ماكو هيج شي حتلو ماكو تعين يبقى اكو اقسام التعين بيها مطلوب اعداد هواي مثل الطبية وغيرها فا هم ناس تروحلها وهم المعدلات عالية نفس شي دور يرحون ع الاقسام البيها اعداد تعين هواي ورة تخرج
@@Murt997 حرفياً مستحيل ، يعني ماكو شخص معنده هواية أو شي يحبه يعني يجوز أنتِ تسوين شي تحبي بنفس وقت متعرفين هذا هواية أو لا ! مثلاً أني أحب قراءة ، وأحب أشعار فصيحة وكتابة ودبلجة هيج أمور أروح قسم لغة عربية وبنفس وقت أحب احياء ودراسة ألامراض نفسية وأمراض عامتًا وتشخيصها فحابة أروح قسم طبي يدرس هيج شي ، الشخص الي يحب لغات وثقافتها يروح قسم لغات ، الشخص الي يحب يكون مؤثر أجتماعي وشخص صاحب تجربة ومعرفة يروح تدريس أو علم نفس ، الشخص الي يحب تصميم وهسوالف يروح هندسة معمارية ، فلازم أنتِ تكتشفين نفسج إما سالفة تعيين صارتْ قديمة رزق مِن رب عالمين وأساساً أكو رزقهم مكتوب بلا دراسة ليش ! لأن رب عالمين موزع ألارزاق مو حكومة وألانسان الي تاعب على نفسه بأي قسم راح يلكه نتيجة تعبه لان حرفيًا كُل ألاقسام الي اعرفها ماشفت قسم أحنة مو بحاجتة لو أقل اهمية .
@@elleye0 وحدة مِن أقاربنا رسامة ، راحت قسم فنية وكملت ماجستير وحالياً تدرس بالجامعة وراتبها أتوقع مليون ونص ، وتريد تكمل دكتوراء راحت شيء يتبع هوايتها بس رب عالمين رزقها لأن جانت على يقين رزق مو بيد حكومتها وهي هيج مشت بطريق مجهول يعني مجانت كُلش شايله هم لتعيين ، رزقك يجي يجي بأي طريقة جان .
الي بالتعليقات دليل انو اكو جيل واعي ويكدر يغير الوضع ويغير النظام خلي عقولكم منفتحهه وادرسوا واتعلموا وامشوا ورا اهدافكم وطموحاتكم مو ورا آراء الناس وكلامهم احناا شعله التغيرر والتجديد احنا الجيل الي راح يغيرر المستقبل بالعراق للافضل ان شاء الله.
للأسف هاي المشكلة او خلي اسميها العقدة النفسية سببها الاهل لان انته هسه حته تخيل الطالب الي بصف الأول اذا جاب درجة 10 اول شي يكوله الاهل عفيه بل دكتور لو عفيه بل مهندس الطفل تنزرع بداخله من هوه صغير انو النجاح والتفوق منحصر بالطب لو بل هندسة وبسبب هذا الشي اكو طلاب وصلت بيهم مرحلة ينتحر بس لان مطلع طب بسبب العقدة النفسية الي سببوها الاهل او المجتمع واكيد جاي اقصد بكلامي بعض الاهل وسبب همين بعض المدرسين الي استخدمو هذا الاسلوب علمود يحفزون طلابهم يعني كمية تخلف مو طبيعية اني اشوفها
اتمنى يفشل جيل الاطباء بالعراق خصوصا 2019 لحد 2024 ترى صارت السالفة لعبان روح حتى المطي صار دكتور الشعب كله دكتور لو بس قسم الهندسة يفتح وبيه تعين مركزي تلكه الشعب كله مهندس الشعب عقليته فقيرة العراق صار بلد مخزي للعالم
ليش تتمنى هيج ؟ لعد اذا لا سامح الله احد تمرض من اقاربك او احتاج عملية غير هذوله الناس حتسوي عمليه اله+ اتفق بشده تعرف ليش لان اغلب العوائل العراقية على خط الفقر شي اكيد حيدور شي بيه تعيين مركزي علمود يكدر يساعد اهله ونفسه ويوفر لنفسه ابسط اشياء الحياة🙂
شكد انقهر من باقي الدول يتخرجون من كل التخصصات وفرحانبن وفخورين بروحهم واهلهم فخورين بيهم واحنه كلها تفكر بالطبية كل التخصصات مهمة للبلد ليش شبيها التجارة شبيها التربية شبيها الادارة شبيها القانون لو الهندسة وغيرها والمشكلة هواي من اللي يدخلون طبية علمود التعيين ينصدمون بالواقع وبصعوبة العمل والمسؤولية ويتراجعون عن قرارهم الله يوفق كل الطلاب ان شاء الله
كطالب جبت معدل 96 وبعدلي 3 مواد للدور الثاني... كلامك صح 100%. ما رح اروح اي تخصص له علاقه بالطب وابوي جاي يجبرني اروح مجموعه طبيه، لكن رح اتبع اختياري الشخصي وطز بالطبيه. المعاهد الخصوصيه أكبر مهزله وكل شخص يروح معهد رح يتندم مثل ما اني تندمت.
من صغري ما تجذبني المواضيع غير اللي تكون احيائية وبالاخص جسم الانسان. عشقت احياء الثالث متوسط وما جنت اكتفي بالكتاب بل جنت افر النت كله ادرس بي نفس الموضوع بس من مصادر خارجية ومصادر اوسع حبًا بالمواضيع المطروحة. واعلى درجة عندي بالثالث جانت الاحياء. بالثاني ابتدائي اي واحد يسألني عن حلمي اكلهم عالمة احياء. ولحد هسة ما لكيت اي تخصص يتقارب وي اهتماماتي غير الطب، ومع الاسف هيج صار تخصص ماله قيمة بسبب الكميات الهائلة من الاطباء والي اغلبهم مو مهتمين بالمهنة نفسها بالتالي انتجولنا اطباء غير كفوئين شوّهوا هذا المجال العظيم بالعراق. اتمنى اكون طبيبة بغير دولة بس يلا هو هذا العراق.
