الفتك معروف حق كل التضاريس وهو صاحب المعادلات الصعبه راحه مع رساوه قوه مع صبر ومكده وسع من الداخل وفخامة الشكل... ومعلومات قد تهمك يابو راشد الفرق بين الفتك والمحركات القديمه الفتك جاي ٢٤ بلف والقديم ١٢ بلف الفتك عمودين تيمن علويه بالراس القديم عمود واحد داخل السلندر.. ويعطيك العافيه يابو راشد
شكرا جزيل الشكر ابو راشد على هذا المجهود العظيم و ايصال الرساله بشكل واضح بلا اي تحيز ودك تعيد المقطع من جمال الاسلوب ماشاء الله وانا كنت انتظر تجربة الفتك في الضلع و ماشاء الله كفيت ووفيت
@@ayh4072 الربع حلو لكن ينقلب بسرعه وأما فزته حلوه وعزمه ممتاز لكن جرب النيسان صدقني معد تفكه بذا القديم يعني من ١٩٨٨ الا ٢٠٠٢ تحس بصوت المكينه والتروس والعزم وسلامتك
بالنسبه لهذا الجيب فيوجد عده امور يجب على من اراد اقتنائه معرفتها ١- السياره لاتعاني من حراره ابدا اذا شريته وكاله باذن الله لن ترتفع حرارته ابدا لايضحكون عليك لاتغير ولاتبدل خاصه الرديتر رديتره قوي ومعزول عن الاوساخ بحيث صعب تعلق به فقط ببعض الاحيان وهذي كثير تحصل تتعرض المنطقه حقت دبه البيئه لضربه فتنكسر من جوه وهذا يسبب احتباس ويرفع الحراره شوي وهذي حلها انك تفرغها عند اي محل عوادم ب٣٠ ريال ٢- لاتعدل ان كنت تبيه بر فعزمه وكاله ممتاز جدا للبر ولاهو بحاجه للتعديل واما ان كنت تبيه للشارع والقومات فاصلا السياره خلقه ثقيله ولاهي مخصصه للقومات بل للبر بالدرجه الاولى ٣- يفضل اخذه ستاندر لعدم وجود الوطايه ٤- كفرات الوكاله ارمهن في الزباله وركب اكبر كفر من حيث الارتفاع السياره عريضه وثقيله كفر صغير لاهو مناسب لها ولاهي مناسبه له ولو ركبت صغير باقرب ردميه يبي يتقطع عليك ويبلشك مايتحمل لذلك ركب كبير ٤- نظام التعليق فاشل جدا مع كفرات الوكاله وممتاز جدا مع الكفرات الكبيره وبشكل عام مساعدات الوكاله رغم راحتها تعتبر قويه وتتحمل اقصى الضروف ٥- يفضل دائما استخدام زيت عشرين دبليو خمسين ٦- قد يقرقع معك شوي الديكور لاكن ثق تماما ان السياره متينه باقصى مايمكن العضلات والعتاد الميكانيكي بنظري اصلب جيب موجود على الساحه واللي يقارنه بالافجي هذا مايفهم الافجي يطلب بحاله الاستخدام بالاراضي الحجريه بطنه يطلب قطع اما النيسان فاقصى ماقد يطلبه هو فقط الجلد اللي تمسك الشكمان والحديده اللي تمسك الدبه دبل لحامها افضل هذا طبعا بحاله الاستخدام الشديد
الله يعيطيك العافية على المعلومات الشاملة ... الكفرات الصغيرة تقصد حقت الاستاندر النحيفة ؟؟ والسؤال الثاني لاهنت من ناحية البنزين هل يصلح للدوام اليومي او صرفيته زيادة بالمدينة ؟؟.
