السلام عليكم ورحمة الله وبركاته اخي الكريم كيف الحال اتمنى الغياب يكون فيه خير لك عندي طلب جزاكم الله خيرا كثيرا الى كان ممكن معلومات كمساعدة منك و ان امكن يكون على الخاص بالوسيلة التي تراها انت مناسبة ولكم جزيل الشكر والتقدير والسلام
السلام عليكم أخي الكريم عرفتي متجر أديداس لي فمدينة القنيطرة خويا سبرديلة لي عندهم فلمتجر قلبتها خويا كتبان بحال سلعة ديال كازا واش كيخدمو بدوزيام ولا نفس سلعة لي كاينة فامريكا هيا لي كاينة فلمغرب
هدا هو لي خاصو يكون ولكن سبرديلة ديال البال العزالة نقية على لي كاينة فمتجر فينيسيو هارب على سلعة لي كاينة عندهم عندهم جوج موديلات لي مزيانين اما الباقي تشك فيه
عرفتي خويا نتمنى تعلمنا بكري فاش تبغي تجي المغرب علمنا قبل نجمعو شوية فلوس باش تشريو من عندك انا والله حتى عزيز عليا سبور عندي زوج خوتي دراري مدربين ديال السبور و عندي مشكل في صباعي الكبار كيتنفخو ليا و كينوض ليا لحم وسط الظفر لان سنين وانا ديما كتريني نهار كلو لابسه سبادريات دكشي علاش كنبغي نلبس شي سبادري تكون مريحة ولكن للاسف في المغرب زبالة فلوس حوايج السبور
خويا مشيت اليوم مورا العصر لأديداس عندنا حنا واحد المحل تجاري كبير خاص بأديداس وسط المدينة ايوا اش غنقول لك لقيت واحد سبادري موف عريضة من لتحت فيهآ تموجات سولتهم قالو لي اخر موديل هدي ألفين درهم بقيت غير كنشوف وسولت على سبادريات لي دايرين فيهم صولد ارخص وحدة سبعمية وخمسين درهم عادييين مدرحين اما الحوايج ديال سبور والله حتى تصدمت كولون نايك تمانمئة درهم ديال لاصال سولت على لبسة ديال نمشي بيها البحر نجري تخيلو سروال اديداس بوحدو 13 الف ريالجاكيت 800 درهم وانا نخرج قلت والله حتى قاهر النصابة فتح لينا عييينا اه نسيت واحد البودي كاشف ديال أديداس مدرح قال لي 450درهم في صولد اربي دبا هدو من نيتهم الله يرحم بيها الوالدين ممكن دير ليناجولات في محلات لباس الرياضة سروال وجاكيت وتيشورت سواءا أديداس او اي ماركة
واش من نيتك هذيك في المغرب ب 1500 ولا 2000درهم انت راك غير كطلعها على دمادم داك شي لداير حتى ديال المغرب حتي كيكون تخفيض في المحلات عاد كيجيبوها اما اواخر راه مكيجبهم غير سيدي مولاي تطلع القناة وتكمش
خويا عرفتي دبا شفت واحد الصفحة مولتها عايشةفي فرنسا كاتبة لي بغات شي حاجة نرسلها لها للمغرب مع البارح في اليوتيوب كنت كندور وانا نشوف واحد السيدة دارت تصوير لمحلات بري مارك ديال البيجامات دايرين صولد بيجامة واحد اورو ايوا ديك لي شفت في الأنستقرام سولتها بشحال وانا مقلتش ليها اني عارفة الاتمنة صدمتني بزاف قالت لي 33 اورو لي البيجاما 😂😂 ديك ديال واحد اورو و محسبتش لي تمن الإرسال يعني خصني نزيد تمن الإرسال وسكرينيت ليها داك واحد اورو البيجاما وهي تبلوكيني😂