حتى نوضح زيادة الدراسة تجردت من مبدأها الاساسي الي هوه العلم والمعرفة وبدت تتحول الى وسيلة للحصول على طبقة اجتماعية مرموقة ..والسالفة بدت لمن صار التعليم والعلم بفلوس ادفع حتى تتعلم
خن نحجي عن موضوع ثاني هم : جماعه المعدل عالي الي يشوفون نفس بعد دخلو بطبقة المخمليه بالمجتمع و يشوفون اصحاب معدلات قليل اقل منهم فكرين و علميًا ، تنمر على اصحاب معدلات قليل استنقاص منهم بكافه الطرق ، معدلك هذا جهدك يلك فقط و جهدك هذا راح مقداره حسب الي تردينه انت فا من يمون شخص يريد شي بسيط و يبذل جهده على قد الي يريده مال حقك تقلل منه كونه ما حقق الي انت وصلته يمكن هو اصلا ما يريده و حقق مبتغاه اساسي و بل نسبه الي نجاح مو تحقق مستحيل انو تحقق آلي تريد مهمه كان كبر لو صغير بس مجتمع فاشل من كل نواحي
حرفيا هواي طلعو معدلات واني اعرفهم شخصيا يعني تشوفيهم اغبياء بمعنى الكلمة وميستاهلون يصيرون أطباء لان حيديحون المرضى صدك من اشوفهم اكول الله يعين الي يجيهم واكو لا يستحقونة وبجدارة
مهنة الطب مهنة صعبة حقيقةً ! داحچي من صدك يعني مو كلام من جيبي ، و إنما من واقع الحياة إللي عشتها كون والدي طبيب ووالدتي أيضًا ، الطبيب حرفيًا ميفهم شيء من حياته لدرجة اني قبل ٣ سنين يلا بدأت أتعرف على والدي !! و بي مساوئ أكثر من محاسنه حقيقةً .. بالعراق عندنا كمية ظلم مو طبيعية ، أقاربي طلعت الثانية على الكُلية ، و چان أعتقد يوفرولها مقعد بأي تخصص هي تريدة ، لكن شتتوقعون بالعراق حيخلوها ؟ درست وتعبت كون كان عاجبتها " الجلدية " ، ونجحت بالإمتحان و من الأوائل هم ، أنطوها المقعد ؟ طبعًا لا !! أكلوا حقها و راحوا أنطوا مقعدها لغير شخص !! و فوگ القهر حترجع تعيد الإمتحان مرة ثانية و هم عود إذا أنطوها مقعد 🦦 .. و غيرها و غيرها لو أگعد أحچي الأعرفه لباچر ما أكمل .. و حاليًا نادر تلگه الطبيب الزين بهذا وقتنا بالعراق ، لأن أي مرض قد يصيب الإنسان لا سامح الله ، حتظل تفتر بين طبيب و طبيب و آخرتها ؟ حيگولون إلك " روح لإيران " . بالتوفيق للجميع 💙 .
هوة اساسا محتوى الكيمنك منقرض بالعراق لا تجيبلي واحد قناته كلها ماين كرافت وتكلي كيمنك بس ابو عطوان الله يذكره بالخير جان بي مجال واعتزل ومحتوى العراقيين كله انتقاد الجدد والقدامى اندي وفيلسوف وغيره وغيره.....
كلامك كله صحيح وخاصة الهوس الي بالأهل يعني اهلي وصلت بيهم مرحله ياما اجيب طب او يتبرون مني 😂بس يعني اني واني صغير ماشوف نفسي يعني احب مهنه معينة بس مع الوقت صرت أتقبل الطب للانسانية الي بيه وبداخلي يعني طموحي اريد احاول اغير فكر الناس عن الطب بالعراق واكون طبيب ناجح مراعي لضروف الجميع لان الطب حاليا بالعراق بمناطق معينه صارت بس الكشفية ٣٥ الف هاي نصب وبوك علني وعصابات مو مهنة إنسانيه البعض ممكن يشوفها قليله بس غاليه على الفقير الي محد يحس بيه
صراحة اني بمعهد والحمد لله حمدا كثيرا معهد ممميييززز وقائم على الأحترام والراحة ما فد يوم جبرونا على شي او أهانونا ودائما ينصحونا نقوي اساسنا وندرس على قدر عقلنا بدون ضغط واوهام بالطبية اذا ما جانت المكان الي نستاهله او يستاهلنا..وحتى الأساتذة يستحون يباوعون بوجهي "علماً اني منقبة ومستحيل ينفتنون او يفكرون بشي ثاني حشاهم". فانفجعت وانصدمت من المشاهد بالفيديو!!، هذا مو معهد اطلاقا إنما مثل ما ذكرت ولا حول ولا قوة الا بالله احس نكسر خاطري من العراق وشلون صاير 🥹💔.
طبعاً إني دائماً كنت اسل اهلي ليش تردوني أصير دكتورة توقعت منهم (أساعد أ المحتاج أو الفقراء) بس جانوا جوابهم اماً نفتخر بيج أو تعين مركزي و ما جنت اقتنع بكلامهم إني أشوف شي وهم شي خصوصا الطب بعراق يجيك واحد ما مخلي مرض يعتب عليه و إذا ما كدرت أساعده تموت وراه بس اهلنا غفلوا على سلبيات الطبيه في العراق واهم شي نفتخر بيج وكرف فلوس صراحه مجموعه الطبيه أشوفها صعبه بنسه الي لان بيدي روح و الروح لازم أحييها و إني مو كد المسؤليه لهذا الشي جدو جان دائماً يكلي الدكاتره الحقيقين الله يختارهم لان يدري بيهم اقويا وكدّ المسؤليه. بس الأهل يحبون يشفون معدل 99 اكثر من نجاح ابنهم أو الوزاره ما تنطي فرص لباقي الأقسام و بيهيج حاله يتدمر المستقبل الطلبه
هذه كلها تجارة تربح بيها المدرسين همة الي كبروا المواضيع وخلوا الكل يفوت خصوصي بحيث حتى تربية تونست وكامت تجيب اسئلة صعبه بسبب الاعداد الهائلة بالطب ومخلوا قيمه لغير تخصصات هسة دعينوا هندسة المحامين الادارة والاقتصاد حتى يخف هذاالهوس
اذا جنت تعتقد انُ الطب مجرد ضياع 6 سنوات فأنت غلطان، لازم تنتظر سنة أو اكثر يلا تتعين بعد هاي الـ6 سنوات وتشتغل بالمستشفى سنتين او 3 وترجع تدرس وتشتغل وتدرس يعني بشكل تقريبي تضيع 16 سنة غير الـ12 مال المدرسة، مستعدين تضيعوهن؟ -جنت دائمًا اسأل نفسي هذا السؤال، "مستعدة اضيع سنين من عمري واتعب وأسهر وانقهر ويوكع شعري واقلق وانا أصلاً اخاف من الدم بس لأن المجتمع واهلي يريدوني اصير دكتورة؟"، طبعًا لا.
