نفس الثانوي بالنسبه (لمسار المقررات) بدون قدرات وتحصيلي ،احس لا… الثانوي فيه تساهل اكثر الجامعه فيه ضغطط اكثر ومذاكره اكثر ولكن اتفق معك امتعمن الثانوي وبيئه غييير وبالنسبه لي الحياة الجامعيه افضل بمراححل من الثانوي،،والجامعه تركيز على شي واحد اما الثانوي صعوبتها بالنسبه لي هو التشتت! ولكن ايه الجامعه احلى من الثانوي وحتى لو فيه ضغط.
@@nextr7711اي اكيد المذاكرة الصراحة اصعب كانت ويبغا لها اول باول لان يادووب نلحق ، بس كنت اقصد الصداقات بالجامعة نفس الثانوي تقريبا يوم يقولون بالتيك توك الجامعة مافيها صداقات وكلهم مصلحه ومدري وش الصراحة باول الجامعة كنت حاطه الفكرة ذي براسي بس يوم شفت الواقع بالعكس ! كل البنات لطيفين والكل متعاون وبالعكس شفتتت كثيرر معاهم صديقات باول الترم وصارو مع بعض بالترم الثاني واذا تعرفنا على احد جديد خاصه لو كانت ذي البنت اجتماعيه وتساعد الكل مثلا في العملي وكذا نحاول نساعدها نفس ماتساعدنا ودايم يكون بينا سلام وسوالف لمن نشوفها❤
بالمناسبة بنات حركة انك تسحبين ورقه عشوائي وتختارين الشي الي فيها هذي حرام واسمها الالزام ابحثوا عنها، اعرف انها مو بالضبط نفس الي ذكرتها بالمقطع لكن للتنبيه
الله يسعدك وييسر امرك فدتيني بشكل كبيررر ❤❤❤❤ كل من تشوف كلامي ادعوا لي تكفون اقبل مسار صحي بنوره هالسنه انا من برا المنطقه واشوف كثير يقولون صعب الله ييسرها 😢
انه من العراق وتقريبًا نظامكم مختلف عن نظامنا شويه، بس النصائح حلوه ومفيدة وخاصةً طريقة القرعة ان شاء الله أرجع سنة 2026 وانه جايبه المعدل الي أريده ، ادعوا لي وان شاء الله لكم بالمثل ❤
انقبلت في كلية الحاسبات وكلية إدارة الأعمال والاقتصاد وكنت محتاره مررره بينهم واستشير واسأل لين بعدها بيومين جاتني ضيقه اعوذ بالله من فكرة اني ادخل حاسب من كثر ما الناس قالولي انه صعب ومٌجهد ويبغاله مجهود عاليييي وطولة بال مره مره خفت اني مثلاً ادخل حاسب واحمل ماده بعدين حسيت موضوع اني ادخل هذا التخصص ثقل على قلبي مع ان موزونتي عاليه ما شاء الله إلا اني حسيت ان هذا التخصص مو لي فا اخترت إدارة أعمال حسيته اقرب لي مع ان التخصصين مره رهيبين ولهم مجالات وظيفيه فنانه لكن سبحان الله صليت استخاره وحسيت قلبي مستثقل الحاسب وألغيت قبولي فيه وانقبلت إدارة ومبسووووطه الحمدلله وراضيه أتم الرضا مع ان لما ألغيت قبولي كل صديقاتي نقدو علي وأهلي بعد وكانو مستغربين مني تنقبلين بالحاسب وتدخلين إدارة أعمال؟؟؟ ولكن ما اهتميت لكلامهم واخترت الشيء المريح لي والأنسب لشخصيتي وقدرتي🙏🏻 نصيحه مني لا تهتمون لكلام الناس فمستقبلكم اختارو الشيء الي تحسون ربي كاتبه لكم واختاره لكم وتحسون مرتاحين بفكرة دخوله
تكلمي عنEnglishوهل عائق اني ماادخل صحه او يمدي اجيب درجات كويسه او لازم تكون لغتي مره قويه وهل جامعه الاميره نوىه تحتاج لغه قوبه لأن مستواي مو مره كويس بالانجلش ردي علي بالتعليقات تكفينننن ؟؟؟؟!
اتكلمي عن كيف نذاكر بالتحضيري خصوصا الصحي وهل اللغه تكون عائق و كيف يشرحون الدكاتره لان شفت بالتيك البنات يقولون جامعه نورة صعبه وان ماقدرو يدخلون التخصصات الي يبونها خوفوني مره
استفدت من نصايحك قولو لنا اكثر عن الجامعه كيف نظام المذاكره فيها وش التطبيقات الي يكون فيها المحاظرة بس شكرا من قلب استفدت بخصوص اني م اعرف للجامعه ولان ماعندي اخوات اكبر مني اسالهم 🩷🩷
اخ دقرت عند كلامك يوم قلتِ إن نسب القبول كل سنة بتكون متفاوته مارح يكون فيه فرق شاسع، مع الأسف مع قرار إلغاء الأولوية هذا اللي صار، التمريض السنة الماضية وقف على 85 وفواصل وهالسنة 91 وفواصل!😞
طيب انا بثالث متوسط طالبين مننا نختبر نافس مع وزارة التعليم غير كذا انهم ودينا جامعات علشان تختار تخصص وانا اخترت تمريض سجلت في جامعات نوره وقبلوني غير كذا اختبروني اسئلة انا ماكنت متوقعه انها كذا لكن انا مستغربه انهم قبلو الي في المدرسه وحنا باقي ثلاث متوسط.؟ ابي تفسير.
