حبيبنا الله يسعدك، أول شي ما شاء الله تبارك الله، الله يبارك لك فيه ويعطيك خير ويكفيك شره. كرما وفضلا وليس أمرا نبغى أسماء وروابط شراء الإكسسوارات الداخلية.
حبيبي الغالي الله يباركلك اول شي ثاني شي عندي استفسار : كم مقاس الكفرات والجنوط + هل يحتاج رفع للموتر او لا وهل يحك معك الكفر بالمطبات واذا لفيت كامل الدركسون؟ شكراً لك وتعديلات حلوة ماشاء الله
الله يجزاك خير يارب ، بالنسبة لمقاس الكفرات 215/90/15 كفرات من نوع بوالين شركة فيرا وبالنسبة للرفعة 2 أنش ومافي أي إحتكاك بجميع التضاريس وبكل الوضعيات ..
اليوم الثلاثاء، 3/ 1 /2023، عند الوكيل نجيب اوتو موديل 2023 ولد العيسى وكيل شفر سابقا القير عادي = ستاندرد = 94 الف ريال أما 2022 = 88 الف ريال عرض القير اوتوماتيك = فل = 105 ريال أما 2022 = 99 الف ريال عرض ومن تجربة شخصية وعلمية وقوية من استخدام جيمني سوزوكي (والساموراي سابقا) 2016 عند الوكيل 43 الف ريال 2017 وصل 64 الف ريال 2022 عند لمعارض الجديد نجيب ب 120 الف ريال هندي الصناعة عندي 2015 اسود عرض عند معرض عماد الدين بالرياض مخزن كان سنة من إنتاجه ب 37 الف ريال خليجي قير اوتوماتيك فل كامل .......استخدام يومي داخل المدينة فقط للعمل مع مشاويير خفيفة مشكلة العزل تم إضافة لباد عازل تايون ارضية كاملة وسقف وباب وتكاية تفصيل مكتوب هولدر واي سؤال جاهز صرفية الاستهلاك : 10 كيلو / 1لتر فعلي أما بطاقة الطاقة جيمي فل 16 كيلو / 1لتر جيمي استاندر 17 كيلو / 1لتر مكينة صغير جدا وفيه حنه صوت بعد سرعة 100 فيه تموج على سرعات عالية وغير جيد في الثبات مكيف جيد مع المشي لكن عند الوقوف سئ في البر خفيف جدا لذلك مناسب لكن مراقي لا المراتب الخلفيه ضيقة = اطفال فقط استخدام التخزين الخلفي صغيرة
الله يجزاك خير ، بالنسبة للمثبت أسعاره تتراوح مابين ٢٣٠٠ إلى ٢٦٠٠ وبالنسبة للتركيب موضوعه سهل جداً وفي شباب مسويين شروحات باليوتيوب عنه أن شاء الله بيفيدونك بشكل أوضح مني ..
الله يجزاك خير ، بالنسبة للسعر هو فعلاً سعره مرتفع حالياً بحكم أزمة السوق الموجودة عندنا وعدم توفير كميات كافية من السيارات وزيادة الطلب على السيارة ..
الله يوفقك وييسر امر ويرزقك ويغنيك من كرم جوده وواسع فضله على العموم يكفيك ان شغلك على سيارتك الله يبارك لك فيها شد انتباهي واعجبني وخلاني ابحث عن اسعار مثيلاتها الله يعطيك خيره ويكفيك شره وواصل في طرح محتويات تفيدوتستفيد مثل محتواك هذا تحياتي
تغطية مميزة وياليت فيديو مميز آخر عن تجربة الموتر في الطرق الوعرة الجبلية غير الرملية حتى تكون القناة اول قناة عربية (خليجية) تغطي تجربة الجيمني في صعود التلال الوعرة (الغير خطرة) . لان كل الفيديوهات لشباب دول الخليج تجاربهم في الرمل والصحاري والطعوس حتى صارت مملة من كثرتها ، وناسين الجبال وهي رديفة بحارنا ورمالنا في ديارنا .. وشكرا .
