من تلميذ فالخيرية لمدير فشركة عالمية.. عمر مستقيم تحدى الفقر وصعوبة الظروف باش يتمسّك بالقراية 

#KDL à Casablanca - Ki Derna Liha? 🥳 خبر سار لمتتبعي سلسلة كيدرتي ليها بالدّار البيضاء مرحبا بيكم ف"كي درنا ليها ؟" الحدث لي كتنظّمو قرايتي.كوم يوم الأربعاء 19 فبراير الجاري باش نسمعو رأيكم فالبرنامج : كيفاش أثر فيكم ؟ شنو استفدتو ؟ اقتراحاتكم للبرامج القادمة ؟ و نعطيوكم فرصة تلاقاو مع ضيوف KDL لي غيكونو حاضرين معانا و تطرحو عليهم الأسئلة ديالكم ! ⁉️ باش تحضرو يكفي تتسجّلو على الرّابط : www.eventbrite.fr/e/billets-evenement-9rayticom-ki-derna-liha-92542345647

ماشاء لله وبقيت كنشوف راسي الي كلشي موفر وانا انسانة معكازة وفاشلة ولكن ان شاء الله قررت من هاد اللحظة مغاديش نضيع حتى دقيقة

سبحان الله كأنه يتحدث عني وعن حياتي القاسية خصوصا السكن بالخيرية في فترتي الإعدادي والتأهيلي والبعد بعشرات الكيلومترات عن العائلة رغم ذلك وصلت هدفي والحمد لله... أستاذ الرياضيات تأهيلي الآن لمدة 5سنوات...

مقدرتش نكمل الفيديو بلا مانقول ليك تبااااارك الله عليك. كن قدرت ندير كثر من لايك للقناة نديرها

*ناس الراشيدية و وارزازات و نواحي هما الي كتلقاهم كيديرو المستحييييل باش يقراو بابا حتا هو هاكا قرا الام ديالو كانو عندها الماعز و دجاج و عاش غير بالبركة ديال ماماه و لابورس حتى وصل تبارك الله لا وكتر من داكشي مشا خطب بنت شيخ القبيلة قالت لو ماماه حنا ناس دراوش مايمكنش يعطيونا بنتهم لكن كان جدي انسان طيب و معندوش مع الفوارق الاجتماعية و قبل خطبو ماما بقالب سكر ههه ودابا الحمد الله راهم بخيرو ما خصهم حتى حاجة الحمد الله بابا توفى باياه وهو صغييير و ماماه هزها وقابلها كان هو عويناتها حتى دا مول الأمانة امانته كنفتخر ب بابا بزاااف حيت وسط الفقر استاطع انه يتغلب على كلشي و يبني مستقبلو ودابا الحمد لله كيتعطى بيه المثل الله يحفظهم ليا و يطول ليا في عمرهم و يخلي ليكم واليديكم والي توفى الله يرحمو ويوسع عليه (الى قريتو التعليق كامل و عجبكم خليو ليا لايك)*

اوا هذو هما النماذج اللي بغينا نشوفو . الشاب الصبور و المجتهد و الطموح اللي كله إصرار و عزيمة باش يوصل للهدف دياله و يعتمد على نفسه و يحسن وضعيته. أرفع لك القبعة برافو .

تحية للاستاذ لي قاوم الظروف و أدى الواجب ديالو على أتم وجه👏👏👏👏👏👏👏 رغم كل شيء

"و الوالدة كانت كتشجعني "تحية كبيييييرة جدا للأم ديالك و لكل الأمهات الجميلات المكافحات الذين يدعمون أبنائهم بكل ما لديهم من قوة و جزى الله خيرا كل من دعمك و كل من يدعم وليدات لبلاد بلقليل و بالكتير راك كافحتي و وصلتي ماشاء الله عليك.

