انا ميكانيكي تخصص نظام تعليق صراحة نظام التعليق في هاڤال قوي 💪 جداً ما يختلف عن نظام تعليق الFG بس الأنظمة الثانية ما أفتيكم صراحة لاكن نظام التعليق يفوووز 100٪
Hasan Kutbi تسلم استاذ حسن والله يوفقك. وياريت تسوي عرض مواصفات ميزات وعيوب Haval h6. انت عندك مصداقية كبيرة بتتكلم على المميزات والعيوب وهذا شي مهم فالكمال لله وحده. ومشكور مقدما.
تويوتا فقيرة في المواصفات والكماليات وسعرها أغلى لكن إغتمادية محركاتها جعلت الناس في المنطقة تثق فيها خصوصا في الصحاري الحاره الثقه هي من تجعل الناس تدفع أكثر
سيارات هفال جيدة لاكن لما ذهبت للقسم الصيانة و قطع الغيارما شفت احد فى الاستقبال الغرفة 5متر فى خمسة كانى رايح ورشة سيارات فى الصناعية زحمة ومشغولين..بعدين افرض لو بغيت ابيعها بعد سنة او3سنين كم بتجيب ومين بيشتريها ...يعنى خسارة كبيرة للى بيشترى سيارة صينية من البداية ..الا اذا الوكيل يضمن شراء سياراتهم المستعملة وبسعر مناسب لقيمتها
نفسي افهم شي كيف وزراره التجاره تعطي صاحب معرض او صاله وكاله سيارات لاعنده فروع حتي في النمطقه اللي هو وكيل فيها وزارة التجاره لاتهتم في المستهلك... انا ماني ضد السيارات الصينيه ...بس ضد الوكيل لها ... وعدم توفر قطع الغيار.... الواجب علي وزراره التجاره ماتدي توكيل لي سيارات بوجود شروط اول شي لازم يكون عنده في كل منطقه فرع صيانه ويكون هو المشرف عليها ثاني شي توفر قطع الغيار خارج الوكاله ثالث شي يدفع مبلغ عشره مليون ريال ..مبلغ تأمين.. يكون مشرف عليها وزراة التجاره لحفظ حق العميل ..
اخ فخامه يسعد ايامك انت لما بتفتح محل في اي نشاط مبتداء بتفتح محل في مدينه وحده ثم تتوسع او بتجهز محل في كل مدينه وتفتح سوا اكيد حبه حبه تحياتي وفقك الله لكل خير
العيوب ابي فيها ١ لا يوجد فيها شاشة ملاحة والشاشة بحجم صغير ٢ لا يوجد تشغيل عن بعد ٣ تحتاج زيادة الضمان ٤ توفير وضع الأسبير في الباب الخلفي ٥ إضافة الوان مختلفة للداخلية السيارة لان السيارة لا يوجد الا لون واحد داخلي للفل كامل ٦ تحسين شكل الجنوط ٧ تقويم التكييف
شكراً لك اخ حسن افضل شخص يعطي تقرير عن السيارات انتظر الديزل السنه القادمه ان شاء الله شفت تقارير كثير عن هذي السياره وشفت تقرير عن محرك الديزل عندنا في السعو يه على قناة القوه للدفع الرباعي قريت كثير سألت ملاكها في قروب هافال السعوديه السياره ممتازه جداً جداً شكراَ لك أخي حسن
@@HsnBnMohamd تنزل برنامج تلجرام و تكتب في خانت البحث ملاك هافال او هافال بيطلع لك قروب اسمه تجمع ملاك هافال و كذلك الشانجان له قروب اكتب شانجان و يطلع لك القروب موفق خير اخي
اول شي انا اتابعك ماشاء الله كم من المعلومات في عالم السيارات واستفدت منك الكثير ثاني شي معك في ناس متعصبين وكأن الوكاله الفلانيه حقت ابوها والواقع احنا شعب مستهلك فقط لكن.. في الميزان المنطقي والواقعي هي ما تقارن بسياره ثانيه معروفه بغض النظر عن السعر والمواصفات ترى فاتت عليك حاجة يا عم حسن فيه شريحة من المجتمع يهتم بالجوده وتوفر قطع الغيار مع التنوع من اصلي وتجاري درجه ثاني ... الخ وسهوله صيانه لان وضعه (مشاوي واتمنى الهنا) مثلا فيه