احسنت السلالة والتغذية الصحيحة للامهات وللبهم بحيث تكون الحبوب ٢.٥ ٪ من حجم البهم يعني الطلي اللي وزنه ٤٠ كيلو تعطيه كيلو واحد فقط يحقق نسبة زيادة ١٠ كيلو في الشهر وان شاء الله بنسوي تجربة وبنعطي البهم حبوب بكمية اكبر يعني تكون في المعلف طول اليوم وبنحسب الزيادة في الوزن والزيادة في المصاريف ونقارن بينها
السلام عليكم الراس الواحد كم كيلو يأكل باليوم من الفطام الى الذبح ونسبة الشعير سمعت انها عبارة عن الثلث والثلثين الباقيين برسيم صح ام خطاء ارجوا الرد يا عزيزي
تبي عن نصيحه خذلك برميل كبيرر وحط فيه كيس ذره وكيس شعير وكيس قمح واخلطها لين تختلط مع بعض ثم عط حلالك المقدار الي تبي ولاتنسى تحط مع الخلطه ملح عشان الاملاح تستفيد منه الغنم
السلام عليكم هل اذا اعطيت الطليان علف 100/5 خمسة بالمية من وزنها هل فيه مضرة وهل الخبز اليابس ونخالة القمح فقط يصلح لتسمين الطليان وهل الطليان في الشتاء البارد يكون زيادة وزن اللحم طبيعي ام يكون اقل
عليكم السلام ورحمة الله وبركاته العلف اذا كان الحلال متعود عليه مايضره وفيه مربين يخلون المركز والشعير ناقع في المعلف ولكن مكلف ماديا مع ارتفاع اسعار الاعلاف. ٥ ٪ من وزن الطلي اذا كان ٤٠ كيلو يطلع ٢ كيلو جرام من الحبوب وهذا عادي جدا ممكن ياكله الحيوان . بالنسبة للخبز نعم يستخدم للتسمين عند بعض المربين ولكن ايضا الخبز يضر الحلال اللي مو متعود عليه. الشتاء في الاماكن الباردة يقل فيه شراب الماء واذا قل الشراب يقل الاقبال على الاكل .
الرودس والتبن اعلاف مالئة وتساعد على الاجترار ولكن مافيها فائدة في التسمين حط منها كميات قليلة وكثر من الشعير ومركز بروتين ١٨ . يعني لو عندك ٥٠ طلي اعطيها سطل ونصف شعير وسطلين مركز وربع تبن وربع برسيم كافي جدا اذا اوزان البهم في حدود ٣٠ كيلو او الاعمار الاقل من ٥ اشهر وتقسم الشعير الى وجبتين الصباح والمغرب والظهر ممكن تحط التبن في المعلف وتنثر البرسيم فوقه. حتى في الغنم ترى اللي تدفعه في التبن والرودس لو تحط مكانها شعير او مركزات افود منها وفيه مركزات كثير ارخص من الشعير ونتائجها جدا ممتازة عندك مركز الصوامع ب٦١ ونصف ٥٠ كيلو وعندك شركات تبيع ب٥٨ ريال و٥٩ ريال حتى وانا كان التبن والرودس ارخص منها ولكن تجد الزيادة قليلة والنتائج افضل بكثير جرب شهر وشوف بنفسك
عليكم السلام ورحمة الله وبركاته اذا اشبعتها شعير بتزيد في حدود ٨ كيلو الى ١٠ كيلو للاوزان فوق ٣٥ كيلو (عمر ٤ و٥ اشهر) اما الاوزان الاقل من ٢٥ تكون الزيادة اعلى (اعمار ٣ اشهر) والحلال يختلف النعيم والنجدي اعلى
الخلاصة لا تعلف البهم المعزول بروتين ٢١ . استخدم علف الشعير وبروتين ١٨ مع بعض .حسب وزن الحملان: ١/ البهم اللي يرضع اعطيه من ٢٠٠ جرام الى ٧٠٠ جرام عند العزل عن امه ويكون العلف شعير وبروتين ٢١. ٢/ الحملان عند العزل تستخدم بروتين ١٨ مع الشعير وتزيد لها الكمية بشكل تدريجي على وتقسمها على وجبتين الى ان تصل كيلو واحد بعد شهر من العزل. ٣/ اذا وصل البهم عمر ٥ اشهر تزود الشعير والمركز الى كيلو ٣٠٠ جرام .
