هدف الاهلي القاتل في الرجاء البيضاوي من مدرجات ملعب الريان بالدوحة 

من اكتر الاجوال اللي فرحتلها يتحط ضمن قايمه الاهداف الغاليه في تاريخ الاهلي ،لان الهدف ده كان غير متوقع اه طول عمرنا كجمهور الاهلي مش بنيأس وبنستني الفوز حتي بعد صفاره الحكم بس سيناريو الماتش ده مكانتش بيدل ان فيه هدف تعادل للاهلي جاي الفرقه مكانتش في يومها والمنافس كان في يومه جدا وكمان كان بيدافع كويس جدا والرجاء فرقه عندها خبرات فكانت بتموت الماتش بلغه الكوره ولعيبه الاهلي بتضيع فرص غريبه ومكناش بنعمل فرص كتير اساسا انا كنت بصراحه فاقد الامل وجه الجول خلاني اتنطرت في الهوا ومسكت دماغي من الذهول والفرحه في نفس الوقت ،تشجيع الاهلي نعمه كبيره