حتى انا كنعيش في قرية فيها القراية تال 4ème من بعد مشيت للداخلية 3سنوات والحمد لله قريت خديت الباك ديالي ودابا كنقرا في موسكو هندسة طيران ميكانيك الله يسر لنا كلنا يارب ديما حطو هدف قدام عينيكم تقتلو حتى توصلو بالتوكل على الله والعزيمة والصبر والكفاح اكيد غادي توصلو ♥️

هاد السيد خرج من رحم المعانات تحية كبيرة لصبره و إلتزامه . عطاني شحنة إيجابية باش نود نقرى على راسي

من هاد المنبر عاونو شباب لي نشوفوهم كيبيعو شي حاجة فزنقة سواء كتب ولا كلينيكس ولا اكسيسوارات ولا ....الخ حيت كتكون عندهم ظروف قاصحة بزاف كتقاوم يستمرو لقدام

والله الا تصدمت فعلا من أنه كان كيعيش ب 1 dh فنهار .مشاء الله عليه تباركلاه عليه هذا احسن مثال ديال المتابرة وعدم الاستسلام

هاد الفيديو خاصو يوصل لأكبر عدد من الشباب والأطفال، حيت فبلادنا عيينا من التفاهة عيينا من التخربيق جل القنوات كتشجع على الشطيح والرديح والغنا وكتبين للشباب بلي هو الوسيلة الأمثل للوصول. هاد السيد وصل بقرايتو وعدد كبير ومكنسمعو عليهم والو شكرا 9rayti

اليوم كنت مقلقة بزاف و صديقة ديالي سيفطاتلي الفيديو ديالك قاتلي ضروري تسمعيه و انا قلت ليها بعدي مني انا ماحاملاش راسي بقا لي غي نجاح... و ملي سمعتك حسيت بحالا شحنتيني بطاقة رهيبة ما شاء الله عليك وعلى القوة ديالك

ماشاء الله النور على وجهك أولدي حصدتي ثمرة مجهودك وصبرك حالة نادرة لتحدي عدوين الفقر+اليتم هنيئا شملتك ألطاف الله وهو المعين.

أنت رجل مجتهد و ابوك الإمام رحمه الله كان رجلا صالح و ما أنت إلا ثمرة من تلك الشجرة الطبية أكثر الله من امثالك و أمثال والديك

الله يرحم البطن اللي ولدتك والآباء اللي وبارك وتستاهل توصل لأكثر لانه عندك العزيمة والثقة والكفاح

تباركلاه هذا خص اتفرج فيه دراري لكيتشكاو من الظروف التافهة ولي كلشي متوفر ولكن القرايا مبغاوهاش

برافو برافو هذا هو نموذج ديال الشباب الناجح

انا هادي هي اكتر قصة اترات فيا ماشاااء الله عليك والله يكمل عليك بالخير

سبحان الله. النور نازل عليه . فرحت لك بزاف اولدي .الله يكمل عليك .

و الله تا قصة ديالو حتى فيلم حزين و بنهاية سعيدة. برافو علك

و الله حتى عشنا نفس تجربة الفقر و قلة حيلة اليد و قدرنا نوصلو بمجهودنا شخصي لمناصب محترمة، لكن دائما كانت نظرة الناس و الأصدقاء لمعانا في القسم حافز باش نزيدو لقدام حمد لله

أي حاجة وصلتي ليخا تستاهلها أخويا حيت ما طلعتيش ب باك صاحبي يرافو 👏💚

انا هاد الفيديو غادي نبق نطلقها لولادي التلاتة باش يتفرجو فيها باش يشوفو الكفاح ديال هاد الراجل باش يدير فيهم النفس بهال هادشي اللي خاصنا نوريو لولادنا ،تبارك الله عليك أسيدي أك اسربح ربي ح الدونيت و لا ليخيرت

نتا بزاااف والله خليتيني نحس بلي راني غا كنخربق انا كون كنت فالضروف ديالك متأكد مغاديش نكمل ولكن دابا الي الحمدالله ميسرا مدايرش المجهود الي خصني ندير

