نادين عليج الله بداعت كل عزيز عندج سويلنه سلسله قواعد للعلاقات العاطفيه يعني مثلاً: - شوكت يتوجب التجاهل - التعامل مع المتجاهل - معرفه الشخص صاحب العلاقات - الشخص الي ما يحدد نوع علاقته بيج و هو لزكه - خطه الأختفاء في العلاقه العاطفيه - التعامل مع النرجسي - قطع الحبل الأثيري للعلاقات السامه - بدايه العلاقه "أول شهر" ، وثاني شهر وكذلك ،، - من هم مصاصين الطاقه وتجنبهم ومعرفت من هم (هنا أقصد الحبيب الي يكون من هذوله ) - طريقه رد الأستفزاز للشخص المستفز - أختار الشخص المناسب للزواج - كيف تعرفين اذا الشخص عنده ميول! - متى أترك الزوج او الحبيب و مراحل فك التعلق ! - الكارما و أنواعه؟ - مراحل العلاقه ! - أخطاء في العلاقه العاطفيه! هذي أفكار 🥲❤️🩹.
هلاو نادين حبيت احجي شي صار وياي العام الي ابـــد ما حاچـيته لاي احد بس راح اكتبه اهنا لحتى البنات ينتبهن *وخصوصا الي راح يدخلن للكليه* اگـدر اسمي تعليقي باسم(نظرات الدكتور الجامعي الغريبه!!!! ) شوفي نادين السنه الي راحت چـنت طالبة مرحله 1 بفلان جامعه واول يوم بالجامعه جان مجرد تعارف بين الطلاب والدكاتره يعرفونه على نفسهم فدخل النا دكتور هو اسمه د:ليث المهم انتبهت من اول ما سألني على اسمي انه بدأ يباوع بنظرات غريبه ف چـنت انتبه بس اغلس واگول لا اني گاعد اتوهم وهو ما منتبه الي *المهم بدينه نأخذ محاضرات كل يوم وهو جان يدخل ونفس الحاله نظراته چـانت كلما اكتب شي بالسجل ارفع عيني الگا يباوع الي چـنت مستغربه واگـول لا اني اتخيل وهو ما يباوع الئ ان اجه اليوم الي صديقتي بنيه گـلش حبابه ودوم وياي انتبهت الي وگـالت فلانه تره دكتور ليث دوم يباوعلج گتلها لا ماکوهيج شي تتخيلين وبوقته سويت نفسي مااصدگ بكلامها لانه مااريد تعرف بهيج شي اگول خاف تحچـي من وراي وتنشر الخبر بالكليه وتگـول بين فلانه والدكتور نظرات چـانت صديقتي مُـصره على كلامها وهي دگـلي *ولـچ هو يشرح ومركز گـله عليج* على الرغم شكلي كلش بسيط وحتى مكياج ما اخلي وبدا يزيد بنظراته وكام يطلب مني قلم بكل محاضره تقريبا وجنت انطي واگـول عاف الطلاب كلها وطلب مني واكو دكتور جامعي ما شايل ويا قلم😑واكثر من مره يطلب!!!! ومره جنت امشي اني وصديقتي جانت نهاية دوام ونريد نطلع احنا نمشي ونسولف وهو مر من يمنه كلش قريب وصديقتي كالت الي جان يمشي وراج واحنه مندمجين نسولف بينه ما احس اله هو مار وجان يمشي كلش بطئيي وصديقتي استغرب كالت شبي اكو احد هيج يمشي وره بنيه وبطئيي والكليه شكبرها يكدر يمشي من الجهه الثانيه!!!!!!! اني سكتت وبقيت مغلسه ع الوضع ومره من المرات جنت كاعده بالمقدمه والسبلت صاير مقابيلي