السلام عليكم وياكم طالب سادس دور ثاني وحالته حالة خلي احجيلكم شوية الي صار وياي بهاي السنة -اول شي جميع الاقارب منتظرين نتيجتك نصهم علمود الشماتة ونصهم علمود العزايم واذا جبت معدل اقل من 80 يكولون لا حرامات ما ينقبل طبية -ثاني شي سالفة ان ضغوط الاهل الي مالها داعي انا اهلي ما يضغطون عليه بس جاي اشوف حياة اصدقائي معاناة فوك تعب الدراسة و المنهج وتعب جسدي ونفسي يجون اهلك لو تجيب الطبية لو انت ما وفيت تعب اهلك ( انت مو گدها واهلك مو راضين عليك) يعمي الحياة مو بالطب رحمة للكعبة ارحمونا + الطب صعب ( 5 سنين كلية وكم سنة تطبيق و بعدين ورا كم سنة يالله تتوفق وترتاح بس انت ماراح ترتاح لان هاي المهنة تاخذ 70% من وقتك ) فمو اي شخص تناسبه هاي المهنة ثالث شي لاختصاصات الباقية الي فوگ المتوسطة يعني بين ال93 وال85 هاي اقسام هواي بيهن منو يشغلهن اذا الشعب كله يريد طب رحمة للكائنات +ادعولي اجيب تسئة وتسئين بوينت تسئة 😂 ((جذب معدلي 89 ومأجل 3 مواد ))
قال رسول الله صلى الله عليه وسلم : "تَعِسَ عَبْدُ الدينار، تَعِسَ عَبْدُ الدرهم، تَعِسَ عَبْدُ الخَمِيصَة، تعس عَبْدُ الخَمِيلَة، إن أُعْطِيَ رَضِيَ، وإن لم يُعْطَ سَخِطَ، تَعِسَ وانْتَكَسَ، وإذا شِيكَ فلا انتَقَشَ، طُوبَى لعبد آخذ بعِنَانِ فرسه في سبيل الله، أشعث رأسه، مُغْبَرَّةً قدماه، إن كان في الحِرَاسَةِ كان في الحِرَاسَةِ، وإن كان في السَّاقَةِ كان في السَّاقَةِ، إن استأذن لم يُؤْذَنْ له، وإن شَفَعَ لم يُشَفَّعْ".
حجيت اللي بقلبي، بس المشكلة هي وأغلبية الأهل ما يقتنعون إلا بالاختصاصات الطبية. إذا ما جبت معدل يخليك تدخل الطب، يعتبرونك فاشل. حرفياً، معدلي حالياً 75، وهم يظهرون كأنهم فرحانين، بس بالحقيقة هم ضايجين. أنا ما أحب الطب، شلون يعني أدمر حياتي على موَّدهم؟ هذا أبداً مو طبيعي. المهم، صارت لي حالة نفسية بهالفترة، والحمد لله عدَّت. حسيت إنو أنا الخطأ وهم الصح.ويقنت ان طالب لازم يمشي ورى هدافة ان من هسة يحدد هذا هداف وأبد ما يتركة ويتعمق في تمنالكم كل التوفيق
بالعكس مُعدل ٧٥ كلش خوش مُعدل و متعوب عليه بالنسبة للسادس ،،، لا تخلين الناس تأثر عليج و أعذريهم لأن مزروع ب دماغهم أنه فقط الطب نجاح وهذا الشي جداً خطأ،،،، أعرف كثيييررر ناس مو أطباء وناجحين بحياتهم ومستقرين مادياً ومعنوياً عكس الطبيب صح عنده فلوس بس وبعدين ؟ ماعنده وقت يجلس مع عائلته حياته كلها دراسة وشغل وتعقيد وتعب بتعب ،،، ف دائما كولي الحمد لله 🩵🩵✨
@@namerkiller ليش تعيدون يا أخي والله مُعدلات ال 70 جيدة جداً اكو كثير تخصصات جميلة ،،ما يحتاج أي أعادة ما عليكم بتأثير المجتمع بالنهاية كل واحد وحياته يمكن الله كاتب لكم بهذي المُعدلات أشياء حلوة و دائماً خطة رب العالمين لنا أحلا من خُطتنا لأنفسنا ✨
كلامك اجة فيت جنت كلش حابة الطب بس حاليا ياخي حتى بالوجبة راح ينطون دكاترة فلا واساسا معدلي ميقبل وماريد اعيد من ورة هالسالفة وشكرا على الفيديو وكثرلنا هيج
على الرغم من "فائض بعدد طلاب المجموعة الطبية" نلاحظ نقص في الكوادر دائمًا، دكاترة الجامعات، الجرّاحين، الممرضين، والإختصاصات الدقيقة! لهذا الحل مو نكنسل فكرة المجموعة الطبية بل نسعى لتطويره وتشجيع الطلاب على التعلم للخروج بأقل مقدار من الخسائر ليش هو طالب الطب شلون يتعلم + منو هسه ينتظر يتعين بشهادة بكلوريوس أين الطموح 🤓..
