من الذي بنى مصر ؟.. رحلة في عمران القاهرة مع علي عبد الرؤوف - بودكاست وسط البلد 

أنا كمهندس معماري استمتعت جداً باللقاء الجميل ده .. و طبعاً من ناحية المنطق المعماري احنا رايحين في داهية زي كل مجالات الحياة تقريباً للأسف حالياً... المسؤولين عن التخطيط و الرؤية المعمارية في البلد لا يفقهوا أي شيئ عن الموضوع .. و لأن تفكيرهم كله منصب على الفلوس 😅😅 و الربح فطبيعة البناء لا تراعي أي شيئ من الناحية الجمالية ولا التصميمية ولا حتى الوظيفية و علاقة نمط و مواد البناء بالبيئة المحيطة و المناخ في مصر .. مصر أروع بلاد الأرض و أكثرها استعداداً للإزدهار و التقدم .. في كل شيئ مش بس المعمار .. نمط الضواحي الأمريكي ( الكومباوند ) من اغبى الأنماط اللي تم إتباعها و أنماط التصميم و حتى مواد البناء ( و لا ننسى غياب الضوابط و التنظيمات .. عشوائية في المدن و عشوائية في الضواحي الجديدة برضو ) .. كمثال من كام سنه اتعملت ندوة معمارية في الجامعة الأمريكية في مصر و استضافت اتنين من أهم المعماريين عالمياً .. نورمان فوستر ، أليخاندرو أرافينا و أحد الحاضرين سأل نورمان فوستر عن رأيه في العاصمة الجديدة و البرج الأيقوني .. الراجل مباشرة صدم السائل و قال حرفياً : ده فشل معماري كبير .. و البرج الأيقوني هيكون تكبر صوبة زجاجية في إفريقيا و كمل كلامه و قال ازاي انتم بتبنوا بالطريقة دي .. انتم عندكم افضل نمط معماري للشرق الأوسط كله ( يقصد العمارة الفاطمية تحديداً و ما تلاها من عمارة تسمى بالإسلامية ) و إن العالم بيتعلم من مصر ازاي يبني من آلاف السنين.. انتم بتقلدوا دول الخليج اللي مدنهم الحديثة كارثية و لا تتماشى مع البيئة بتاعتهم .. البرج مثلاً هيحتاج يستهلك طاقة بكمية كبيرة لتوفير درجة حرارة تسمح بالبقاء داخله .. و إلا هيكون فرن بالنسبة لأي إنسان داخل المبنى . أنا بقى خلال دراستي أحد المواد كانت تاريخ و نظريات العمارة .. درست كل الأنماط ده غير مواد أخرى و شغل عملي نزلت فيه لفيت اصور و ادرس من اول اهرامات الجيزة و دهشور لحد مساجد و مباني القاهرة القديمة و حتى القاهرة الخديوية ... و علشان أوضح أهمية البناء المناسب للبيئة و طبعاً علاقة التصميم بالوظيفة المقصود منها المبنى .. ادخل اي مسجد من مساجد الفاطميين أو المماليك مثلاً.. هتلاقي الجو و درجة الحرارة معتدلة جداً و لو في الصيف هتكون افضل بمراحل من الشارع ده غير التصميم اللي بيحدد مسار تيارات الهواء و تضخيم الصوت و دخول أشعة الشمس بدون ما تبقى مزعجة للي داخل المسجد ده طبعاً دون أن ننسى المواد المستخدمة في البناء .. ده بناء عبقري بيخدم الوظيفة و ليحقق كل استفادة ممكنة ( أحد أهم