تحية طيبة ليك ختي والله أختي موضوع مهم راه حتى هد الوقت ماشي وقت الضايف راه عندنا الأزمة وهما عاد تيجيو عندك راه حشوما وماشي واحد ولا جوج من يوصل 5 حتى6 ونت وراجلك ولادك رآه حشوما ❤
الضايف يجيب معاه القفة ديالو عامرة ومرتو دخل الكوزينة ماشي دير رجل فوق رجل وشادة التلفون ونتي مني تنوضي ونتي في الكوزينة حتا هنا وحبس نقول أنا مسافرة ونضي نايضة
حبيبتي ام شريفة منورة كيف العادة وموضوع جميل الله يعطيك صحة عليه مسيرة موفقة انشاء الله وكيف لعادة كنهدي ليك قلب جميل بجمال قلبك اختي الكريمة تحياتي ❤❤❤❤❤❤❤❤❤❤❤❤
عندك الحق فبزاف ديال النقط و لكن لي بفات تحافظ على البروتوكول ديالها قدام الضياف را مغتقدرش تبيع السلعة لجارتها. مغترضاش. و بالتالي ضروري يبقى تحتنا شوية الفلوس عوض نديرهم كلهم سطوك و نرجع نبيع😊
كلامك معقول اختي الضيف تلت ايام نوجد الشهيوات انزيد من المصروف من بعد صافي نولي نطيب عادي غير نكتر الكمية باش اقدنا الطبق انكتر الخضر القطاني السلطات الزعلوك الطواجن هما لتينفعو تتكون فيهم البركة الكسكس الرفيسة الانسان اصبر انا الحمد لله قليل فاش تيجوني الضياف الا جا شي حد الغدا اكسكروط تيمشي الحمد لله اتانا منين تنمشي عند العائلة تنمشي نهار نبات نفطر صافي تنحشم نكلس شي حد مع الولدات تبارك الله وخا نتقداو ولكن هاد الزمان غلات الوقت
والله اختي مكذبتي انا العام لي فايت كنت عملية في الثدي والضيافة جاو عندي والله مدخل والو اوتهليت وبيتهم غير ايعاونوني في الشقا ونا مريضة والله من طبلة الماكلة لفابو ايغسلوه ويمشيو لبيت الكلسة ونا مريضة والله شي أعصاب شدوني وشديت لهم طوموبيل درتيهم لاسفي لراس لفعى و خلتهم لقهاوي وعند مالين الحوت في سيدي بوزيد او عرفتي شهر 8كلشي غالي ونا تنخسر مجبدو والو من جيبهم او زيد الخزف او كادويات من باب الشعبة والله خسرت ميزانية تا كلمة شكرا سمعتها ونا محتاجة لف وس لي خسرت الحمد لله كلامك صحيح