بس مثل ماكال الأخ اغلب الطلاب تشوف همهم بس يا اما فلوس يا اما الناس جابرة عليهم هالشي ولذلك تشوف اغلب العمليات بالعراق تفشل ويضطرون يسافرون لغير دول حتى يسوون عملية لأن الأطباء ميشتغلون بذمة وضمير مجر همهم بس فلوس افضل طريق ممكن يتخذه الأنسان بعد ميكمل سادس هو الطريق الي الله كاتبلهياه والي هو يطمحله مو والله اروح طبية علمود فلوس مو لأن حلمي وشغفي اصير طبيب
@@shotrboom4592 سالفة الفلوس هاي مشوهة، يدرس فد ست سبع خمسطعش سنة علمود فلوس؟! بينما يكدر يفوت غير تخصص ويبدع بيه ويسويله بزنس ويشتغل بالقطاع الخاص ويطك بس الطب أكثر من سالفة فلوس وفَرض، هو واجب وتكليف، فكّر بدور الطبيب، والممرض، والمُسعف، الخ بالحروب وبالضيم كما هو الحال في فلسطين المظلومة، هل يفكر هؤلاء بالفلوس أم إنقاذ الأرواح؟ أعتقد أنّ توفر دراسة الطب لشخص هو نعمة كبيرة من الله وعلى الطالب توسيع آفاقه عندما يُجبر على دراسته، تكون لحكمة من الله او صفةٌ فيه تساعده للتميّز في هذا المجال واتفق في ان يتخذ الإنسان الطريق الذي يكتبه الله له، يكدر الشخص بأي تخصص يُبدع بطريقته ويقدم للمجتمع، والله ولي التوفيق
نفس المشكلة لكني من مصر عندنا بيقدسوا الطب و الهندسه بطريقة مبالغ فيها لما لم احقق حلم اهلي اني اكون طبيبة مع انه مش حلمي اصلا الكل وقف ضدي و عاملوني على اني قمامة فاشلة دخلوني تمريض غصب لانه شيء طبي على الاقل و علشان فيه توظيف وفلوس و لاكون صادقة لما دخلت الثانوية العامه اللي هي السادس عندكم تقريبا لم اكن املك احلام او شيء انا ادرس فقط عشان ارضي اهلي و انا نادمه جدا على ده دمرت صحتي العقلية و النفسية عشانهم بجد طز فيهم و طز في المجتمع و طز في هذه المنظومات التعلمية الفاشلة في المقام الاول حتى الان لا اعرف انا عايزه ايه بس طالما دخلت التمريض خلاص هبذل كل جهدي فيه و اراعي ربنا في هذا التخصص لكن في نفس الوقت هحاول اكتشف هوايات من صغري و انا احب الفنون و علم النفس و الفيزياء الفلكية هحاول اتعلم في هذه الامور كهواية بجانب دراستي للتمريض
جربي تسالي الطلاب الي يدرسوو التصصخات الي ببالك و اسكتشفي عنهم ابحثي عن طريقة الشغل و كيف اشتغلي فيها و بعدها ادرسي التخصص الي ببالك بفلوس التمريض و موفقة ان شاء الله
نرجع ونکول سببهه الاهل بلمقام الاول يعني لو طبية لو موت روحك والسنين السابقة جانت اصعب وحتى مدرسين قليلين اضافة لقلة المحتوى التعليمي على شبكة الانترنت لان اصلا مجان اكو يوتيوب حتى وسائل النقل بدائية وقلما تلاقي طالب يشتكي اي معدل يطلعلة يبوس ايدة وجه وگفة هسه كلشي متوفر معاهد ومدرسين متكدر معاهد ومدرسين انترنت موجود ومنصات وخير من الله والاهالي هم هلة هلة باولادكم ترا الطب مو كلشي البشر امكانيات وعقل والناس اجناس مو سواسية كل بشر واله حدود وقابلية جان مختلفت الاختصاصات والوظائف بس هو بلد فگر شنسوي لحد يحط بالة السادس شي مستحيل الله وكيلكم اغلب الاسئلة من الكتاب واذا خلو سؤال بي لوفة بس حتى يميزون الطلاب وخصوصا جماعة المية وكشمة
@@Hassan-n4b عينطيهم نصائح ماشرط بس للطلاب الي يريدون طب الي ماعدهم مال خصوصي وغيرها وغيرها يعني وهيا قناتو وحر بيها اشدخل العالم! بس فعلا هاي الناس ماترضى لا ع الجاهل ولا على المتعلم مايفيد
اي والله صحيح بداية السادس كلولي لا تدخلين خصوصي تصيرين قشمر كتلهم لاا بعدين استوعبت انو صرت زوج من ظلينا 3 اشهر بس بالفصل الاول مثل حيدر وليد طبعا زرب بوضعيتي بحيث وصلنا لشهر الرابع وشرح التكامل بنص شهر ومحاضرات مال عام فوكاها وظل يشرح بوقت المراجعة ومن وراه ما لحكت اخلص المنهج ونزلن درجاتي من وراها كلولي ادخلي يمه وتضمنين ال100 بس ما ضمنت غير طيحان الحظ لو حسين الهاشمي الي كام يركعهة شلون مجان وبعدين كام يصيح خلصنا هيييي وفرحان والطلاب كلشي مفاهمين وجان شاكني شك بالطب بحيث جنت احس روحي فاشلة اذا مصرت طبيبة لو صيدلانية
ـ مشكلة الي منصدگ يريد طبية ناس تضحك عليه، دگول همك الفلوس و لو اني دفعة 25 الي مدخلت طبية تضحك دكول حلمج غيريه متستحقين الطب ياخي الطب حلمي بسبب وفاة والدي و مرض امي اما الي اشوفهم يمي كلها تريد طب علمود الفلوس حتى مابيه راحه يمكن انت وجاي ترتاح من الدوام تجيك حاله طوارئ الفلوس الي تيجك بطب مو براحة اسوء من سهر السادس لازم يفهمون هذا شيء فلوس يكلك اهوو بيهم المهم مقطعك صحيح و عجبني تستاهل لايك و اشتراك 🤍.
