شربات.رابي زوج حبات قارص نقلها من القشور ومن باعد قطعيهم وزيديهم قوطي ايورت فاني او قارص وكاس سكر ونص اسطرة ماء وبلمكسور مكسيهم ومن بعد صفيه وزيدي الماء تقريبا ايطرة ونص وحدخرين ،دعواتكم
اختي من فضلك اكتبي اسم الوصفة في الاول ومن بعد اكتبي واش حبيتي راني كرهت من العناوين الزايدة ما عندها حتى معنا كيما انحب نرجع نشوف الوصفة نعيا واش نكتب هذه الرسالة ليك ولكل اصحاب القنوات
نتوما كل همكم ترضو الرجال تبهدلو والله المرا لازم تكون بعزتها تستنى الراجل هو لي يفرحها روحي ارضي روحك ارضي ربي الراجل نصف دينك برك مشي تروحي تغسليلو رجليه تولي خدامته يسحقك غير كي يجوع تولي بلا قيمة ختيييي
سلام اختي أم رشيد طليتي مني الاشتراك و انا مشتركة و متتبعة وفية لك منذ افتتاح قناتك لكن ماكونتش ندير تعليق فقط يعطيك الصحة على كل وصفاتك الاقتصادية و الرائعة
ربي يبارك راهي تشهي اللي شاف القارص و البرتقال 🍊🍋 رخاس سلمولي عليهم 😱😂😁توحشتهم و نصيحة خياتي ان شاء الله تفيدكم في رمضان 🌹اللي حبت تتحصل على مرقة بنينة يالوكان بكمية قليييلة تع لحم لازم تسبق تقلي اللحم و الدجاج هو الاول للاسف اغلب الاخوات يقلو البصل ثم اللحم و هذا يخلي اللحم يتغلى و ليس يتقلى و يتعسل و بنة المرقة البيضاء لازم تكون عاقدة .و ملعقة سكر تعطي ذوق مميز و اذا حبيتو تثقلو المرقة و ماعندكمش كريمة ذوبو شوية فرماج في مرقة سخونة او شوية فرينة في مرقة باردة .و اعقدوها بحبة بيض و معدنوس و عصرة قارص و ماتنساوش حبة فلفل حار خضرة تعطي بنة هبال .و نصيحة البنات البودرة تع الثوم اخدموها بزهرات الثوم اللي يجو من الفوق في الرزمة و الله خرجتلي كمية روووعة بالرزم تع العام ليفات و البسباس خبو الاصابع ديالو حطوهم في الحساء يطلقو البنة و الشبت ديالو ديروه في الاسماك المعقودة الغراتان المايونيز.....راهو كنز و اخدمو السمن تع الدار بالسفاق تع الخروف او السبك بشحمة الكلوة دوزنوها بالطبع و الشان و خلطو معاها سيقان المعدنوس و الشبت يبنن كااامل المراقي البيضاء....او سيقان القصبر و الثوم للمرقة الحمراء. و نصيحة خياتي بخصوص المطلوع كي تكسرو العجين 3مرات او 4 بدون تعب تعادل عملية الدلك و تتحصلو على خبز كي القطن .من بين محسنات الخبز هي الحليب اللبن الياغورت الجبن...الحليب البودرة.الرايب...كلها عبارة عن مواد دسمة و خماءر طبيعية...مغرف خل او ليمون تخلي الخميرة تتفاعل خير ...الماء الغازي تاني....ماء اللي غلات فيه البطاطا غني بالنشاء يعتبر محسن ....الزيت اللي قلينا فيه البطاطا يكون غني بالنشاء و اللي قلينا فيه المقروط غني بالسمن و اللي قلينا فيه ليبينيي غني بالخميرة...كلهم نقدرو نعجنو بيهم الخبز ...الخميرة البايتة و العجينة المخمرة 12ساعة في الثلاجة تعطيكم نتيجة روووعة ...زيت الزيتون يعطي قرمشة للمخبوزات...الزيتون الاخضر او الاسود اذا محبيتوش تاكلوه ارحوه مع اوراق المعدنوس و الشبت و اعجنو بيه يعوض الزيت....و الخبز الفارغ يحب الفورنو اللي يشعل من الفوق و من تحت في نفس الوقت يعطي نتيجة روووعة...و الزرارع انا ندير السانوج الجلجلان حبة الحلاوة زريعة البسباس زريعة الكتان الزقوقو...بذور دوار الشمس... ماتنساونيش خياتي بالدعاء و مرحبااا بيكم خياتي عندي راني دايرة عدة وصفات موسمية اقتصادية و صحية بزاااف و تحضيرات رمضان روووعة ماتراطوش
السلام عليكم ورحمه الله تعالى وبركاته انتي عمرك ما توري الوصفات في أول الفيديو غير باش ندخلو و نشوفوالوصفة كامل والصلاة والسلام على رسول الله الصادق الأمين
