نوبة الجزء الثاني " عشاق الدنيا " في رمضان على التاسعة 🔴Attessia sur instagram👇: 🔴 / attessia_tv attessia.tv / attessiatv / attessiatv RU-vid Management: Chbk Network
ابدع عبد الحميد بوشناق في النوبة 1 بصراحة كان مسلسل منفرد وفيه جو جديد عن باقي المسلسلات وهذا كلوا يتحسبلوا خاصة عبد الحميد في بداية انتجاتوا على حسب ما نعلم ومتشوق للنوبة 2 وكان هوه باش نتفرج فيه وانا شايخ وهاي جام من تو
فتحي الهداوي و كمال التواتي و ريم الرياحي بخلاف نور و برشة وجوه جديدة و بخلاف المبدعين الي اكتشفناهم في الجزء الأول نصيحة للحوار التونسي عديو اولاد مفيدة بعد رمضان تتفرج في اللونسمون برك تتشوق برافو عبد الحميد بوشناق
ماتنصح حد خويا الدنيا اذواق انا نتفرج في اولاد مفيدة الساعة ومن بعد نحلي بالنوبة .. Plat principal awled moufida , desser el nouba اما يظهرلي جمهور اولاد مفيدة هو بيدو النوبة واتو تشوف بعد رمضان
@tunisino tunisino عندك حقوق البث؟ خويا رانا في الغربة ممكن live streaming متع التاسعة في المباشر يبدى ylagi حن علينا الله يجازيك خير وهبطلنا الحلقات الكل بعد ما يتعداو و ربي يباركلك .
تحسو مصور بين زوز عوالم عالم الأثرياء الي في الأول بالموسيقى الشرقية الراقية و الكوستيم و الويسكي مبعد يخرجلك فتحي و يعيطلك بش تدخل معاه للعالم الشعبي الي فيه المزود و الدربوكة و البخور و التعشيق على سيدي النبي إبداع يا بوشناق كالعادة❤
بوشناق يا مجرم....شنوة هالابداع ملا خدمة و ملا إخراج...تصويرة من فوق العقل، موسيقي محطوطة في بلاصتها خيالية ترجعك لفترة فقدناها من حياتنا و صغرنا، خسارة معادش ترجع ..رجعنا لريحة و لمة في حومنا العربي و فنا الشعبي اللي كي تسمعو يقلك " اي نعم انت تونسي و هاذي تونسنا" ضحكنا ،بخورنا و حتي مماتك و جداك تشوفهم و ترجع تحسهم بكلمة بغناية ولا حتي شطحة أكيد شطحتوها في عرس من عروساتنا اللي ما كانت تكمل كان بالخالة و العمة ،ولاد الخوال و خاصة الجيران اللي زغاريطهم تسمعمها أول مالمزود يضرب ...لملنا دمام تونس في التمثيل الكل فأكيد الجزء هذا زادة باش يشيخنا فرجة و فن فقدناه في صوت العرا و قلة الموهبة اللي فرضتو علينا قنوات التفاهة.. بوشناق برافو
وصف مباشر و صريح للصراع اللي نعيشوه بين الاصاله و التفسخ و بين ايام الخير بريحه العيله و لمه الاصحاب و القدر ف الكبير و الصغير و الرجله اللي تربينا عليها و بين الانحلال و اللا اخلاقيه باسم التحضر و التمدن و مواكبه السرعه بين ايامات الفرحه اللي تطلع من القلب و تسمع الحوم و الزناقي تلم الناس الكل البعيد قبل القريب بنيه صادقه و قلب يضحك و بين حروف يجرو يكتبوها ف فيس بوك كلام بارد مفيهوش روح من ورا تليفونات و كل حد عل روحه ... بوشناق هو صوت الامل فينا حلمتنا الناس الكل نحبوه ينجح بش نحسو اللي تونس مازال فيها ابداع و فيها فن هادف و عميق و نشكرك خويا عل كلامك كان عميق و يلمس القلوب قبل العقول 🇹🇳❤️
متشوق عاللخر في المرة الاولى قلت شنو هذا حفلة مافيها حد من الممثلين متع قبل وبعد وقت قرب البوليس ودخل في الضلام بديت نفرح وجاني شعور متع تشويق كبير نوبة برافو
