خويا --ياطمان--راه من ديك اللبسة اللي عندك طلع صريف ف النهار تا 200 درهم و أكثر سير ل ماكدونالدز موروكومول و بلايص الكيليميني ناس تما كيبغيو ولادهم ايتصورو مع باطمان و الله ايدير ليك شي تاويل
برافو خويا فكرة زوينة و ماشي غير على قبل السفر ولكن راه تقدر تكون عمل مربح لأنه يمكن تمشي عند لي تينظمو حفلات المدارس واعياد الميلاد وتلقى عندهم عمل تعاون بيه راسك خصوصا انه اللبسة عندك زوينة وشخصية تيبغيوها الأطفال والله يسر للجميع
جميل أن تكون محب للرجاء و جميل جدا أن تتقمص شخصية باطمان و تشتهر بها في صفوف المشجعين ، لكن الحياة لا تأمن بهذه الأشياء ، يجب عليك أن تضمن مورد رزق يغنيك عن السؤال ، لذالك يجب أن تتقمص شخصية باطمان القوية في الحياة اليومية و أن تحلق عاليا للبحث عن لقمة العيش
Nederland كل شيئ صحيح و زوين ولكن علاش يتسنى امو تخدم و تعطيه علاش لما يخدم هو و يعطي لميمة ديالوا كون جمع هادوك لفلوس لي عطاتو امو و دار بهم بيعة و شرية احسن له من الكورة
انا احترم حبك لنادي الدي تشعر بالإنتماء اليه (الرجاء) لكن هل تريد ان ترهن حياتك فقط من اجل الرجاء. اتمنى منك ان تبحث عن عمل قار لكي لا تعتمد على احد في حياتك...اعرف أناس يعشقون برشلونة ومدريد وفرق عالمية لكنهم لديهم اولاويات اخي...اتمنى لك كل الخير..
مادام كانت عندك العزيمة باش تشري اللبسة، علاش ماتمشيش الدار الشباب وشارك معاهم في مسرحيات الأطفال وعلاش لا تحترف هاد المهنة وانت باين عليك انسان نقي غي حاول تشوف مستقبلك وماتنساهش راه ماغاديش تنفع ديك الكورة
من فرنسا ره أنت لأول باطمان مغربي في الملعب ،لي قال عليك شي حجا ، غير الغيرة هدك ،تحياتي لباطمان المغربي العز للمغاربة الأحرار ، أنا مشي رجاوي كن عاونتك بش ما قسم الله،هدك المرشح الله ينصرو على الأعداء ديالو
المهم مسكين الله يسهل عليه يمشي لروسيا باءذن الله..اللي عجبني هوا الثقة اللي عندو ف الله و قال غادي نجيبو التأهل..الله يسهل عليه يا رب العالميييييييييييييييييييييييييينو يخلي لو الميمة المناضلة اميين
يا ولدي راه ما كاينش عير الكرة في الحياة. عاون ميمتك وتعلم شي حرفة أو بيعة وشرية باش يكون عندك مستقبل مزيان. الميمة ديالك سيدة طيبة وباغيه ليك الخير. تهلا فيها وعاونها. الله يسهل الامور.
سير أخويا الله يسر ليك الأمور وهاد طريقة لي درتي وهاد الأسلوب ديال تشجيع لي ختاريتي شيء جديد فالملاعب المغربية ،باطمان رجاوي توقف مع واحد لابس لباس ديال نسر صافي هذا رمز ثنائي لنادي الرجاء البيضاوي
قلت مايدار فهاد المغرب. شباب المغرب دولة بغاتهم يكونوا فحالك. مايخدم مايطالب بعمل مهدرش على حقوقو فهاد. بغاو شعب عايش فحال الرسوم المتحركة يديرو فيه مابغاو.
الحاجة ام الاختراع نسان موهوب طموح له ارادة الوصول اتحقيق هدفه في اطار حبه للفريق الحب يولد المعجزات اتمنى ان توظف قدراتك ايضا في دراستك ربي يوفقك ويخلي ليك الوالدةيارلي تمشي لروسيا
كون غي درتي بوكيمون بعدا متيطيرش، ياله فكها دبا أسي بطمان، منين يقول ليك جمهور طير دك الساعة شد لرض، قليك من صغروا أهو تيحلم يكون بطمان حقيقي، ناري على شباب سبيس تون، المغرب مشا كفتة.
مغاربة ديانا ديما تيحطمو الواحد وينزلو المعنويات ديالو قولو غير كلمة زوينة الله يسهل عليه بشي خدمة مزيانة وراه ماشي عيب إلى كان مهووس بفريق لي كيحس بالانتماء ليه والله يرزق كل شباب المغاربة العاطلين لي مالقاوش فين يخدمو وعمرو الفراغ ديالهم
الله يسهل عليك ويسر امورك يا رب مرضي الوالدين ماعمر ربي يخيبك لانك انسان مكافح او مامبليش والاخوان هنا شجعوه على الاقل تكون تعليقاتكم شوي ايجابية هذا فحد ذاتو راه صدقة الله يخليك لميمتك ويحفظك يا رب قولو امين
كيبقى فيا الحال ملي كنشوف شي حد مضيع حياته كاملة على الكورة، هما راهم كيلعبوا و سوا ربحوا أو خسروا فلوسهم دايزين، و انت غادي تبقى تسوفري حياتك كاملة انت و وليداتك إلا إلا ربي دار ليك طريق، الله يهدينا و يهدي وليداتك المسلمين
داكشي مزيان لكن اعطي الخاطر لراسك راه الكورة فيها الرابح و الخاسر .و دبر على خدمة تعاون بيها الام ديالك هي الاولى و لي شاط دخل بيه للرجاء. الاستمرار فالوجود هو الاول خويا.يلاه بالتوفيق لك و للرجاء انشاء الله