@@عليمحمد-ح7ب4ف من تجربتي للربوع صرفهن اخس جيب ممكن تستخدمه يا تخليه موتر ثاني ولا ابشر بالخساير الي ما تعد ولا تحصى املك ربع تويوتا وهو افضل من صرفية الفتك بشي بسيط الا انه دمر كل مدخراتي نصيحة ( هج ) 😁
أشكرك من أعماق قلبي لأنك أعطيتنا جزءاً كبير من قتك لتشرح وتبين مميزات الڤتك 💕🌺 وبصراحة أبدعت في إظهار قوة وجبروت الڤتك 👌😃👏👏 وكوني متابع جديد لك، وبالإضافة أني مالك سيارة ڤتك جديد .. فأستمتعت بحسابك ىبأسلوبك الشيق 👌👌 وأكرر شكري لك من أخوك (وليد البريمي) الإمارات✌️
ماشاءالله تبارك الله الله يبارك لك ابو راشد اول شي الموترين مابهن كلام لاكن الفتك اشوفه افضل من جميع النواحي راحه قوه وسع جماليه الداخليه قطع غيار ارخص لاكن الفتك يعيبه البنزين لاكن مانسميه عيب على كبر مكينته و المميزات الي ذكرته الربع اشوفه ينفع للي راعي نصب و اخف وزن بالنفود لاكن الفتك افضل بالتورك و وزنه معطيه ميزه بعد بالنفود و سواقته ممتعه و امنه و شكراً لك على تغطيتك
انا عندي نيسان اربع ابواب موديل 92 واسكن في منطقة جبلية وصراحة ممتاز جدا في المناطق الجبلية وفي الأودية والطعوس وفي سحب السيارات المغرزة ما شاء الله علية وانزل بعد ما يسيل الوادي من الأمطار وما شاء الله ممتاز وفوق الممتاز جيب نيسان غيره لا تدور
الفقره المحببه لي في مقاطع ابو راشد 19:28 ( هالرقيه نبي نشعطها ) < اعيش الدور كني معه معاون ايييييه يبو راشد تحياتي لك ولمحتواك الفاخر والقيم .. اتمنى لك التوفيق + اتمنى مقطع لشاص او ربع تويوتا يكون 2009 وتحت نشوف الاداء 👍🏼 + فتيكان ما فيه حيله ماشااء الله ✌🏻
تغطية جميلة ما شاء الله، والله يعطيك خيره ويكفيك شره ويبارك لك فيه ..ذكرتني بشاص الفتك كان معي على وقته من أمتع سيارات الدفع الرباعي اللي اشتريتها وزود عليها مريح تسافر عليه كأنك على صالون ..لكن عندي ملاحظة من تجربة أشوف نفس الكربريتر ٤٥٠٠ أطول شوي من الفتك مدري وش السر! حتى بالضغط مريّح الكربريتر أكثر من الفتك
ماشاءالله على المحتوى الجميل وشكرا على المجهود يابو راشد 🌹 انا اشوف كلهن جيوب كفو لراعي البر كل جيب له مميزات وعيوب واذا تبي تاخذ واحد منهم مراح تندم الفتك معروف بقوته وعزمه وراحته فعلا موتر غني عن التعريف افضله على الربع التويوتا ، والربع التويوتا متعه بالسواقه وشعبيه ومو معقد حط قطعه وانساها ماتخاف من الخربات اذا بتغامر خصوصا بالحره وبحكم انه مرتفع وانا أرغب الشاص للتايوتا لان فيه دفلوكين خلفي ومامي على شان مايفحط بالوعر وكلن له رغبته وشكرا .
اخوي الغالي تشغيل الدبل الخفيف على سرعه عاليه يضر الكارونه الاماميه ممكن انك تنصح من تجربة بس السيارات موب سوا لاتورط الناس تغيير الكارونه الاماميه من الصيانات المكلفة بالسيارات . كمهندس ميكانيكي انصح بالاطلاع على كتيب المالك يوضح لك السرعه القصوى بالدبل الخفيف في سيارتك بدون اي اضرار . ولكن بصفه عامه تقريبا ٥٠كم هو الحدى الاقصى لمعظم السيارات الجديدة. ولا ينصح بتشغيل الدبل اذا كانت ماسكة في الارض بدون إنزلاق لانه يزيد من عبئ الكارونه
القوة سببها اصتفاف البساتم علي عمود الكرنك ومعروف دائما محركات البستم الواقف يعطي قوة اكبر من محركات البساتم حرف V . ولاكن ايضا يستهلك فالوقود اكثر . وايضا يكون حمل الجازبية علية اكبر
@@AM-lm8to انشهد انهم مايعرفون التويوتا وخاصة الكلوزر من 2007 وتحت والشاص والربع بكل المديلات والهلي من 2015 و 2014 وتحت والكامري والافالون بكل مديلاتهم ويكفيك ان الشاص والربع معى المهربين والجيوش وغيرهم وان كل السيارات اللي ذكرتها وغيرها من تويوتا باقي تمشي لين ذلحين وقفلل على الباقي
