ثق يا اخي كان لدينا بيت في بغداد الجديدة بنيناه في السبعينات اعتمد نفس هذا النظام (داخل البناء ) ويوزع هواء المبردة الكبيرة الموضوعة على السطح الى الاستقبال وغرفتي النوم والمطبخ وحقيقة كان الاداء ضعيف وفشل عندنا ربما بسبب عدم كفاية حجم المبردة وكانت اكبر مبردة بالسوق وفيها 2 واتر بم . وقولك كان في الكلدور ربما لبيوت ونوع اخر وانصح بوضع مبردتين كبيرتين فوق السطح اذا كانت الفنحات اكثر من اثنين لأن الفتحة ستكون عالية والهواء راح يضعف.المهم هذا النظام الذي تقول عنه حديث هو نفس نظام بيتنا الذي عشت فيه وانا بسن المراهقة .. تحياتي وعاشت ايدك وشكرا لأنك ذكرتني وكنت ناسي تماما هذه الذكرى الجميلة
فكرة ناجحة جدا ومعتمدة من زمان في ايران ويستخدموهة بالعمارات وكل شقة مساحته توصل ١٠٠ متر وتملك مبردة وحدة فقط في سطح العمارة وتوزع على جميع غرف الشقة بالدكتات والجو توصل حرارته ٤٥ درجة ولكن التبريد ثلج صراحة عن تجربه وكنت ساكن ٤ سنوات المهم لو تتطبق هذه الفكرة في بناء البيوت في العراق افضل واستهلاك الكهرباء يقل ومع العلم حجم المبردة كان ضعف حجم المبردة المحلية
فكره جدا حلوه بس اكثر عمليه اذا كانت مو مبرده على شكل تبريد خليه كارتونيه يسوونها يم اهل معدات الدواجن ثانيا الفتحات مال التنفيس تغلق بديكور خشب او المنيوم انا مسويها بلبيت جدا مفيده وتحياتي الك ياورد
للامانه منظومة التبريد الحدارية هاي فكرتي عام 2015 بنيت بيت وسويت هاي المنظومه وكانت جدا ناجحه ومو بس هاي منظومة التهوية للحمامات نظام جديد يستخدم من دون مفرغه او شافطه
نظام التبريد المركزي نظام كان يستخدم بالسبعينات ولا زال يستخدم بالمباني الكبيره ولكن بصيغه علميه عمليه فوق السقوف الثانويه والمخارج قابله للتحكم بكميه الهواء وغلقه حين عدم الحاجه.
اخي عندي بيت مبني عام 1981 نضام دكتات كل غرفه بيه دكت وطابقين كل طابق بيه موزع مفصول عن الثاني ومعزول بماده الالياف الزجاجيه كل طابق بي مبرده حجم 5500 طبعا هذا لحد عام2003 شغال لان جان قليل الاستخدام مع العلم مساحه البناء 200 متر بوجود فسحه داخليه مساحته 4في 4 ترك داخل البيت موجوده بيه الدكتات و المبردات مكان ضل و بي خزان فقط اللمبردات مع وجود مفرغه هواء عدد 2 تدفع الهواء من داخل البيت للخارج كل طابق بي مفرغه تشتغل ويه تشغيل المبرده للامانه بعز الصيف درجه الحراره بالطابق الارضي 24 والعلوي 26 بعد تلف المبردات طبعا إنتاج عراقي نوع الهلال حجم الصناعي نصبت نوع اخر بلاستيك حجم 4500 اربع ابواب دفع من سطح المبرده لحد هذا اليوم ثق بالله من النادر نشغل سبالت فقط من تجي الكهرباء الوطنيه للعلم المبردات الي نصبتهن احسن بهوايه من القبل بنسبه لسحب الكهرباء ودفع الهواء والبروده ونسبه الرطوبه .....
مبدع ابو مصطفى 🌹. بس ملاحظة صغيرة.ضروري يحسب حساب مكان المبردة او الكونفيرا من حيث مكان ضلل ومعزول من الشمس والتيارات الهوائية الحارة وذلك لرفع كفاءة منظومة التبريد.
يحتاج الى مبرده حجم كبير وايضا الى بوابات لغلق الدكت في حالة عدم الحاجه لغرفه من الغرف للستفاده من قوة الهواء والفكره حلوه وقابله للتطوير وخاصة ان المبرده عندما توضع على الشباك تأخذ حيز في المشتملات شكرا
هاي من زمان بالخليج ومصر والعراق وتصير نفس المدخنة وببيوت الطين وتبريد مركزي طبيعي راقي بدون كهرباء والناس هسه بس تريد تبني شلون مجان ميديرون بال وكذلك المقاولين اغلبهم بس يريد يستلم فلوسه ويبني ويفلت والناس تريد بس تصميم حديث متهتم لبرودة البيت جودة البناء الخ وهاي الطريقة خصوصا بالدول الحاره نفسنا كلش مفيدة وياريت ترجع تنتشر والكل يستخدمها
اولاً هذا نظام البناء اسمه الجدران الحاملة (يعني هيه تشيل وزن البناية للاساسات), والجدارن كل متر وبيها لو بوري نازل لو دكت تبريد فخسرانه كل تماسكها!!! اخسر جزء من مساحة البيت ولا تنزل البواري والدكتات بالحياطين. الطابوگ مو عازل للحرارة بالعكس موصل جيد للحرارة ويحتفظ بالحرارة خلال الليل!! فبالنتيجة معظم تبريد المبردة يضيع بالجدران. الشباك الي بالطابق الثاني (المثلث) بدون رباط يعني الشباك راح يشيل الحمل!!