ومتت برد بوقته 😂😂 جان الجو مو كلش حار 😅🤦🏻♀️ف بقيت گلساع انتبه على السبلت ونظراتي تروح على السبلت 😂😂ف هو انتبه وگام طفئ السبلت!!!!! فبوقته گلت معقوله لهل الدرجه منتبه والله العظيم هذا الي صار وياي واني كلش انطوائيه وابد ما اختلطت ويه احد صدگيني يانادين يمر الدكتور من يمي اسوي نفسي مااعرفه اكو بنات يبقن سوالف و ضحك بينهم وبين الدكاتره بس اني ما تعجبني هاي التصرفات مااعرف ليش؟؟؟؟ المهم اتاكدت بالعطله من بقيت افكر بالي صار انه يمكن جانت عنده شغله بباله وباقي مركز عليه ف يا بنات انتبهن اذا صار وياجن نفس الشي اتجاهلن الوضع ولا تحجن هذا الشي لاي احد لانه احتمال ينتشر الخبر بالكليه وتروح سمعتجن طبعا نجحت اني للمرحله الثانيه وهم راح يدخلنه هو بس هم راح ابقى لابسه الوضع وما انطي اهميه شما يسوي👍 وبعد اهواي امور صارت بس ماراح اذكرها
بنات خلن لايك حتى غيرجن يستفاد 👍❤️ والي اريد اوضحه من التعليق اني مو فارغه لحتى اكتب هيج تعليق بس والله اكو بنات من تعرف هو يباوع الها عبالها مهتم بيها وهي تبدي تتقرب منه وعبالها يحبها وتصير *مصايـــب* من وره هاي النظرات بس اني اتجاهلت الوضع حفاظا على نفسي وحبيت انصح البنات انه لا تهتمن لهيج شي
نادين والله عمري 30سنه بس كلشي مااعرف بس من بديت اتابعج تعلمت كلش هواي منج حتى زوجي يضحك عليه يكلي خليج قطه مغمضه لان الناس وحوش بالشارع متعرفين شيصير برا خليج بريىء
صحيح كلامج وحلج للولد وفعلا هذا الصح بس حبيت الاحظ هذا المرض ( المازوخية ) الي هو حب الاهانة والتعنيف اللفظي والجسدي و ( السادية ) هو حب التعنيف اللفظي والجسدي والاهانة للطرف المقابل يعني السادي يحب يعنف غيرة اما المازوخي العكس فديرو بالكم والله يصلح حال الكل يارب ويحل مشكلة هذا الانسان 🙏❤
ست نادين حبيبتي اني من متابعاتج ياريت تعلمينه شلون نتعامل وي اطفالنه اني عندي طفل عمره 3 سنوات متمرد وكح ما يخاف يغلط عليه وعلى اكبر منه هواي حاولت امنه اغير من سلوكياته بس ما يفيد يعاند اكثر مع العلم اخته ويا وهي اكبر منه حبابه ومطيعه تختلف عنه هواي حرت شلون اتصرف ويا فدوه انصحيني انتي ومتابعينج ❤
من الغباء: أن أدافع عن وطن لا أملك فيه بيتاً ومن الغباء: أن أضحي بنفسي ليعيش أطفالي من بعدي مشرّدين ومن العار: أن أترك زوجتي فريسة للكلاب من بعدي .. الوطن حيث تتوفر مقومات الحياة لامسببات الموت! والإنتماء كذبة إخترعها الساسة لنموت من أجلهم .. لا أؤمن بالموت من أجل الوطن. الوطن لايخسر أبداً.. نحن الخاسرون. عندما يبتلي الوطن بالحرب ينادون الفقراء ليدافعوا عنه. وعندما تنتهي الحرب ينادون المسؤولين ليتقاسموا الغنائم.