يعطيك العافيه على الشرح والتغطية الكاملة للسياره وفعلا الفتك أرسى وأقوى وأفضل في العزل والراحه والانسيابيية من الربع تويوتا بس عيبه الوحيد وأنت ذكرته صرفية البنزين وأنا أرى أنه عيب قوي صراحة ماهو بسيط خصوصا للي يروح مشاوير بعيده في نفود أو طريق بري
لي سنتين اتردد عليه خطوط من القصيم للشرقية واشوفه ممتاز ولافكرت اشتري صغيرة عشان بنزين بعدين هذا مستفيد من قوته ورساوته وفالبر مايحتاج والبنزين بكل الجيوب كذا لو تدقق تلقاه يفرق عنهم ب ٣٠ كيلو يعني فرق تافهه يمكن ازود عن غيري بكل تعبيه ١٥ الى ٢٠ ريال يمشيني خط فل ١٩٠ احمر ٥٠٠ كيلو والضغط على ٣ ونص وبالديرة يمشي ٤٧٠ والاهم من هذا كله شكله جميل مب مصندق ولو ان الي معي استاندر وفيه فل وفيه سوبر وكل مازاد قرشك استانست اكثر بالشكل والمواصفات وكلن ونطرته عندي الاستاندر افضل وسمعته ممتازه وموتر مليان واغلب قطاعات الجيش بحرية برية ماصارو يصرفون الا هو وقفو التيوتا الربع اما الشاص ممكن بس صرفية الضباط ربع فتك والدخلية كذالك المرور السري فتك فقط
السلام عليكم ابو راشد عندي باترول ٢٠٠٣ سوبر سفاري عندما احرك في السيارة لمدة دقيقة تشتعل لمبة abs في الطبلون وما تطفى وعلى هل الحالة يوميا .... الحل يخوي يرحم والديك
الله يعطيك العافية يا ابو اشد .. شرح وتفاصيل ومعلومات استفدنا منك يابعد راسي الفتك لا يختلف عليه اثنين له عشاقه وجماهيره ، وله شعبية كبيرة وانا من عشاقه مع اني املك ربع تويوتا هههههههه ماعندي اضافات على كلامك ، ماقصرت كفيت ووفيت ونرفع لك القبعة بما انك اشرت علينا برأينا .. رأيي الخاص ولا هو تعصب ولكن متعتي الفعلية في التويوتا استخدمت الاثنين .. ووجدت ضالتي في الربع التويوتا ، ولله الحمد والشكر له ماواجهت ضعف العزم في التورك في المراقا ، من ناحية الراحة كلامك صح ولكن لها حلول وتتفاداها بتعديل بسيط وانتهى الموضوع خلاصة رأيي " الشخصي " الربع التويوتا يتفوق وبجدارة لا تقطعنا يا ابو راشد ، متحمس لطرحك ياعزيزي
كتفوق المقارنه قدامك عزم وقوه الفتك وراحه الفتك ورساوه الفتك ووسع الفتك كفاءة نظام تعليق الفتك حتى تبريد المحرك الفتك فضلًا ان الفتك الربع يمديك تاخذه الحين ب فتحه ومثبت سرعه عكس الربع مااخفي ان الربع حقيقه ك ستوك اخف وانشط بحكم انه مو مكتوم زي الفتك ولكن العيب هذا حله فقط هدرز ويتغير الموتر ١٨٠ درجة وأيضًا الربع افضل صرفيه ولكن باقي النقاط الفتك وبكل راحه ولكن الناس أذواق والله يبارك لك
السلام عليكم ورحمه الله وبركاته لاتعبت يبو راشد علا هتجربه الطيبه لاكن. كلامك بخصوص الحراره غلط اقسم بالله لاني متعصب ولا غيره واني محب للفتك وشاريه. بس. كرهته من حرارته. بهذلني. رغم انو. جديد نفس مديل موترك لاكن. مشكلته مشكله. بالحراره. خاصتن بصيف وانا اتحدا اي واحد معه فتك. يطلع. نفود. بصيف وشوف كيف الحراره بتقوم معك. وكثير. من الشباب الي اعرفهم بهذلتهم الحراره. بالفتك. ولا هو واحد ولا اثنين كثير عشان كذا انا متاكد لو. بصيف. وجو حاره. بتقوم الحراره. وبيفصل المكيف. خاصه. وقت الوقوف بزحمه اما الربع التيوتا. يتفوق بصبر اما مناحية تعليق وعزم لصالح الفتك. بس بصبر. التايوتا وبس وسلامتكم وستمر. يبو راشد والله يوفقك♥️
المشكلة جهل من المستخدم للأسف الفتك حساس من ناحية نظام التبريد اي خلل او قصور في نظام التبريد من رديتر او موية سية او طرنبة موية يسبب حرارة او نقص بسيط للموية بحكم صغر الرديتر مقارنة بالتويوتا او ال ٤٥٠٠ باترول ولذلك تحصل قليل باترول ٤٥٠٠ فيه حرارة .. دمت بود ♥️
