يا ريت يا حبيبتي تعرضي مشكلتي انا فاتحه محل صغير اتعملت مع محل اسم الصياد في اول الموسكى اخذت منه 18 فستان اتفاق معايا اللي ما ينفعش معايا ارجعه او استبدله ولما رجعت له بخمس فساتين عاملني معامله سيئه جدا ورفض استبدلهم أو يرجعهم
على فكرة سنتر شاهين كدة بردة شوية حرامية حاولت ارجع جهاز فرم لحمة ومرديش يرجعة قال لية إحنا مش هنرجعة علشان مافيش العلبة رغم هما عارفين إن العلبة كانت مستهلكة وقفلوها بالسلوتب وقلت لهم هروح لحماية المستهلك قالوا ليه روحى واضح انهم مش بيهمهم من الحكومة ومشين حالهم والمكان هو سنتر شاهين اللى فى دار السلام المعادى
إتصلي بحماية المستهلك كدر محترمين وبيتابعوا معك وبيحلو المشكله .. عن تجربه اشتريت مبرد مياه وكان فيه عيب والمحل أرهقوني كلام وبعدين ما سألوشى في .. وعلى فكره كان برده تصوير من قناة مملكة حواء على اليوتيوب وبالرغم من اني كنت بحترمها إلا أنها تجاهلت رسالتي بالشكوى وما ردت علي .. لكن حماية المستهلك جهه محترمه وناس بتشتغل بضمير
انا بنزل واصور بس بتأكد والله من صاحب المكان أنه يلتزم بكلامه ويأكد علي عشان في ناس من محافظات بتيجي و لازم يكون الكلام في مصدقيه وربنا يعطي كل واحد علي ادا ضميره
لا والله عمري ما اغلط في حد خالص انا بمشي قانوني و بقوله شكرا لذوقك اكتر من كدة لأ للأسف الضمير قل و القرش الحرام نار في البطون الواحد ماشي بما يرضي الله توبة الواحد يروح الأماكن دي تاني أو يصدق دعاية
على فكرة انا مش بحب اعلق على او مواضيع بجد بس بصراحة حضرتك بتكلمى صح اووى وياريت الناس تاخد بالها وانا لسه من كام يرم حصل معايه حاجة مشابها كان فى اكتر من قناه منزله عن عروض صيدناوى تخفيض ونزلت انا وبنات قرايبى نجيب ولقينا الاسعار مختلفه تماما وربنا يعلم ان الفيديو كان لسه نازل عشان بردوا اصحاب القنوات اللى بيقولوا لا انتو بتروحوا بعدها بصراحة تحسى ان اغلبهم بياخدوا فلوس او بيصوروا وخلاص عشان المشاهدات اللى عاوزة اقوله انى شفت بنات جايه من محافظات ومستغربين وطبعا اشتروا لانهم مش هيرجعوا بلدهم من غير ميجيبوا ياريت الناس بس يراعوا ربنا عشان الدنيا مش دايمه لحد
صح جدا بيعملوا كدة عشان اعلان ممول لكن اللي زي حالتنا عمر ما الفلوس تغير ضميرهم و حرام الناس شقيانة و يا ريت الفلوس بتقضي كمان تروح عليهم بلوشي و محدش يكلم والله ما يحصل ابدا طول ما بنخاف ربنا
انا كنت جيبا غساله يونيفرسال ومهندس الصيانه رفض يشغلي الضمان ويركب الغساله علشان فاتورة المحل مش ضربيه كلمت حماية المستهلك وفي خلال اسبوع الغساله اشتغلت
انا فعلا قولت كدة و هو استهزاء كان فاكرني مش عارفة القانون و سيبت في الفيديو كلامه و هو مش همه لما عرف اني جادة رجع الفلوس لكن دي توعية للناس عشان يعرفوا قلت الاحترام للزبون
جزاك الله الف خير انا اختك من اليمن اتنصب عليا،اخذت بضاعه من صلاح عتبه وطلعلت زباله وردئه جدا غير انه اتلاعب علينا بالمواعيد،انا خليت ابن اخويا كان موجود بمصر ونزلي البضاعه لاسف البعض بيروج اي كلام
مفيش ضمير عشان كدة عرضت تجربتي لزيادة الوعي عند الشراء و السؤال و عدم تصديق بضاعة اليوتيوب الا لما تشوفي بعينك حبايبنا أهل اليمن و قلوبهم الطيبة نورتوا مصر يا أهل الكرم
احنا جبنا من شركة النور واتنصب علينا وقعدوا يماطلوا معانا لمدة اسبوعين ولما روحنا اشتكينا اتضح ان هما مأمنين نفسهم بحيث ان يكون مفيش محاسبة قانونية عليهم
هو غريب أنه ما يرضاش يرجع بس خليني اشهد بحكم اني اتعاملت واشتريت منه الوان سايز بيبقى غالبا أكس لارج ٧٥كيلو وبما أن هو يتميز بالشعبي والخامات الرخيصة الاسعار جدا ففعلا فيه زبون لا يهمه الا السعر القطن ده انسيه خالص مهما تسمعي فيديوهات نادر قوي لو لقيت القطن قطن فليه لم يسمح لك تفتحي الكيس تعايني المقاس طيب ؟
علي فكرة كلامك صح حسبي اللة في كل الناس لي بتعمل فديوهات مول صدناوى دول معندعمش ضمير أنا بتاجر من اسوان وحصل أنا لقيت بيجمات فيها عيوب اشرف البورسعيدى في مول صدناوى برضو عمل معاية كدة كلهم معندعمش ضمير