@@Moon-20042طيب واذا كان الانسان ذكي وعندو موهبة بهذا المجال وقدرة الله ليش خلق العقل غير ديفيد البشرية والي عندو قدرة يفيد الناس يرعة الحفظ والفهم والخ اشذنبو اذا كان يريد طب ويدخل طب ليفيد غيرو ويشوف حتى الي باقي بالصفف. عشر سنوات هم يريد طب حتى كرهونا بعيشتنا والله اعرف ناس عادت ٥سنوات علمود طب وبالاخير هاي السنة معدل ٥٠!! ليش عيحنلون نفسهم فوك طاقتها
@@aya_20jj خويه المُـشكله مو قصة فلوس ولا قصة موهبة وذكاء أغلب الشعب العراقي ميعرف شنو أهدافه أو طموحاته بالحياة فَ تشوفه يركض ويسعى حتى يرضي فلان وعِـلان ألي جانوا قبل يحلمون يصيرون كذا بس طبعاً الظروف ماسمحتلهم وأجوا يطبقون أحلامهم بروس ذولي ألي ميعرفون شي من الحياة وكِـلنا جاي نشوف من احنا وأطفال يگولولنه أنتَ دكتور أنتَ كذاا ويزرعون هاي الفكره براسنه حتى لو طلع واحد وگال اني أحب الطب لا عَ مود فلوس ولا عَ مود شي تلگاه بداخله ممصدگ لأن هالشي مزروعع بباله وهوَ طفل هذا رأيي بالموضوع ماأعرف صح أو لاا
حيرة يعباد الله ، شنو حل الطالب الي يريد يجيب معدل عالي بس ميعرف وين يروح مجرد يريد معدل عالي + شوية الألفاظ قللهن بل مقطع لان حرام وعيب ، مونتاجك رهيب أستمر 👍🏻🌷
طبعا اني سادس وحرفيا منهارة من هذا الفشل الي كاعد يصير بالعراق يا اخي يحسسوك الي طلعوا معدلات 100او 99هما انيشتاين والي طلع اقل هذا فاشل لا وغبي وحتى التربية تكرم الي طلعوا 100و99 واصلا الي طلعوا هاي المعدلات تلكاهم كلهم اهلية واكثرهم من بغداد وكلهم مسجلين معاهد سواء الكتروني او حضوري واحنا مدارس الحكومي معتبرينا رجل كرسي لا دوام مال اوادم ولا كادر تدريسي كافي وافي يخليك تفهم المادة وتضبطها واكثر المدرسين يحملوك منية لان كاعد يدرسوك ولا يخلصون منهج ولا يكملوا واصلا مدرسين لكل المواد ما اكو والدوام ثنائي يعني 3ساعات ندرس بس ياخي وحق الله افشل دوله العراق واخيس دوله العراق وافشل تعليم تعليم العراق كلشي صار مهزلة وفلوس ومصالح واسطات فشششششل لا صاير ولا حيصير بغير دوله ابببببد 💔
ليش اني جنت رايدها 🙂 ١-اهلي الي ما عابرين ابتدائي يردونها مني ٢-الناس إذا ما دخلت المجموعه الطبيه تحجي عليك وتكلك شنو الفايده ٣-اهلي ٤-التعين المركزي ٥-اهلي طبعا اني طلعت معدل 95 ومحد كلي مبارك قسم بالله كم شخص والله العظيم تدرون ليش لان معدلي ما يجيب مجموعه خرائيه اني جان حلمي معهد نفط بس جيب الي يقتنع
يعني دكيتها دك دراسة من شهر سادس ومعاهد وهيج بس تاخرت بالمواد ومكدرت اضبط كلشي ف اجلت كل شي وهسه اني تقريباً حكمل المواد مبقى شي الية بس العربي واقرة الإسلامية وهماتين داقرة فيزياء والانكليزي موزعتة وبقايلي توصيلات وإملاء وتقريباً وضعي تمام بس خايفة شلون أتخلص من الخوف
@@Beyondearth8 ما اريد اروح للرياضيات والميكانيك بالهندسه بس اقسم باللة لو انطيك اسهل شغله عدنه الي هيه الرسم الهندسي اقسم باللة ادك عالراسك لا حسبالك كل هنسة مثل الميكانيك والمدني والعمارة والكهرباء الله وكيلك ما نلحك نروح للحلاق
@@___-dc4nn تره صعبة اعرف كلش صعبة ولله يعني الحياه بالعراق متعبه اني اريد تخصص محاسبة ادارة اعمال مكتب وكعده وتسجيل حسابات وبس 😅😅 وياريت يكون حكومي ماعندنا على الأغلب يكون العمل خاص بهذي المجالات
النجاح والثراء والسمعه ما تجي من الطبية تجي من عقليتك وطريقه استثمارك للشيء الي انتَ دخلته او انتَ تحبه عقولنا مغسوله كـ مجتمع واني هسه كَوحده ضيعت روحي وفلوسي على سادس وعلى المعدل العالي تالي اكتشفت انُ اني مخدوعه وهَسه اريد بس نجاح لان تعبت .. يا أُخوان البلد يحتاج مهندسين ويحتاج محاسبين وفعلا الخصوصي اكثر شي خرا واكثر شي ندمانة عليه وسلامتكم ادعولي انجح
المشكلة مشكلة الدولة تخيل تدرس 12 سنة وبعدها 6سنوات بتخصص معين وبعدها ما تستفاد شي .. هسه تگول تكتسب معلومات و إحاطة بشغلك فجامعاتنة تعبانة وما تحقق هذا الشيء مجرد احفظ أكتب أنجح (نسخ لصق تم) ... وحتى وإن كانت تحقق هذا الشي فبهاي الحالة التعلم الذاتي أفضل بهوااي يختصرلك من سنوات عمرك الضائعة الكثير ... فتبقى هنا شغلة وحده هيه أن تكمل الدراسة بتخصصك وتصير أستاذ جامعي وتصعد بيها وهذا الشيء صعب لكثير من الطلاب ... أو تناطح في سوق العمل العراقي وألي حالياً المنافسة بي صاير (بالنعال😅) والفيديو عجبني وعاشت أيدك من النادر أن أكتب تعليقاً أستمر❤
