@@nournoura6466 نديرو كيما دارو الشاف صلاح إلا الكسرة نحطها في القصعة ونفرغ عليها خليط الغرس مع الزبدة ونخدمو بيدي ومانفوروش.والطريقة لي قولتيلي عليها انتي ثاني صحيحة تخرج نفس البنة.ويتقدم مع لبن ياسلام..ونديروه ثاني لنافس
@@nournoura6466 تقدري بصح لازم الكسرة تكون سخونه باه يذوب الغرس ويتخلط معاها مليح ومبعد ضيفي الزبدة الذايبة.وبصحتك حبيبتي وتشرفت بمعرفه بنت الغرب نعمة الناس واش نقولك حريرتكم لايعلى عليها كنت زرت تلمسان وذوقتها ماشاء الله بنينة تهبل وجربت شحال من وصفة بصح ماخرجتليش كيما لي ذوقتها.ياريت تقوليلي باختصار كيفاه طيبوها ومع لاخر واش تضيفولها فرينة ولا حاجة أخرى؟؟وشكرا
@@oumjojo77 ياعمري في بنت بلادي والله نفرح كنكون مع ولاد بلادي شوفي غادي نكتبلك بتدقيق حريرة تاعنا من اول كفاش نديرولها بتفصيل لممل شوفي نديرو زيت ولبصل ونقوله شوية ومن بعد نرمو فيه لحمص وزرودية لحريرة تحب زرودية بزاف كتريلها وتحب طماطم تاع لحبة ديرلها حبة طماطم متوسطة وماتحبش بزاف لبطاطا لخاطرش تسمطها علابها نديرو غير حبة مهما كانت كمية ديري حبة متوسطة وادا كانت كمية كبيرة ديري حبة كبيرة ماتزيديش زيدي كورجات معاهم المهم الخضرة فوق كترميو هدو قليهم مليح مليح مع لبصل وتكوني دايرة توابل لحرور وشوية راس لحانوت وكركم او زعفران فلفلة حمراء وجومبو وقصبر وشوية ملح عينك هي ميزانك خاطرش راكي دايرة جومبو وغادي تزيدي في درسة وقليهم مليح ةمن بعد ضيفلهم ربع تاع كاس ماء خليهم يتقلاو مليح وضيفي طماطم مصبرة باش ماتنحرقش خليهم يتقلاو حتى تكتك ومن بعد ضيفي لماء مرقي بالماء سخون وكتمرقي ويغلى لماء ديري تشيشة كاين زوج طرق كاين ليرمي تشيشة طيب مع لخضر كطيب تشيشة مع لخضرة نطحنوها ومن بعد رجعو لقدر فوق نار تغلى شوية ونديرو درسة نجيبو غرفية على جيها نديرو فيهل غير شوية من توابل كما راس لحانوت وشوية حرورماتقوييش تجيك مرة خاطرش رانا دايرين ونزيدو توابل خاصين بالحريرة لحشايش نقوللهم حنا وادا تحبي ماديريهمش في درسة حتى طفي عليها وديريها في غرافة ديري نت حرة كما تحبي وزيدي توم وقصبر ونمرسوهم مليح ضيفي عليهم شوية من مرقة تاع لحريرة باش يتمرسو لك وضيفي معاهم شوية جومبو تكوني دايرة من قبل بصح احرزي جومبو عرفي نت مع لملح تكوني دايرة وتخلطيهم بديك لمرقة تاع لحريرة مليح ورميهم في لقدرة يغلو معاها شوية وطفي وكاين طريقة تانية مايرميش تشيشة مع لخضرة حتى طيب لخضرة يطحنها ومن بعد كتغلى يضيف تشيشة طيب ويضيفلها درسة لقتلك عليها بصح انا نفضل طريقة تاع كطيب تشيشة مع لخضرة وان شاء الله تكوني فهمتيني وشهية طيبة وادا مافهمتينيش قوليلي نعاودلك ونتبادلو طبخ ادا حبيتي هههه ومرحبا بك عندنا نديرلك حريرة ولتحبي ههه نسيت سقسيتينا على لفرينة مشي دايما نديرو فرينة لالا اختي فرينة ادا كانت شوية خفيفة حسيتيها خفيفة نزيدلها زوج مغارف كبار ولامغرف فرينة جسب لكمية غير باش تعقاد فقط ونخلطهم مع شوية ماء ربع فنجان ولاجبدي شوية مرقة من لقدرة باش تحلي لفرينة ديريهم في طبسي على جهة خلطيها ومن بعد رميها في لقدرة غير باش تعقد لحريرة هديك حريرة تاع فرينة وحدها حنا مانديروهاش ماتجييش كامل شابة نديرو تاع تشيشة
@@nournoura6466 طيبي مثقبة عادي و بسيها مليح و من بعد كي طيب فتيها مشي ترحيها ولا زم تكون سخونة اعجنيها مع الغرس مليح دخليهم في بعضاهم و كي تعجني زيدي بالشوي الزبدة ذايبة و عينك هي ميزانك و كوليه مع اللبن وحد البنة روعة روعة
يعجبوني كلماتك باينة امك الكريمة فحلة كبيرة، تمحروهم ودڨوهم.... شحال من مرة نشوف فيديواتك نسمع هاذ الكلمات لي يجيو غير من الفحلة كيما أمي 😁 وامك ربي يحفظهم ويعطيك الصحة
حنا في الوسط نديرو تمر الغرس تع النواة نقيوه ونديرو الفطير نفسو كيما دارو شاف ونجيبو جفنة ونديرو فيها التمر ونحطو على ذلك التمر الفطير ونهرسو بيد المهراس ونضيف زبدة الحرة وهي ذايبة ونعرك بيدي يجي شوية شاد روحو مشي مزربع وكل واحد كيفاش يديرو 😍