يا سي عبد الحميد هذا إعلان برك شنيا هل إبداع شنيا هل بنة، حس الدربوكة و الناي و المزود... ضحكة حبيبة و لمت المبدعين في آخر مشهد الصراحة انت فنان و مخرج من طراز رفيع
Teaser de la 2ème partie du feuilleton النوبة نعتبرو فلتة في التاريخ السمعي و البصري التونسي فيه مزج بين المحاور الموسيقية في المسلسل و عرض للملامح الرئيسية الي تكونت بيهم كل شخصية الجزء الأول من teaser كان في الكاباري الموسيقى تونسية الآلات دربوكة طار ناي أكورديون... ثم كان التحول إلى الجزء الثاني الي يمثل الحياة الأخرى الموازية أنذاك في التسعينات للكاباريات و الموسيقى الوترية و أجوائها : الفن الشعبي في الحوم العربي الانتقال كان بسلاسة في التوزيع الموسيقى و أيضا في مقطع شخصية "البوليس" الي يشير إلى السكوت بيدو الجزء الثاني فيه الإيقاع الشعبي الجميل و الي مع الزكرة و درجات البيانو و الزغاريط و الأذكار و ملامح الشخصيات يحطو المشاهد بصفة آلية يعيش بين تراثنا التونسي و طابع سينمائي جديد علينا "thriller" خدمة عملاقة من مخرج مبدع : عبد الحميد بوشناق
ابداع ابداع ابداع .... عاودتو برشا مرات خاتر نعرف الي بوشناق يحب يوصل ميساج بالتيزر و تحسو لغز كبير و كل منعاودو كل ما نزيد نفهم ...اول حاجة ماهر موجود و هو الي قعد يتعدا بينا بالشخصيات هاذوم الكل و الدليل انو فتحي البوليس تفجع كي شافو ممكن متوقعش بش يكون حي ...ثانيا ماهر السنا بش يكون عايش في زوز عوالم مختلفة عالم المزود القديم و عالم الكافيشنتا الجديد و لكن لازم يختار و الدليل وقفة حبيبة و الجماعة فلخر تحسهم يستنو فيه بش يختار و هو حاير ... بلحق السنا نستناو فيه الكل و نشالله وجدي زادا يكون موجود
الي باش يصوم وبعد يتفرّج فالخمج هذا والشراب فهااشهر الفضيل. منغير مايصوم.... والله عجيب امرنا.... ناس تستنى في رمضان باش ربي يصلح حالها ويتوب عليها ويفتح عليهم ابواب الخير والرزق. وناس تخمم كان فالخمج.....
@@ahmadalmanai6247 و انت علاش داخل هوني من اصلو !!!! كان ما تحبش الخمج علاش ظخاخل تتفرج في الاشهار متاع المسلسل ...ربي انتوما ما تعرفوه كان وقت رمضان ؟!! العبادة و الصلاة مش رمضان برك على طول العام و الخمج كي تتفرج فيه مش معناها اعمل كيفو عندك عقل ميزك بيه ربي عن الحيوانات بش تفرز شنوا تعمل و شنوا ما تعملش ... و زيد مناش نستنو فيك انت بش تورينا حمدالله يا ربي وقت الصلاة صلاة و وقت واحد بش يتفرهد شوي يتفرهد ...
@@nesrineghanem6674 لا شفتو فالركموندي... مش أحنا في بلاد ( ديمقراطية 👎) كان صدقني ربي من حقي نعبر على رأيي لا!!؟؟؟؟. ههههه محلاها وقت الصلاة صلاة وقت الخمج خمج . توا باش ننصحك كخو اذا ميقلقكش. اقرى السيرة النبوية وصلي قيامك وتقرب ربي والله العظيم تو تشوف. ربي قال لا يستوي الطيب مع الخبيث. كان جا البرنامج يعالج في قضية مجتمعية ولا ويرفع بالضوق العام والله ممكن. تو نشوفو اذا انت وامك وبوك باشتنجمو تتفرجو فالمسلسل مع بعضكم.....
