شيله مهداه الى
عبدالعزيز مزيد الرشيدي
كلمات : عوض بن سحمان
اداء : مهنا العتيبي
تنفيذ : شيلات بوح
للتواصل وطلب التصاميم واتساب
iwtsp.com/9665...
الكلمات
ياراكب اللي صممه راسً خبير
في دولتن بالشرق ماهي مسلمه
جيبً يهوم الخط لا طال المسير
يطيش لامن سايقه حط اقدمه
لكزز من احدث نوع بالنوع الاخير
تقول شيخً كل رجلاً يحشمه
مرسل من المينا لمعرض بن وزير
بوراق جمرك جاهزه ومختمه
ينصى ابلجً من عبس للطاله سفير
حزام الشدايد سعد منهو محزمه
عبد العزيز الكفو في برد وهجير
حراً هلا وارحب تداول في فمه
رمزاً على البيدا له القدر الكبير
بين النشاما ذاع طيبه وكرمه
يلفى على ابو خالد الكفو الشهير
حلاّل عسرات الامور المبهمه
فخر لـ بني رشيد لاصاح النذير
من صغر سنه والمراجل في دمه
دايم على صيته يحثون المسير
لن الصعايب كلها ماتفحمه
هذا ابن مزيد ريف ضيفه والقصير
ينصاه منهو ضاقبه زور انسمه
كفه مقر الجود مامعها خشير
ماتافر الدينار والا ترحمه
من مدها كم ودع الفقر الفقير
وعاش الحياه المترفه والمكرمه
ابوه مزيد بالكرم جمً غزير
حراً على صرح الكرم رز اعلمه
ماهوب قايل ذا قليل وذا كثير
على الجزاله دوم مركن ميسمه
عبسي ليا جات الشدايد مايحير
عزايمه مثل الرعود المرزمه
سلايل اللي تروي السيف الشطير
بني رشيد اهل الفعول المفحمه
لاصارت الوقفه عبوسً قمطرير
ماله مفر اللي ايداهم تلزمه
عبس المطنخ والمصايب تستدير
تذعن لهم روس الاعادى مرغمه
اللي يبونه بالملاقاء مايسير
ايمانهم في لطم الاعداء مجرمه
23 сен 2024
