ربي يرزقم و يرزقتي انا تاني عيييت منهم خلاص نمشي ينيتك ستوتة كيما درت ما سلكت راجلي لي ديتو عن حب و حبست علا جالو قرايتي و كلش وليت نقول كون غير معرفتوش عيييت بزاففف
Mirale Mina يخاه ما تقوليش هكذا حنونة هذا مكتوبنا شدي في ربي يعيا ويفرج عليك اصبري باش تحافظي على دارك او ما يضحكوش عليك الغيورين اللي مادابيهم تفشلي استغفري و ادعي انشا الله ربي يرزقنا السكنة امين☺
راكب البراق حبيبي ام ع.الرحمان ع.الودود ان شاء الله يا ربي يرزقني سكنة و يرزقك كل يوم نقول ليوم يجو ناع سكنة اني حابة نتهنى برك لخاطش هدو لي عايشة معاهم انا ايهود برك مارحموش حاش شيخي ربي يخليه و يعليه غير هو لي يحبني
Mirale Mina شيخك كيما شيخي مايحبش الحقرة واللي يظلم ياحليلو مع ربي واللي يبكيني ويحبلي لخسارة ما نسمحلوش دنيا و اخرة بصح لازم نصبرو علاجال ولادنا ورجالنا هما راس مالنا حتى نهار يفرج علينا ربي ونولو في ديارنا كيما الناس
كامل واش قلتي صحيح مكاش كما النية بصح المشكلة مول النية في هاد الوقت ياكلوه مهما اديري ميعجبش خصوصا كيديروك برانية حتي لوكان تعيشي معاهم بزاف نصيحتي الصبر جاز عليا وصبرت علي جال زوجي الي كان السند كان يعرف دارهم وخصوصا درت دراري وليت نحاول نرضي الجميع وصبرنا وفرج ربي وولينا مومو العين اصبرو الصبر والصلاة وربي مع الجميع
انا ياختي عندي 20 سنة زواج درك راني عايشة وحدي والله ياختي تكوني بنيتك وركبولك الحيلة جازو عليا مواقف بزاف سكت عليهم كنت صغيرة ونخاف بزاف ونحشم دارت فييا رأيها عجوزتي ولوكان يولي ليا زمان للور كل كلمة سمعتها وجعتني نجاوب عليها وكل حقرة ناخد حقي لانو هداك السكات و اللي مرض انا نقولك الناس عقليات كاين ليخاف ربي وكاين لالا
جزاك الله كل خير على مجهوداتك حبيبتي تستاهلي كل خير👏👏 نتمنى تعملينا مواضيع على الراجل ليميعجبو والو وكلشي يقول عليه لا والله يااختي لعزيزة كرهت وتعبت استغفرك ربي واتوب اليك
والله يا اختي نجاح حسيتك تهدري عليا .انا كي تزوجت و عدت داخلا لدار أهل زوجي عند الباب قلت ياربي انا راني داخلا هذي الدار بنيتي صافية مافيهاش الخدع ؛ياربي خرجني دايما على حساب نيتي .و كيما كان الحال جوزت معاهم 3 سنين و الله الحمد لله قدرت نكسبهم كاملين و خرجت من عندهم لداري وحدي و انا مرفوعة الرأس .مكانش كيما النية و الاحترام. يعطيك الصحة حبيبتي نجاح بارك الله فيك و المزيد من التألق و النجاح و الافكار المشجعة لكل ما هو خير .
