يعطيك العافية يامعاذ التصميم جميل والفكرة حلوة لكن في بعض الملاحظات اللطيفة يلي اتمنها انك تتقبلها بكل محبة البحر ماله علاقة بدمشق لهيك من غير المنطقي تستخدم انفايرومينت بحر في هيك مشروع الشغله التانية الهدف من التصميم والفكره فقط يخص النفق والساحة لكن انت بطريقة عرض المشروع الواسعه والغير مخصصه رح يتشتت نظر الشخص المتابع للمشروع ويفكر انو المشروع اخد فكرة المنطقة كامله وليس النفق والساحه على وجه الخصوص هلق النفق والساحة كان بالامكان يطلع بشكل اجمل لو كان في اضافة بعض التفاصيل وتغيير وقت العرض مع اضافة الاضاءه الليلية بالنهاية هاي وجهة نظر وبكل تاكيد وجهة نظري تحتمل الخطأ والصواب بالتوفيق ان شاءالله😊
أهلا وسهلا فيك و شكرا عالملاحظات القيمة، أكيد بقبل ولو، وكلامك صح بكتير نواحي، كان ممكن إضافة تفصيل اكتر، لكن الفكرة يلي ما وضحت كتير هية انو هاد المشهد يلي بالفيديو هو النموذج الجديد المطور من توأم دمشق الرقمي يلي عم ابني عمحرك الألعاب أنريل، فهو ماخلص لسا مع الأسف، عم انقل منطقة منطقة تباعا... لذلك شايف مساحة فاضية ضخمة تبدو انها بحر لكنها مو بحر، هي الكرة السماوية طالعة ومستمرة لتحت الأرض لانو في قسم المفروض يكون موجود ويغطي الفراغ، لكنو ماخلص، هلق من كم يوم صار موجود بشكل جزئي، لسا عم اشتغل عليه، هو القسم الجنوبي لمدينة دمشق، لسا في القسم الشمالي والشرقي كمان ماخلصو، اول ماخلص انشالله بنزل فيديو وشكرا كتير وأهلا وسهلا دائما و بأي فيديو