المبادئ اللي أي معماري بيتعلمها هي انك في مرحلة التصميم بتراعي إنه تكون الإضاءة و التهوية طبيعية .. ده حاسم في التصميم و بيوضح التصميم المناسب من غيره ) حالياً مدننا اتحولت لغابات من الإسمنت بدون أي تناسق حضاري في التصميم و اللون و حتى الإرتفاعات ( بعيداً عن القانون الجديد 2008 و تحديده لإرتفاع 5 طوابق و المفروض البناء على 60% فقط من مساحه الأرض .. مطبق في الكومباوند بشكل شبه كامل و في الضواحي و التجمعات الجديدة بنسبة كبيرة .. خصوصاً الإرتفاعات .. و مع ذلك الفلوس 😅😅 تخليك تعمل أي حاجه .. ابراج زد مثلاً بتدمير ال skyline بتاع زايد كلها ... و مثلاً على المحور المطاعم الجديدة اللي حجبت الرؤية تماماً عن المنازل وراها .. عك عسكري كل همه الفلوس .. الفلوس .. اهم حاجه في الدنيا الفلوس 😅😅) و بمناسبة المحكمة الدستورية ( تصميم المعماري أحمد ميتو ) فيها خطأ معماري واضح لأي حد .. نسب الزجاج و الفتحات للبناء المصمت... واضح جداً أنها غير متناسقة ...( أحد المقاولين الغير متعلمين أساساً في كلامي معاه مره قالي كلمة بتوضح أنه بيفهم جداً جداً... قالي الحاجه اللي متريحش عينك تبقى غلط .. و ده تعبير بسيط لكن عبقري .. النسبة الذهبية π دي اللي بتخليك تشوف حاجه حلوة و غيرها لأ ) الخلاصة .. أفضل أنماط البناء هي التصاميم القريبة من النمط الفاطمي و المملوكي خصوصاً المواقف مثلاً في الأسطح و شكل النوافذ و السواتر و اكيد مواد البناء .. و المفروض يكون أقصى ارتفاع 3-5 بالكتير جداً.. في بلد زي مصر مساحات الصحراء فيها شاسعة لازم التوسع الأفقي ( ايه اللي هيحصل لو الدولة تخصص للشباب مثلاً قطع اراضي في مدينة جديدة بسعر التكلفة .. تكلفة البنية التحتية من غاز و ماء و كهرباء و صرف صحي و طرق .. و تشترط عليهم بناء فلل أو منازل خاصة بحدائق داخل أسوار .. تخيل الوضع هيبقى ايه .. بدل ما توفر شقق 100 متر بملايين الجنيهات عمرهم ما هيعرفوا يشتروها .. فيضطروا يشتروا في عمارة عشوائية في منطقة عشوائية .. ينتج عنها كل ما هو عشوائي حتى الأخلاق .. و حالياً حتى مش هيعرفوا يشتروا دي كمان ) لو تلاحظ أوروبا مثلاً مش بتبني ناطحات سحاب .. تفتكر معندهومش فلوس أو قدرات .. لأ .. لكن ببساطة لأنه بناء غبي و غير عملي بيضيق على الناس .. احنا بقينا مش بنشوف السماء بسبب المباني القريبة من بعضها و مرتفعة .. و حاجه تاني .. التشجير .. ده من الكوارث عندنا مع حاجتنا ليه .. حتى الحدائق اللي بتتعمل هتلاقي ممرات مرصوفة حواليها عشب قصير ... الشجر يا بشر علشان الظلال و تلكيف الجو و درجات حرارة أفضل و حتى للمتعة البصرية بدل القرف اللي بنشوفه .. و تحيا مصر 3 مرات 😅😅