ربي يحفظك يااختي نجاح تعجبيني بزاف بزاف و تمنيت نسكن بجانبك باش نتعلم عليك راكي في القمة من طريقة إقناع و كيفية تنظيم البيت ونفس الشيء بالنسبة للطبخ راكي طوب ماشاء الله ان شاء الله نكون شوية كيما أنتي ربي يعطيك ماتتمناي و يصلحلك اوليداتك ويهنيك في دويرتك شكرا جزيلا ياحبيبتي راكي تتعبي بزاف امعانا شكرا مرة ثانية
السلام عليك يا حبيبتي دداح راني وليت مدمنة على فيديوهاتك كل جمعة نستنى نسمع صوتك الحنين وكاني نستنى في امي ولا اختي كلامك درر ربي يزيدك من الحكمة و التدبير صدقي إني مؤخرا كنت ضيفة في دارنا كنت كل مرة ندير الفيديوهات ونعطي لأمي تسمعهم والله عجبوها كتير وكانت تدعيلك بالخير
الصبر مفتاح الفرج الي اتحب لهنا هي اتورو والي اتحب الراجل اتحب اهلو الكمال لله مكانش واحد م عقبش في هاد الدنيا عندك الحق في كلامك ما تعرفيش عقليتو حتى تعاشريه في كلش لازم اتوالفي المعيشه حلو والمر حتى يفنى لعمر و تستمر الحياة شكرا اختي على النصاءح للمقبلات احنا عقبنا والحمدلله فرج علينا ربي والحمدلله
اختي دداح والله غير راني معاك على طول الخط بصح أحيانا الزهر يلعب دور ما تضحكبش اختي دداح والله غير كاين النسا اللسان الحلو والشطارة و االرنابة بصح العجوزة ما تستعرفش خلاص في بالك هدي غيرة ولا مرض نفسي والله ما عرفت
السلام عليكم والله تعجبيني بزاف (رضا الناس غاية لاتدرك ورضا الله غاية لاتترك فاترك مالا يدرك وادرك مالا يترك) يعطيك الصحة موضوع ممتاز المشاكل توصلك مهما تكوني ثقيلة (ياذا الجلالي والاكرام اكرمني)
_ربي فالقلب والعقل _النية _الاحترام _اللّباقة _الاهتمام بالاعمال المنزلية _عدم الحكم على الافراد من النظرة الاولى _التسامح وسعة القلب _الابتسامة في وجه الغير 😊 ربي يرزقنا ازواج صالحين نسكنوا ليهم
لي يقول عليك كلام مش مليح يولي عليه ماتخافيش يا ختي ربي يبارك عليك راكي في القمة والله دون مجاملة واصلي رانا معاك دائما واش نقولك يا حبيبتي والله الناس ماشي كيف كيف
يسلم هذاك الفم على النصائح الي قدمتيها لكل بنت مقبلة على الزواج وانا بدوري كا ام شجعت بناتي باش يسمعوك لان طريقة اسلوبك جد مقنعة ومن القلب الى القلب شكرا لكي حبيبتي واختي في الله نجاح
Merci pour ces précieux conseils sincères,je connais 60% des filles qui ont divorcés ,c'est à causes de l'entourage qui ont mal conseiller.Bises Dadah.
كلامك رزين ما شاء الله ما حسيت كامل بالوقت وانا نسمع في الفيديو عندك لحق ف كامل واش قلتي و أن شاء الله ربي يرزق لهنا لكامل لبنات ربي يحفظك احسن قناة جزائرية متنوعه.
ديمة متميزة بارك الله فيك على هذه النصائح وتقبل تعيش مع العايلة تقبل بنمط المعيشة اذ والا يصبح غدر واحد يولي ماهوش ذاك الانسان لتعرفوا عليه في الاول الواحد يكون عند كلمته لانه هذي الخلافات يروح ضحيتها الاولاد و تنموا الاحقاد في حكايات غسلت الماعون نظفت حضرت العشاء ماتعرفيش تخبزي الكسرة... والخ والي تحب تكون واضحة تضع شروطها في المسكن و حتى التفاصيل اللي تشوفها تعكر مزاجها
لعجبني فيك أنه رغم الديسلايكات و بعض التعليقات السلبية لراهم اعملوهوملك ما ستسلمتيش و كملتي الخدمة الرائعة انتاعك. صاح بزاف على كل النصائح و كي فتحتيلنا دارك. لأن ماشي كامل الناس عندها هذه الشجاعة.
