مرهب البقمي محبوب عند سامي هديب وربعه الروقة ما حصل من تهجم من شخص من خارج قبيلة اهل الحفل .. لا يمثل قبيلته ولا يمثل الموروث الشعبي لشعر المحاورة .. حفلات المحاورة تراث جميل وفيه ترفيه للنفس بعيداً عن العصبية حافظوا على موروثكم بالبعد عن كل شيء قبيح واميتوه .
مرهب البقمي : يعيش اٍهديب واخوانه وربعه ويعيش اللّي هذا سَلمه وطبعه من الرّوقه ونبع الطّيب نبعه حياة العِزّ خير اِمنَ المذلّه كِلّ شاعر ياقفُ ويحمَى وقوفه قُومِ يا متعب بدا القاف الرّباعي متعب المسفري : سرى اللّيلُ وعلى الميدانِ عالَم وعلى طاري اللّحن والزّيرِ سالم تروني لَلقشر والشّرّ والِم حياة العِزّ خير اِمنَ المذلّه الزّمن ما يرثع اَلاّ في ضعوفه يا ضعيف النّفسِ مالَ اللّومِ داعي سفر الدغيلبي : هِنا كرمة عتيبه والجمايل هِنا سَلمَ العرب والشّكّ زايل مَحافِلنا دروسٍ لَلقبايل حياة العِزّ خير اِمنَ المذلّه السّعد موجودِ وِاِعيونِك تشوفه اَتِقدّم وَاتِكلّم بِ اِقتِناعي فالح الغنامي : اَبيكم تاخذون العِلمِ مِنّي على لحن الطّرب كِلٍ يغنّي وما نيلَ المِطالب بِ التّمنّي حياة العِزّ خير اِمنَ المذلّه كِلّ مَحميّه على الارض اِمعروفه كان هي لَلصّيد وَالاّ لَلمراعي مرهب البقمي : وحِنّا اِسلومنا ما هي تِعيّب واثرك في بعض الاحيان طيّب لكن مَنته موَطّيها قريّب حياة العِزّ خير اِمنَ المذلّه قولوا اِلْ حجَرف ما روّعنا خروفه الخروف اِيروحِ فِ اِحلوق السّباعي متعب المسفري : حِن اَهلَ السّلمِ يوم الوقتِ حَوفه يا بارد سِمّ حَيّ الله ضيوفه تعلّم مِن وِفانا اللّي تشوفه حياة العِزّ خير اِمنَ المذلّه ما لِك اَلاّ السّفه يا الحمرا النّصوفه رَوّحي فِ اِرعيّةٍ مِن غيرِ راعي سفر الدغيلبي : لِقينا مِرهِب وجَنبه وِليفه خِفيفينُ وسوالفهم خِفيفه لكنّ المَرجله صعبه كِليفه حياة العِزّ خير اِمنَ المذلّه يا جدادٍ توّكُم تحت البروفه كثّروا فالكَيكِ والبان المراعي فالح الغنامي : تربّينا على فِعلَ المِكارم نِصِدّ اِعنَ الشّوايب والخوارم مِثل صَدّ الحشيم اِعنَ المَحارم حياة العِزّ خير اِمنَ المذلّه الجِمَل داسَت على راسك خفوفه والعياده ما بهَا راسٍ صِناعي مرهب البقمي : راعي لبخه يحَسبِ اِنّ الرّجوله كلامٍ كِلّ ما غنّى يقوله لكنّ المرجله ما هي بحَوله حياة العِزّ خير اِمنَ المذلّه صاحبي خابره مازونه بلُوفه لِعنبُو شِركَتكِ يا الدّفعَ الرّباعي متعب المسفري : عليكَ الله لحظه لا تِكلّم تجاورني ومِن سِلْمي تعلّم لَوِ اِنّك قبل مَثبورٍ مِثلّم حياة العِزّ خير اِمنَ المذلّه هَبدكُم والله ما يلحِقنا كلُوفه اِكلُوا اِمنَ الخبزِ والفولَ الزّراعي سفر الدغيلبي : راعي لبخه ما يرضى بالمهونه عطاكم طِيب وانتم ما تبَونه وهالحين الرّدى تِستاهلُونه حياة العِزّ خير اِمنَ المذلّه خلّي طيّاحه تباري لَلخروفه ⭐ يا عسى المِنوِب تِقرّط فالرّباعي ⭐ فالح الغنامي : انا سَلْمي تحقّق من نجاحه وعن جيرتك يكفِيني صراحه لو القى عامِلٍ فالاستراحه حياة العِزّ خير اِمنَ المذلّه كفّك اَملَس لَوّ في هرجك نِشُوفه يقدَر اِينزّلكِ ويشِيلِك ذِراعي مرهب البقمي : لو اِنّك تعرف الطّيبُ وتحِبّه ما تقعد تنكِرَ الطّيبُ وتشبّه سفر طلَع رِدي كِلٍ يسِبّه حياة العِزّ خير اِمنَ المذلّه اَثرِ مَنعُوره من العامِ اِمعَسُوفه تاقف وتبرك ولو مِن دونِ راعي متعب المسفري : طبيعي الرّدي يومِك ترَدّى تحادا كِلّ ما قمت اَتحَدّا ولكنّ والله اِنّ لَ اوجعكِ جدّا حياة العِزّ خير اِمنَ المذلّه اِضرب اِبراسِك ثلاثين الف طوفه والرّدى يجعل على وجهك قناعي
سفر شاعر مبدع شعريا ومتمكن ومستفز ومدمر واستطاع ان يرد بطاروق واحد على مرهب وعلى متعب فهو ظاهرة شعرية نادرة قلما تتكرر في الاجيال بينما غيره الوزن مكسور والمعنى سطحي ظاهر أشبه ما يكون بشتائم اولاد الشوارع
سفر مصيبه عرف وزنية متعب يستفزه ويخليه يطرطع واسحبه مع مرهب ثم دق الثنين سوا ومتعب نفسه في راس خشمه ادنا شي يزعله ههههههه دام معك خصم العب معه لا تلتفت في الشاعر الثاني حتى لو رما عليك كلام قدامه شاعر يرد عليه وانت شف خصمك
ليش التعليقات كأنها تعليقات جمهور المزائن معهم معهم عليهم عليهم هدوء ياشباب اهم شئ لاتسبون بعض وتكسبون اذنوب بسبب سوالف الشعار الي لاتسمن ولاتغني من جوع