انتظروني برجع للمقطع في 2026 قبل تقديم الجامعات ان شاء الله ، ابي سعودد ابييهااا يارب يارب ارجع للتعليق وانا فيها اخخ اما فيها او ابتعاث ، وانا القدرات حتى باقي ماذاكرت له يارب يسر اموري
انا انقبلت بالجامعة وافكر انسحب من كثر ماداخلي شعور خوف،مو قادره اسيطر عليه ابداً ولا قادره اتحداه مع ان التخصص حلو والجامعة حلوه بس نفسياً مو قادره اتقبل اني بدرسها وبنضغط فيها وخايفه جداً جداً،ياليت اللي قد مر عليها هالشعور تعلمني كيف قدرت تتخلص منه لانه مو طبيعي احس
بكل بساطه غيري تخصصك الي انقبلتي فيه واضح انك مو مرتاحه بفكرة دخوله وتحسين انك مو قادره عليه ومريت بنفس تجربتك وكتبتها هنا فالتعليقات وصليت استخاره وارتحت الحمدلله
السلام عليكم أنا انقبلت في نوره مسار صحي بعد توني شفته، بس أنا ابغى طب وماابي غيره ، هل صعب ؟ لان سمعت ان المسار الصحي في نوره مرة صعب ويدخلوا طب فقط معدلاتهم جدا عاليه ووحدة اعرفها كان معدلها 4.8 ولا انقبلت طب، ردي علي عشان اعرف أأكد الطلب او وش اسوي 🥹🥹
اذا كل التخصصين تحبينهم قارنيهم مثلا الراتب او المستقبل او البيئة او انه مطلوب مستقبلا ولا لا او مثلا مين اسهل ومن ذا الكلام و اتوقع ان الهنيه مطلوبه لاكن تاكدي و اله يكتل لك الي فيه خير
هاي حبيبتي انا ودي اسئلك عن جامعه انا وافده وابغى ادخلها دام في واحده لبنانيه دخلت جامعه وودي أدخلها +انا الحين ثالث ثانوي وودي اقدم على جامعه الاميره نوره بن عبدالرحمن هل اجنبيات يقدرون يدخلون جامعه ام فقط سعوديات
مرحبا ياريت تجاوبيني او احد يساعدني لان ضايعة🥲واني اسئل ومحد يعطيني الجواب اني عراقية ودرست كملت بتركيا وان شاء الله بعد كم يوم مسافرين على السعودية وريد اقدم على الجامعة شنو الاوراق المطلوبة ولازم اختبر القدرات ولا في اختبار ثاني وكيف اختار تخصصي هل حسب علامة الاختبار ولا شهادة ولا شو؟ ومتى موعد تسجيل الاختبار !والجامعات اتمنى تجاوبوني وشكراً لان اذا خرجت من تركيا ما اقدر ارجع اخذ اوراق عندي منع 5سنين وماعندي احد بالسعودية اسئلة 🥲
@@NJOOD-yo5ip بالتحضيري بتدرسين انقلش لحاله كذا قواعد ومدرس وش تاسيس عشان يدربونك وياسسونك غالبا لان موادكم اللي بتاخذونها بالانقلش وكذا بس الافضل افضل شي تاسسين نفسك من الحين نصيحة والله لان مرره متعب تخيلي اني درست بالتحضيري انقلش ومااحكي لك التعب خصوصا اني مب مره شاطره وعندي انقلش يعني فيه ويادوب اعرف فيه بس نجحت بالتحضيري وعديته الحمد لله يارب وتخيلي بالترم الاول والثاني بس شفت كثير بنات ماعدووه وحملو المادة والحين جالسين ياخذونها صيفي بس انتي تبغين طب وغير عني بيكون الاغلب الكلام انقلش مستحيل يعني بتلقين عربي الا في بعض المواد العامه زي العربي ودين وتاريخ وجغرافيا وكذا ذي مواد عامه اللي ماله دخل بتخصصك وفيه غيرهم على حسب كليتك وش تنزل مواد عامه لكم المهم ونصيحتي لو مو مره شاطره حاولي تدخلين معهد او شي تقوين لغتك لو حابه انك تعدينن بسهولة ولو كان شوي صعب عليك التحضيري عادي ادخلي مع خصوصي مره يساعد ترى وذاكري اول باول وبالتوفيق يارب ويارب تنقبلين بالتخصص اللي حابته والجامعة مره حلوه وتجنن ماشاء الله ولاتسمعين كلام اللي يحطمون لان كذابين صح ضغط ويكرفونا كررف كررف في الواجبات وفي العملي والكويز والاسايمنت والبرزنتيشن وكل شي بس عادي هي كذا الحياة مافيه شي سهل كلها على بعضها كذا سنة وبنتخرج وبتهونن ومعليش طولت اسفه بس حبيت افيدك لان تذكرت نفسي يوم كنت اسال الكل وكانو يفيدوني وابغا افيدكم نفس يوم كنت مكانكم 🥹😭😭😭❤️