ما شاء الله عليك يا اختي شوفي يا اختي انت اول وحدة نشارك في قروب نتاعها و الله نتفعت منك بزاف ان شاء الله يكونو في ميزان حسناتك ربي نور لي طريقي بيك و كنت دايما ندعيه يلقيني ببنات لحلال و راني لقيتهم سواء انت ولا لبنات لي في القروب نتاعك ما شاء الله هايلين ربي يباركلكم كامل
كلامك صواب ..و نقول لكل المشتركات...الصبر و النيه و الدعاء..مفتاح الفرج..انا درت النيه مع ناس بيتي....و صبرت ..و فوتت و سمعت و بلعت...و درت الشغل ..و دارو فيا حاااااله....ماخلاو ما يسمعوني..وصلت واحد النهار ناضو لواساتي ليا و وحدة قريب ضربتني...ايا تفاهمت مع راجلي و قلتلو مابقاتش العشرة مع ماليك...و بعد ما سمع منهم و شاف بعينيه... قرر اننا نجبدو رواحنا و و نعودو برانيه..و نروحو ضياف على ساعه و مانكثروش الكلام....و بعد اعوام داو يجيو لعرايس الجدد...و بداو يتعاملو التعامل تاع الحيله و خرج العيب بيناتهم...و ضرك لواساتي حبو يرجعو ليا ..و نوليو كيما كنا بكري....ندير الشغل لامهم و ندبر عليهم و نعاونهم و نفرح بيهم و نفخمهم....لكن انا ......قلبي تبدل جيهتهم......الحاصول...النيه تخرج ...و الصبر يوصل مولاه ...و الخير ملييييح في الدنيا .... ديرو النيه يا لبنات ...و كيما تقول ماما...كوني انتي مليحه و واش عندك في لعباد.....و قولي ربي يجعلني غابه و الناس حطابه .
HADIL Nessrine اختي دعيلي لبناتي زوج وحدة جوزت الباك ووحدة البيام وما جابوهش هذي المرة دعيلهم لهذا العام وربي يقبل منك ويجعل هذا الصيام في ميزان حسناتك
wafa la rose عشت مع ناس داري العامين اللولين بلا مشاكل جامي تمنيت نعزل بصح ضرك لوكان يقولي نديك لعشة تسكني فيها نقبل ما قدرتش نربي بنتى خرجوني من عقلي بنتى ولات ما تحملنيش كي دير حاجة نعيط عليها ولا نضربها يدخلو روحهم ولات تشوفني منحبهاش ولات تحبهم كثر مني ولات الرقاد ما ترقدش معايا كيفاه ندير والله قلبي راه يتقطع خفت نخسر بنتى عمرها 4سنين
Fatima Nono انا حبيت برك أقولك متخليش الشيطان اوسوسلك أو ديري ربي في قلبك بنتك عمرها متنساك خلاو أولادهم صغار أو منساوهمش انت جربي كفاش تقربي من بنتك بلا متجرحي أهل زوجك أو هادي دنيا اجي نهار لي تخرجي عليهم أو كما بنتك بنتهم اقول المثل من عز الولد غير ولد الولد
سلام حبيبتي ولاه كلامك دوا على القلب صح ماكاش كيما النية وماكاش ليتصيبها مبنية على التمر المشاكل كاينين كاينين بصح الوحدة لازم تعرف كيفاه تسير وتكسبهم ولاه نها ماجوزنا واليوم الحمد الله كنت قلبي معمر بصح نضحك في وجوهم الصح في الزوج كي يكون مليح معاك تجوزي كلشي في خاطرو والصابر ينال تحياتي الحارة حبيبتي الغالية ونتمنالك التوفيق والنجاح الازدهار في قناتك😙😙😙😙
سلام حبيبتي يعطيك الصحة انا مقبلة على الزواج قريبا بإذن الله كتبت التعليق قبل مشاهدة الفيديو ربي يحفظك ويطول في عمرك راني متشوقة نسمع واش راح تقولي 😍😍😍😍
