الاخ او الاخت اللي تدعمني بغيت ربي يحفظها من كل شر ويعلي مقامها ويبعد عليها الشياطين الانس والجن ويخلي ايامها كلها افراح وسعادة ومسرات وبرزقها الذرية الصالحة يارب العالمين و يرزقها من حيث لا تحتسب
الله يعطيك الصحه اختي كنت واحد الوقت تبعت معاك ولكن مكملتش وحتى انا عندي ميزانية 1200درهم بغيت نوفر منها والو حدي الى كترت كنشيط مية درهم صرحة مكرهتش ند ير بحالك ولكن والو كنسا حتى كندوز فكولشي مبقيت عرفت منين نبدا بنسبة لعيد الكبير حنا كنعيدو مع دار ناسي معنديش فيه مشكل عفاك عطيني منين نبدا
حاولي ديري تحديات ديري تحدي شي ايام بلا بيض شي ايام بلا لحوم تحديات من هاد النوع انا كنت مكنقدش تشيط لفلوس والو ولكن مثلا جبت بكية خمارة كنخزن منها 2 حبات جبت سنيدة كنعمر قريعة صغيرة دقيق نخزن منو شوية كل حاجة حيدي منها شوية ومرة على مرة غتلقايك جمعتي شي بركة ديال التقدية ونهار تبداي تستعملي فيها ديري هاديك الكريطينة بحال الحانوت لي هزيتيها منها حطي فلوسها ملي غتخويها من التقدية غتلقاي راسك جمعتي شي بركة وهديك البركة ديريها هي فلوكسالسطوك طولت عليك كنتمنى تكوني فهمتيني هادي هي طريقة لي تبعت انا