أتفق أتفق اتفق 8:18 حررفيا فد متندمه لأن دخلت خصوصي واحس لو باقية على اليوتيوب اشرفلي بمليون مرة هم. اريح اليه وهم وقت أكثر عندي وهم ماكو وحدة تكمز وتخرب الدرس علينا وهسة كالكلبة أروح معهد وارجع اقرا يوتيوب لأن زووووج شفتهم خوش يشرحون اول فصول وهسة كاموا يركضون واحنا التراكمات زادت ورجعنا على اليوتيوب وانوب دافعين وماكو رجعه بعد
برأيي نكدر نكول 20% من طلاب السادس او اصلا وره ماكملوا الثالث متوسط اهلهم الي جبروهم وحطو شغله الفرع الادبي باكمله فرع فاشلل! اني حاليا صرت طالبة خامس ادبي والبنات الي وياي الي راحوا علمي حرفيا اهلهم فلسوا الدراسة بالعراق صارت تجارة وفلوس حرفيا والكليات الاهلية الي صارت اكثر من الجامعات الحكومية الي المعدلات مالتها مبالغ بيها ويجبروك تروح اهلية يعني حرفياً تعليم العراق صار عبارة عن تجاره ومدرسين خصوصي بكد التمن والاطباء صارو كلش هواي يعني وباقي الاختصاصات شصار عليهن؟✨ نحجي مانحجي مايفيد✨
اني من ذولة ال 20% ردت اروح ادبي وانجبرت اكمل علمي وهسه انا دور ثاني كيمياء ورياضيات ومعدلي 66 ويضحكون عليه هلكد ماكللهم احفظ الرياضيات وتالي بيد الله بعد اذا ارسب كبل احول ادبي وعندي استعداد من الرابع ارجع اهم شيء احقق حلمي
انه من چان عمري 10 سنوات چنت اتمنى اروح طب اسنان وچنت ماعرف بتعقيدات التعيينات واصلاً ما افتهم بيهه بس چان حلم الطفولة وعدت سنه علموده بس اجت درجة ناصية 72 وكلش راح تهبط معدلي وحالياً انه دور ثاني مأجلة خمس مواد وعود ردت اعيد سنه ثالثة علمود حلمي وهوه انه اعرف انو طب الاسنان مابي تعيين لكن لان حلمي بس انوب وره كم يوم هدأت وفكرت انو اطلع من السادس وامتحن دور ثاني لان انه اصلاً تعبت بالسنه الاولى و الثانية وهذا هو المقسوملي لازم ارضى بقدر ربي واخليهه على الله لان وزارة التربية يوم عن يوم جاي تظلم الطلاب بقراراته الفاشلة و الظلم الجاي يصير بالتصحيح وان شاء الله من امتحن دور ثاني ادورلي على قسم يعجبني والگه شغفي بي احتمال الله ما كاتبلي احقق حلمي لان يجوز انه ما راح ادبرهه واصير طبيبة فاشلة + تابعتك ومنتظره بعد تنزل فيديوهات و هذا الفيديو يجنن و طريقة شرحك للفكرة منطقية وكلامك جميل وهادئ استمر ونزل فيديوهات اكثر ❤
@@AlA-fu9oh نصيحة مني واعتبريني اختچ لاتعيدين توكلي عله الله وامتحني لان انه العام امتحنت اسلامية چانت درجتي 100 عدت صارت 82 هيه كلما تجيهه الاسئلة تصعب و الوزارة مصعبة عله الطلاب بقراراته الفاشلة ومضيعة الطلاب وهو هذا هدفهم حتى ما يطلعون معدلات عاليه لان كلشي توفر من مدرسين و ملازم فا صار على الطلاب سهل يجيب درجة كاملة فا گاموا الوزارة تحبط الطلاب بتصحيحهم المشدد و اسئلتهم الصعبة وصدگي الخير في ما اختاره الله لنا احنه سعينا و تعبنا و الله مايضيع اجر المحسنين رب العالمين راح يجازينا بالمستقبل فا احتمال المعدل الطلعتي وما يعجبچ بالمستقبل تحمدين ربچ وتشكرينة لان طلعتي ورحتي التخصص الفلاني وصرتي ناجحة بي وحبيتي
مع اني سعودي بس تابعت المقطع للاخير، وفعلا مشكلتك لاحظتها في مقاطع التيك توك للي يدخلون القسم الادبي عشان ميولهم يجونك كثير يقولون ماله مستقبل ماله مستقبل ويزعجونك عشانهم داخلين علمي حتى ذي المشكله عندنا بالسعودية الي يدخل مسار ادارة اعمال او شرعي بالثانوي كمية كلام يزعجونك بس الحمدلله الكلام ذا مو مره اكثر الاهالي عادي يخلون عيالهم يدخلون الشي الي يميلون له
ما شاء الله على السعودية واخلاق السعوديين عشقي ولله ❤ بس لو تلاحظ فرق كبير بين السعوديه والعراق العراق ماعندنا شركات استثماريه ولا أعمال حرة لذلك العالم هنا يلتجأون للتخصصات الطبيه للوظائف الحكوميه ماعندنا استثمار ولا مشاريع لذلك العراقيين مستقتلين على المجموعات الطبية بسبب توفر الوظيفة الحكومية
