هجرة بقلم والقاء عبد العلي فيلالي بالحاج 

با ناس لعقول حكمو على عقلي ومقالي واش هذا معقول ما دارو فيا لعزيز لغالي شكون يخمم فجواب سؤالي دياق لحال علينا وقلنا هي ظروف وخوات الخوت يدينا حتى من المصروف والوقت سيف يقطع ويشالي ضيق لحال ما يفيد فيه تيساع الخاطر وذل السؤال يرد قلب حبيبك عليك كافر وكلامو يولي مر من الدفالي غاب لحبيب وانسى اصلو تقول ما عندو مرا او ولاد معدومين الجهد كيف يعملو لو ما باقي فالدنيا لجواد ومنين نجيب راحة بالي قلتي عام او عاماين تغيب قلتي تمشي دغيا وتجيب الدنيا ايلا بغات تجي بسبيب وانت ما جيتي مالي ولا خالي اداك الغايب فبلاد الغربة واش نسيتي او تساين وجبة بحال ناسك ما تلقى محبة ولا تلقى والي بحالي ولا تالي