اختي دداح نزيد علي كلامك الحلو والموزون المشاكل في هد الدنيا كاين كاين ولو تعيشي وحدك ولا كنتي بنيتك والله غير تشبعي ضرب في جنابك والطبع يغلب التطبع عشت حياتي كامل نتكلح بعد 16 سنة زواج ما زلت نتكلخ لانو طبعي نتعامل معالنلس بنيتي لكن نقول الي عند ربي خير وكل واحد ياخد قد نيتو
السلام عليكم ورحمة الله وبركاته والله يا اختي هذا واش درت و الحمد لله نشكرك اختي بزاف بزاف il faut juste savoir s'adapter et accepté sa nouvelle vie tout simplement respecté tout le monde
شكرا .من فضلك كتريلنا من هاد الفيديوات راني نستفاد من هدرتك.لازم نتعلمو المعاملات مع العاءلة و الاقارب و الناس....ماشي نبقاو منغلقيىن غير مع الطياب و الميناج
Oukhti dadah andi 16ans de mariage, fiha yamat el fouk w yamat taht, mais el hamdoulah el sabr w diri rouhak masmaati ma chefti kan houa sir el wahid bach sert fi mechwari. Anchallah el hna lkamel bnat. Sujet rawaa bravooooo
c un vrai bonheur et un appaisement moral de vous ecouter j ai 10ans de mariage et c des choses qui ont marché avec moi والحمد لله ربي يحفظك ويلاقينا في الجنة
سلام اختي نجاح هذا غيبة تغيبت عليك و على قناتك كنت غايبة على بيتي علابالك الصيف و كان عندي العرس تاع خاوتي والحمد لله جاز بخير راني رجعت الداري الحمد لله و نعود لمعيشتي و راني ديما مع قناتكي شكرا دائما على كل نصائحكي
ركيزة الزواج نية صح يادادح وتخرج دايمن على خير وقلة لكلام مع ناس دارك موضوع سهل في تفكير وصعب في كلام لجاز على كلمة جاز على روح ممتازة في اقتناء المواضيع
السلام اختي نجاح تعلمت منك بزاف امور راكي في المستوى ونحب نسمع صوتك يريح القلب و راني حابة تهدري كيف نتعامل مع الرجل الكذاب وشكرا وربي يعطيك ما تتمناي انشالله
حمد الله لهنااا ساعات متلقاايهش ف دارك وحدك ..ساعات تكوني مع عايلة راجلك وتكون و مهنيين وفرحانين .ربي يجمعناا فستر وحفظ الله ...وقادرة تكوني دارك وحدك ورااجلك ميدخلش لدار مصبااح للليل وهو براا وش تتهنااي تبقاي وحدك
ما شاء الله ما شاء الله عليك و على تربيتكي يرحم الميمة لي رباتك و علمتك اﻷصول ربي يحفظك كلام في محلو و نصائح قيمة جزاكي الله الف خير دمتي لنا اختي العزيزة
سلام عليكم مساء الخير نجاح ليك وحشة يا لعزيزة كلامك دواء للعازبات وللمتزوجات باش يصلحو حالهم براك الله فيك علي النصيحة ربي يوفقك طلب صغير يا لعزيزةكيف نعطر البيت يوم عيد الاضحى وتستاهلي الف جام
انشالله حبيبتي وشكرا على الرد غدوى انشالله راني رايحة للحج ادعي لي انشالله نلحق بخير و يصبرني على بنتي صغيرة نشكرك جزيل الشكر على الرد و صدقيني احبك في الله و ليلة سعيدة انشالله
7 лет назад
اختي نفس النصائح فوتهم والحمد ألله معنديش حتى مشكل وكلامك صحيح 100 بل1000
السلام عليكم ربي يسلم ذاك اللسان ونزيد نقوول للنسااء مهما مثلتي ونافقتي نفسك راح يجي نهاار ويين تبان شخصيتك تاع الصح مكانش كيما الشخصية الصافية ولي ماديرش حساب مع ربي في تعاملها لاي طرف