الكلام الأخير ديالك ( نظرة الٱخر والإحتقار من طرف بعض الأطر التربوية للناس للي تاتجي من مناطق بعيدة ) ذكرتني بمرحلة من مراحل الطفولة ديالي المستوى الرابع لي سمعت فيه بزاف ديال الهضرة لي متنساتش ليا لحدود الساعة ... لكن الحمد لله بزاف د الامور تغيرات فالحياة الشخصية ديالي ... كانتقاسمو ايضا قاسم مشترك لي هو كاننتميو لنفس المنطقة إغرم نوكدال ورزازات ... الجنوب الشرقي بصفة عامة رغم التهميش فيه طاقات علمية كثيرة وشباب شغوف تبارك الله ومتخلقين . ودبا الحمد لله الناس ولات تكمل القرايا وعارفين أهمية الدراسة حيث ولاو نماذج كثيرة نجحات ولاو قدوة للأخرين كيف ذكرتي ( مكانش نمدوذج اشوفوه الناس للي خرجو من الدراسة فالفترة لي عاصرتيها ) ... رغم الظروف الحالية لي تانعيشها مع راسي ملي شفت الفيديو ديالك وسمعت ليه مزيان درتي فيا طاقة باش نوض نخدم ونكمل القراية ديالي عموما عجباتني القصة ديالك نتمنى الناس توعى كذلك بأهمية الدراسة والتحصيل . الله إحفظك

اقسم بالله حتى بكيت بلا ما نشعر وتحية كبيرة لصبر ديالك نموذج رائع للمعكازين والكسالى

سبحان الله معرفت علاش فالتلفزة المغربية ميديروش بحال هذالنماذج باش ولادنا يعرفو الخير لي بين أيديهم ويأخذون العبرة من هذا الشاب الطموح ماشاء الله تبارك الرحمان الله يعاونك اولدي

تبارك الله عليك .. جتني البكية لأنك فكرتيني بشنو داز عليا... ولكن الحمد ان الله لا يضيع اجر من احسن عملا.. حتى دازت عليا بالفقر وسنوات العذاب ولكن الحمد للربي عوضني على كل اللي فات بفضل الله والقراية... القراية هي السلاح الوحيد لمحاربة الفقر... وماشي القراية ديال بزز والفشوش.. لااااا القىاية ديال النفس.. ديال تصبر وما تعاتقش.. انا كنت كنقرى مع ولاد الاغنياء والشعار ديالي كان هو " مع امهم " هههه والحمد لله ربي ارفع لي شاني بالقراية.

Quel Bel exemple quel courage et quelle humilité. Nous avons fais nos études ensemble, je peux témoigner du sérieux et de la gentillesse de ce monsieur. Très bonne continuation.

احسن حلقة دازة فالسلسلة 💓

Ça fait plaisir de voir ce genre de gens au maroc Bon courage et Chapeau monsieur

اهنيك على المثابرة والصبر والاصرار. . وأقوم اجلالا الاستاد الذي كان يصاحبكم ويكمل دروسها في العراء. من هنا اشكر جزيل الشكر كل رجال التعليم وخصوصا اولاءك في الوسط الناءي.

ماشاء الله المعنى الحقيقي ديال "من رحم المعاناة يولد الابطال"

رسلو لينا أوديواتكم أو فيديواتكم على رقم الواتساب 📲 06.89.02.23.30 مع تحديد السّن و المجال الدّراسي/ المهني و المنطقة، باش تحكيو لينا : - شنو أكثر قصّة أثّرات فيكم من سلسلة KDL 💘؟؟ - شنو تعلّمتو من ضيوف KDL ؟ - شنو الكلمة أو الجملة لي بقيتو عاقلين عليها من شي حلقة ؟ - شنو الحاجة لي عجباتكم 👍 أو معجباتكمش فالسّلسلة ؟ - شنو المواضيع لي بغيتو "قرايتي.كوم" تقدّمها ليكم فالبرامج القادمة ؟ غنعرضو الرسائل ديالكم خلال حدث مميز 😎 قرييبا #KDL

رجل مكافح بما تحمله الكلمة من معنى مثال يحتدى به صراحة ما عينا غير نقولو ما شاء الله اللهم بارك