الشريحة انا منها ماتشتري الى كاش كل سبع سنوات او خمس يغير سياره يعني السيارة تمشي ٥٠٠ الف يبيعها ويشتري جديد مع دفع فرق السعر ومايهمه من المواصفات الى المكيف والزجاج تماتيك وطاره هواء فقط والباقي زي ماتجي تجي على قد الفلوس ولا انسى بعد حزام الامان على شان ماتجيه قسايم ولا يهتم بالضمان وانا من الناس اللي يتمنى تلزم الشركات بالذات عندنا بالسعوديه في وضع الضمان اختياري للمشتري مع فرق السعر لان اغلب الوكلاء وليس جميعهم مجرد استنزاف جشع واي تعديل منك يلغي الضمان او اي تطويف للتشيك يلغيه هذا غير عدم احترام الزبون وستغفاله بتصريفه بكلمة طبيعي على اي ملاحظه فترة الضمان واذا خلص الضمان صار مو طبيعي والتصريفه الثانيه سوء استخدام فيه ناس يا استاذ حسن واقعيه وتعتمد على نفسها ودخله غير ثابت تبي بعد توفيق الله تطيح في سياره تعينه فتره طويله مو تدمره مع احترامي لك الشريحه هذي ما يجازف بسياره صينيه توها نازله في السوق ويترك سيارات من شركات معروفه مجربه وجوده وتوفر قطع وتخدمه سنين طويله ويبيعها بنص قيمتها او اكثر بمبلغ يساعده في شراء جديده وازودك من الشعر بيت اللي يشتريها منه بتخدمه فتره طويله بعد بسيارة في نظري اسميها استخدام مره واحده (موس حلاقه) وايرباقات وتطعيس في طعس ممطور و ٦٦ غيار ماتلزم راعي الاستخدام تعمدت ما اذكر ماركات سيارات الجوده وهي كثر ولا تحتاج للتعريف لانها في العالم كافه مثبت نفسها على مستوى الافراد والشركات والقطاعات حكوميه والقطاعات العسكريه اخيراً الناس تختلف في تفكيرها وواقعيتها وكلهم لهم الاحترامي مني تذكرت مولدات الكهرباء الصينيه يقلون لنا اول مانزلة للسوق جودهو نفس الهوندا ونفس اليماها وفيه كاتم و و قلنا خلاص راح فيها مواطير هوندا وجربناها شهر واحد ورميناها بالسكراب
حبيبنا واستاذنا ابو احمد الله يسعدك وين مارحت حقيقةً من احب الشخصيات على قلبي وافتخر فيها جدا اسال الله لك التوفيق حبيبي ابو احمد حاولت اتواصل معك اكثر من مره حاب اشوفك و اسلم عليك لاكن للاسف لم يحالفني الحظ ولكن اتمنى ان تكون في اتم صحه وعافيه دائما وابدا 💐 اخوك / محمد العمري
صراحه انت مبدع في منطقة الحجاز مع الا بكر انت فعلن تستحقون ان تكونو من أصحاب الدورات لتعليم الوكالة كيف تعين موظفين يشرحون بصالات السيارات بالسعوديه الله يوفقك وان شاء الله تخذ أجرك من الله
السلام عليكم ورحمة الله وبركاته اخوي بالنسبة ل haval h9 اثبتت نفسها في استراليا و جنوب أفريقيا من ثلاث سنوات واتوقع راح يكون لها مستقبلا في المملكة بس لو يشد حيله الوكيل شوي ويفتح فروع رئيسية في اغلب مدن المملكة ويهتم من ناحية الصيانة و القطع
الديزل لو تستعجل الشركه عليه شوي الفيس لفت نزل بدول ثانيه لو يعملو ثلاجه بين السائق والراكب او بين الراكبين مكيف خلف منطقة التخزين الوسطيه او باكتاف الابواب زي بعض الاروبي زيادة دفلك أمامي دي من الوكيل المناطق الأخرى موفر بها الكفر علاقي زي النسخة الثانيه و تانكي ثاني
ركبتها في الوكالة مبهرة وجميلة وحلوة ومواصفات و لما جيت أقفل بابها وانا ماشي ما رضي الباب يقفل..حاولت..مندوب المبيعات حاول.. وهو منحرج.. لما شفت الوضع كذا ايقنت يقينا الصيني يبقى صيني لو عملوا ما عملوا فلسفتهم في صناعة السيارات قائمة على الإبهار فقط لا الجودة