بصراحة دي تجربة علمتني مروحش تاني مول صيدناوي و لا العتبة كلها و ان الفيديوهات الممولة من اليوتيوبر معظمها كذب عشان كدة حبيت اوعي الناس تسأل الأول و الأفضل ميروحوش حفاظا على كرامتهم
السلام عليكم ياريت حضرتك تذكرى اسم المحل فقط الذى حصل فية المشكلة مش المول كلة لان المول ملئ بالمحلات الكثيرة منها الكويس ومنها السيئ مش معنى انة حصل لحضرتك مشكلة فى المحل دة بيكون كل المحلات وحشة وانا نفسى اول معرفتى بالمول كان فى هذا المحل واشترءت ٢ بيجامة وكان فيهم عيوب واستعوضت الله فيهم لكن استمريت فى الذهاب لمحلات تانية فى المول والحمد الله بالتجربة عرفت الكويس وشكرا
معلش حضرتك الغلطانه من الاول عشان حضرتك بتفتحى البيجامات والمقاس بيبان مناسب والا لاء وفعلا فى اماكن زيه كده بترفض سياسه الاسترجاع والاستبدال كان من النفروض حضرتك تسئلى من الاول لو الحاجه مطلعتش مناسبه ينفع ارجعه والا لاء
كلام مرسل لان القانون محدد و واضح اي محل يسترجع منه و يستبدل ما دامت البضاعة سليمة خلاف الملابس الداخلية و اللي ميمشيش بالقانون يستحق العقاب و الغرامة الغلط على البائع و ليس العميل و هذا في جميع الدول ليس هنا فقط إنما اسلوب البلطجية و عدم احترام العميل دي من دماغهم. أشكرك على التعليق
انتي غلطانة، انتي في الوطن العربي يا امي! ازي تاخذي حاجة و متفتحيهاش و تتاكدي منها تماما. حتى لو اشتريتي 5 او 6 قطع لازم تفتحيها كلها وتتاكدي من قطعة قطعة، ك مقاس و متكنش مضروبة!! انا حصل معي والله نفس الشئ! دخلت اشتريت فنيلات من محل ف هو فتح لي قطعة واحده وبعد ما تأكدت ان القطعة مضبوطة، طلبت 3 قطع اخرى. ف هو اعطاني ال 3 قطع، فطلبت منه ان يفتحها كلها عشان اتاكد! ( نظر البائع لي بصورة كاني انا اخونه) و الله في القطعة الثانية لمن فتحها شفت فنيله نوع آخر ومقاس مختلف خالينها في كيس فانيلات النوعية اللي انا كنت عايزها. ف لهذا لا تعطي الثقة مطلقا لهم.. لانه لو خجلتي في البداية ستندمي في النهاية..لازم اي شئ تقومين بشراءه لازم تفكرين 100 مرة كيف يمكن ان يخدعكي البائع عشان تتجاوزي اي مشكلة مستقبلا..
فعلا حصل معايا وانا حامل نزلت اشتري لبس من عنده وكنت تعبانه واشتريت برقم وواحده كانت عامله فيديوهات عنه بالأسعار واشتريت منه وروحت البيت اكتشفت انه مزودلي في الاسعار ومش كده وبس انا اشتريت أغلى حاجه بناء على اجيب خامات نضيفه لاني اتصدمت الحاجه ردىئه جدا مقدرش ادفع فيها وقولت مش مشكله اجيب الغالي اكيد كويس جبت ترنج ب٣٧٠ بجد يقرف وطبعا كانت تجربه سيئه فعلا الناس بتاعت الرفيوهات غير امينه وبالذات الشخصية دي لاني بردوا صورت في مكان تاني وكانت بتمدح في الحاجة الرخيصه اد ايه فظيعه وهي بشعه
حرام عليهم يضللوا الناس الفلوس مش جاية من الهوا و مفيش قرش حرام ينفع عشان كدة لازم نقول بأمانة على تجربتنا سواء شراء أو مطاعم الناس شقيانة و الحاجة غالية
انت غلطانة المفروض متستنيش اذا كان حيديكى الفلوس ولا لا المفروض تروحى تبلغى حماية المستهلك وكدا كدا حيجيب فلوس وكمان حياخد اجراءات معاه وكنتى كدا حميتى ناس تانية ميحصلش معاها كدا ناس ممكن ميعرفوش يعملوا او ناس مشفوش الفيديو بتاعك كنتى بعدها عملتى الفيديو وخليتى الناس تعرف تاخد حقها لكن كدا خليتيه يستمر فى اللى بيعملوه
كلامك صح والله الواحد مبيتعلمش ببلاش عشان كدة نشرت الفيديو عشان الناس تعرف حقها حرام الحاجة غالية و الناس شقيانة و ربنا يعلم بحال الكل بدل ما يحترموا الزبون يقلوا منه حسبي الله ونعم الوكيل
انا فعلا كنت رايحة و هو لما استهزاء بكلامي نزلت الفيديو عشان اوعي الناس على قلة الذوق اللي في مول صيدناوي كله مش هو بس و ان لازم الناس تاخد بالها كمان قلة الذوق اللي اكلم بيها معي كانت وحشة دي هدفي من الفيديو لكن لما عرف اني عارفة القانون كويس رجع الفلوس دي تجربتي حبيت انقلها عشان الوعي
مفيش قياس حببتي في المولات الشعبية و دي وان سايز و انا بكلم علي اسلوبه الغير محترم و انه بيستهزق بحماية المستهلك و مفيش اي محل مش بيرجع دي قانوني لكن يظهر القانون ملوش أعتبار