هذي النماذج من الشباب المصري الي محتاجين نشوفها دايما في الاعلام حوار قمة في الرقي والعلم والثقافة تحيا مصر ويحيى شعبها الراقي تحياتي من السعودية 🇸🇦🤍

سبحان الله.العلم نور والجهل ظلام . استمتعت كثيرا بهذا اللقاء الممتع والمفيد

افضل ما يختم به هذه الحلقه كما قال ابن خلدون في مقدمته الظلم مؤذن بخراب العمران

ارجوا من المذيع أن يستمر في حلقات اخرى مع الدكتور عبد الرؤوف ابداع لا يمل و الله

لما سمعت هذا الحوار .الجملة الوحيدة الموجودة في عقلي: أريد الذهاب إلى مصر تحياتي من الجزائر 🇩🇿🇪🇬

ضيف راقي يليق بقناة راقية انا مستمتع جداً بوجود مثل هذا المحتوى في الانترنت بحيث يعيد لي حالة الرقي الفكري الهادئ الذي يجعل الذات أكثر سمواً . ❤

لقاء أكثر من رائع..🙂 تحياتي للضيف الزميل المحترم وفي انتظار المزيد من اللقاءات معه.

هادا الدكتور كلامه فائق الأهمية، بعد ما دمروا بيتنا في غزة وانا بفكر منذا اشهر بالمعادلة الثلاثية (الارض للزراعة، البيت للاسرة، الجامع للمجتمع )، وكيف انهم بستهدفوا المنظومة الإدارية المجتمعية، وهادا سبب اساسي لتأخر وتدمير شعوبنا ، ودليل انه اجدادنا المسلمين فهموا هاي المنظومة وصبوا اغلى معدن وهو الذهب ع قبة الصخرة..... شكرا جزيلا لهذا الفيديو الذي يحلل أبعاد متعددة

حلقه رائعه حقيقي ساعه وتلت ومشردتش لحظه من جمال الكلام اتمنى يكون في لقاءات تانيه مع الدكتور علي ❤️❤️

مبدأيا أحيي حضرتك يا دكتور على علمك اللي استفدنا منه جميعا .. وأيضا أحيي المستضيف والمحاور اللي كان على قدر جيد من المعرفة لإدارة هذا الحوار الشيق والممتع 🖤 أنا طالب فبكالريوس الفنون الجميلة قسم العمارة ..للاسف يا دكتور المفهوم الكمي للعمارة -أو العمارة الصينية كما أطلقت عليها - هي ما يتم تدريسه وغرسه فينا كطلبة منذ السنة الأولى 💔 .. التقليد الأعمى والغير مدروس بيكون مصير مشاريعنا في أغلب الأحيان بسبب الضغط الكبير من المنهج الدراسي المعقد والمتكلف والغير واقعي .. بيتم غرس مبدأ الكم وليس الكيف منذ بداية تعلمنا العمارة .. وان لم تواكب هذا العبث التعليمي فانت طالب غير ناجح ولن تفلح في المجال بمنظورهم وتختم شهادتك بعد عناء طويل بأقل التقديرات الممكنة 💔 ولكني لن أستسلم لهذا ويوما ما سأكون قادرا على تطبيق نهج معماري مدرك وحافظ لهويتنا العربية المصرية والإسلامية 🤍 وشكرا لك مرة أخرى 👏

انا كمهندس استمتعت جداَ جداً باللقاء الرائع ده .. ومن الناحية المعمارية مفيش أدنى شك ان مصر رايحة ف داهية مش ع المستوى المعماري فقط بل ع المستوى الأخلاقي و المجتمعي و كل مناحي الحياة

اعملوا حلقة تانية مع دكتور علي عبدالرءوف ، مش عاوزة البودكاست ده يخلص

افضل بودكاست سمعته بحياتي وفعلا فتح أفق جديده وافكار في عقلي م مرت علي من قبل اول مره اشوف مدينتي بشكل مختلف وأخ أوجعني اللي شفته فعلا نعيش بغابة خرسانية مافيها اي روح او اي تواصل مع الادمي اللي عايش فيها

حلقة رائعة ومصطلحات جديدة أول مرة نسمعها العمارة في عهد الرؤساء العمارة الاشتراكية العمارة الديكتاتورية عمارة المخازن القاهرة الأولي والثانية والثالثة والرابعة تأثير السياسة علي العمارة المباني الماسخة كراهية الأخضر وأخيرا ... هل فيه أمل؟!!