هههه والله القسم إلى فطوكوبي ديال حياتي أنا ومجموعة من شباب كن 15 بينا كلنا الحمدالله مستقرين ونحمدالله عشنا بي ذرهم في نهار بعد المرات حتى ذيك ذرهم متنلقوهاش جينى صغار بزاف الخيرية كان وحد سيد عندو طبلة تيبيع فيه الحلوى من ذرهم حتى درهمين كنا نخدو من عندو الحلوى الفاسذة لي مهرسة أو معجنة تيدير لنا ميكة بدرهم مهم حنى كنا 15 أتينا من نفس المنطقة الحمدالله 5 مهندسون 1 رئس مركز للوقاية المدنية 1 قبطان بي القوات المسلحة 1 أتمم ذراسة في أمريكا 4 أساتذة 1 بشرطة أنا أشتغل في logistique

نتمنى بعد كل هذه الظروف الى مرتي بها ..و كانت قاسية ..نتمنى تعاون الناس لفاقدين هذه الفرصة و تساعد المحتاجين...نتمنى ذلك.

شكون بحالي حتى العام الثاني معنديش المنحة ولكن الحمد لله عندي امل كبير فالحياة ، قصتي متشابة الى حد كبير مع هاد السيد

ماشاء الله أنت نموذج من بين كثير من المغاربة الذين يستحقون كل التقدير لأنهم فخر واعتزاز للوطن 👍👍👍⁦🇲🇦⁩🌹⁦♥️⁩

الامازيغ والكفاح... صراحة كن كانت شي حاجة اكثر من لايك نقدر نعطيها لهاذ السيد كن عطيتها... الاصرار والعزيمة هما باش الانسان كيوصل... تحية لهاذ السيد.. بالعلم والمثابرة وصل للحلم ديالو.. راه بحال هاذ الناس لي طلعو من الزيرو وقساو وعناو من ظلم الحياة والطروف هما لي خصنا نديرو فيهم القدوة ونتعلمو منهم... هذا الشخص لي خصو يكون وزير للتعليم او التكوين المهني او الشباب... اما لي تزاد ولقى ملعقة من ذهب في فمو راه ماعمرو يحس بولاد الشعب.... ارفع لك القبعة اخي.... وميساج اخر استنتجته من قصتك هو حتى النسؤولين ديال بكري كانو كيتساعدو وكانت فيهم الانسانية وكانت فيهم الروح والغيرة الوطنية ماشي بحال ديال دبا... قلتي المعلم كان كيحل ليكم الطريق وكان كيدير السبورة على برا باش تقراو... والمسؤول فالكوليج تساعد معاك وسجلك.. وجارك تطوع ومشى معاك.. اما دبا المسؤولين كل واحد كيدير ليك العصا فالرويضة... نتمنى اخويا ماتنساش بلادك والقرية لي كبرتي فيها... نتمنى ترجع ليها وتخلي فيها شي بصمة ديالك... الناس لي عاونوك ماتنساهمش.. والناس لي كانو باغين يمنعوك توصل فقط الى تلاقيتهم ابتسم لهم.. تحية ليك اخي الامازيغي المكافح... Chapeau

شكرًا لكم تاتبينو لينا بحال هاد الناس ملينا من التفاهات لي منتاشرة، والحمد لله هادشي تايبشر بالخير و قدوة للشباب ❤️، تحية للضيف الكريم وللطاقم ديال القناة

ونعم التربية ونعم الصبر والمتابرة تحية كبيرة ليك الله جازاك خير الجزاء حسيت بالبكية والفرحة في نفس الوقت

هاذ اللقاء خصو يتبارطاجا بشكل قياسي...هنا فين كتبان الهمم...هذا نموذج للتنميه البشرية❤👍

منبعد ماشت الفيديو فالفايسبوك دخلت كنقلب على القناة صراحة تبارك الله عليك إنسان قدوة حنا كلشي موفر و العكز قاتلنا

ولاد ورزازات بانو هنا شحال بيكوم الله إعمر هضار 👍💪

.😥😥..ولد مدينتي هذا..تخليت على l Encg..حيث مخرجاتش ليا لابورس و فنفس السنة توفات الوالدة..(سنة الباك..كنت غانحماق)..اللي كانت تاضرب علينا الكورفي باش نقراو..!! الله يرحمها..لكن هاذ القدر من الصبر و المثابرة اللي عندو صراحة هو اللي مكانش عندي..!!😓😓..الحمد لله على كل حال و الخير في ما اختاره الله..👍👍