بخصوص الطب المهزله الوحيدة هم الجامعات الاهليه شخص معدلة ولا يم الطبية كلها بل ٧٠ يدخل اسنان ؟ وين اكو هيج طبعاً راح يروح التعين المركزي ويكون حسب الحاجه ، الحكومية الطلاب يستحقون عانو علمود هدفهم وطلعو معدل الي يستحقو بخصوص المعاهد السالفه صارت اسهل وندخل الكتروني هم السعر يكون اقل وهم مياخذ جهد من سالفه الروحة والجيه ومنا تستفاد منه اكثر من اليوتيوب الان تكدر تتواصل ويا المدرس وامتحانات اسبوعيه فا من ناحيتي اشوف الافضل بينهم محاضرات الكترونية الفيديو والمونتاج وطريقة الكلام جداً حلوة ولكن اتمنيت تكول الملاحظات الي كلتها بس بعد كل واحد ورئية😼 -بل توفيق ❤
7:36 اذا طالب من ديالى يشوف تعليقي هذا معهد كوية و جماعته و اني جنت من الزواج الي مسجلين يمهم و طاح حظ حظي من وراهم لذا اذا جنتو مقبلين للسادس يا طلاب ديالى ابتعدو عن هذا المعهد الف متر🙈💔
@@rreemhussein3921 اني مو على المدرسين لان المدرسين البيه كلهم زينين و منهم ابراهيم الصميدعي جنت يمه و جبت 92 بسبب تقصير مني بس كرهت المعهد و بطلت من يم سلام من ورة تعامل المساعدين و تعامل ابو علي جانو ذالينا ذل و اكتشفت بعدين اليوتيوب احسن بهواي
الصراحة اني البارحة اول يوم خصوصي داخله ، وهم اني بنت العام العام بدفعه ٢٤ قريت كله عاليوتيوب بس مشكلتي لحد النهايه ماعندي جدول محدد وصادف مرض والدي ووفاته بنص فتره المراجعه لذا تركت الامتحانات لان معدل ٥٠ ما اطلع ، وهسه دخلت خصوصي باصعب ماده عندي الي هيه الرياضيات والحمد لله المدرسه زينه وشرحها ممتاز وسعرها مناسب وملازمها تنطيهن بدون دفع ، وبالنسبه الي احسن شي بالخصوصي اني ملتزمه بجدول اگعد كل يوميه من ٥ الصبح اروح للدرس ساعتين وارجع اكمل موادي بدون تسخيت ، لان حته مدرسه الخصوصي انطتني مثال جدول امشي عليه . شكرا لجهودك❤
و اخيرا قناة عراقية و محتوى عراقي بيه أمل نجي لموضوع الفيديو، اكره الطب و اتخبل منه بكل انواعه و تقاسيمه عبالك صار مودة كلها تريد تروح طب لا و المشكلة الناجحين الي مطلعين معدلات زينة توديهم كليات ثانية زينة يعيدون علمود يطلع طبية و لو يطلع لو لا طيب ارضى بمعدلك و خلص هواي اختصاصات بدت تندفن بسببهم اما كلامك عن الخصوصي شكد صحيح سجلت ٣ دروس و بنص السنة فلحت بدرس واحد حرفيا من الي دخلتهم اخر شي عفته و بطلت رحت درست على اليوتيوب و جان افضل شي اسويه
كملت سادس معدلي 94 ياخي ايععع شمغثة السادس و ماكو تخصصات لعبت نفسنا و اتفق بموضوع المعاهد اني جربت و ربي اليوتيوب وحده زايد الطالب يحصل المعدل الي يريده كافي معاهد خلي المدرسين يشدون حيلهم و يدرسون بضمير لان ضميرهم مات عود الطلاب كلها تدرس معاهد
اهلي عقلهم عبارة عن بس طبية عبالك إذا صرت مهندس راح تصير إنسان فاشل بس إذا صرت دكتور هنا انتة ملك وبديت الاحظ انو يردوني طبيب علمود الفخفخة كدام الكرايب … مع الأسف وصل بينه هيج حال ، امنيتي ادرس كلية طيران او هندسة معماري لان احب السفر والتصاميم ، بس الحمد الله على كل حال حتى وان صرت طبيب راح احرص انو اخلي هاي المهنة لمساعدة الناس لا علمود الفلوس ولا غير سوالف
كلامك كله صحيح و حلو و اتفق ويه كل شي كلته بس احس لازم نضيف بعد شي ، اكو هواي جدا من الطلاب يسختون ، ف الي يسختون الاحسن الهم يدخلون خصوصي (عند مدرس زين و اسعاره معقوله) ، و لا تروحون حضوري يا اخوااان حضوري لا تروحون لا تروحون حضوري ، فعلا مثل ما كال اكبر تضييع وقت يعني ساعه روحه و ساعه رجعه اذا مو اكثر بسبب الازدحامات و المحاضره ساعتين ! كلش اوفر ، الاحسن هو الالكتروني و تروحون تمتحنون و ترجعون للي ميكدر يسيطر على نفسه و الي يسخت !!بس الي يسيطر على نفسه اليوتيوب افضل طبعا
صراحة اني كرهت حتى الاطباء رغم اني جنت مُحبة جداً لهذا التخصص وطموحة بيه بس كل الناس الاعرفهم وسوو عملية يصير خطأ طبي حتى لو العملية تافهة يعني ابسط ابسط شي يكسرون واحد من اضلاعك او ينسون اداة بداخلك وتعال عاد وصراحة صار هدفي هندسة حواسيب وجنت اتمنى اروح إدارة اعمال او طيار بس طيار ماكو هذا التخصص بالعراق وادارة اعمال مو مرغوب ولا اهلي يرضون
عدنا طيران بس الطيران المدني لازم ع حسابك والعسكري راح اتصير تصفية منافسين تبقون اثنين انت وابو الواسطه فالعسكري الاواسطه وهندسة طيراي عادي موجوده ادارة اعمال عادي هم موجوده ومعدلها عادي بس مستقبلها شبه معدوم حتى من قبل القطاعات الخاصه
@@AsdAsd-hr8sw هوة ما اكدر عسكري لان شبه مستحيلة خصوصاً إني بنت والمدني يتطلب تكلفة عالية أما ادارة الاعمال مرفوضة اني ادخلها لان مثل ما كلت مستقبلها تقريباً معدوم والحمدلله الدنيا شوف وين تصفي
