جعلني فدووه اعرفه شارع شارع كل مشاريعي واهلي واجمل ذكرياتي جميع سكانها اهالي الخرج وضواحيها كثافه سكانيه وتطور سريع ف جنوب الرياض افضل الأحياء لقلب بابا مرتفع والشوارع واسعه الله يرحمك ماما ويسكنك فسيح جناته
السلام عليكم ورحمة الله وبركاتة اختي قومي بأزالة صورة العرض يقول الله تعالى (الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ) اما الدليل على وجوب تغطية الوجة فقد قال الله تعالى (يَا أَيُّهَا النَّبِيُّ قُلْ لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُورًا رَحِيمًا )نسئل الله لنا ولك الهداية
انا مصرى وكنت اعمل مع الشيخ عبد الرحمن العمار وسكنت الشارع وهذا الشارع لى فى ذكريات لا تنسى من احسن الأحياء فى الرياض من حيث التصماميم فى ذلك الوقت رحمه الله على الامير تركى ورحمه الله على الشيخ عبد الرحمن العمار الذى قام ببناء المسجد والمدرسة الابتدائيه
الاستاذ محمد الهمزاني يستحق الاشادة والتكريم نظير جهودة الطيبة في نشر ثقافة التعريف بتاريخ اماكن واحياء ومحافظات يجهل بعض ساكنيها تاريخها ، لك الشكر والتقدير يابو ضاري
اللي اذكرهم يوم سكنت الحي السيف والعويد والحزيم والمشرّف وابن منيف امام الجامع والخليفه وجاره ابوجفين القحطاني الله يرحمه وجيرانهم العنوز وال عصاي والسجيني والعيسى والخرعان والخميس اللي عند الميدان والطريقي واذكر ايام الاعياد يفرشون ساحت الميدان فرش وكلن يجيب عيديته ويجتمعون كبار وصغار وحلاتها جلسات الشيبان الله يرحم من توفى منهم ويطول عمر الحي ويعطية الصحة والعافية ،،،،، كنا نلعب كورة بالميدان واللي يفوز له كرتون ببسي 😭 الله ياذيك الايام 💔
بداية النهضة العمرانية في الرياض كانت في عهد المغفور له بإذن الله الملك خالد إبن عبدالعزيز مع إنشاء صندوق التنمية العقاري وبعد مضاعفة رواتب الموظفين والتي أحدثت طفرة عمرانية وحراك إقتصادي أثر إيجابا على جميع المواطنين . رحمة الله على الملك خالد والملك عبد الله وأسكنهم فسيح جناته وموتانا وموتاكم .
الشفا حي جميل لكن الزين مايكمل عيبة مدخال واحد مما يذكرون ان شخص اشتراء فيه وعربن للبيت وذهب ياتي باهله وسط الرياض ليشاهدون فلتهم الجديدة وعندما وصل للاشارة ( اسواق السلوم ) انتظر فيها ما يزيد عن 20 دقيقة بسبب الازحام بعدها الرجل صرف نظر عن البيت وحتي اهله اقتنعو بذلك طبعا هاذي السالفة عام 1407 وحولها
حي الشفا يقال قديماً كان السعر المتر السكني غالي جداً يعني كان اغلا من بعض احياء وسط الرياض كان جنوب الرياض مرغوب عقاري وتجارياً كان اغلا من الشرق والشمال وبعدين ظهر احياء غرب الرياض سحب البساط من احياء جنوب الرياض. والله اعلم.
سقى تلك السنين ، عيال العمار خالد وعبدالعزيز كانوا من الزملاء وكنت تقريبا كل يوم معهم في الملحق حق بيتهم الي خلف المسجد الله يذكرهم بالخير . بالنسبة لقصر الامير حاسوا تقاطع الكباري عشان مايحطون جسر يكشف القصر ، وهو حتى الان كل سنة ياخذ لقب أسوأ تقاطع كباري في الرياض ، مدرسة الاولاد كنا نجي من مدرستنا في الشفا الجديد ونلعب ضدهم كورة . وأحد سكان يقال لهم الحمودي وكان زميلي وليد الحمودي وأخوه فيصل نجي عندهم في البيت ونسهر ، وهو الان سفير المملكة في أحد الدول الافريقية ، طبعا كالعادة لايتم التطرق لمساجد ولا لأئمة مساجد الحي القدماء للأسف الشديد وهي عندي أهم من هذا بيت فلان وهذاك بيت علان .
كمل وصور الجامع ابن تركي والبيوت اللي قدامه النوح والسيف والسعدون والعيسى والعلي والعويد والحازمي والرشيد والدريس ولو فيه احد يعرف يكمل كتابه وفيه الزيد والنمر والمدني والغليقه والمرشد والسعيد والثنيان والحوشان والخزيم ياليت يكون فيه تغطيه ثانيه جزء ثاني
الله المستعان لحقت عليهم كلهم رحمة الله على الميت والله يطول بعمر الحي ، 33 سنة بالشفاء وشديت منه من 10 سنين و باقي اعيش الذكريات وادق التفاصيل اللي كنها امس ..