بكيت على هذه القصة الله اكثر من امثالك يريت كل المغاربة الي باقة عندهم فرصة في التمدرس اسمعوك انت المثل الأعلى والنموذج لكل المغاربة حفظك الله نهاية سعيدة

من أجمل القنوات لي كاينة فالمغرب

تبارك الله بحال هد الإنسان هو لي خصنا نستفدو منو الله يسهل عليه

تبارك الله عليك نتا مثال حي ليا و لجميع الشباب 👍👍 شكرا شكرا لمول القناة أحسن قناة هادفة اتمنى لكم المزيد من العطاء 👌👌👌

انت هو راجل المغربي الحر، انت لطيح وتنوض معاك المراة، راجل ونص ، الله اكمل عليك بلخير

HARD TIMES MAKE PEOPLE STRONG , You're a real champ now

والله ونعمة الانسان هاد الرجل .عيش الحياة و حارب الكل. اتمنا ان ارء كل شاب مغربي طموح متلك.

الله يعطيك الصحة . الفقر يصنع الرجال صراحة. وحاجة وحدة اللي بغيت نعرف هادوك اللي دايرين الديسلايك علاش. باش ضركم هاد السيد و القصة ديالو. معاندها حتى جانب سلبي ولا شي كلام طايح. العكس قصة واقعية قوية محفزة. من غير الا كنتة من صحاب روتيني اليومي وهشتك بشتك و ماما غطيني بابا عطيني.

س عمر.انت صبري على الفقر وعندك الرغبة في القرائة والله سبحانه و تعالى كمل عليك وحقق لك امنيتك.وانت مرضي الوالدين الله يعاونك

تبارك الله عليك أنا كنت دوزت واحد شهرين فاش كنت طالب كنقرا بعيد على الدار ب 50 درهم لسيمانا (ماقدرتش نكمل بنفس الريتم) عند بالي درت شي حاجا خيالية لكن نتا تبارك الله عليك قلتي ليا معرفتي واالو .

تبارك الله عليك... الظروف ماشي عائق.. قرينا بالشمع و الى مكانش تنفيقو مع الفجر باش نقراو فالسطح مع بزوغ ضوء الشمس و مع 7h30 تنمشيو للمدرسة

Same story I lived when I was a kid , living under a roof with a hole , when it rained , I had to cover myself with plastic and studied , now I'm an engineer living in the US . study study study is the only way to succeed .

داءما ابناء الفقراء يدرسون جيدا و يصلون الى القمة واهل الجنوب زاكورة وورززات ناس مربيين احسن تربية ولهم اخلاق عالية من اطيب سكان المغرب ماشاء الله عليك الله يزيد من امثالك

للأسف كل الناس تعتقد أن الفقر والحرمان والإقصاء عائق كبير أمام نجاح الأشخاص،خطأ .إذا وهبك الله عقلا متميزا يتكيف مع جميع الضروف و يتقن فن الحياة،وليست لك أي إعاقة ،فذلك مصدر النجاح.الحمد لله علي نعمة العقل والصحة

هدا هو نموذج الشاب المغربي المكافح فهو يمتل جيل الثمانينات و التسعينات أغلبهم أصبحوا في مناصب مهمة بالصبر و الكفاح

ملي كنشوف بحال هاد السيد لي من المغرب المنسي لي كننتمي له كنفتخر به لان فقط لي عايشين فالمغرب العميق عارفين المعاناة الحقيقية و ايضا عندي تجربة متواضعة اني حصلت على جوج اجازات و ديبلومات فقط باش نتحدى الناس و الظروف برافو اخي عمر نتمنى تجربتك بل حياتك تخاد عبرة لي تيفشل مع اول عقبة و المصيبة كتلقى العقبة تافهة بزاااف.

هذا السيد هو رمز الرجولة والوطنية حفظه الله.