عاشت إيدج نادين عالحل كلامج ذهب وان شاء الله يشافى من هذا المرض اللعين وترجع زوجته ويلم شملهم نادين رحمة الله والديج لأن هاي مشكلة كلش قوية ولازم تتعالج بمجتمعنه عاشت إيدج 👏👏👏👏👏❤️❤️❤️💯💯
ليش بعض الناس من تحترمهم تستغل هذا الشي، وتاكلك وتسكت منهم لان انته عندك اخلاق وهمة عبالهم خوف ويبقون يأذونك وانته ساكت لان انته طبعك مو مثلهم حسبي الله ونعم الوكيل على كل واحد ميخاف الله وميحسب لدمعه المضلوم حساب
والله يانادين قبل لتحجين الحل اني اول مسمعتهه كلت هذا الحل وهذا بسبب القصص والحلول إلي انتي طرحينهه الله يحفظج الحمد لله ع اليوم لعرفتج بيي والله زغيرة بعدني وهواي تعلمت منج قدوتي انتي بعد اهل البيت عليهم السلام
انا جدتي الله يرحمها هم جانت تخاف من عينها ترف وتحط الكشر مال الجرز او اي شي عليها حتى تبطل لان بنضرها اذا ضلت ترف يجوز يصير شي وتبجي وهي تخاف على عيالها لان كل واحد بمكان متوضفين ومو كاعدين معاها
كل مره يكول الحل مالتج بمحله بس هاي القصه ابد الحل مالتها مو خوش وين اكو دكتور بالعراق راح يكول يابه تره اني كتله اضرب نفسك بالنعال يعني هذا الدكتور راح تجي عليه السمعه الي مو حلوة وتبطل الناس تراجعه اكيد الاهل من راح يعرفون انو هيج الطبيب كايله واهل زوجته هم راح يعرفون ب الدكتور والاقارب همات راح يعرفون فمن واحد للثاني راح يطش الموضوع ماكو دكتور يقبل يطلع ع نفسه شي هوه مگايله او مداخل للعقل اصلا
ست نادين الله يحفظج اكو بنت طالبة سادس معدلها ٩١ وحالتها تعبانة فد مرة من يوم النتائج إلى حد الآن هي تأخذ مغذي رايدا طب اسنان اهلي وماعدها قسط كامل ياريت اذا تعرفين جهة تنطي تنطي تبرعات الله يحفظج تحياتي لحضرتك
هذا مو سادي ماسوشي لأن السادي : شخص يحب يعنف الناس و عنفواني ضد الحيوانات أو البشر و يحب يأذيهم نفسياً أو جسدياً و لفظياً أو ضرباً و يحب التملك و خضوع الكائنات إله . الماسوشي : شخص يحب يتعنف من قِبل الناس يعني يحب يتأذه بالألفاظ أو بالضرب و يحب إنو يخضع لشخص بحيث هالشخص يضربه و يمتلكه و يأمره .
اولا كالعادة طلعة تخبلين ماشاءالله تبارك الرحمن ومثل كل مرة حلج لكل قصة وطلابة قمة بالرقي والحكمة وطبعا عين العقل كلامج وان شاءالله ياخذ بيه صاحب القصة والله يهدي ويشفيه يارب الله يمكني ويقويني ويخليني فد يوماكولج قصتي وتشوفيلي حل ان شاءالله احبج كلش والله يوفقج ويحفظاج علوش بحق محمد وال محمد ان شاءالله حبيبتي ❤
ست نادين الغالية تحياتي وبعد 1. اجزم ان ماحصل لصاحب القصة هو في عمر اقل 12 سنة يعني فترة الطفولة وان ما يحصل في الطفولة او الصغر يبقى محفورا بالذاكرة مدى الحياة كالنقش على الصخر كمايقول المثل العراقي وحتى تفهم زوجته المسكينةم ان زوجها اسيرا لهذا المرض ولايوجد طبيب في كل العالم يصف هكذا ترهات كعلاج2. العلاج الجذري لهكذا حالة هو مراجعة اختصاصي بالتنمية البشرية وان شاء الله في عدة جلسات سيتم نظافته جذريا من هذا المرض العضال والاساتذة والدكاترة المحترمين في هذا المجال كثر ولا نريد الترويج لاحد منهم واعظمهم محترمين واياه مراجعة طبيب نفساني حيث سيصف له المسكنات والمهدءات وسيدمن عليها ومعناه اج بوحدة خرج بثنين وهذا لا نقبله