بعيد عن موضوع هدى اني طالبة سادس دور ثاني تقدملي واحد هو طالب مرحلة رابعة بس عنده شغل يعني عنده راتب هو خوش ولد وهله زينين وبيته بوحده ويقبلون اكمل دراسة بس اني ماريد اقبل بس اهلي يلحون عليه هواية واصلا همه اذا ماتزوجت مايكدرون يدخلوني كلية لان مصرف وهيج فيكولون تبقين كاعده السنة الي تجي المهم فهمه يكلون اقبلي بيه هو الولد اخلاق و محترم لابعد درجة يعني حتى اخواته واهله يكولون هو احسن ولدنه لان انسان صادق ومعتمد على نفسه بس اني يعني جاي ارفض بحجة انو شكلة مو حلو مدري شنو بس هو مقبول والله مابيه شي بس اني احس مامقتنعة انصحوني فدوهه اقبل لولا لان الشكل ابد مومهم واني راح اعيش وي اخلاقة واحترامه الي فالمهم شتكولون اريد نصيحة يعني بليز بدون تجاوز
كعدي وياهـ جلسة شرعية بوجود اخوچ الصغير او ابن اختج او اي شخص محرم الج تفاهمي وياهـ شوفي اسلوبة وشخصيته اسئلي كل الاسئلة الي بالچ و كوليله شنو شروطچ و بعدين صلي استخارة إذا ارتاحيتي للولد اقبلي بيه و خلي فترة خطوبة معقولة مو شهرين او ٣ كون فترة تكدرين تتعرفين بيها عليه وتتفاهمين وياهـ + لا تتسرعين بقرارچ لان منو يكول وره ماتتخرجين يتقدملچ هيج واحد مكون نفسه من هو و صغير وبيت و شهادة وظيفة و خلوق ومرتب و معتمد على نفسه
انا من رأيي الشخصي انو هي عصبت حسب مافتهنت انو صايره عليها هجمة مااعرف هجمة شنو وهو ساكت هيج افتهمت شوفوا لحد يسوي مثلها يعني هي غلطها مو لأن ردت عليهم تكدر ترد بطريقة محترمه بس هي جانت عصبيه وكامت تحجي كلام هواي وتشمر ومدري شنو وتحجي علي وهو هيج وهو هيج الأفضل انو من نكون بحالة عصبيه لا نكعد نحجي يم احد ولا نكعد نفضح وننحجي ع الطرف الأخر ولا اي شي وهمه المشاهير بس يضوجون من الطرف الثاني كبل يفتحون بث ويبدون يمسلتون ويحجون حجي زايد المفروض هيج منسسسوي نكعد ويا نفسنا ومنشكي لأحد ابدددد الشكوى لرب العالمين فققققققط واذا ضاكت بينه الدنيا نحجي لأمنه هي تدفن سرنا ومنحجي لأحد ومانتخذ اي قرار واحنه بحالة عصبيه بل حالة العصبيه نتخد الصمتتت ونكعد وحدنه نفكررر بهدوء واكيد ماننسى نصلي ركعتين ونشكي لرب العالمين هو يسهلها هو يدبر كل الأمور ويمشيها ويحلها مو الناس العالم تفضح ماتنصح وبل نسبه للمشاهير يكبون ويتعاركون وقال وقيل وتالي يرجعون كانما شيء لم يكن منو الي انضحك علي 😂 المتابعين فالذالك لا تصدكون وتكعدون تنشرون ومدري شنو لأن احنه طرف ثالث بكل بساطة فا انتبهوا ع نفسكم من تكونون عصبين لا تتخذون اي قرار وسلموا امركم لرب العالمين ولا تدخلون احد ابداً ابداً ❤❤❤❤
صدكوني كلشي يصير للمراة من ورا عقلها البطال يموعدة كوني زكية و استخدمي عقلك ماكو علاقة بالدنيا ما بيها عركات خوما اخر الدنيا اذا ضجتي هي الدنيا هيج لازم نتحمل الحياة بكل اشكالها