ماشاء الله فكرني في طفولتي، تقريبا نفس المعاناة لكن الحمد لله انا كنت ممنوحة بالاستحقاق فاش وصلت الجامعة ،والان الحمد لله الظروف تحسنات افضل من لي كانت . والان انا عندي سنة اولى بسلك الماستر وأيضا حصلت على منحة كنعاون بها راسي وعندي امل ناخدو بنقطة جيدة أفضل من الإجازة ومن بعد نكمل الدكتوراه. النقص الوحيد لي كان عندي هو في اللغات والان هاني كنعوض وكندير مجهود اكبر. المهم هو الواحد يبقى متفائل رغم كل الظروف "فمن قلب المعاناة تخرج البطولة" تحية لك انت مثال وقدوة لكاع. الأولاد لي عايشين. في المناطق المعزولة .

والله الا شحنتيني . بغيت نتعلم الانجليزية ونقرا . شفت الفيديو حسيت براسي والو . انشاء الله ناكل لكتوبة انشاء الله نوصل لهاداك شي لبغيت انشاء الله

تبارك الله عليك قصة محفزة مثال حي لمجموعة من الطلبة .

كترو من بحال هد فيديوات ولله احسن قناة 💙💋💋💋وتبرك لله عليك اله وفقك

ماشاء الله عليك.نفس قصة المعانات ديالي حتا انا متعطاتليش لبورس وحتا الحي متقبلتش فيه ومكملتش الدراسة فالجامعة بحكم انني بنت تزوجت وتحولت مدينة اخرى ودرت التكوين المهني تقني متخصص فالتنمية المعلوماتية وحاليا طالبة فكلية الاداب .مرات كنقول مشا الحال على الخدمة وفاش كنتفكر الواليدة كنزيد نجتاهد باش حتا انا نوصل واخا معطلة🤗ونقدر نعاون ميمتي الله يحفظها ويطول عمرها

تبارك الله دبا مدارس ديال الفلوس والقيامة وشوف تشوف ياربي تخرج لنا ذرية صالحة نافعة لنا والمجتمع

اخي انا وياك عدنا نفس ضروف تانا من جبل ودزت فالخيرية فالاعدادي والبرد ودوزت عامين فداخلية فليسي ودابا جيت نكمل قرايتي فمراكش جابني واحد عمي ودابا تانقرا فالباك وانشاء الله نجح بحالك ونديرك قدوة ديالي تحياتي

هاد السيد فعلا مجد. و الفضل الأول من بعد الله هو ديال الأستاذ اللي قراه فداك الجبل البعيييد.

وا راه هذاك الجوع هو لخلاك تقرى حيت ريجيم الكيتو تيقول فيه دكتور بيرج كلما صمت وزدتي من ساعات الصيام كلما زاد عندك التركيز وقوة الفهم

تتبعث بشغف لقصتك وفرحت كثيرا لما وصلت له من تقدم والازدهار اتمنى لك ابني مزيدا من النجاح والتوفيق في امان الله وحفظه

ماشاء الله تبارك الرحمن إنسان كل طاقات ايجابية ليمكن الشباب يقتدوا به و متل هده النمادج ليمكن للاعلام يسلط الضوء عليها ماشي متل بعض القنوات لمهتمة غير بالفضايح الله يوفق هد الإنسان والله يكتر من امتاله في مجتمعنا المغربي

هاد السيد كنعرفو شخصيا كيجي يدوز لولادو عندنا قمة التواضع ما كنتش عارفة عليه هادشي برافو

Ca m'a fait grand plaisir de te revoir, t'entendre et merci d'avoir accepté d'étendre ton parcours. Ca ne pourrait être qu'encourageant pour les jeunes.

عجيب عجيب تبارك الله بغينا هاد السيد يدير شي قناة فاليوتيوب يحفزنا بالتجارب الحياتية ديالو غنستافدو منو بزااااف

La meilleure chaine youtube que j'ai vu jusqu'à maintenant ! Chaque vidéo je regarde m'encourage vachement . Un contenu extraordinaire . Vraiment TBAREKELLAH ELIKOUM ❤

رجل بكل ماتحمل الكلمة من معنى 🎓

Un grand chapeau à ce monsieur

تبارك الله هاذو هنا الناس لي خصهوم يتعرفوا و ياترو فالشباب 🚨🚨🚨 يقدر شي واحد يدير الترجمة بالفرنسية لهاد الفيديو

تبارك الله ، ماشاء الله ، نموذج يحتذى به . من التجربة ديالك و تجربة العديد من امثالك تعلمنا ان الظروف مش عائق و انما هي محفز لمن يريد ، يعني بالارادة و الصبر نصل لما نطمح له .