اخوك حمد الجبوري من الولايات المتحدة اختصاص HVAC تبريد وتدفئة وأحب اقول هذا النظام للمبردة ينفع وهو نظام معمول بي في امريكا وابريطانيا منذ عام ١٨٢٩ . Water cooler. لكن مبردة واحدة قوة دفع الهواء ٣٠٠٠ CFM تكفي لمنزل ٢٠٠ متر مربع. والأفضل وضع جهاز فريون بدل الماء . وسيكون التبريد لوز وفستق بدون رطوبة .
بدون عزل للدكتات ..ستنقص كفائة التبريد التي هي اصلا منخفضه بحيث لن يحدث الا تبريد بسيط جدا....سوف تنتقل الحراره من الطابوق للدكت مما يؤدي لتسخين الهواء الجاري في داخله.. يجب اعادة التفكير في التصميم
لا عزيزي ابو مصطفى موجود هذا النظام كان بالدوائر والفنادق لكن الدكتات تكون بالممر ويكون سقف ثانويه للممر وهذا الشي اني كنت اداوم بدائرة سنة ١٩٨٣ تبريدها بهذا النظام والمبردات 3فيز ولكل باب واتر بم وتكون بالسطح... واحسنت التوقيت لتوضيح ذلك مع شدة الحرارة!
الشرجي وما ادراك شنو الشرجي ..حيث لاينفع مال ولا بنون ههههههههه الشرجي يامحفوظ السلامة هو الجو العالي الرطوبة والحرارة في نفس الوقت حيث ينعدم الاوكسجين وتنعدم السعادة هههههههه وتتعلق روحك بالسبلت فقط لاغير فهو المنقذ من هذا الجو الجهنمي بل هو بروڤة فعلية لنار جهنم والجحيم الذي نراه في البصرة كل بضعة ايام حيث لاكهرباء وطنية والمولدات غير صالحة لتشغيل السبالت الا الاغنياء لديهم مولدات ضخمة تشغل لهم السبلت
الفكرة قديمة لكن انت مسوي بعض التغيرات هذا يسمونه التبريد المركزي مثل ماتعرف انت والجميع اني اشوف سالفة المبردات صارت قديمة هسه كله سبالت العراقيين من ضيمهم يشتغلون مبردات افكارك بنائة الله يوفقك يارب
مجهود رائع ولكن اخوية حالياَ مناخ العراق اختلف بسبب ارتفاع الحرارة والرطوبة ولم تعد المبردات كافية للتبريد ويرجع ذلك التصحر وقلة المساحات الخضراء والحدائق والتشجير داخل المدن وهو مايطلق عليه الجزر الحرارية
اخي العزيز غادرت بغداد إلى أربيل قبل ١٥ عام وهذ الطريقة لتوزيع هواء المبردة موجودة هناك. أما في أميركا فلا توجد فيها مبردات مطلقا بل منظومات تبريد مركزية.. مع التقدير
تصحيح لمعلوماتك اخي الولايات الجنوبيه للولايات المتحده الأمريكية تستخدم المبرده المركزيه للمنازل البسيط المتوسطه بين الريفيه والحضريه لكن تكون المبرده بحجم كبير ايضا تستخدم الحلفه والغطاس والواتر بم و.. الخ اندهشت عندما رأيتها.
سيدنا الغالي.. عندي شقه بناءها من الثمانينات و بيها دكت موزع طالع من مخزن المبرده و رايح متوزع على كل غرف و ملحقات الشقه و ناصب عليه مبرده 4.5 و خير من الله بس الفرق هنا اني عندي ممر موزع و سقف ثانوي مدفون بي الدكت.. و خير من الله و نفس هاي الفكره ان شاء الله اطبقها اذا بنيت..