نهاءيا3. بامكانه مادام هناك اتصال بزوجته ان يعترف لها انه مرض في الطفولة وان شاء الله وصفو له دكاترة اختصاص ووعدوه خيرا واطلب مساعدتها وحتى اذا تريد مشاركتها ومصاحبتها له في المراجعة والعلاج واذا اقتنعت خيرا واذا رفضت فلايوجد الا الانفصال وافضل عدم معرفة اهله بالحالة واذا اضطر تماما بامكانه تبرءة زوجته وان ماحصل لمرة واحدة نتيجة الحساسية والحكة الشديدة وقد اقترحها احد الاصدقاء اوالناس عليه 4. لا اتفق معاك ست نادين مراجعة طبيب جلدية حيث ليست من اختصاصه ولا طبيب نفسية اختصاص كما ذكرت في الفقرة اعلاه واتفق معاك ان يخرج من اهله وسيكن في بيت ثاني وااكد لايراجع طبيب اختصاص نفسية وانا طبيب وانصح بذالك وشكرا
اخي التنميه البشريه تحفيز كلامي واصلا هو يفيد حالات سلوكيه اخرى مثل احباط .. خجل مفرط ياثر لو كان بعمره ال12وليس الان علاج نفسي مو عصبي يراده يعني بلا ادويه هالمرض معروف باضطراب الشخصيه المازوخيه والا طرق علاجيه استشاريه عند اطباء الامراض النفسيه وجلسات عديده تعيد تقبل السلوك الطبيعي ونفي الشاذ الي يرغبه جسديا
انا كلش معجبة بفديواتج ❤❤ والله اتمنى اعرف اخبار هذول الناس وره ما نصحتيهم شصار وياهم لان صدك القصة اضل معلكه براسي و اتمنى الاخ يكون تحسن وضعه و رجعت مرته معززه مكرمه
فعلا هذا الموضوع صار وي صديقتي هي مهندسه وزوجها دكتور جامعي نفس حالت هذا الولد بقت وياه تقريبا سنه ونفصلت لأن كالته لازم تتعالج وانا اوكف وياك واسندك بس هو ماقبل فانفصلت هذا قبل خمس سنوات حاليا هي مزوجة من شخص له منصب وجدا محترم وعدها ابنيه ولد
@@dr.744 وصلت المرحلة ادعيلها بالصلاة كد ما خلتني اصير واعيه ولكل شغله احسبلها مليون حساب و على فكرة لو كل المشهورات يستغلن شهرتهن بمحتوا بي خير وحض جا الدنيا صارت كلها وردية، بس للأسف مايهمهن شي غير شهرتهن! بس بكل ثقة اگول نادين الطائي تفرق عن كل الاعلاميات و المشهورات! الله يحفضها
انشالله النجاح والتوفيق الجميع بحق محمد وال محمد والصحه والعافيه الرزق وراحت البال 🤗الهم شافي مرضانئ اقضي حوائجنا بحق محمد وال محمد وارحم شهدائنا وفرج الغمه عن هاذهي المه وكل واحد كال امين 🖤👍
والله صحيح سبب خلافات والانفصال يتزوجون وعبالهم زواج حل لكل مشكله او يكمل نقص بحياته ويعيش حياته وبنت ناس تظل تعاني تحياتي الج ست نادين دوومج مبدعه وهواية نستفاد من نصائح الي تقدميها والقصص
احبج نادين اسفة هالايام ملتهية ماكدر اشوف فيديوهاتج لان عندي دراسة بس اخلي لايك واطلع ان شاء الله من اكمل ارجع اشوفهن واحد واحد مشتاقتلج كولش ادعيلي احقق البالي 🥺
المفروض لوكنت فعلا رجل ان تعترف الأهلك بوضعك لان اهلك من تكون مشكلتك انت راح يتفهمون الوضع ويحاولون يساعدوك وهذا اقل شي تقدمه الهاذي الأنسانه الرائعه انو تصحح موقفه امام اهلك ولتنسه انت اب وعندك مسؤليه اخرى اولادك
