تم الاشتراك بقناتك .. شكرا لك يا د بيتر .. انت فعلا معلم في اليقظة الذهنية . ياليت حضرتك لو تساعدني فين الاقي التمرين التخيلي اللي بتخيل فيه نفسي امام النهر وافكاري زي المراكب اللي بتمشي مركب ورا مركب . فين الاقيه ؟
عارف حضرتك لما يكون شخص مريض ضغط و يجي ياخد دوا ضغط بس ما يجبش معاه مفعول... اهو انا بقي بحاول بقالي كتير أمارس اللي حضرتك بتقوله في الفيديوهات.... بس مفيش حاجة بتتغير فيا.... علي فكرة يا دكتور انا بقالي سنة بتعالج نفسيا وباخد ادوية و كنت بدأت علاج جدلي سلوكي... بس شاء ربنا بسبب الاحداث انه يقف... و لما لقيت فيديوهات حضرتك بالصدفة البحتة انا تنحت... حسيت انها ممكن تكون علامة من ربنا و رسالة منه علي الحال اللي وقف قدرا من عنده.... انا بتحبس جوة الفكرة و المشاعر السيئة لدرجة اني ما باعرفش اخرج منها لا إني أعرف احس مشاعر تانية غيرها ولا إني أعرف امارس اي حاجة تانية لغاية ما الوضع يتغير... مع ان المنطق اللي اي عقل في الدنيا بيقوله حتي عقلي انا... إن مفيش وضع بيتغير بالشلل ولا بالحبسة... مشاعر (قلق... غضب.... توتر.... حزن... الضيق... الفشل.... الفقد).... انا عندي قدرات شخصية... و سمة الإصرار في شخصيتي تخليني اقدر ابقي ناجحة جدا و قادرة علي الوصول لما اتمني... و لكن السمة دي و القدرة دي بسبب حبستي سنين بقت معلولة..... عارف يا دكتور لما تعيا فجأة و يجيلك السكر... ساعتها حياتك بتتغير و قدرتك علي حاجات كتير بتفقدها.... انا من تراكم المشاعر فقدت قدرتي علي حاجات كتير... لدرجة أني خايفة يكون فقد irreversible.... انا مش عارفة احدد هو reversible ولا irreversible... و علي فكرة من متابعاتي و قراءاتي الدائمة فا تقدر تقول الجزء المنهجي عندي في الكلام ده إلي حد ما كويس.... بس تأثير المنهج ده عليا انا غالبا مفيش progress لسنوات... رغم حرص طبيبتي الدائمة علي زرع فكرة إنني أفعل أقصي ما أستطيع... آسفة علي تعليقي الطويل جدا و اللي جايز يكون غير حكيم و فيه إندفاعية من العقل العاطفي....
الله يكون في عونك.. بتتفاوت صعوبة الرحلة من شخص للتاني، وكذلك مدة العلاج اللي ممكن تستمر سنين، ولكنها تستاهل.. أنا متأكد إنك النهارده مختلفة كتير عن أول ما بدأتي، لأن الحركة والتغيير بيحصلوا جوانا باستمرار في كل لحظة.. تمسكي بالأمل وجددي عهد الصبر كل يوم.. دمتي بألف خير..
