وعليك السلام ورحمة الله وبركاته. العفو أخي. لا خويا معندهم حتى شي تأثير على البدالة بالضمان. وأنا إن شاء الله هذا الأسبوع غادي ندير فيديو توضيحي،ونولعكم في بعض الحمام ونهضر مزيان ونشرح هاذ المسألة ديال الريش.🙏💚💚
الله يحفظك خويا و يكتر من أمثالك، ا خويا راه قليل لي يعطيك أسرار ديال الولاعة خصوصا احنا المبتدئين تانبقاو ديخين و كنتخبّطوا بين آراء مختالفة و ما كانوصلو بيها حتى نتيجة، الله يرحم ليك الوالدين ا خويا و يجعلها في ميزان حسناتك. عندي واحد السؤال آخر واش نقدر نطير الحمام مع هاد الطريطمو ولا من الأفضل ما يطيرش حتى يسالي العلاج؟
النهار الأول والثاني والثالث كنعطي غير الدوى فالما،والنهار الرابع والخامس كنعطي الدوى فالما،والماكلة كندير فيها سودوكول وممكن تزيد حتى البروبيوتيك(probac 1000. ولا أي بريبيوتيك عندك.
@@abdelazizmansouri1988 عند البيطري متلقاش.ولكن أنا عندي لك حل زوين ورخيييييص بزاف. لعشية غادي يكون فيديو جديد وغادي نوريكم الحل ديال البروبيوتيك.......واخا أنا عندي غادي نعطيكم البديل.....وحتا هو جد فعال ومتوفر قرب الجميع
سلام خويا عصام عندي واحد الملاحظة انه الا كان ممكن الشرابة متحتهاشي في الأرض على حساب الغبرة او خصوصاً السجاني ديال اللعب،ممكن الدير ليها بلاصة معلقة فالفص من الداخل وحده ف اليمين و التانية ف اليسار ديال الباب والقرار يرجع إليك، والله اعلم تحياتي. او تبارك الله عليك سلام من الديار السويسرية 🕊️🕊️
مرحبا خويا ربيع.أولا تحية كبيرة من كازابلانكا. خويا تماما المشكل لي هضرتي عليه مزيان.وإنما أنا كنحط الشرابة فوق الكاليبوتي،باش الغبرة تدور تحت منها،غير بالنسبة لهاد الأيام محيدهم حتا نكمل العلاجات ونعزل الحمام،لأنه حاليا ماكنخليش الما فالسجنة.🙏🙏🙏💚💚💚
ممكن خويا......ولكن هاذاك لعبار خاصك تتأكد منو،،،،لأنه لعبار أنا خدام بيه وبالمباشر وكنعطيه لحمامي أمام الملأ،وحتى نتيجة العلاج كيشوفوها الناس مباشرة،وجميع الإخوان لي خدمو بالعبار لي عطيتهم كانت النتيجة ممتازة وبدون أدنى إشكال حسب شهاداتهم خويا الشبح.........المهم هاذاك عبارك ومسلكك خليك خدام بيه......وكل واحد كيخدم بالحاجة لي مسلكاه........والأهم أخي العزيز هاذاك ماشي عباري أنا من راسي ولا المخيلة ديالي،هاذاك عبار من عند بيطري مختص في هذه المسائل.
السلام عليك اخي عصام عندي واحد التدخل شفت شي حاجة فالفيديو ماشي هي هاديك فالدقيقة 3:25 قلتي بلي درتي يومين ديال الطريطمون ياك او فالدقيقة 6:43 قلتي ها دوا باش كنطريطي غادي نحلو بالمقص يالاه خديتو؟؟؟؟؟ كيفاش يالاه غادي تحلو او نتا ديجا داير يومين؟؟؟؟؟؟؟ مع العلم ان دواء الحمام ديال الآدينو كولي كدير يومين كيبان الفرق مقارنة معك انت درتي يومين او باقي لحمام كيبان مريض او نصيحة من أخ حيد القمح او فارينة من الميلونج
خويا أولا شكرا على التدخل. خويا ألو قلت فالفيديو درت البارح واليوم هو النهار الثاني هادي أولا.....لأنه كان عندي البرودوي،وتعمدت نجيب صاشيات جداد باش الإخوان يتأكدو ونحلهم قدامهم....لأنه أنا كنحيدهم من الصاشيات وكنديرهم فالحكاك،وإذا ما خدمت بالبرودوي لي هو عندي مسبقا كاين لي غادي يقول هاذا داير حاجة وكيقول لينا ديرو هاذ الحاجة.....حتى لهنا حنا مفاهمين........علاش؟أنا مغربي وكنعرفو بعضنا مزيان إلى ما برهنتيش صعيب يتيقوك مع أنه أنا داير غير الخير.......حيت ماكنبيع لا برودويات لا والو،أنا غير مستهلك. ثانيا أخي لم أذكر قط الفرينة!!!قلت القمح،ونعطيك واحد الفائدة القمح من أسرع الحبوب لي كيتهضمو كثر من الدرة البيضة.حوالي ساعتين كيكون تحضم وحيد من الحنكورة.......وهادشي خويا ألو بحكم تجربتي المتواضعة. أما بالنسبة الفرينة عامة أنا قاصيها نهائيا من التخليطة إلا في وقت التفريخ. ومرحبا أخي وشكرا بزاف على التدخل ديالك.