السلام عليكم هذا حسابي على منصة التيك توك 📌www.tiktok.com/@khadijabenamare?_t=8l7Kv7LNzPc&_r=1 وهذا حسابي على منصة الانستقرام 📌instagram.com/khadijabenamare8?igsh=b2hqdDA1azRlYzc5
انا دكالي من الدارالبيضاء،مهاجر في فرنسا ومستوى جامعي وأجر مرتفع، تزوجت وحدة من كازا قاريا غير كوليج..دوزت ليها البيرمي في المغرب، وجبتها لفرنسا، دخلتها تقرأ الفرنسية وكنت كنعلمها السياقة، ودافعت عليها باش دير ستاج في دور العجزة،كانت كتخدم هنا وهنا وترسل لفلوس لأمها. من بعد دارت تكوين في مدينة بعيدة علي ب 65 كلم وكانت شادة بيت في ذاك المركز وتجي عندي في نهاية الأسبوع وذلك لمدة 7 أشهر. من بعد حملات وولدات وخذات الدبلوم والأوراق ديال عشر سنوات..إقامة داءمة. من بعد 6 أشهر من زيادة الطفل بدأت كتفرعن عليا.. وخرجت من الدار وخدات لي السيارة ومشات لمدينة بعيدة عليا ب 190 كلم ودات الولد معاها. فاريناها في الاخر بالطلاق. انا عاودت تعرفت على مغربية اخرى عندها مستوى عالي، الماسنر وتزوجنا وهي الآن عايشا معايا في فرنسا والحمد لله على كل شيء
الله يرحمك ابابا الحنين الراجل العصامي ، عمره مجلس في الدار بلا سبب ، كان يخدم ويرجع يتغدا معانا ويرجع يخدم وهكذا حتى كبرنا الحمد لله ،كبرت وخدمت ومازال يعطيني فلوس الطاكسي باش نمشي للخدمة وعمره طمع في فلوسنا ، كنت نشري لحوايج ولكوافورة يعني فلوسي كانت مدلولة مع الوالد😅 مكانش يحمل فلوس البنات ،يقول انا راجل منحتاحش فلوس لعيالات ، هو إل دوز ليا الليرمي خلصه الوالد الله يرحمه ،كنت نحلم نتزوج رجل بحال الوالد ،ولكن للأسف انقرضو إلا من رحم الله . كاين بعض الآباء الله يهديهم ميصلحوش يكونو آباء ،حتى بعض الأمهات كما حكاو ليا بعض السيدات ،تطلب من بنتها لفلوس ولا يهمها من تجيبها ،المهم ترسل لأمها الفلوس ،وامها تعرض على لعيالات وتخسر عليهم فلوس في يومين وتعاود تطلب منها مرة أخرى باسم ها السخط ها الرضا ،اشنو نقول لك اختي خديجة الله يهدي ماخلق .
كا نعقل على با الله يرحموا كان راجل وقاد،هو ما عمرو ما قرا جابتوا الظروف من دكالة وهو صغبر للجديدة يقطب على الخياطة، ثم هرب للدارالبيضاء ولا كيمشي للمرسى ديال الحوت يعاون هادا، يهز الصنادق ثم بدا يخرج في الصيد مع الصبليون والفرنسيس،ثم تعلم صناعة شباك الصيد ثم ارجع يبيع الحوت في صندق يحمله على بيكالا .بعد ذلك تزوج بامي الله يرحمها كذلك وولد معاها 9 ( 6 اولاد و 3 بنات الله يبارك) كنا نسكن في 3بيوت.وكناكلوا الخبز واتاي والحوت. الام ديالي كانت امراة وقادة،كبراتنا الله وقراتنا الله يجازيها بكل خير.كانت تعلمت الخياطة وتساعد ابي في مصاريف البيت وخا غير بدريهمات. الحمد لله 2 ولاو اطباء، وواحد استاذ، وواحد موظف في المالية، وبنت تقنية في الهندسة، وبنت كاتبة في العمالة، وثلاتة هاجروا لفرنسا وخدموا في وزينات السيارات.