اول مرة تطلع لي هاد القناة وهي فالمستوى.مكرهتش يرجع بي الزمن للوراء ونحقق اي حاجة كنت كنحلم بيها

شيء مذهل الظروف عمرها كانت عائق للي عندو هذف فالحياة شكرا بزاف على هاد التحفيز الايجابي ⁦❤️⁩

الحمد لله ياربي لقيت شي حاجة كتشرف اوكتهز ببلادي عوض الفضايح او المصايب

J'ai vécu presque la même expérience , sauf que moi j'étais à l'internat , même si c'était une pénible expérience mais il m'a appris bcp de choses..

تبارك الله عليك أخي ، القراية ثم القراية و العلم و تعمار الراس هو الحل لأي واحد بغى يزيد القدام براسو و بعائلتو و ببلادو . الله يحفظك و يحفظ جميع ولاد المسلمين .

الله يكمل عليك بخير او بالنجاح....نتمنى يسمعوك ولادنا او يستافدو.كنوفرو ليهم حسب كلشي او كيقراو صحة او يتخنتو علينا.الله يوفقك.

ارفع لك القبعة اخي المحترم انت مثال حي لشبابنا العاجز ذهنيا رغم الظروف الجيدة

سير اخويا الله يكمل لك بخير والله يعطيك الصحه ماكرهت نشد على يديك نسلم عليك انا استاذه وعندي ولد شاب موفره له كلشي او مخرج في العجب مابغى يقرأ ولا اي حاجه تنفعوا الله يهديه ادعوا معي له

برافو سي عمر عطيتي مثال و قدوة جيدة للشباب لموفر لهم بزاف د لحوايج و ديما متشائمين و كيردو كولشي على الدولة..شكرا

ماشاء الله عليك، ربي يوفقك ويعطيك ما كتتمنى! كافاحتي ووصلتي الحمد الله كنفتخرو بيك👍

نموذج مشرف جدا .يستحق ان يكوم قدوة لكل الشباب حتى يحدو حدوه تحية له ولكل امثاله

ماشاء الله قصة و فيديو يثلج الصدر، يزرع الأمل ويعطيك طاقة إيجابية كبيرة، تجد نفسك تملك جناحين وما عليك إلا ان تحاول الطيران...جزاكم الله خيرا وسدد خطاكم هذا النوع من الفيديوهات التي يحتاجها الشباب المغربي ليكون لهم قدوة .. كفانا من حمزة مون زعتر... الله غالب

تبارك الله عليك انت من يستحق أن تكون وزيرا للتعليم أو رئيسا للحكومة كثر الله امثالك

الله يوفقه يدكرني في والدي الله يرحمه جاء من القريه لي اصلا عنا فيها كثيرا بسبب الجفاف وقلة العمل واحيانا عملا شاق بثمن بخس ،لكن الحمد لله جاء لدار البيضاء في سن 21وحقق لي لم نقد نحققه نحن المتعلمين ،بدأ ببراكه في ابن مسيك سيدي عثمان وتعلم الدراسه في سن 40، احسن حاجه استفدتها من أبي الله يرحمه طيبته وحبه للناس ولم أسمعه يوما يغتاب أحد وتعلمت منه الصبر لي ساعدني في غربتي ولله الحمد والشكر،حلقة جد رائعه تحفيزيه

كنحييك اخي الكريم وكنحيي شجاعتك ولك مني ومن جميع المغاربة كل الاحترام والتقدير حقا رمز من رموز الكفاح والطموح العالية

ماشاء الله عليك على الاصرار والعزيمة ديالك او تبارك الله عليك الي قدرتي تهضر على الواقع رغم انك ولتي انسان ناجح 👍👍👍👍