@@abofahad525 الا يتاثر معي مكسيما قبل كم سنة تعدت النص لولا ان فيه مسجد حولي ولا كان راحت ملح .. هو الحراره لو تتجاوز النص مرات قليله تعدي ع خير كان الله اراد لكن كثرتها تعدم لك الليات و قد ينشعر الراس - ولعلمك في قنوات ناس اهل نياسين يركبون رديتر دينالي و خلافه و ينصحون نصايح كثيره و اعتقد لو مافيه هالخلل ما انتشر هالشي اما اخونا ابو راشد موتره جديد ما شاء الله ما يبين معه الحين
والله كلهم اثنينهم للبر بشكل عام جبارات لكن الربع التايوتا بالجبال والحره قوي جداً مايتقارن بالفتك الفتك قوي كامكينه ودفرنسات ودبل وراحه انا اشوف الفتك مكانه النفود والربضات والربع الاجبال
ابوراشد ولاتهون بخصوص راديتر الفتك عندي مصدي خفيف للعلم اني استخدام ماء الصنبور وابغي ابدله بماء اصلي ايش الطريقة الي ممكن تنظف الصداء وترجع دورة الماء نظيفة ؟
الموتر ماعليه كلام بس اشوف الناس تقول الصرفيه عادي ياخي شوف احصنته،، عزيزي احصنته 280 اقل من احصنه الازيرا مستوعب؟ التورك فيه يعتبر عادي .. يعني مكاين الامريكي ال v8 تورك واحصنه اكثر من الفتك بكثير واستهلاك اقل بكثير.. سبب الصرفيه ان مكينه الفتك قديمه اخر اطور لها عام 2002
الله يعطيك العافيه ماشاء الله مقاطعك كلها حلو وفيها فوائد بس ياليت لو تسوي تجارب لسيارات جديده ويكون فيها دبل والتجربة تكون نفس التجارب الماضيه لاني اشوف ماعندك اي ميول لاي وكالة معينه وهذا الي نحتاجه بصراحه عندك مثلا نيسان الاكستيرا الجديد والسيارات الصينية (( ياخي فضيعه بالنفود ))
غلطان التعديل هو الي ينقص عمر المكينه شد الوكاله يعطيك لين مليون اذا محافض ع الصيانه لان الوكالة دائما ادرى وافهم بمنتجاتها وبالنسبه للهدرز الضيق هذا لتوفير الوقود واشوف عزم الموتر من الوكالة جميل جدا مايقصر معك
من تجربه بقطاع عسكري اغلب استخدام عندنا هي سيارات الفتك الربع و الصالون الفتك والشاص التويوتا حاليآ خاصه نروح بها من الرياض الى الحد الجنوبي اللي يصرف معنا اكثر هو الشاص التويوتا و حتى الربع يصرف اكثر من الفتك انا استغربت صراحه رغم كلها موديلات جديده وفي الجبال والوعر الفتك اريح و أفضل
الله يعطيك العافية يابو راشد والله عارف قد ايش تتعب على المقاطع ذي انا اقدر تعبك واحترمك ❤️ تذكر هاذاك الي يراسلك بالسناب ويقول ودي اني اقابلك يابو راشد عشان اسلم عليك بس المشكله مامعي موتر تراه انا 🌚
السلام عليكم ورحمة الله وبركاته مشكلة قرقعة الباب الخلفي(الدبة) هي من قاعدة الباب نفسها ما يجي فيها ربل من الوكاله و الحل تاخذ قاعدة حقت باب امامي هو اللي يجي فيه ربل من الوكاله. ان شاء الله ما أكون على خطأ. الحمدلله رب العالمين
السلام عليكم ابو راشد انا معي فتك٢٠٠٩ غمرتين مبرمج صرفية بانزين وبدلت البطارية وخربت البرمجة هل اسوي اعادة برمجة او لا ثانيا اشكر على المحتوى الي تقدمو صراحة مع اني توني مشترك الا ان محتواك اعجبني
الفتك سياره صالون مريحة مع دفع رباعي والشاص سيارة بيك مع دفع رباعي , الفتك قيادة فيها متعه وشخصيته في الشارع افضل ، الشاص قيادته متعبه تكسر الظهر وغير ممتعه وشخصيته في شارع فيها إحراج نوعاً ما ، وسيارتين يصرفون بنزين
الحمد لله رب العالمين حمدا كثيرآ طيبآ مباركآ إلى يوم الدين واللهم صل وسلم وبارك على نبينا محمد وعلى آله وصحبه أجمعين إلى يوم الدين لا إله إلا أنت سبحانك إني كنت من الظالمين سبحان الله وبحمده سبحان الله العظيم استغفر الله العظيم استغفر الله العظيم استغفر الله العظيم لا إله إلا الله لا إله إلا الله وحده لا شريك له له الملك وله الحمد وهو على كل شي قدير لا إله إلا الله الملك الحق المبين اللهم لك الحمد حتى ترضى ولك الحمد إذا رضيت ولك الحمد بعد الرضى ولك الحمد على كل حال الحمد لله كما ينبغي لجلال وجهه وعظيم سلطانه