بصراحة اني معاهد و كنت اطلع من الخمسة و نص الصبح لست رملة و ارجع بثمانية باليل يعني النهار كله و بالفعل تعبت السنه كلها و الحمد الله 94 مو استحقاقي و ظلم كبير بالتصحيح و لكن المعاهد و الاساتذة ابد ما قصرو اتوقع اختيار يلعب دور و حتى اذا المدرس ممتاز فالمسؤلية الاكبر على الطالب
المشكلة مو بالطلاب ولا بالاهل لان تفكيرهم منطقي انو يردون الشي المضمون. المشكلة انو المجال المضمون فقط المجموعة الطبية وهذا سببه سوء ادارة البلد لمدة عقدين واكثر, يعني الطالب الي يروح حسب شغفه احتمال عالي كل شي ميحصل خاصة انو تعليم الجامعات بالعراق تعبان اصلا فلازم يدرس بنفسه لمدة 4+ سنوات علمود يحصل الشهادة باستحقاق فعلي والي اصلا مراح تفيده باغلب الحالات لان ماكو اماكن يتوظف بيها بدون خبرة وواسطة ببساطة لان اقسام الدولة كلها مبنية على الوساطة وماكو قطاع خاص للتوظيف بدل الدولة وحتى لو جان اكو قطاع خاص فراح يكون بنفس الفساد اذا مو اسوء بالاخير ما تكدر تلوم الانسان الي يريد يحصل الشي الي يضمن اله مستقبله وخاصة الي يتعب علمود هلشي ويحصله باستحقاق مو بتسهيلات مالية ^_+
سبب الدخول للخصوصي هوه انو المدرسة تكملك 4 افصل ويخلص الوقت فهذا اول مشكلة حلهه الي المفروض هوه المعاهد بي عيوب تكتل اذا انت طالب شوية ذكي وتدخل معهد تنهي نفسك لان تخيل يكعد يشرح بطرق مبسطة لان القاعة الي انو بيهه نصهه مطفية فينحد بالشرح للطلاب المو زينه ونفس الشي الالكتروني عندك مثال الفصل الاول رياضيات يضلون بي شهر ونص وهوه سبوعين هواي عليه ببساطة انت المفىوض تأخذ الفكرة الاساسية والبقية انت تحلهن بيدك تلمود تضبط المادة بالمعاهد لا يعتبرولك كل سؤال فكرة ومدري شني وهنه كلهن شغلات اساسية ماخذهم بالنراحل السابقة واذا ماتذكرهن بس شوية تراجعهن ترجعلك الذاكرة فمو شي الصعب فالافضل تعتمد ع نفسك وتقرة باليوتيوب مع انو هم شفن اكو ضعف بشرح الفصل الثاني اني الطريقة الي استخدمهه طريقة الرسم وهيه تعتمد ع اساس فشوية صعبة لازم تحليل بيهه لان اول شي اخذت الفصل الثاني حرفيا قرؤته لكيت نفسي مطفي السبب هوه ملاحضات 10 لكل قطع فتحس صعب تحفظهن اما اذا اغتهمت كل ملاحضة شنو قصدة بيهه بالرسم ع شكل القطع راح تكدر تحلهه بسهولة اني هاي طريقتي مو شرط تنفع وياك ولا شرط رأي يكون الصحيح لس هاي حسب تجربتي
برائيي كطالب سادس الحل الوحيد لمشكله الطبيه والمعدلات هي تصير معلات الصيدله والمجموعه الطبيه بل ٨٠ وترفع باقي المعلات مثلا هندسه تصير من ٩٠ وفوق وغير تخصصات تنرفع معدلاتها بهذا الطب راح يفقد قيمته والناس راح تتجه لغير تخصص
بلعكس هم يرحون طبية الحل الافضل يسون اختبارات قبول جامعي لذني التخصصات ويحمسونهم باسئلة تخليهم ينسون شيء اسمه طب والي يحبه وكاتل روحه عليه من صدك راح يعدي هاي الامتحانات وبجامعة اي شخص يروح دور ثاني ينطرد من كلية الطب.وهيج يقللون من اعدادهم ويخلون الطلاب تتأدب وماتستهزء بهيج اختصاص صعب
بعد ما كملت الفديو اريد اكول شي اني هسة مرحلة ٦ طب و اني ما جنت اعرف شاريد اصير ورة السادس بس رحت طب علمود اهلي هو حلو كمعلومات و دراسة او عالاقل يحرك فضولي بس لمن وصلت للسادس و صرت اداوم مستشفى ٥ ايام بالاسبوع و شفت المجتمع الطبي كلش توكسك و مزعج و الطبقية واصلة ل الله فيا عيني من تريد تروح لاي اختصاص روح طب للدوام مالتة شوف الناس شلون تتعامل بي و اسأل المتخرجين و المتعينين يغيرون نظرتك و الطب مشروع فاشل تخلص ٦ سنين كلية وراهة ٥ سنين اختصاص هاي ١١ من عمرك فوك ما متكدر تشتغل بال٦ مال الكلية لا صيدلية تقبلك لا شي فخلو ببالكم هاي المواضيع . هواي اشوف شباب هسة يفتهمون بالبرمجة و التصميم و ال3D design و اني اشوف المستقبل كلة بذني فكليات هندسة الحاسبات خوش خيار و يضل كل اختصاص بي ابداع خاص يرجع للشخص نفسة . لتكول رحت طب و انظمن مستقبلي عادي كلش اكو كومة اطباء فتحو عيادات و عزلو لين محد يجيهم و ميعرفون يسوقون لنفسهم . حجيت هواي اسف😂😂😂😂😂
الطب مهنة عظيمة جدًا ، مهنة تحتاج تضحية كلششششش جبيرة وتكريس الحياة كلها في سبيل المهنة،فبغض النظر عن الماديات الي تحصلها عن طريق الطب لا تقارن بالتضحيات الي تقدمها