حبيبتي هدى اني مرآ كبيره بالسن انصح نصيحه للهان تهدي وترتاحي ولا تعرضين صحتك للخطر ترتاحي واهدي انتو ثنينكم صغار السن اتركي الموضوع الوقت كفيل أن يصلح كل هذه المشأكل ولا تكبرون القضيه وتأكدي ما من زواج استمر الا ومر بكل هذه التفاصيل انتي نصدمتي للواقع هو هذا واقعنا. اني اتمنى تركين هذا الموضوع وتستمرين بعملج لان بس هو بخليج توكفين على رجلج
عمري تره عادي صير هل مشاكل والله العظيم ماما وبابا يعني هسه كبرو وصار عتهم جهال واحنه اني جبيره سادس علمي ولحد الان عركاتهم مال مراهقين وكولساع حارك كلب ماما ب شي ومتعصبه ماما والله حت سكر صار وراها من وره لعصبيه وكل هذا كاعده بيت رجلها وساكته مو قصة ماعدها يدافعون عليها لا بس تكول من اروح واعوف بيت زوجي اروح لهلي وهسه منو واحد اله علاقه ب ثاني كلمن يكول مرته واطفاله وهمات علمودنا احنه جهالها مهم مختصر كلامي انو تره كولشي يصير عادي واعرف اي مره متتحمل صحيح بس شنسوي + تره عادي تتغيرين وتوكعين وكولشي لنو حامل وخاصه اول شهور ونفسيه تتغير مزاج عصبيه صيرين اني رغم طالبه بس الحمدلله معلوماتي قويه قويه 😂 لاتحسدوني احبج هداوي والله
البنية م معقولة تفتري عليه هو من شكلة مو مريح بالاضافة لذلك ماكو احد كان يعرفة من تزوجوا يلا نعرف بالسوشل 🙂🙂 ع كلا الله يحفظ الطفل بينهم ماله ذنب ديصير بين والديه❤
حبيبتي كل الي صار بيج من ايدج انتي نطيتي عين ودللتي زايد وانطيتي الااكو والماكو ومطلعته ملاك كبال العالم ف كل الي صار بيج من ايدج الف مره نكول ونعيد ونزيد الذكور مومال دلال وعيني واغاتي مال واحد يعاملهم بالعين الحمره حتى يمشون عدل ويانه المهم الله يبرد كلبج ان شاءلله وياخذلج حقج من كل شخص ظلماج وحوبتج مضيع ان شاءلله
ماما عيب تحجين على زوجج خليه مشاكلكم بينكم تره ناس مأسوية حل بس سوي فتن وتعلق تعليق تخلي واحد يطلع من طوره عيفي هذه لحجي مايفيد خلي يجي وكعدي وياه وتفاهمي ويا بما يرضي الله لا تنسين راح تكونين ام لازم تتحملين معليج ب بناس كثر ناس تحجي وجهين
المثل ايكول الي تاخذالخيراتخيروالي تاخذالسفلي تغيرويطيح حظهاوتصيرترندوتسولف الوالدم بيها والله حقج ماالومج من حركةكلبج والناس مايهمهم لان الشغله ماتخصهم بس المجروح يعرف
ربي استر علينا وعلى بنياتنا بستر الزهراء وين وصلنا لعد صرنا ندهل بيوت العالم ونسمع مشاكلهم واحنا ببيوتنا ...لعد وين الحب والسوالف الحلوه الي چنه نشوفهه بالبثوث طلع كله جذب حتى مصارلكم ست شهور من ازوجتوا وين لحكت كل هالمشاكل اصير بينكم
حبيبتي ترى انتي وياه واحد يعرف الثاني ونتم خططتو ونتم ازوجتو ونفصلتو احنة شعلينة بسرعة ازوجتيه وحبلتي منه وهسة صيحتيه شنو هسة عرفتيه عرفتي طبعة وين جنتي منة بعدين هوة بغداد ونتي محافضات معقولة ماتعرفينة كولي لين منعج من التصوير والشهرة انتي مارتيه بعد هية هاي كل القصة