الحلقة دي كانت المفروض تكون ساعات وأجزاء نرجو إستضافه الدكتور علي عبد الرؤوف مرات أخري ونتحدث بشكل تفصيلي أكثر شكرا جدا

ياريت بوتكاست تانية زى دى تتكلم عن مصر برضوا جميل جدا ان نناقش اة الى وصل عمران مصر كدا و برضوا كمان ممكن نناقش التعليم و الصحة و كل ما يتعلق ببلدى و شكرا للضيف المريح و الراقى ❤❤

حلقة عظيمة، حقيقي عبرت عن اللي جوانا اتجاه عدم الراحة اتجاه القاهرة بسبب المسخ و استمرار القبح في واحدة من اجمل بلاد الارض. ربنا يحفظ مصر من الفساد و حكامها

حلقة جميلة و نقاش هادئ و موسوعي رغم أنني من المغرب 🙏🙏

المعنى الحرفى لمقولة " اللى بنى مصر كان فى الاصل حلوانى" واحد من اهم وامتع البودكاست الحلقة تضمنت العديد من المواضيع صحيح ان الموضوع الرئيسى كان العمارة الا ان العمارة لا تنفصل عن علم الاجتماع وعلم الانسان والتوجه السياسى و الاقتصادى بتسلسل بسيط دون ان تشعر بالانتقال من موضوع الى موضوع فى ربط ممتع و شيق الحلقة تكلمت باختصار عن علاقة الانسان بالمكان و بالتالى علاقة المجتمع بالبيئة المحيطة و كذلك اوضحت كيفية ظهورما يسمى بالعشوائيات ثم العلب فالناطحات ثم الانتقال الى الامركة حلقة للتوثيق.

مشكوين يا سادة، بس خلو في قلوبكم أمل، و مكان للعصرنة، تبقى مصر أرض طيبة مباركة تستاهل كل خير، بالوعي و الإرادة تنجز المعجزات

ضيف رائع ومحاور هادئ ومستمع استمتعت جداااااا

الى حد ما ناقش السيناريست الكبير اسامة انور عكاشة مفهوم الهوية من خلال الفن العمراني في مسلسل ارابيسك ولم يصل الى نتيجة لانه طرح مفهوم الهوية بشكل تجريدي جوهراني ولم يطرحه بشكل تاريخي..الف تحية

د.عبد الرؤوف دكتورى العظيم

اكتر حاجة ممتعة في الحلقة هو الاحترام المتبادل والاسلوب المهذب في الحوار مكنتش عاوزة الحلقة تنتهي بقدر الالم اللي شعرت به وانا بسمع التشهوه المتعمد لمصر، بس بعدين خفت حدة الغضب لأن "ايه في مصر محصلوش تشوه وبالذات آخر عشر سنين"

استباحة الثقافة والمجتمع .. أخيراً أحد يتكلم عن الموضوع، اختفاء وتراجع الصورة الثقافية وتحولها إلى مباني غير عملية غير مناسبة للطبيعة والمناخ وسيكلوجية المتجتمع مهمة جداً لكل الدول العربية والبلاد الإسلامية لأن لنا طريقة خاصة في التعايش .. ألف شكر من السعودية ...

أنا طالبة دكتوراة ويتناول بحثي كثير من النقاط التي تم مناقشتها ،،، أشكركم علي هذه الحلقة الثرية ..

سلام عليكم برنامج رائع ، تاريخ السكنة و التعمير هوية الشعوب التي لا تموت ، تحياتي لكم جميعا من مدينة فاس المملكة المغربية

جزاكم الله خيرا عللى الحلقة الجبارة دي نتمنى جزء تاني ضروري مع الدكتور المتالق دائما علي عبدالرؤوف

رقي وجمال من دكتور علي عبد الروؤف والمحاور على قدر كبير من الثقافة وسعة الأفق. أمتعتونا

اى الجمال ده هدوء وسلاسة جميلة فى الكلام اول مرة اعرف انك صيدلى يا دكترة❤

أحسنت التعليق والفول ف الموضوع. . من معماري محترم.

