إجا الصيف وكتير منكم ناوي السفر قريباً لتمضية إجازة ممتعة. مشان هيك رح اعطيكم ٥ نصائح قبل السفر
١ من الضروري استشارة الطبيب للتأكد إذا كنت بحاجة لأخذ بعض اللقاحات أو دواء للوقاية من الملاريا
٢ لازم تأخذ كل أدويتك بشكل كافي مع بعض الادوية الأخرى متل البانادول أو البروفين للصداع او الرشح. كمان دواء للإسهال مع مضاد إذا صار معك التهاب أمعاء. وإذا كنت مسافر برحلة بحرية فلازم تاخد معك دواء لدوار البحر
٣ ما حدا بيحب يصير معو تسمم غذائي أثناء السفر، مشان هيك من الضروري غسل الأيدي أو تعقيمهم دوما قبل الطعام مع تجنب المأكولات غير المطبوخة خاصة من المطاعم الشعبية والأفضل شرب المياه المعبأة فقط خاصة في المناطق النائية يللي ما عندهم رقابة صحية جيدة
أما في حال السفر الطويل بالطيارة فعليك شرب الماء بكثرة وإجراء تمارين رياضية للقدمين لتجنب حدوث جلطة بالقدم
وأخيرا لا تنسى أن تاخد معك نظارات شمسية وقبعة للرأس والمراهم الواقية لتجنب حروق الشمس. بتمنى لكم جميعا إجازة سعيدة
Video shot by Galia Helbaoui and edited by Amer Helbaoui
28 июн 2023