والله العظيم عدنه معامله قسام شرعي بمحكمة الزبير شهر9/2024 احد الورثه امرأه نفوسهه الكويت عمرهه ب40 سنه ماموجود اسمهه ابد بالسجل دخلوا اسمهه بالسجل حديثا قبل شهر (اتفاق بين المحاميه وموظف البطاقه الوطنيه في قضاء الزبير ) بطلب من زوجة أبوهه (حتى تأخذ حصتهه من الورث ) ابوهه المتوفي وهو عراقي سابقا بالسبعينات كان عايش بالكويت ورا حرب ال90 طلعتهم الكويت كلهم وهي البنيه كانت طفله صغيره وأمهه كويتيه بقت بالكويت ( هذا مثل عل التزوير في العراق وصل لسجلات النفوس وبأيدي الموظفين نفسهم وبكل جرأه لأن يعرفون محد يحاسبهم) .
تستغرب من المحاميات عدهم هيچي قابليته تزوير في اوراق رسميه بدون اي خوف لامن الله سبحانه وتعالى ولا من قانون ، احنه الحمدلله مو ضد شرع الله ابد ولكن بالتراضي تعطى الحصه لكن تدخليهه بسجل النفوس وهي اسمهه اصلا ماموجود هاي صعبه (طيب انتم نقابة المحامين شنو دوركم ) إذا عدكم هيچي محاميات تشتغل تزوير وحسب ماسمعت من جماعتهه بالمحكمة شغلهه كله مو قانوني وكله بالتزوير وصارلهه شهر ونص طالعه من السجن وأنه مرتين ماخذه قيد نفوس اسم هذي المرأه ماموجود هالنوبه شغلة الحاسبه سهل بالتزوير بس يضيفهه مو مثل السجل يبين إذا تشطب بيه أو تضيف اسم .
عن تجربه اتكلم القضاة من ايام صدام مرتشين لايزعلون علينه هذا الواقع وحتى صدام سوه راتبهم 5ملايين والناس حصار حسره عليهه الفلس ومابطلوا من الرشوه ،الله يصلح الحال ماتبقى هيجي.
استاذ احمد ولله العضيم لو اني صحفي لاعريهم تعري اكو هيج دوله اكو واحد سواها قبلهم ولله العضيم عيب هي هاي هم سمعه حراميه نشاله وكل العالم يعرف من الدول العربيه والاوربيه ولله خزي بس لو اكو شعب حر وثوري جان من زمان غير هذا النظام
استاذ احمد ليش تستغرب من هذا المواطن الي طلب من رشوه وهو يملك سند صحيح ولكن اني مواطن عراقي اقصملك ب لله عدنا أملاك وعقارات في بغداد والحله وباقي المحافظات ولله العضيم في تاريخ العراق من زمن حمورابي ولحد سقوط نضام صدام كل الأملاك انباعت تزوير والعقارات انباعت تزوير وعلني ومدير البلديه عند علم ومدير الطابو عنده علم والمحافظ عند علم والقضات في المحاكم عدهم علم والدوله عده علم واذا. تشتكي محد يطلع حقك هذه الأمور في كل محافضات العراق وكل العراقين يعرفون وإذا أتريد تعرف روح يم دائرة الطابو أو البلدية وراح اشوف العجائب
قسم الموانع وزارة العدل ...عندي معاملة تشابه اسمي مع شخص اخر من موردي الكويت المعاملة صارلهه سنتين بين الهيئة العامة للضرائب وقسم الموانع بوزارة العدل حيث تطلب الضرائب من قسم الموانع تزويدها بصحة صدور كتابهم والموانع تعتذر واني المواطن البسيط حاير صار سنتين ماأعرف وين اولي وين اطي وجهي