@Nesrine Ghanem واللهي صحيح هاو طلعت مش كان اني ثبت في التيزر هذا مليح مليح و كان تلاحظ زادة برينقا مهوش موجود في العالم متع المزود و موجود في المافيشانتا و ضاهر بش يكون الغادي و لحقيقة متصورتش كيفك في حكاية البوليس كي تفجع و اني حسيتو تفجع خاطر ظاهر فيه بش تصيرلو مشاكل ياسر و بش يدخل في دوامة خاصة بعد ماشد غنوش و حتى التيزر متع الجزء الاول تنجم تقول فما الالغاز هذه كيما وقتلي مروان العريان عاملينوا ديما خايف و مرتبك و في المسلسل طلع هكاكة و حياته كلها مشاكل و مقلوبة المهم الخدمة اللي يعمل فيها بوشناق خشينة ياسر و تحفونة و فيها برشا حرفية و تزيد تشوقنا كمشاهدين و تو نكتشفوا كي نتفرجو...
الجزء الثاني من مسلسل النوبة على قناة التاسعة سيكون حتما أفضل من الجزء الأول.. تراكم الخبرة عند كامل الفريق في الجزء الأول إضافة لوجود وجوه جديدة وعملاقة في الجزء الثاني أمثال فتحي الهداوي و كمال التواتي.. برافو ولد بوشناق
اي اي اي ملا تصوير و ملا cadrage و ملا des plans و ملا découpage و ملا lumière و ملا musique ملا bande d annonce. سبعة دقايق من الإبداع و الاحتراف يتقراو في الكتب. ملا ريتم و ملا دقة كل حركة محسوبة بالملي 😍 يا ميمتي على هاك الضربات متاع piano الي عمل بيهم transition 🥳 فتحي الهداوي، كمال التواتي، صلاح مصدق ما ينجمو كان يزيدو المسلسل بنة على بنة. عبد الحميد بشناق سبعة دقايق بركة شيختنا بالفن و الإبداع........
برجولية ابداع والله ترايلر عاودتو برشة مرات نحس فيه برشة الغاز بين السطور ملا بوشناق هذا !! مجرم متاع اخراج برسمي مسلسل يمس الجواجي برا يرحو والديك يا بوشناق خففت علينا غربتنا 🇹🇳🇹🇳🇹🇳🇹🇳🇹🇳🇹🇳♥️♥️♥️♥️🤩🤩🤩🤩🤩
اول مسلسل تونسي تفرجت فيه و الأخير عبد الحميد طلع البارة برشة، سيناريو، تصوير، اخراج إبداع حقيقي إذا فمة جائزة أوسكار للمسلسل اكيد لعشاق الدنيا وثيقة مرجعية في تاريخ الدراما التونسية برافووو 💪❤️
بصراحة قوي برشا بوشناق مسلسل روعة تنجم تتفرج فيه وتحبو... طريقة الاحراج الممثلين والمكان متاع متاع التصوير حاجة من وراء الخيال كالعادة كيما رمضان الي فات اكتساح للنوبة بدون منافسة تقريبا هنيءا للتاسعة
اني من ليبيا ومن عشاق مسلسل النوبة نبي الجزء التاني كيف ووين نتفرج عليه متشوق بصراحة مسلسل عجبني ابداع في كل شي تحية للمخرج والممتلين الكل ربي معاكم ونشوفو اجزاء تانيه تحية طيبه
لا حدود للفن و اللي يحب يتمسك "بالأخلاق" الي يحكي عليها فمقاطعة المسلسلات حاجة ساهلة سكر تلفزة و فرغ وقتك للعبادة أما التكفير و التحجير هذا لا الوقت يسمح بيه لأنو العقل للبشري يتجاوز هالتفاهات ولا دين لأنو اللي ينصب روحو رب يكفر الدين يتبرى من الأشكال هذي #الفن_فوق_الكل
