كلمات العمل
الشعر لامن دعاني دقه وجلّه
اطوع القاف واطوع مناديبه
اما في وضحً تشوق القلب وتلّه
زينً على اصول يشعاني واماريبه
ولا رفيقً جنابه دمث ما ملّه
حراً على صيدته تدمي مخاليبه
المدح حاجه عظيمه والعظيم الله
ماهوب ينساق غير لماجد وطيبه
يستاهل المجد والتمجيد واجلّه
مافيه عذروب يامدور عذاريبه
ابسهب اسهاب في مدحه وحق لّه
فوق الهقاوي ومرجلته اتهقويبه
متسلسلً من قبيله تسهج الحلّه
هامة مضر لادعاء الحرب وقنب ذيبه
افخر بطاري رفيقي والفخر كلّه
يفخر بطاريه في لونه واساليبه
اصحيبي اصحيب والطّيب رفيق لّه
والله مايلقى مثل ماجد وترحيبه
سيفً ليا من بغيته ما انثلم لله
قطاع بتاع ومكمل مواجيبه
امفرجيَّن سنام الطيب محتلّه
متمركز العز في راسه وماشيبه
ماهوب من ياخذ الوقفات تعللّه
يرهي على الماقف الغصاب ويجيبه
انا اعرف الطيبين اللي على الملّه
اليا فتل كل رجلّ بروس اشانيبه
..
للتواصل والاستفسارات :
الحسابات الرسمية لـ منصة بصمة الابداع .
Official Whatsapp :
الرابط محادثة الواتساب المباشر :
wa.me/message/...
+966562778026
Official Snapchat :
/ a_thane2
Official Twitter :
/ a_thane2
Official Instagram :
/ a_thane2
ـــــــــــــــــــ
12 сен 2024