البيت شلون اطبة وامي مابيه
غيرج منهو أكلة النوب يمة
أشوف ألدنيا كلها وانتي باالبيت
من دونج تصير الدنيا ضلمة
ألليالي وياج جنهة اوياي لحضات
عطرج كل مكان اكبالي أشمة
أشتاك الكلامج والحجي اوياج
طاري أسمج علية يصير نسمة
لاترحين أكلج فدوة ارجوج
عمري آنة اعلى عمرج هسة اسلمة
أحجي اوية الكبر واتعاتب اوياه
جسد امي أبصلافة اشلون لمة
عليك الله أنتضر خلي احجي وياك
وية امي ولو احجيلي كلمة
بلكي وياي تحجي اسمع ألصوت
أكلها ارجوج أحجي اوياي يمة
يمة ألبيت صحرة اخلافج ايصير
سكف ابلاعمد محد اليلزمة
عمت عينج يعيني ليش تبجين
انة عيني ابغيابج كون تعمة
لأن كلشي بحياتي أنتي والله
حرف اسمج اروحن فدوة لأسمة
جن صوتج الهسة باأذني موجود
دللول الولد بس آنة افهمة
عفتيني ومشيتي وماتردين
مو تدرين الية أتكون صدمة
يل رسمج براءة ابأجمل ألوان
بس الله العرف رسمج يرسمة
أكلف ناس بسمج تكتب أشعار
ولاشاعر تجرئ كتب كلمة
جابو طاري اسمج والدمع سال
مايدرون اأنتي من الله رحمة
تروح أشلون ترهم ردو ياناس
رضعتني بصدرها وهاي ذمة
أتذكر كلامج وانتي تحجين
حفضت آنة السوالف كلمة كلمة
21 сен 2024