السلام عليكم ست نادين الغاليه امانه عليج ابروح ابوج الغالي عندج احجي قصتي لان بيها عبره وتختلف عن كل القصص،،،ست نادين اني اسمي ميار عمري ٢٠سنه عايشه ويا اهلي يعني مامزوجه عندي خواني ٤ اختي ١ ،،، قبل اهلي جانو كاعدين يم بيت بيبيتي ام امي ست نادين ابوي يصير من امي ابن خالتها يعني بيبيتي ام امي وام ابوي خوات امي اخذت ابوي غصبن على امها لان امي تحب ابوي اهواي يعني تموت عليه المهم ياست نادين ابوي ستشهد وراء ماستشهد ابوي بيبيتي ام امي لعبت طوبه بمي بيت جدي اهل امي بصفنه الشباك مال بيتنه على بيتهم امي كل خميس وثنين تروح على ابوي للمقبره لان زارعه ورد والله وروح ابوي حرف واحد مااجذب بي عليج ياست نادين اني كتلج خواني ٤ واني واختي كلنه صغار بيت جدي عدهم فلوس اهواي يعني يفرشوهن وينامون عليهن،،المهم امي كالت ال امها اريد اسوي راتب للجهال لان اني ماعندي امنين اعيشهم انتي تنطيني فلوس بيبيتي كالت ال امي اني ربع ماانطيج امي كالت لعد اني راح اسوي راتب الي واني اصرف عليهم،،، المهم امي راحت تمشي بالمعاملات مالت الراتب تروح هيه واخوي بيبيتي شكالت ال امي كالت اني مااقبل تطلعين وتروحين بكيفج امي كالت اني دسوي راتب واني مااروح وحدي اله اخذ واحد من والدي ،،المهم امي يوم الخميس راحت على ابوي للمقبره من راحت بيبيتي كالت الخالي الصغير روح جيبها وكتلها اله تكسرها خالي ركب السياره راح جاب امي من يم قبر ابوي وكتلها اله تخربطت واحنه نبجي ونتواسل بخالي علمود يعوف امي لان موتها من الكتل امي شكالت ال بيبيتي كالت والله مااعوفه وكل خميس اروح للمقبره عليه،،،خالي الجبير هوه وجديتي كلها اله ادفنج بصف وسام مادام هيج تحبي،،المهم يووم من اليام امي هم راحت على قبر ابوي بس يعني طولت ياله راحت علمود ماتحجي امها راحت امي ورجعت بيبيتي عرفت امي راحت عل ابوي وجتي عليها هيه وخالي ولزمت امي اله ملخت شعرها وامي فقيره يعني ماتحب المشاكل مثل امها ،،المهم ست نادين يوم من اليام نايمين بيتنه وخالي ضرب بيتنه بقنبله ديخوف امي بيت جوارينه كدام بيتنه ابوهم حلف يمين كال من بيت جدكم صارت القنبله لان هوه نايم فوك عل صطح،،،الناس التمو خالي كال نضرب بالغلط المهم بيبيتي كالت ال امي انتي اله تموتين ياله اني ارتاح منج امي كالت ليش اني شنو مسويه وياكم ،،،المهم صار اكثر من تهديد من بيبيتي وخوالي يعني كدام الكل يهدون بيها يوم من اليام اجه شخص من اقارب امي كالها ريم ديربالج اهلج دفعو فلوس الشخص راح يكتلوج امي ماصدكت يعني هيج راح يسون المهم يوم من اليام خالي اجه علينه كال ال امي اني راح احفرلج قبر يم وسام وادفنج يمه امي كالت ليش هيج اني كلشي ماعندي وياكم ولاويا غيركم وجهالي وين يروحون ،،،المهم وراء يمكن سبوع كتلج بيت جدي بصف بيتنه وعدهم محل بنت عمتي يمنه امي راحت تجيب ريوك من ابوها هوه ابو المحل والله ياست نادين اذا اخوي يريد جكليته اله ياخذ فلوس جدي،،، المهم كتلج جابت الريوك كالت اكعدو ياله تريكو كعدنه امي صبت الريوك ست نادين امي لابسه اسود وبنت عمتي هم لابسه اسود على ابوي بنت عمتي جبير يطلع عمرها٢٩سنه،،المهم ساعه٧ونص الصبح دنتريك دخل شخص علينه والله والله وروح ابوي ماجذب بكل حرف داحجي صدك،،دخل علينه شخص لابس ملابس خالي الجبير لان خالي من سافر ال سوريا جاب هاي الملابس اول مادخل علينه امي كاعده بصف بنت عمتي وخواني وختي كاعدين كال الشخص اوكفو على صفحه بس امي وبنت عمتي بقن كاعدات صاااح ب امي كلها انتي ريم امي كالت لا اشرت على بنت عمتي صااح بنت عمتي كلها انتي ريم كالت