ما تكلي شخبصتونا .قديمة قديمة .ندري قديمة واغلب البيوت العراقية القديمة جان بيهة هذا النظام .بس هو جاي يشرح عنها وينطي ملاحظات دقيقة تتناسب وية حاظرنا والبناء الحديث .بدل ما تكتبون كلام سلبي .اكتبلة كلمة تفرحة بيها .او اسكت ولا تعلق اصلا .هو مسوي قناة حته تجي انتة تقلد .اكو ناس تستفاد من هالتجارب .موفق استاذنا العزيز .تعلمت هواي منك بالكهربائيات وصرت افصخ الاشياء المعطلة واعيد تشغيلها. بفضل الله وفضلك علينا .استمر
تحية وتقدير لحضرتك اخ مجيد ، لكن للاسف هذا النظام لن يأتي بالنتائج المطلوبة ليس خلل فيه بل أجواء العراق استوائية وتحتاج إلى عملية تبريد غازي أما التبريد بالماء والحلفة فممكن أن ينجح في شهر الرابع الخامس اما بعد الشهر السادس فلن يجدي نفعا .تحياتي واحترامي
هذه الطريقة يستخدموها من قبل بالبيوت الموصلية مثل بيت التوتنجي وايضا بالبيوت الي في الحلة ولكن بدون مبردة وكانت توضع في السرداب على الاغلب والفكرة منها الهواء الحار في الصيف يخرج من الفتحة ويطلع الى السطح عن طريق هذه الفتحة واتصور كانوا يسموها البادكير
هذه لا تصلح في الاجواء الرطبة مثل محافظة البصرة لان السبلت اذا اشتغل في الغرفة ايام الشرجي انبوب البزل يستمر بنزول الماء ل ٢٠لتر/لليوم ، فهناك انظمة مثل استخدام الماء المبرد و تدويرة في قطع شبية براديتر السيارة ، حاليا احدث نظام و اكثر جمالية و لا يأخذ حيز و اقل استهلاك للطاقة لكن اعلى سعرا VRF
أحسنت النشر ستادنا العزيز شغل دكت جميل جدا جدا بس كون تضيف رأس العكس أو الكوع جادر مانع اهتزاز بين جاز ساوة كان مبردة أو غير حتا لا يطلع صوت داخل الدكت
نضع بدل الدكت .. انبوب مجاري قياس 6 يكون فرق جدا في السعر افضل من الناحيه العمليه .... نعمل ع التقاسيم .. اذا كلنت غرفتين ... كذالك مفرغات البيت والمطبغ . تاسسيس انبوب قياس 4او 6 تكون في السطح
@@user-ig2fc4xr8z لكن انابيب المجاري افضل لا تصدى ولا تتأكل وعازل جيد للحراره .. مده الضمان ٥٠ عام .. هوواء المبرده يحتووي ع رطوبه مما يعمل ع طرد الاملاح الطابووق خارج .. ناأئج سلبيه ..
هذا ملقف. بس حتي ولو شي قديم فكرة ان شي يخدم او لا. المفروض ما نغيرش للجديد بس علي خاطر انه جديد. مزال في طرق لتطبيق الملقف منها فتحة في سقف او برج فيه فتاحة في اتجاه الريح باش تاخد ريح و يبدل الهواء داخل بيت، هواء ساخن يخرج من فتحة التانية بحكم الهواء الساخن يركب. و لو زدت عليه مجرى ميه هكي تزيد البرودة. يعني تهوية + ميه + عزل + حسب اتجاه الشمس تحصل بيت ابر. حتي ولو بتستخدم مكيف بيخدم علي خفيف و اقل تكلفة
مساء الخيرات والمسرات عاشت ايدك على الشرح ما هي سلبيات هذا العمل . وشكد تكلفه التكت الواحد...وبهذه المسافه من السطح للغرفه يوصل هوى بارد ودفع قوي لو بس مجرد فكره لان المبرده اذا تشتغل ع السرعه العاليه ما راح تنطي هوى بارد ..ويقل الهوى بهذه الطريقه وجرب وشوف من تخلي خرطوم يختلف هوى المبرده بمعنى يقل ..وبالنسبه للفكره حلوه ...لكن ننتظر لمن يكمل البيت وبعده نشوف ونقرر ..تحياتي لك
عمي العزيز ميصير تخلي الدكت بالجدار لسبب راح تفصل الربط بين الطابوق وهذا الشي هندسيآ ميصير وراح يضعف هيكل البناء //اما الطريق الصحيحه والعمليه الدكت يعلق بالسقف تحت السقف الثانوي بمجرد عمل فتحه بالسقف للدكت والمبرده تكون فوق السطح مخفيه تحياتي
الذي يميز هذا النظام انه الدكتات دفن والأفضل يكون خزان الماء التانكي بالبيتونة للمحافظة على برودة ودفيء الماء واذا اكثر من مبردة يغذيها التانكي بس تكون المبردات اما بالبيتونة او حولها هيكل حديد مغطى بالخوص وبكل غرفة اكو فتحة شباك جام المنيوم قريبة للسقف بيها فلتر تول ضد البعوض والذباب والطيور لتنفيس هواء الغرفة الحار الذي يتصاعد ويخرج
عاشت ايدك وحت لو العملية مساعدة للتبريد 50٪ وبعدين اكو مبردات جديدة بلاستك كبيرة توجد فيها خرطوم على شكل دكت من الاعلى والحلفة كارتونية واقتصادية بالكهرباء تعادل اكثر من مبردة تربط بهذا الدكت في السطح وهاي تكون ابرد
سؤال والماء الداخل للمبردة القادم من الخزان عبارة عن ماء ساخن ذو درجة حرارة مرتفعة جدا من اين تحصل المبردة على البرودة والشمس الحارقة . عندي مبردة لاشمس توصللها ولا ماء ساخن والظهر الهواء يصبح سموم .