حادثه بسيطه تصير في كل السيارات .. اعتقد ان الصين كصناعه تحتل مراتب متقدمه جدا على مستوى العالم من سيارات و طيارات ومعدات عسكرية وتقنيات بناء وغيره .. فتقييمهم من قبلك يا الغالي غير مقبول ابدا .. انا السيارة هذي معي من سنة وسافرت عليها كثير وطلعت للبر ومن اجود السيارة اللي استخدمتها في حياتي من كل النواحي .. فيها عيوب بسيطه ما ذكرت في اي فديو من الاخوان اللي صوروها لكن بالعموم السيارة اكثر من رائعة
حبيبنا عم حسن ربنا يبارك فيك ❤❤ هو ليه هافال اتش ٦ شكلها عصري من حيث التصميم الخارجي والهافال اتش ٩ بخلوا عليها في التصميم الخارجي تحسها نسخه من برادو ما بذلوا مجهود في التصميم الخارجي
نفس المحركات نفس تقريبا كل شيء اللي تغير وجهيه خلفيه والداخليه الطبلون والتغييرات الاخرى كانت بنظام التعليق بس ماهو اختلاف كبير ونظام التكييف التبريد تحسن 30% فقط
التعليق هذا بعد ٨ أشهر من الاستخدام بذكر لكم مميزات و عيوب السياره المميزات السياره خفيفه و مريحه جدا و جدا اقتصاديه في حال حطيته على وضع الايكون تصير دفع خلفي فقط و في حال نزلت الرمل تحوله على وضع الصحراوي ويشبك الأربع كفرات من غير صوت و ترؤس و اتوقع انه لأنه كلتش وهاذا جدا حلو العيوب أكثر شي غاثني في السياره الريموت ابو طقه و جدا ضعيف و لا يفتح السياره الا لين تلزق بالباب و تطلع المفتاح من مخباك سألت أكثر من واحد معاه نفس السياره قال لي نفس الشي كلمت الوكاله قالو هذا عيب مصنعي و لا فيه حل حاليا العيب الثاني الدبل الكبير يشتغل زين بس مو الادا المطلوب في حال السياره تعلقت العيب الأكبر إذا غرزت في الضهر لا تحاول تطلعها لأن الحراره راح تقوم على طول واتوقع ما فيه ريديتر للقير أو مراوح عليها شخصيا انا راعي طلعات بر شبه يومي و لو ترجع بي الدنيا ما شريتها للأسباب إلى ذكرتها مع العلم انه السياره نادرا ما تغرز معي و طول ما انا امشي بالرمال ما توقف العيب الأخير المكيف ماهو بارد في الضهر و الصيف وجربت الغيت المويه الحاره المكيف تحسن شوي بس مو المطلوب بالتوفيق للجميع
أنا جربت السيارة في الوكالة وجربت شانجان طبعا شانجان مرة ما عجبني أما الهافال تحس انه فعلًا جيب وقوة لكن لسا ما قررت الشراء الا بعد فترة وأشوف السيارة منتشرة في الشوارع
اوكي اخ حسن تكلمت عن الايرباقات وعن نظام السلامه وما تكلمت عن الكلبرات ونظام التوقف آمل تجربه السياره وشرح جميع الانظمه بشكل أوسع وصيانه السياره وفروعها
اجابه السؤال دا بعد 4 سنين اقل شي وعموما اي سياره حسب مستخدمها كيف بيتعامل معاها بس انت روح شوف كيف الصيانة وكيف اسعار قطع الغيار بشكل عام وهل الصيانه قريبه ام بعيده في مدينه غير مدينتك
شوف بأختصار انا ماعلي من ماركة السياره أهم شي عندي التحمل +السعر المنخفض فإذا كانت السيارات الصينيه تتحمل واعتماديه فأنا افضلها على الكزز ٢٠٢٠ نعم اشتري سياره ب٨٠ الف وبعد ٨ سنوات ممكن ابيعها بأي ثمن وأشتري ثانيه اخر موديل ويصير المجموع ١٦٠ الف افضل من أني ادفع 350 الف يعني قيمة ف سيارات وأخرتها الكزز يصنع بالصين ههههه وش فرقت يعني العلامه؟ ولا يعني فرقت العلامه