من فضلك حلقه اخرى للدكتور علي عبد الرؤوف اكثر توسعا وشكرا للدكتورين فكرتونى بالدكتور حسن فتحى حلقة رائعة رائعة رائعة شكرا لكما حسستونى ان لسه فى ناس بتفهم و تشعر بالجمال و فهمه يعنى ايه فلسفة العمارة

انا سمعت الحلقه وقرأت التعليقات الرقى يلزمك بالرقى ولا تعليق بعد كل ما قيل تحيه كبيره للجميع على رقيهم

ايه الروعه والجمال ده

استمتعت جدا باللقاء رغم كنت بسمعه وكنت اظن انى حزهق واقفله لكن حقيقى مفيد وحلو جدا اللقاء

البودكاست ده مينفعش يخلص 🖤✨

بارك الله فيك يا دكتور علي، أنا من فترة بسيطة كانت فيه أسئلة بتيجي في دماغي عن العمران عندنا وإنه مش مناسب لينا لكن مكنتش فاهم ولا عارف أي إجابات للأسئلة دي، حضرتك جاوبت عليها وللأسف صدمتي زادت وأتمنى إني أشوف اليوم إللي وضع بلدنا كله يتحسن إن شاء الله

لقاء جميل وممتع وفيه ثقافه عاليه ..شكرا لكم من السعوديه

حلقة ممتعة جداً من حيث المحاور د. علي وإللي أنا من أشد متابعيه في ألشخانة منذ أكثر من ١١ سنة ومن حيث الضيف د. علي عبد الرؤوف الممتع والبسيط وذو علم عظيم جزاكم الله خيرا واتمنى حلقة اخرى

انا كبنت ابدا مرحت لمصر لكن اتمنى اسافر لها 😢.. استمتعت بالحلقه جدا وياريت لو يصير معاه لقاء ٢ يتكلم بشكل عام عن العماره بشكل عام للوطن العربي وكذا

أنا مهندس إستشارى مدنى وقد سعدت كثيرا بمشاهدة الفيديو ،وهو يعد من أفضل وأروع ما سمعت عن العمارة والتخطيط العمرانى وربطه بالإنسان ،ومن أجمل ما أعجبنى فى الحوار (والحوار كله ممتع وجميل) ما قاله الدكتور على عبد الرؤوف عن العمارة الإسلامية وترجمتها للقيم والمفاهيم الإسلامية فى أساس علمى عمرانى غير مرتبط بشكل محدد لكنه مرتبط بقيم ومفاهيم الإسلام التى تهدف للترابط المجتمعى وراحة وإسعاد السكان فى هذا المجتمع المسلم سواء أكانوا مسلمين أو غير مسلمين ،أشكر كثيرا الدكتور على هذا الكلام القيم وأدعو له بدوام بالتوفيق والنجاح والسداد .

الحلقة رائعة🎉 محتاجين واحدة تانية.

انا كمهندسة معمارية استمتعت باللقاء الرائع و بمستوى الوعي و الإدراك للمشاكل الملموسة بطريقة علمية مثقفة جدا

حلقة ممتعة

حولتنا السلطوية في عقول أنصاف الآلهة الذين أتوا بعد حركة يوليو إلي مسوخ لا رأي لهم في وطنهم ومجتمعهم وأصبح الشعار، عيش نملة تاكل سكر.. عشنا نمل حتي أصبحنا لا نجد السكر.. شكراً أثير علي الحلقة الرائعة.