بنت عمتي لا اشرت على امي ست نادين امي ليش اشرت على بنت عمتي لان عبالها خالي ديشاقه بس اخوي الصغير جان بحضنها من سحب اخوي الصغير وشمره عليه اخوي الثاني عرف موخالي اجه ركض عليه يريد الزم السلاح ضرب اخوي طلقه برجله وضرب امي ست طلقات بطنها وبساع طلع اجيت ركض على امي خليت يدي على صدرها يدي كلها دم اني تخبلت اول ماطلع بيبيتي وخالي اجوي ركض خالي شكال كال اهاا كتلوها كتله عفيه وديها للمستشفى بعدها تتحرك بيبيتي بساع غطت امي وشالوها هيه وخالي وبيتنه انترس ناس ست نادين جديتي محضره الجفن ومن ديغسلون امي تتحرك بعدها جوارينه ويا بيبيتي ديغسلون امي كالت جوارينه خطيه والله تتحرك خلي ياخذوها للمستشفى بيبيتي كالت الها لا ماتت المهم اخذو امي دفنوها وهيه بعدها بيها روح بس عندي واحد من خوالي زين ويانه وكال والله هاي امي دزت عليها وكتلوها وراها اني وبنت خالتي سمعت خالتي الصغيره تكول ال بيبيتي ليش خليتهم يكتلوها خطيه عافت ست جهال المهم ،،خواني صغار مايعرفون وراحت امي وابوي وهسه اني وخواني واختي بضيم والله تدمرت حياتنه للخير،،،المهم بكل وقت تكول حسبي الله ونعم الوكيل عليهم ،،،والله ست نادين وروح امي وابوي هاي الي صار ويانه،،، بس ربج اخذ حوبت امي وابوي،، وراء سنين خالي الصغير ضربته الطياره ومات وبقن بناته ثنين وخالي الثاني نحكم وبيبيتي نضربت جلطه وبعدماتمشي ولاتحرك يديها وخالتي ال تعرف وسكتت راحت التركيا وبعد ماتكدر ترجع للعراق لان زوجها مطلوب ونهجم بيتهم وهسه وبعد نكول حسبي الله عليهم لان اخوي بعمر سنتين نحرم من امي وابوي هاي قصتي ياست نادين اريد انتي ومتابعينج ترحمون الهم
نادين والله ان تِ ذهب وكلامج ذهب معليج بالعالم السلبية استمريييي🌸💚🌸💚🌸💚🌸هواااايه امور اتعلمتهه منج ويااريت كل وحده تابعج وكل وحده عدهه بنيه تخليهه تابعج حته تتوعه ع الدنيا والبشر💗💚💗💚
انصحك بدكتور او بمعنى أصح بروفيسور نصيف الحميري طبيب نفسي عيادته بشارع المغرب بغداد وممكن ايضن يساعدك ويوجهك على دكتور جلدية مثل مااتفضلت ست نادين ويحل المشكلة
الدكتور يطكه ميت جلاق ترا مـكوو هيج شيــہَ الدكتور سمعه ومحد يشوه سمعته بيده خصوصا اذا دكتور معروف ومو اي احد يتفهم هيج شيــہَ خصوصا شخص واعي ڪ دكتور+ابوه مراح يصدك موخبل لان مـكوو هيج علاج فموخوش حل
والله يانادين ماكول بس الله يعينج ع عيشة بامريكا خية صعبة والله شفت بليوتيوب الجانب الخفي من شوارع امريكا وكف مخي اقسم بالله وجيتي ع بالي والله دعيتلج الله يستر عليج وع وليدج ويحميج من شرهم
هلاو ست نادين والله من عمري 13 سنه او لحد لان اني ادمان عليج او حالين عمري 16 سنه او اشكرج لان وعيتيني ع حيات او خليتي عقلي اكبر من عمري والله اشكد ماشكرج ماجازي تعبج وينه اول مره علق ع فيديوهاتج
شلونج ست نادين اني اول مره اعلق كلش محتاجتج يلرت تسوينه فيديو على ارجال الي ما يحترم مرته ويفضل عليه اجبير وزغير وما مخليله قيمه بل بيت يعني رايه البد مو مهم راجان اول مره اطلب هاذا اشي
يا عيني عليج ست نادين شريد اعلقلج على هذا العقل والذكاء البارع الله يوفقج ويزيدج علم وعلوا ومعرفه ويبارك بيج وابنج علاوي ويبعد عنكم شر الدنيا والآخرة يااااااااااااااااارب