كان حي الشفا حسب كلام كبار السن العقاريين انه كان حي غالي عقاريا كان المتر السكني ياصل ٢٥ ريال للمتر وكان أسعاره اغلاء من اسعار احياء شرق الرياض او حتى بعض احياء الواقعة بشمال الرياض وكان الحي مقسم عقاريا كان فيه أماكن يكثر فيها السكان من أهالي منطقة القصيم يسمى شفاء القصمان وكان سعره المتر غالي جدا بنسبها لاهالي الرياض بذلك الزمان قبل خمسون سنه
اخوي محمد الصوت دائم عندك فيه مشاكل بسبب الهوا واحيان بعد المتحدث عن المايك مشروع ابن تركي يعتبر من الاحيا الحديثه في حينه وكان قبله مشروع الملز ( البحر الحمر) والذي قامت به وزارة الماليه واهم مشروع سكني خاص كان الناصريه بناه الملك سعود طبعا اتحدث عن المشاريع اخرسانه المسلحه والبلك حي ابن تركي اشترو فيه الميسورين في حينه وكانت الاسعار الفله السكنيه بحدود ثمانين الف تزيد وتنقص حسب المساحه والموقع ةمشكلته بعده عن الرياض في وقته وكان الطريق له واحد ويسمى طريق الحجاز ويبدا من نهاية شارع عسير وسلام والاعشى ويتجه جنوبا نحو استيشن الحجاز وحلة ابن دايل وعتيقه الشيخ سعود العلي تربطه صلة رحم مع ابن تركي على ما اعتقد ولا اعرف هل مازال حي او انتقل الى جوار ربه
ALadeem adeem الله المستعان الشيخ ابوسليمان سعود ال علي توفى من كم سنه الله يرحمه ويغفر له ويسكنه فسيح جناته وموتى المسلمين ونعم هو خال أبناء الأمير محمد بن عبدالعزيز ابن تركي ال سعود الله يرحمه ويسكنه فسيح جناته .
@@oklo7018 للاسف من يوم الشركات استأجرت الفلل والمنازل وسكنت عمالها تحول الى حي شعبي تنتشر فيه العمالة بس في جهة المطاعم والاسكان... اما قبل او بعد مستشفى المانع مازال حي راقي ويقطنه علية القوم .
كانوا يسمون الشفا "ظهرة "النميلات" و كنا نسميه الشفا القديم..... ايام الميدان و المخفر اللي كان فيه... و المخبز القديم اللي كان في الزاوية... الله يالدنيا. اعتقد اول محل بروستد فتح في الرياض كان على الشارع العام مكان محلات الفخار اللي في بيت السلمان.
صدقت كانوا أهلنا أول يسمونه حي أو ظهرة النميلات نسبة لكثرة بيوت النمل فيه، حتى بيتنا القديم كان مليان نمل مع أنه بعيد عن مشروع بن تركي، ومن أسماء القديمة قبل مسمى الشفاء (كيلو 6) وكان فيه قهاوي أول على طريق الحجاز لازال أثرها موجود لهذا اليوم ومنها الأثر المجاور لمعطم النافورة
@@aljomanh85 الرياض قديما له طعم خاص .. و اللي ما عاش فيه هاك الايام صعب يفهم شعور الناس اللي تربت فيه من صغرها... يم الرياض و يم ذيك المداهيل... لا عاد قلب مانجرح في سببها.
الله يرحم الأمير محمد بن عبدالعزيز ابن تركي ال سعود والله يغفر له ويسكنه فسيح جناته من أطيب الناس خلق ودين ويشهدون أهل الشفا الأوائل له بذلك وكذلك أبنائه من بعده حفظهم الله ورعاهم كان كريم وأجودي ويحب الخير للناس ويعطيهم والله يجعل ماقام به في ميزان حسناته وجمعتني الأخوة والصداقة مع ابنه الأمير تركي بن محمد ابن تركي ومن شابه أباه ماظلم في الجود والكرم والأخلاق الفاضلة وأسال الله تعالى ان يطيل في عمره ويبارك له في صحته وبدنه وعافيته وان يسعده ويوفقه .
الزاحم. والمرعبه. وال غيهب والغيث والسيف سبعان والملافخ عتبات وال الشيخ والبداح والعيفان والعصاي غنيين عن التعريف والذفيل قحاطين والشعلان والعدوان والحسين الدواسر والعيبان منهم وكيل الاستخبارات الله يرحمه محمد العيبان والحصيني والسلمان والصالح والسلمه والعلي وغيرهم الكثير اعتذر ممن سقط اسم عائلته ،بارك الله فيك. وللعلم كانو اسرة واحده مافيه عنصرية او تعصب او هذا من وين.
هذه عوايل نجديه،اهل نجد الاصل،ومعروفين،ومنهم بنوحنيفه ال سعود،حضر وبنوتميم والسدرا، والقصمان،ودواسر،عوايل،من جميع،المناطق،النجديه وقصمان،وكثرهم،انساب،حضر،نجديين، هل التاسيس هل العوجاء عزوه،عامه،لاهل،نجد،قديم،الله،وكبر،والحين،اختلط،باحياء،جديده،مثل النظيم،والنسيم،،وختلط،هله،بلزيدي،والنوري والسوري،والبدون،من كل جنس ،حتى،الاحياء،القديمه،باسم،بعض،العوايل،النجديه، الثميري،الشميسي،،السويدي،،الخ،ثم جانا،هل الصنادق،وغيرهم،من جنوب،وشمال،الله،يعز الدين والمسلمين