الموتر قوي فالرمال والهدف منه قوة فالرمال وتوفير بنزين بنفس الوقت بالمدينة هو كيذا هدف تصنيعه أما التيربو راح يلعب بالمعادلة هاذي وبالنهاية أنا ما أبحث عن زيادة أحصنة السيارة لأني مرتاح فيها بحالتها كيذا وأستخدام يومي بدون صناعية وعوار رأس 👍🌹
الأوتو 108,000 ألف .. اللي هي الفل أوبشن GLX القير العادي 98,000 ألف .. اللي هي الفئة الأقل GL هذا أخر خبري بالأسعار حسب معلوماتي بس تأكد من الوكالة أفضل ..
@@ipropositional تقريباً التكلفة الأجمالية قريبة من تكلفة سعرها بالسعودية ولكن وفرت حدود ٦ الأف ريال .. وغير كيذا المواصفات اللي تجي من وكيل قطر اللي هي الكاميرا الخلفية مع شاشة الأندرويد وأيضاً مافيه عندهم سياسة الأنتظار بالشهور على أساس يتوفر اللون المطلوب .. وكالة السعودية حسب اللي شفته أنتظار فترات طويلة + مواصفات أقل وفوق كيذا سعر أعلى .. وانت بالنهاية لك الخيار اللي يناسبك ..
@@Modcars98 ماشاء الله الله يبارك لك يارب اتمنى تنزل مقطع عن اداء المساعدات فالبر والشارع وهل فرقت معك فرق كبير او لا وعندي استفسار تجي بفرار تحكم قساوه اولا ؟
@@عبدالرحمنالهامليالمطيري أبشر ، أن حصل وقت بسوي لهم تغطية وشرح كامل بأذن الله ، بالنسبة للفرار أعتقد يوفرونها على حسب الطلب اللي عندي اللي هي الستاندر الزيت اذا تبي فرار يوفرونها لك ولكن الأكيد ان السعر راح يرتفع وترا في خيارات كثيرة بالمساعدات بالنسبة للجمني .. لانه الكنق غالباً Out of Stock لاني كلمتهم قبل فتره ابي مساعد دركسون كنق وقالوا لي أن الكنق حالياً منقطع .. لكن تواصل معاهم وان شاء الله يفيدونك أكثر بهالموضوع
@@Modcars98 ابيض وجه وماقصرت انا مركب مساعدات بلاك رابتر فيها فرار وافضل من الوكاله بكثير بس يوم شفت الكنق الصدق انصدمت ماتوقعت فيه مساعدات كنق على الجمني وتحمست اشوف اداء المساعد
@@عبدالرحمنالهامليالمطيري الكنق بالفتره الماضية كانت متوفرة بكثرة ولكن الان طلعت شركات منافسة كثيرة بنصف السعر وأقل فلذلك العموم توجه للشركات الأخرى بحكم السعر ولكني ماحبيت أجرب شي ومايعجبني فأخترت الجودة والشي المعروف لأنه بوجهة نظري الكنق أفضل مساعد والباقي كلها صفر عالشمال مقارنتاً، فلذلك دامك دفعت و تكلفت وعاجبك أداء المساعد البلاك رابتر نصيحتي لك انه أستمر على نفس الخلطة ... ولكن أن كانك تسألني عن أداء الكنق بطل بالحيل جربته بالبر ووبالحفر والمطبات وكل شي مساعد فعلاً أسم على مسمى ما ودي أطبل بزيادة ولكن مساعد قووي من الاخر 👌وقريباً بأذن الله أن حصل وقت رتبت طلعة للبر وبشرح فيها جميع الأمور هاذي خلك متابع للجديد بالقناة وأن شاء الله أني أقدر أفيدكم .. 🌹
