يشري الخروف بثلاث ملاين يبيعو ديطاي ب عشر ملاين الشعب راه ياكل فالشعب ماتمسحش الموس فالدولة و حاسب بلي الشعب خاطيه ياو شعب سراق و فاسد الا من رحم ربي
بصح يا سي زبدي لازم تقولوا لينا هذه النوعيات حتى لا نشتريها... أنا عندما أذهب لشراء مكيف لا أعرف هذه المواصفات يعني قادر تحشالي ، فما الفائدة إذا لا تفضحوا هذه العلامات للمواطن...
المشكل ما اعلنتوش على اسماء الشركات لي غير مطابقة يسمى يقعدو يبيعو في مكيفات مخدوعة ولا واحد يقدر يحاسبهم افضحوهم كلهم لازم يتعاقبو ولي شرى من عندهم يعوضوه لانهم غشاشين وسراقين
المهم إضافة انا جربت احد العلامات المطابقة و هي #kiowa صراحة كسبتو في 2014 و إلى يومنا هذا والله ماشاء نذكر عاودتلو مرة وحدة بياسة ضاعتلي و عمرتلو الغاز 2 مرات هذا كل في 9 سنوات قوة فالتبريد ماشاء الله... أما #كوندو و #ايريس لم اجرب احد منهما في المكيف لكن عندي تلفازين كوندور و ايريس ماشاء الله كذلك لي يحب يشري يشري فقط هذ العلامات
وجب عليكم كهيئة لحماية المستهلك و الدفاع عنه اعلان وتنوير الشعب حتى يكون على علم وله الاختيار بعد ذلك. عدم الافصاح عن العلامات الغير مطابقة يعتبر مشاركتكم في هكذا غش.
المشكل من المسؤل وعلاش تجيكم مراقبة غير هذا الوقت محكيتوش على الاسوام مرتفعة وافضح هذو شركات ويتحاسبو علاه تغطو عليهم ولا تبانو في ندوة صحفية تكلمو كلمتين وطبق عليهم قانون حياتنا كل عشناها هف وكذب وخداع ربي يتولاكم
عندي 3 سنوات شريت كليماتيزار...مشى 2 شهرين..و تحرق سترنا ربي و مطرطقش فينا...رانا بلاه...وحملنا سخانة بسكرة..هذي السنوات...مش مسامحة التاجر اللي باعهولي...نشكي بيه ربي..ارملة و كبيرة و أمراض مزمنة..و غشنا....حسبي الله و نعمه الوكيل
ايه اخي انت شريتو من زمان حتى انا عنظي كيما راك تقول بالضبط شريتو من حوالي سبع سنواة و المشكل راهم يصنعوهم فالبرج و فالصين و يكتبو فيهم كريرا و علامات اخرى راهم يغشو ربي يخلص فيهم
حسبنا الله ونعم الوكيل في هؤلاء الفجار من غشنا ليس منا اما انتم حماية المستهلك كان الأولى بكم ان ترفعوا قضية إلى العدالة لترى في أمر هؤلاء المحتا لين اننا في الجزائر الجديدة