جزاك الله خيرا سيدي الفاضل علي المتعه تعلمت الكثير عساكر الشطرنج خربوها😢

أنا كمهندس معماري احب اشكر و امتن المناقشات من هذا النوع .. و التي حتما و لابد تبقي دورية و علي نطاق واسع لانها تعني في الاساس بعلاقة العمارة بالإنسان و التأثير المتبادل بينهم والتي ستؤدي بدورها الي تأثير ممكن يبقي اعظم بكتير من وجهة نظري لتوعية الناس و تعبئة خيالهم بالمشاركة بالتطوير و البناء في مجتمعهم بعد تفعيل الوعي و بناء الرأي

رائع، جزاكم الله خيرًا

حلقة رائعة

حوار رائع.. ممتع من اول دقيقة لاخر دقيقه ياريت تعملوا جزء تاني منه اتكلموا عن المهزله اللي حاصله على كونيش اسكندريه وحجب البحر عن الناس .. واتكلموا عن هدم الميادين القديمه بدل ترميمها وبناء مسوخ حديثه ليس لها اي روح

كمصممة عمارة داخلية اللقاء ممتع و مفيد لكن محتاج حلقة ثانية تسلط الضوء أكثر على التفاصيل, شكرا على اختيار هذا الضيف المميز

حلقة رائعة و الله، و عميقة جدا لكنها في الصميم ...منبع الازمات التي يعاني منها الوطن العربي و كثير من المدن و القرى في العالم ، بالفعل حصل لنا مثل الغُراب في الاسطورة المشهورة .. لكن للأسف لن يشاهدها الملايين 😑

اتفق جدا مع " انسنة "العمارة والعمران الذي للاسف لا نجده الان في مجتمعاتنا المتجهة نحو العملقة وقزمنة الانسان

أهم وأفضل ما قرأت في هذا الموضوع هو كتاب إشكالية التحيز وتحديدا في المحور الثاني من الكتاب والمتعلق بالفن والعمارة

ما شاء الله.. لقاء ممتاز وثري ووجب على كل المختصين ف الجغرافيا أوالهندسة أوالتخطيط العمراني ان يسمعها.

حلقه ممتازه والدكتور علي راجل راقي ومحترم, ربنا يجازيكم خير علي هذا العمل الجميل

افضل حلقة لوسط البلد يا دكتور علي ياريت يكون في جزء ثاني نتكلم فيه عن الحلول المناسبة لاصلاح ما افسد جمال مصر اخر ٢٠ سنة

مقابلة رااااائعة استمتعت بكل ثانية فيها من ضيف لمقدم ،، كان بينهم تناسق أخاذ . شكرا قناة اثير

هذه اهم مقابله لها علاقه بالإنسان المصرى منذ عقود

حلقة اكثر من رائعة، ربنا ينصر مصر وينقذها من جحيم الجهل الي فيها بقاله اكتر من قرن

اشعر أن ذلك يحدث في بغداد..تحولت المدينة اما عشوائيات أو صناديق لحشر الناس في المناطق الراقية أو الاقل مع التأكيد على قطع العطاء الاخضر الذي هو أصلا قليل

حلقه ةكثر من رائعه شكر للضيف وشكرا للمذيع ولكل من ساهم بنجاح الحلقه ....روعه

حوار ممتع ومُفيد جدآ. شكرآ لكم

حلقة رائعة جدا جدا يا دكتور علي، أتمنى أن حضرتك تستضيفه في جزء ثاني. شخصية جميلة تحببك في العمران، وشرحه عميق ومُبسط وواضح ويكشف للشخص العادي الغير متخصص مدى أهمية العمارة وتأثيرها في حياة الإنسان.❤🙏🌷

أنا برضو مش بفهم في الهندسة ومش بحبها بس أول مرة أعرف البعيد ده منها ...حلقة جميلة موفقة وماتعة ...عيبها الوحيد أنها خلصت

الوحيد الذي يمكن ان يتحدث بلھجة بلدو عادي جدا والكل يفھمو من متحدثي العربية ھو المصري. اللھجة الواصلة للجميع. تحية طيبة من موريتانيا

كل الشكر للقائمين على البرنامج ولأستاذي دكتور علي عبد الرؤوف على الحلقه دي وعلى عرض منظور القاهره الخديويه بشكل او طرح مختلف تجنب الغرق في الرومانسيه او النقد والرفض المطلق لما هو مغاير للمظهر الخارجي للعماره الاسلاميه. اتمنى يكون عندنا متسع للنقاش في تجربه القاهره الخديويه بشكل اكثر تفصيلا.