كلام سليم في اعتقادي البسيط ونتكلم بكل صراحه نشترى سياره معروفه بنظام تاجير منتهي بالتمليك ولسه عليها الاقساط وفيها عيوب او بدات السياره عمرها الافتراضي على العد التنازلي انتا لسه بتدفع الاقساط السياره تفرض نفسها في السوق بس بصراحه الكوري كان فراحان لما جا الصيني قله استريح وانتا شايف في السوق المستهلك او المستخدم الكوري بداء يغير نظرته عن السيارات الكوريه واخذ بدالها صيني مثال ام جي تقارن نفسها مع السيارات الكوريه فقط جوده وسعر ( الياباني - اوربي - امريكي ) بداء وانتها والديليل جميع الماركات المشهوره اصبحت تصنع خارج ارضها هوندا فولكس( تايوتا في الفتره الاخيره تصنع سياراتها في اليابان كمنافسه لهوندا اكورد)
@@abumohmmed7878 ترى الصينيين يجربون سياراتهم بس على العرب اما أمريكا وأوروبا صعب انك تلقى سيارة صينية على فكرة انا مستعد اشتري وانا مرتاح سيارة صينية لكن اذا نجحت اختباراتها في أمريكا وأوروبا
غلطااان ياخوي السيارات الصينية موجودة في أوروبا لكن الحكومات الأوروبية تقدم دعم للصُناع المحليين من خلال شركات التأمين. والشئ الآخر ضرائب مرتفعة جداً جداً على أي سلعة مستوردة
اخوي حسن هل لو تأخرت في استخدام الدبلات في أثر على السيارة وهل ممكن ان استخدم في الاسفلت الدبلات كنوع من تنشيط ليس الا بارك الله فيك وكتب الله أجرك في مساعدتي
السياره هذه فخمه مريحه وحلوه وجميله من الداخل وجباره كإبداع ولكن لو غيروا الفيس لفت تبعها سوف تزداد مبيعاتها وتكون لها شعبيه أكثر بكثير بصراحه لأن الشكل الخارجي مايليق ع المميزات والتقنيات والإرتقاء في السياره هذه
تضل الصناعه اليابانيه هي الخيار الاول لغزو الصحراء والبراري وقطع مئات الكيلومترات خاصه سيارتين لاندكروزر ٧٠ اللي هي الشاص والربع والباترول الفتك خاصه الشاص منه
كان عندي موتور بارت صيني حقه تقريبا 600دولار ....صدق يا اخوان افحط بيه اكثر من هالسيارة هاي بس للامانة مرة وقعت بيه وتكسرت ضلين 3شهور بالبيت 😂 المهم المتور مكفي وموفي اما بالنسبة للسيارة يجوز شغل سنة مقابل دواليب السيارة😭🙋
وصية المصطفى صلى الله عليه وسلم للصحابة بالعمل بهذا الذكر وجوائزه. واهل الدثور هم أهل الثراء. 1418- وعن أبي هريرة رضي الله عنه أن فقراء المهاجرين أتوا رسول الله صلى الله عليه وسلم فقالوا: "ذهب أهل الدثور بالدرجات العلى، والنعيم المقيم: يصلون كما نصلي، ويصومون كما نصوم، ولهم فضل من أموال: يحجون، ويعتمرون، ويجاهدون، ويتصدقون. فقال: "ألا أعلمكم شيئًا تدركون به من سبقكم، وتسبقون به من بعدكم، ولا يكون أحد أفضل منكم إلا من صنع مثل ما صنعتم؟ قالوا: بلى يا رسول الله، قال: "تسبحون، وتحمدون، وتكبرون، خلف كل صلاة ثلاثًا وثلاثين قال أبو صالح الراوي عن أبي هريرة، لما سئل عن كيفية ذكرهن، قال: يقول: سبحان الله، والحمد لله، والله أكبر، حتى يكون منهن كلهن ثلاثًا وثلاثين. ((متفق عليه)). وزاد مسلم في روايته: فرجع فقراء المهاجرين إلى رسول الله صلى الله عليه وسلم، فقالوا: سمع إخواننا أهل الأموال بما فعلنا، وفعلوا مثله؟ فقال رسول الله: "ذلك فضل الله يؤتيه من يشاء".
