❤ امشيييت عزيزتي للمغرب...احكي الر راجلك على مراكش وهو اترجملهم...مراكش البني و لون البيوت والله امقلدين عليه مدينة كاملة في دبي...قالتلك سخانة ...ههههه/ ثريا من تونس
ناري. ههههه طيرتيني حتى كنت نقولها فنفسي ملي كنت صغيرة ونمشي عن شي ناس غرييبين وكنحشم يارب يحطو لي الخبر. او يحطو لي طرف كبير 😂😂😂😂😂😂 لعفو. هههههه. بقاي تاكلي عاد سير عندهم❤
قتلتيني بالضحك حتی دازو ليا الدموع 😂 غير نتي زدتي فيه شويۃ في المغرب ماكنحطوش شلاضۃ في نفس الطبسيل ديال المرقۃ غير بغيتي ضحكينا و صافي 😂 ايوا نتي راه دارو ليک بطاطا مصلوقۃ و اللحم و شلاضۃ أنا راه جا عندنا صاحب راجلي ديال الطفولۃ هو و مراتو و عمرني ماشفتهم و راجلي ماشافو عشرين عام جاو بيديھم خاويين حتی وردۃ ماجابوهاش و عرفتو آش صايبت ليھم😮 الكتف في الفران مع الخضر للي فورت و حمرتها في الزبدۃ بطاطا و خيزو و اللوبيا و البروكولي و زوقت الطبسيل و معاهم الباربا و شلاضۃ مغربيۃ ھادشي وجدتو مازال هوما ماوصلو و فاش وصلو حطيت ليھم مملحات كثيرۃ للي صايبت و ملي تعشينا حطيت تيراميسو للي صايبت مع حلوۃ بالكريمۃ..المهم جمعنا و نهار الموالي نزل في الصباح لقاني کنصايب في لمسمن و البغرير و حطيت معاهم الكرواصون و الخبز ديال الدار عمرت أتاي بالنعناع و للي بغا القهوۃ نصايبها ليه عندي المكينۃ ديالها..تخلع ملي شاف الطابلۃ عامرۃ..فطرو و مشاو بحالهم هوما ساكنين بعاد بزاف جات الفرصۃ و مشينا عندهم...عرفتو آشنو حطات لينا في العشا ؟؟ الصوبۃ ديال الكَرعۃ الحمرۃ و شويۃ ديال الفرماج 😮😮😮 كَلت ليھا ماكنشربهاش كَالت ليا راها زوينۃ 😂😂😂 حكيت كرشي و نعست و في الصباح حطو لينا طاس ديال القهوۃ مع الحليب دافيۃ و معاها مورسو واحد صغير ديال بريوش فقط..كَلت لراجلي عمرك ماتعرض عليھم ماعندي ماندير ببحال هاد النمادج... يومين و انا واقفۃ في الكوزينۃ علی قبلهم في الأخير تشربني الصوبۃ ديال الكرعۃ الحمرۃ ناعسۃ في سبيطار أنا 😂😂😂 صراحۃ حنا المغاربۃ کرما۽ و كنكبرو بالضيف كيف ماكان و مانمشيوش بيدينا خاويين..آه نسيت صايبت 3 شكيلات ديال الحلوۃ ديناهم ليھم مع باقۃ ورد حيت انا ماكنرضاش ندخل عند الناس الله كريم...سمحو ليا طولت عليکم 😂 غير قلبي عامر من جيھتهم و عمري کَلتها لشي واحد من غير خواتاتي بغيت نشاركها معاكم..ماتنساوش ديرو جيم و تقاسمو الكومونطير مع احبابكم 😂😂😂😂 غير ضاحكۃ