حلقة أكتر من رائعة و معلومات مبسطة سهلة الفهم

اكثرو من الصلاة والسلام على نبينا محمد علية الصلاة والسلام بكرة يوم الجمعة لاتنسو سورة الكهف

كنت بقول انى هسمع اول نص ساعة و بعدين هبقى اكمله بعدين مقدرتش اقوم غير لما خلصته

هذا البودكاست يعادل كورس كامل من الدراسة في الجامعات بل اكثر..

حوار شيق جدا وانا استفدت من كل كلمة ، وفادني كتير وشكرا لحضراتكم جدا

أتذكر دكتور سعودي معروف اسمه دكتور عبدالله بن جنيدب نادي بفكرة إزاله الاسوار الخاصه بالمنازل

اخيرا حد اتكلم علب مدي القبح اللي وصلناله شكرا علي الضيف وعلمه واسلوبه

من اروع ما شاهدت ❤

أي مهندس معماري هيعمل دماغ من الحلقة دي والله

واضح إن المحاور مستمتع باللقاء أكثر مننا 😅

العمران صوتُ الإنسان في أرضه!

حوار راقي جدااا تحياتي

احلى بودكاست في منصة اثير هو بودكاست وسط البلد انا استمتعت بكل حلقاته بس ياريت تطولو الحلقات اكثر وتخلو الضيوف يحكو بشكل تفصيلي اكثر، الله يعطيكم كل الخير والتوفيق ❤❤❤❤

اخيرا نزلتوا حلقة جديدة، لكم وحشة

حلقة تخليك تحب مصر وتكرها في نفس الوقت :")

ما شاء الله تبارك الله ❤ مصر:-عمود الدين، وفسطاط الإسلام.

شكرًا لي بودكاست اثير الجزيرة على أسترجاع التأريخ ونتمنى ان تبث سيرة تأريخ الشهيد القائد عمر مختار ❤

حاضر و مستقبل مؤلم لذلك الحديث عن التاريخ دائما جميل

جميل جدا شكرا ليكم ❤

بارك الله فيكم وجزاكم الله خيرا على هذا المجهود الكبير

في الجزائر نتقاسم مع مصر نفس المعضلة ونفس التحدي .

وَسِعَ رَبُّنَا كُلَّ شَيْءٍ عِلْماً عَلَى اللّهِ تَوَكَّلْنَا رَبَّنَا افْتَحْ بَيْنَنَا وَبَيْنَ قَوْمِنَا بِالْحَقِّ وَأَنتَ خَيْرُ الْفَاتِحِينَ

احلى حلقة بشوفها بتمنى تعملو معو مقابلة تانية

كنت لسة بسأل هي حلقات البودكاست اللي دكتور علي كان بيقول إنها اتسجلت فعلا راحت فين عودا حميدا 🎉❤

الحلقة رائعة العمارة مهنة خطيرة

فكر معماري عميق بارك الله فيكم

حلقة دسمة تساعد على نشر الوعي شكرا أثير 🌹🌹

حديث اكثر من رائع تحياتي

حلقه روعه ، شكرا عليها وياريت يكون في استضافه تانيه للدكتور

بمناسبة ألعاب محاكاة بناء المدن في لعبة قديمة اسمها Caesar 3 أعتقد انها أحسنهم في الجزء التعليمي

لقاء جميل، عندي قناعة اي شخص فاهم تخصصه صح غالباً يكون قادر على تبسيطه وتفهيمه للمتلقي العادي،

لقاء رائع